اللي مستغنية عن الخدامة و متحكمة بشغلها برة البيت و داخله اتدش

[زوجي توأم روحي]

ليمون ونعناع وبقلبى انت

تسلون حبيباتى

والله من حر مافينى اتكلم

عيل هالبنات كل وحده نايمة على ألآيفون والآيباد واذا حست بالعطش

تتعييز تقوم تييبلها قلاص ماى
ربادة مو طبيعية

وبعض المتزوجات الله يهديهم على ألعن
ناقص بس تقول للخدامة اخذينى غسلى ايدى بعد الغدا

عيل مرت على شيخ عندنا حالة واحد جاى يطلق مرته
تخيلوا يقول للشيخ
مرتى كسوووووولة وكل شئ على الخدامة
لدرجة انى مره كنت أتسبح وماكو فوطة بالحمام
فتحت الباب وصرخت عليها قلتلها فلانة جيبيلى فوطة

والا تخيلوا قامت تنادى الخدامة مييييرى روحى عطى بابا فوطة ...!!!!!!
بالله هذى مره ؟

وبعدين تحسبون لما الريال يدخل البيت والمره مرتزة بالصالة وتب الحب جدامها وتطالع المسلسل التركى والخدامة تتراكض هنى وهنى تخم وتمسح بايد والياهل بالايد الثانية

تحسبون الريال ما ينقد ؟
الا ينقد وينقد وتلوع جبده بعد ويبلعها ويسكت

بس بيقول داخله الله يعافى الخدامة اللى شايلة بيتنا

 

[ليمون ونعناع]

صاجه
لازم الريال يحس بوجود زوجته وتسوي فرق بحياته والا ليش متزوج
لاتحترين ياقلبي سلامتك من الحرة
وبصراحه الزوجه تقول للخدامه عطي بابا فوطه صراحه بدعت يعني ماتغار ماتحس انا الخدامه مااخليها تجيس الاكل ولا اتييب شي لريلي انا اجابله و صينيه الغدا والعشا والريوق انا الي اشيلها واحطها
كان يقول لي خلي الخدامه تساعدج اقول له لا ما لاداعي كلها ثواني وانا حاطه كل شي
واهو كان متعود ند حمولتي ان الخدامه تسوي كلشي مع خالتي حتى قلاص ماي مايقوم اييب
الحين والله لمن يشوفني ماابي الخدامه قام اهو يشيل معاي الاطباق ويساعدني بالمطبخ

 

[ليمون ونعناع]

http://www.q8yat.com/t484410.html

وايد عجبني هالموضوع

 

[Melazlaza]

قوة بنات شلونكم
بعد قلبي مشكوووووورين عالاحساس الحلو
والله يسهل يارب قاعدة احاتي وليدي لي دشيت المستشفى حياتي بيفقدني فديته

اووووووف زوجي توأم روحي انا فيني تراكمات من هالحريم
كانت معاي مدرسة تخيلي يايه متضايقه تتحلطم علئ ريلها والا شنووووووووو؟؟
تقول مافي فوطه نظيفه يمسح فيها وقاعد يزف قتله خو انا شكو الخدامات ماغسلوا!!!!!!!!!
واي بغا يوقف قلبي عندها خدامتين وريلها مو محصل فوطه نظيفة بالشقة!!!

والا الثانية عندها خدامتين وهم شقة وريلها يكوي ملابسه تقول الخدم مايمديهم وماعندها غير طفلين!!!!
لااااا وتقول الله ياخذ الرياييل ههههههههههه

ودروا ماعندي خدامة صرت منبوذه وشنوا حرب علي ههههههههه والله مجتمعنا متغير حيل قبل الي قايمة ابيتها هذي السنعة الي كلمن يمدح فيها
والحين الي مكودة خدم وقاطه اليهال عليهم هذي الزينة الي منظمة امورها!!
والا الموضه اليديدة يقولج الياهل ما يتبتب الا على ايد الخدامة !!

 

[ليمون ونعناع]

امبيييه مو صج شنو هالخماااااال
عاد الخدامه تساعد بس مو جذيه

انا الحين في مرحله غسيل مخ لزوجي ان استغني عن الخدامه
اقوله شوف اشلون ماخذين راحتنا باللبس وبالقعده
خو بالطلعه مااخذها بس اذا بروح بيت اهلي لان بقعد طول اليوم تقريبا
وبالبيت كله قاعده عند خالتي لان خالتي تبيها تساعدها ماكو مشكله
وتخم وتمسح فقط
بس ترتيب وتسنع وغسيل هدوم و طباخ علي انا وولدي عندي او عند خالتي واذا انكسر ظهري تساعدني بس

 

[توتاتوتا]

مشكوره ليمون عالرابط روعه ياليتني اقدر اخلي جدولي كذا بس نومة الضحى مسيطره علي ومضيعة وقتي

 

[ليمون ونعناع]

ملزلزة

ليم الحين بخاطري اسوي مجبوسج بس ريلي كل مرة يطلب شي غير
ا نا اعرف اسوي اطباق بس مشكلتي مع العيش مااضبط ملحه

 

[توتاتوتا]

ملزلزه لاتحاتين ولدش خليه مع ابوه او اهلش يطلعونه الالعاب و كلها يومين وترجعين له بالسلامة

زوجي توأم روحي كلامش عين العقل ويشجع

لكن زي ماقالت ملزلزة غيرة الحريم تخليش منبوذه لان كل ماشافو وجيهنا تذكروا خيبتهم

عاد لو أقولكم بسالفة ماتصدقون

وحده تقول لأمي انها تخلي خدامتها تنام معها فغرفة نومها وزوجها لان البيت صغير و حموله مالها مكان و علشان فالليل تقوم لولدها لو بكا

:/‏ !‏‏!‏؟؟ اذا صادقه مصيبه واذا تهايط مادري شهالمخ المنكوس

السؤال الي فبالي زوجها شموقفه !؟

 

[ليمون ونعناع]

توتا العفو
تقدرين انشالله
طبقي شي شي عشان لايحس بتغيير مفاجئ

 

[ليمون ونعناع]

امبيييه لا
الام بس تحمل وبس و الخدامه تربي وتجابل
تنااام معاهم بالغرفه هذا زوجها بييي يوم وينبط ويمكن تلقى الادوار انعكست بمكان النوم
الله لا يبلينا يارب

 

[Melazlaza]

ليمون حبي انتي وضعج غير وماشالله موقاطه الشغل عليها
وانا يمكن لو كنت مكانج جان عندي خدامة
بس والله ليمون لو شقة بروحج ومجابلتج ليل نهار جان ينيتي منها لان نوعج نفسي ماتتحملين عذول بينج وبين ريلج


توتا قلبي هذا الي بيصير بيكون مع ابوه واهلي مايقصرون بس قلبي عنده حبيبي اهوا

عاد موووووو معقولة الي تنوم خدامتها معاها شنووو هالوضع المزري

انا مرة رحت شاليه نظام غرف انا وريلي وولدي والا يمنا وحدة مع خدامتها وعيالها وريلها بنغس الدار امبيه انذهلنا انا وريلي يعني نامت معاهم بنفس الدار اشدعوا موقادرة اميك عيالي بطلعة عائلية
والله مادري شلون يتلذذون بالطلعه ومعاهم خدامة
اتخيل ريال معاه حريم ثنتين
ياي شعور خايس

 

[Melazlaza]

سوري عالبدليات


ليمون حبي افا عليج طبقي الطبخه واذا عالعيش انا كنت ما اضبطه بس مع الوقت عرفتله وثرت اتفنن فيه هههههه
الملح مايبيله حطي نتفه وكل مرة ذوقي لين يضبط وتعرفين المقدار

 

[ليمون ونعناع]

أنا مااحب الخدم ومخليتها غصبن عني ليم الحين مومقتنع ريلي ان يصير
اخوه معانا بنفس البيت وعنده ثنتييين
كل شي يسوون طبخ وغسيل وجمعيه وادويه يهال كل شي عليهم
وغيره وغيره بمجتمعنا بس شوي شوي قاعده اسوي لها اقصاء وابين له ان اهي دورها هامشي وماراح نتاثر بعدم بوجودها
بس لو الله يفكنا من تدخل الناس ولو يخلون كل واحد لحاله احنا بخير

 

[ليمون ونعناع]

اي انشالله نفس كلام اختي تقولي ذوقيه
انشالله اوصل مواصيلج ياقلبي

 

[ليمون ونعناع]

باقي نص ساعه ويخلص الدوام
ونااااسه باجر جمعه
يمعه بيت اهلي

 

[Melazlaza]

فديتج ليمون بتصيرين احسن مني
انا غرامي الطبخات التراثية اي شي تشتهينه طلبي ياقلبي وبحاول ابسط الخطوات خبرج كثرة الحوسه تمللج من المطبخ
واي لا تشوفيني اول زواجي فييييلم ادش اسوي زوبعه بالمطبخ ويضيق خلقي حيل الحين الحمدلله اطبخ عيوش وسمج والمطبخ يلمع جنه محد داشه

والله تكبرين بعين ريلج جذي ماشالله الله يتمم عليج
وعالمجتمع ما ذبحنا الا تدخلاتهم
المشكلة ياليت الي يتدخل وده يساعدج لا يتدخل ويكسر مياديفج ويسحب نفسه
جد شي يحر
انا قلتلكم من قبل اكتشفت كل شخص يتدخل بموضوع الخدامة متحسس مني وفي احد مادحني جدامهم والغيرة سباااااااايب
((من لا يمتدح فيك شيئاً اكثرهم غيرة ))

 

[Melazlaza]

دوامج طويل ليمون الله يعينج
وhave a nice weekend

 

[PuPa^^SWeeT]

امبيييييه

لا لالا لا


قوية ساااالفة الفووطة



و سالفة النوومة بغرفة المعازيب



جان نومو الخدامة بفراشهم بعد و اهم بالارض




ترا فيه حريم ماكو غيرة



وشنو سالفة ماكو غرفة للخدامة


ختنام مع خدم البيت



احس كانه مقلب علشان يطلعوون بشقة برووحهم


هههههههههههههه



قولوو ضييج بس مو جذي


وبتطلعون يمالكم



هههههههه



امبييييييييييييييييه



لا مستحييل


هذييييل راكبهم الشيطان اللي مخليهم مايغارون


الدين الاسلامي ماشي على فطرة الغيرة كلها


من لبس من قواعد تصرف و اتكيت تعامل

 

[Melazlaza]

اي والله بوبا عدل كلامج


انتي وينج تغطين وتطلعين فجأة

تعالي قرقي معانا

 

[بقلبي انت]

صاجه ملزلز. والله محد يتدخل بحياتج إلا إلي يكرهج وغيران منج ويحاولون علي قد مايقدرون
يخربون حياتج ياربي ليش جذي الناس حاقده
لا واذا ماعندج خدامه قالوا اكيد زوجها يلعب مع الخدم وعينع زايغه
او اكيد تغار من الخدامه او زوجها مايبي خدامه وعدي وخربطي كلامهم
مايقدرون الوحده إلي تحافظ علي بيتها وزوجها وعيالها مافي تشجيع ابدا
والله إني اتشجع لدخلت الموضوع وإلا برا عند الناس احباط ليش ماعندج خدامه ؟ مسكينه الله يعينج ماعندج خدامه ؟
شكلج تعبانه ومهدود حيلج شفيج اكيد ماعندج خدامه هذي دايما اسئلتهم اذا شافوني

خلاص بنعيش بدون خدم مايصير وإلا احنا جايين من كوكب ثاني ليش جذي
ينظرون لنا مانب فاهمه

والله مالوم الرجال لتزوج الخدامه علي زوجته اذا جذي سوالف الحريم الخاملات مو صج السوالف إلي قلتوها
احس موصاحيات هالحريم
*