اللي مستغنية عن الخدامة و متحكمة بشغلها برة البيت و داخله اتدش

[ليمون ونعناع]

مكتبي بارد


اليوم غدانا عيش باجلا
مع دياي بالفرن

الطريقه
انظف الدياي
عيش مغيول ومنقوع
باجلامغسوله ومنقعه واشيل القشور منها
شبنت مفروم
بصل مفروم
لطاط لاني احبه

خلطه الدياي اليي نحبه حطيته ؛روب وكاتشاب وماسترد و خل و البهارات لومي ودارسين وشويه ملح فركت فيهم الديايه
وحطيت خضار وبصل وحطيت الصينيه بالثلاجه تتبل

العيش اسويه مشخول نص سوا بعدين حطيت زيت بقاع الجدر مع بصل وبطاط وكركم وملح عقب اضيف نص كميه العيش بالجدر واحط نص كميه الباجلا والشبنت ويهدين باجي العيش يعذين باجي الباجلا والشبت

ممكن ترشين فوق العيش زرش يعطي طعم حامض وشكل حلو للتقديم

 

[زوجي توأم روحي]

هلا ليمون وغلا


حبيبتى هذى مو تسريحتى بس نفس ترتيب تسريحتى تقريبا

 

[ليمون ونعناع]

سوري علبدليات قاعدة اكتب من ايفون

 

[زوجي توأم روحي]

تسلمين ليمون عالوصفة شكلها لذيذه

 

[ليمون ونعناع]

هلا توام روحي

اشلون اجواء الامتحانات

 

[سوسو حبيبتى]

توام روحي اكتر شي عجبني رضعه الاسد هههههههههههه نيااااوووو

وجيتى ع الجرح انا عقدة حياتي ايدي بس انتى اى طريقه تستخدمين فى كل دول؟؟؟

السوبيا هى بودرة تنباع عند العطار لونها ابيض يسونها عصير

 

[سوسو حبيبتى]

انا اليوم مكسله ع الاخرررررررررر

عايزة اطلع اشتري اغراض وكسلانه والبيت قايم قاعد وكمان كسلانه

شراايكم اعمل ايه.؟

 

[زوجي توأم روحي]

هلا ليمون الحمد لله يوم الأحد الياى آخر امتحان ان شاء الله


سوسو انا استخدم الليمون


وبالنسبة للكسل عادى كلنا نمر بهالمرحلة


اول شئ نزلى اشترى الأغراض بعدين ابدى بالتنظيف


الصبح انا أحب أغانى فيروز تعطينى نشاط وتفاؤل مو طبيعى

 

[زوجي توأم روحي]

بنات من وين أقدر اشترى هالغسالة حق السفر وفيها نشافة بعد ؟؟؟

 

[ليمون ونعناع]

سوسو اخذي شاور تصحصحين و روحي نزل يالسوق راح تحسي براحه نفسيه
شربي ليمون ونعناع

 

[ليمون ونعناع]

توام روحي بتاسفرين سيارة والا طيارة
اذا طيارة خوفج يصير وزن
لمن توصلين وجهتج اشتريها احسن
واذا سيارة اوكيه ماتحاتين وزن
شوفي الغانم او كارفور

 

[ليمون ونعناع]

شوفو بنات انا حاظه ستيكرات ورود مثل هالفكرة وايد حلو في بيت الدرج




وامس شفت نفس هذا ينفع ديكور لحديقه
حسافه ماكان عندي كاش واهم ماعندهم كي نت
بس بطلبه اليوم يوصلون ليم البيت





اللي شفتهم احلى وكيوت

 

[سوسو حبيبتى]

حلوين ليمونه ابقي صوري لنا

المشكله لو طلعت هارجع تعبانه وانام

شكلي ها ااجلها لبكرة ان شاء الله

 

[سوسو حبيبتى]

طريقه عمل بوفيه صغير

شيلي الكراسي

حطي مفرش وصحون

وعلى طاوله جانبيه

وان شاء الله الفكرة تعجبكم

 

[ليمون ونعناع]

سوسو حبيبتي

البوفيه دايما نسويه نفس هالطريقه بجمعه بيت يدي

يسلموو

 

[PuPa^^SWeeT]

شوقتييني على المواعين


تدرين صايرة ايمع مواعين كشخة


معنه محد يزوورني


بس جذي استانس


شكل الصحن مع طبخي الله



<<< مو مصدقة انها اتعرف تطبخ

 

[اطباق ماي ورد]

مساء الخير على الحلوين وعلى السنعين بس

والحمدلله كلنا سنعين


زوجى توام روحى ابدعتى حبيبتى مشاركات ولا اروع خصوصا خلطات النعومه

الا بسالج
كريم مسائي من الزيوت ـ للأيدي الجافة : ​

​

المكونات :
ـ 1 ملعقة صغيرة عسل نحل.
ـ 2 ملعقة كبيرة زيت زيتون.
ـ 1 ملعقة كبيرة زيت سمسم.
ـ 1 ملعقة كبيرة زيت لوز.
ـ 2|1 ملعقة كبيرة جلسرين.
التحضير والاستعمال :
يُسخن العسل على نار هادئة حتى يصير سائلاً جارياً ثم يضاف إليه الجلسرين وباقي الزيوت ، ويقلّب الخليط جيداً.. ثم يحفظ في زجاجة.
يُدلّك هذا المستحضر باليدين كل مساء.. ويلاحظ أثره على بشرة اليدين. بعد أول مرة من الاستعمال.​

​

​

هذا الكريم تهقين ينفع حق باجى الجسم بعد والا لا ؟

والغساله انا شايفتها بس وين عاد ناسيه بس شوفى الغانم ان شاء الله تحصلينها وفى بعد بالجرايد الاعلانيه تحصلينها مع اللى يبيعون اشياء غريبه


ليمون ونعنعاع ...اشلونج حبيبتى يعطيج العافيه على الطبخه

وهااا ما قلتيلى اشلون الكارى وياج


سوسو .... شنو هالسوالف العجيبه والاسماء الغريبه لووووول

كسلى ياختى وراكى ايه خدى راحتك محدش ملاحقك ... اش رايج بالمصرى ههههه

​

 

[اطباق ماي ورد]

بوبا .... جمج انا ياربى اقول حق روحى بسج طفحتى مواعين وهم ماكو فايده

 

[اطباق ماي ورد]

بنات ما عندكم فكره اشلون انزل الصور حق اللاب توب من جهاز السامسونغ​

 

[PuPa^^SWeeT]

مادري


شوفي ماكو واااير