اللي مستغنية عن الخدامة و متحكمة بشغلها برة البيت و داخله اتدش

[سوسو حبيبتى]

امبيه انا صج زهايمر

ملزلزة سلامتك بالنسبه للضغط انا كانت اختي بالحمل نفس حالتك

اشربي كركديه بارد تعرفيه؟؟؟

 

[Melazlaza]

اي سوسو قلبي دايما اسويه بالبيت بس ماحبه
الحين الحمدلله صرت احسن واراقب ضغظي
الله يسلمج حبي


بوبا مالومج اغلب الموظفات يكونون عيايز وانواع اللعانة والمداحر لا واذا كنتي تلبسين رحتي فيها لازم عبايه سوده وماكو مكياج عشان يحبونج لووووول

انا تجربتي مع المدارس خايسة بس اخر مدرسة كانت بمنطقة اعوذ بالله انقلوني اجباري عقب الامومة بس زر عقلي واستقلت امبي شي فضيع المدرسات الي بالقسم يحشون فيج بويهج ومن وراج ومن يمينج ومن يسارج ههههههههههههه
شنووووو حسيت براحة لما افتكيت منهم الحمدلله اقلل مصاريفي ولا تتعب نفسيتي
اشتري راحتي النفسية باغلى الاثمان

بس بوبا انتي حقري جابلي شغلج عساس تردين البيت بدون شغل
ضربي عصفورين بحجر



دلول يني يني ما غيره لوووووول
هم انتي تعانين من الدوام
اعرف وحدة كانت تداوم مختلط ومرتاحة صج كرف بس عمرها ماتضايقت من موظف
غيرت دوامها راحت مكان كله حريم امبيه ينت الا شوي هههههههههه واستقالت

 

[ليمون ونعناع]

قوه
امس داومت ورديت نمممممت لين ٩ونص باليل
وبعدها سهرت ولدي صخونه واحط له كمادات بعدين دوام

اليوم غدا من بره


بوبا
انتي سوي شغلج وردي البيت ولا تديرين بال صغريها تصغر كبريها تكبر

انا الحمدلله دوامي خلط والحريم لازم سوالف الغيرة والنقزات بس انا اعطي طاااااااف محترم ولا يهمنيييييي عقبها يملون ومايتحرشون لان مايلقون ان انا اهتم فتنكسر عينهم وعقبها يصيرون رفيجاتي لمن يعرفون ان لمن البس واكشخ لنفسي مو ابي اقهر احد او اتشيحط او حديثه نعمه
الحين حمدلله كل البنات رفيجاتي الا وحدة معقدة شوي

ملزلزة
انا كنت اخذ بيبي اسبرين بس موعشان الضغط لا لان الدم ماكان يوصل للبيبي
بس وقفته اذكر بالسابع او الثامن رفيجاتي نبهوني لان يسوي سيوله بالدم وموزين عشان لايسوي اسم الله عليكم نزيف وقت الولادة

متى موعدج الله يقومج بالسلامه ويسهل ولادتج ويرزقج الي تتمنينه بصحه وعافيه

 

[ليمون ونعناع]

دلول
صاجه القطن هذا ماادري ليش يطلع ويتجمع تحت الاثاث لازم تنظفين تحت الاثاث بعد نفس طريقه الي قالو عنها البنات


سوسو
انا احب الحليب بالزنجبيل بس بدون زيت زيتون واايد زين للكحه والانفلونزا و ايضا يحرق الدهون

 

[Melazlaza]

ليمون حبي سلامته وليييييدج اذا صخونته مستمرة حطيله تحميلة تريحه
حبيبي كسر خاطري

وانا اخذ بيبي اسبرين دكتوري واصفه لي عشان لا يتكرر الي صار بحمالي الاول
ان شالله شهر اربعة ولادتي الله يهونها يارب

وصح كلامج الحقران احسن حل بس نظام المدارس غير
غرفة محشورين فيها الحريم وويوههم ابعض والمدرسة بكبرها ترسها حريم على قولتهم نسوان لووووووول
يعني غمته
بس مالها الا مجابل الشغل يفكج شوي منهم

 

[ليمون ونعناع]

الصراحه أجمل منظر على وجه الأرض


http://bit.ly/zabLQG
حال اللي ماعنده حبيب في عيد الحب </3

http://cutt.us/pin26114c6d-BZI .


LoooooL :'(

 

[ليمون ونعناع]

الله يسلمج

انشالله بحوله على التحاميل

 

[ليمون ونعناع]

الله يسهل عليج يارب

ويقومج بالسلامه انتي والبيبي
عرفتي بنت والا ولد والا مفاجأه

 

[ليمون ونعناع]

الحمدلله والشكر توقيع اشكبره مكتوب فيه مواليد ابريل ومقريتهرالا توني

 

[سوسو حبيبتى]

ملزلزة ف حد ف الدنيا ما بيحبش الكركديه ؟؟ انتى شكلك بتعمليه غلط

خليه ساقع تلج وحطي معاه سكر طعمه رهييييييب .. وانتى بتعمليه تنقعيه فى مياه سخنه مش تغليه

ليمون انا بموت ف الزنجبيل مع الحليب بيهدي اعصابي وساعات بحط معاه تمر

على سالفه ابنك اسم الله عليه الله يشفيه

مره سوسو كانت سخنه واخدناها الطواري الدكتور قال لى انه لازم امشي ع العلاج بعدد ساعات معين

وانه طبيعي ان السخونه ماتنزلش لمدة 4 ايام .. وخطر جدااا تتدي له جرعات اكتر من المحددة لانها بتعمل حاجة اسمها

اوفر دوس (يعني جرعه زيادة )

والله يخليه لك ..هي مرحله التسنين بشكل عام اصعب مرحله ع الام والطفل

 

[توتاتوتا]

<< ما تقلد

مشكورة ملزلزه عالسؤال

شخباركم يا حلوات بوبا - كيم - دلول - زوجي توام روحي- سوسو - انت بقلبي - ليمون نعناع - ونتر اختفيتي ؟ عسوله وينها؟
ان شاء الله ما نسيت احد

كنت امر عالموضوع من وقت لوقت بس كسل اسجل دخول للمنتدى و اشارك اخرتها طاح جوالي في المرق و يسلم عليكم شبع ودام

عاد الشريحه مافيها و لا رقم عايشه اجمع ارقام و اسئل من المرسل!؟!؟

 

[Dloool_q8]

توتاتوتا ولكمو

توني راده من مركز سلطان شرق شريت لي مساحه يديده و تعرفون المساحه اللي تنلبس نفس الشبشب <<<ى حلوه شبشب لوووول

خذيت منه دس حق الاسطح

 

[سوسو حبيبتى]

دلول مافهمت كيف يعني شبشب ؟؟

توتا هلا حبيبتي نورتي البيت ...صحتين وهنا على قلب تليفونك ههههههههه والله يعينك على تجميع الارقام

بنات انا بمسح الارضيات بفوطه قطن قبل كنت امسح بالممسحه الى فيها قماش كانت تسوي شعر زي ماانتوا بتقولوا

بس الحين لا الفوطه مريحاني

 

[ليمون ونعناع]

صباح الخير على الجميع

توتا هالتلفون ياما كلى ويانا هههه

سوسو لاتخافي انا ماشيه عالوصفه كل ٦ساعات ٥ملي واذا مافي حرارة مااعطيه ولكن بعض الاحيان الحرارة ماتخف حتى لم اعطيه الادول واذكر الدكتور قال بعد ان التحاميل مفعولها اقوى واسرع

الحمدلله اليوم احسن
العطله عندكم بقطر بمناسبه شنو

شوفو نطامنا الغذائي بكرة
الافطار

صمون مدور مع شرايح تركي وجبن وبحطها بالشوايه واسكر عليه
نقانق مشوح بالمقله مع شويه فلفل وكاتشاب ومسترده مع صمون
شاي اوعصير


الغدا
دجاج بخلطه سريه بحط طريقتها بالمنتدى حصريه وماكو مثلها
مع عيش مشخول لزوجي بس وبطاط مشوي بطريقه العضوة ديفا
سلطه عبارة عن خس ملفوف ذدرة وفلفل اسود

العشى
فواكه مع روب

وبالعافيه

 

[زوجي توأم روحي]

صباح الخير يا حلوين

وحياكم على الشاى بالنعناع علشان نهدى أعصابنا




ملزلزة تسلمين حبيبتى وانتى شمعة الجلاس مثل ما يقولون عاد لا تنسين اتزهبين اللهوم والحسو واتجهزين كل أغراضج علشان ما تتعبين وللبيبى اشترى الجهاز اللى يعقم المميات والجهاز اللى ينظف الخشم بالبطارية من الصيدلية يهببببببببل ويوفر عليج وقت كبير وزهبى الينسون والحلبة للبيبى بعلب زجاج واتفقى مع اللى بترددج يوم 7 و8 و9 الولادةوربى يسهل عليج يارب
باى مستشفى بتولدين ؟

دلول عساج عالقوة حبيبتى سنعة

سويت بوبا ميخالف حبيبتى والله بالدوام ياما بتشوفين
بس ما ابى أحبطج مهنة التدريس مهنة شااااااااااقة ربى يعينج

سوسو حبيبتى ليكى وحشه

توتا توتا ما أعبر عالصور اتهبليييين

والبنات اللى غايبين عن التجمع فقدناكم كلكم


والله يا بنات احنا المفروض نفتخر بنفسنا حيل
شايلين بيوت بروحنا
غيرنا اذا قالتلها الخدامة بسافر تقعد تبجى ويصيبها انهيار عصبى يا حافظ
لا والموضة اليديدة بس تملج تطلب الخدامة علشان توصل على موعد العرس
والله أشوف بنات بالعشرينات ما تعرف حتى تسوى شاى وما فيها حيل حتى تنظف غرفتها
بس فالحة تتزهلق من بره حق الأفنيوز والمارينا
واللى يدش غرفتها تلوع جبده
يعنى باختصار عالله ثم على الخدامة
حتى صينية الأكل لما تاكل مالها خلق توديها المطبخ
كسل غير طبيعى وحتى الأم ما تهاوشها لا بالعكس تساعدها وتنادى الخدامة تنظف تحتها
هذى بالله شلون تفتح بيت ؟؟؟

وان تحججوا تحججوا بالدوام
والله الدوام ماله شغل
الخاملة خاملة والسنعة سنعة والوصخة وصخة ماكو فايدة
بس احنا السنع والمنع

افتخروا بنفسكم وخلوا الابتسامة جذى



انتوا اللى ينقال عنكم حريم صج

والحين خلونا نشم الهوا الحلو عند الدريشه وخذوا نفس عميييق



وتعالوا اسمعوا هالأفكار اللى بتساعدكم بحياتكم اليومية





السلام عليكم ورحمة الله وبركاته





للتخلص من النمل:

ضع قشر الخيار في المكان الذي يخرج منه النمل​

للحصول على مكعبات نقية من الثلج:​

إغلي الماء أولاً​

​

لجعل المرايا تلمع:​

إمسحها بالسبيرتو​

​

لنزع العلكة عن الملابس:​

ضع الثياب في مجمد الثلاجةلمدة ساعة​

لتبييض الملابس:​

ضعها في ماء مغلي مضافاً إليها شريحة ليمون لمدة عشر دقائق ، ثم اغسلها​

​

لإعطاء الشعر لمعاناً:
أضف ملعقة صغيرة من الخل للشعر ثم اغسله جيداً .​

​

لجعل الليمون يعطي أكبر كمية من العصير:
ضعه في ماء ساخن لمدة ساعة قبل عصره .​

​

لإزالة رائحة الملفوف أثناء الطبخ:
ضع قطعة خبز فوق الملفوف في الوعاء​

لإزالة رائحة السمك من اليدين:
غسل اليدين بقليل من خل التفاح​

لمنع الدمع عند تقشير البصل:​

امضغ علكة.​

للتأكد من صلاحية المشروم:​

رش قليلاً من الملح على الفطر ، فإذا تحول لونه للون الأسود فإنه جيد وإن تحول لونه للأصفر فإنه سام . ​

​

لسلق البطاطا بسرعة:
قشر حبة البطاطا من جهةواحدة فقط قبل السلق​

لسلق البيض بسرعة:
أضف قليلاً من الملح إلى الماء​

لإذابة الدجاجة المجمدة:​

ضعها في ماء بارد مضافاً إليه ملعقتين كبيرتين من الملح​

​

لمعرفة السمك الطازج:
ضعه في ماء بارد ، فإذا طفا على السطح فإنه طازج​

لمعرفة البيض الطازج:​

ضع البيضة في الماء ، فإن رسبت بشكل أفقي فإنها طازجة وإن رسبت بشكل مائل ، فإن عمرها 3-4 أيام وإن رسبت بشكل عمودي فإن عمرها 10 أيام وإن طفت فإنها فاسدة​

لإزالة الحبر عن الملابس:
ضع كمية من معجون الأسنان على بقعة الحبر، واتركه حتى يجف تماماً ثم إغسل كالمعتاد​

​

لتقشير البطاطا الحلوة بسرعة:
ضعها في الماء البارد فوراًبعد نضجها​

​

لإزالة الحشائش من جوانب الطريق:
رش الملح عليها​

للتخلص من الفئران:​

رش الفلفل الأسود في الأماكن المحتمل وجود الفئران فيها ، عندها تجد الفئران تخرج هاربة بسرعة​

لإبعاد البعوض خاصة في الليل
ضع بضع أوراق نعناع طازج قريباً من الوسادة وفي أنحاءالغرف

وان شاء الله أكون فدتكم:eh_s(7):​

 

[Winter Q8]

حبايبي مشكورين على وقفتكم معاي الحمدلله النفسية تمام ..
و شغل البيت يتلي وحده تساعدنا و خلصناه ..
و ان شاءالله بعد عطلة العيد الوطني راح اداوم ..بيني و بينكم تعودت على قعدت البيت صارلي 9 اشهر معطله ..و دورت حضانة حق ولدي يا قلبي عليه .. الحمدلله شفتهم نظافة و عناية وتعقيم الصراحة اكثر مني بعد و بتوكل على الله و اسجله و الله يكتب اللي فيه الخير ..

و ادري وعدتكم بطبخات سهلة و لا تاخذ وقت .. ان شاءالله احطها لكم
بس الحين عني لكم هالريسيبي من منال العالم وايد لذيذة و سهلة و ما تاخذ وقت كلش

• فيليه الدجاج مع الخضروات والنودلز " انا استخدمت النودلز العادي بس طبعا بدون بهاره لان وايد ضار و مو صحي "
  

 

[زوجي توأم روحي]

حياج الله وتنر

والحمد لله رجعت نفسيتج تمام

طبعا انا الخدم اللى بالساعات أييبهم لما أكون مريضة ووقت الأزمات

والحمد لله

وبانتظار الطبخات

 

[ليمون ونعناع]

زوجي توأم روحي
كلامج كله سنع وصحيح
المفروض الام تزهب بنتها تكون راعيه بيت وتعلمها النظافه والاعتماد علنفس

والبيت ماينظف الا اذا جابلته الام او الزوجه

وردودج تبرد القلب و والله ودي احط عندي اصيصه نعناع من كثر مااحبه


حطيت الدياي يفوح بالماي ورحت الدوام وقلت للخادمه تطفي الجوله لمن يستوي
ولمن ارد من الدوام اكمل طباخ بسوي الغدا واصور الطريقه واحطها واحط لكم اللنك

 

[بقلبي انت]

السلام عليكم ياحلوين والله يعطيكم الصحه
والعافيه

بوبا حبيبتي مالج شغل فيهم اهم مايتكلمون إلا من الغيره إلي فيهم طنشيهم واخذي حسناتهم ههههه
ملزلز ماشاءالله توني ادري انج حامل الله يقومج بالسلامه والبيبي بصحه وعافيه انتي مةل اختي عطاها الدكتور
حبوب مسيله للدم لان الدم ماكان يوصل للجنين ووقفه بالسابع واهي ولدت باخر الثامن
مسكينه ماكانت تدري ولاجهزت شغلها فجأه حست بالولاده

وانتي سوي شغلج من الحين احسن عشان تكونين مستعده

سوسو صح الفوطه القطن احسن للسيراميك ماتوبر ولا طلع شعر

ونتر ان شاءالله تكونين بخير والصحه تمام

زوجي توأم روحي ياختي والله من اشوف ردج اضحك واستانس من الصور والتشجيع
والله كلامج سنع اذكر قبل كان ماعندنا خدامه كنا بس نرجع من المدرسه ندخل المطبخ نساعد امي
بغسيل المواعين وتنظيف الغاز ومسح الارض لا وكان امتحانات فتره اخر السنه
ونشتغل بالبيت وتدرس والحمدلله نجحنا ومافينا إلا العافيه بس صج امهات الوقت هذا معتمدين عالخدامه عشان جذي تلاقين البنات
نفسهم انا الحين قاعده اعلم بناتي عالشغل والله باجر لتزوجوا وراحوا عند حمولتهم راح يبين السنع من الخمال خلهم يمدحونهم ولا يذمونه

ليمونه مايشوف شر ولدج وان شاءالله يقوم بالسلامه والله انا اخاف من الحراره اذا جت لعيالي

دلول صوري الممسحه إلي نفس الشبشب بشوفها عندي فضول


*

 

[بقلبي انت]

لووووول ملزلز توني استوعب توقيعج من حوامل شهر اربعه
العاده انا ما اطالع التواقيع اطوفها ههههه