اللي مستغنية عن الخدامة و متحكمة بشغلها برة البيت و داخله اتدش

[PuPa^^SWeeT]

توتا ايي والله


يعني مو عيزانيين انييب خدم


كاهي عندي المسعدة


اهون وحدة يتني



همن ساعات احس وجودها غلط




مادري شقووول



يعني على قولة ام سوسو


الاوقات الحميمية

ولا بتقعدين ويا ريلج و تبين جو لكم



انا وحدة تدرين شسوي الحين

بناتي ينامون الساعة 6 ولا 7 بايام الدوام ( لأن ماينامون الظهر )


فا اقوولها فوق هالوقت اترووح تاكل وتنام


كيفها مابي منها شي

 

[Melazlaza]

يا حيالله الولو نورتي الموضوع ومشاركتج اسعدتنا
عفيه عليج والله
وصج راحة موطبيعيه
وناااااسه في وحدة ليتها عود معانا
اغلبنا كنا نبي تجربة للي بيتها عود
الاوتي اعتقد البخار مريح وانا مااسوي اوتي الا حزة الطلعة مو كل شي اوتي ومكسرات ريلي طبعا لازم اوتي


توتا صاجة حسبالهم ننتقدهم يبه مالنا شغل عليكم بالعافيه بخدمكم بس بليز مانبي تحبيط كلنا هني على قلب واحد ونشجع بعض
ودي ابطل تجمع للي يحبون الخدم واخليه مبطل لهم عساس لحد يدش عندنا يقول المقووووولة الشهيرة الي كلكم عارفينها

 

[اللولو97]

مشكوره بوبا سويت

شنو رباط الاخوه وايد اشوف بتوقيعهم !


بنات منو تعرف من وين اشترى المكنسه هذى تاجره تبيعها بس استغليتها صراحه ابيها عشان احبب عيالى بالكنس

وشايفتها بدبى بس للاسف ما شريتها ! هل موجوده بالكويت ! رحت ارض المعارض ما حصلتها

 

[Melazlaza]

بعد قلبي بوبا القلوب شواهد والله وهذا من طيب اصلج

يامعودة عالاقل نكي تكتبينه غلط مو انا كل جملي غلط هههههه بغير نكي (ام البدليات)

 

[Melazlaza]

اللولو اول مرة اشوفها سوي سيرج بقوقل عليها يمكن تلقين معلومات تفيدج

 

[اللولو97]

مشكوره ملزلزه اتشرف بانظمامى لكم اصلا انتوا فخر للسنعات ما شاءالله


عندى البخار واايد فايدنى اخليهم قبل لا يطلعون كل واحد يسوى ملابسه بس اقصد فى شغلات لازم اوتى

وانا مع الاوتى مو ربع لووووول


الحمدالله البيت كبير بس مقسمه بايام الاسبوع انظف ركن والحوش عاليهال يغسلون ويلعبون بس بدت المدارس

خففت عليهم الشغل

 

[PuPa^^SWeeT]

اللولو


هذا قروووب في هذا المنتدى


نطرح مواضيع مفييدة


و نرفع من المواضيع المفييدة


لنا جولة حاليا في قسم ذوي المعاقين



من اجل نشر الفايدة عالجمييع انشالله


والله يقويينا على فعل الخير انشالله

 

[Melazlaza]

ماشالله اللولو الله يعطيج الصحة والعافية

الله يحفظهم شكلهم كبار عيالج
زيييين تسوي يعتمدون علي نفسهم

 

[توتاتوتا]

ملزلزه ضحكتيني يبيله موضوع لعشاق الخدم

 

[Melazlaza]

دوم الضحكة
اي والله توتا شنسوي بعد بنسويلهم تجمع ههههههه

 

[اللولو97]

ايي بوبا ما شاءالله عليكم


ملزلزه اي عندى ابتدائى ومتوسط

 

[سوسو حبيبتى]

:krkrkr: تجمع حبي خدامتك وتعالى هنا اشتميها هههههههههههه

مووصج يبي لهم والله ...


ونااااااسه انضمت لنا اخيرا واحدة بيتها كبير تبارك الرحمن الله يوسع علينا كلنا

اللولو97:eh_s(7)::eh_s(7): نورتي التجمع ياست الكل ..

انا خلصت كل شغلي نظفت الصاله وخميتها بالمكنسه ودخلت ع المطبخ نظفته وغسلت كل شي

وبعدها اخدت شاور حلووو .. والحين قاعدة استمتع بحياتي

بالنسبه حق الاوتي انا كمان مو ربع معاه

بس بغصب نفسي بجيب الاوتي واقعد قدام التلفزيون

اتفرج واخلص بدون ما احس

 

[سوسو حبيبتى]

امبيه نسيت اقول لكم اليوم ايش سويت

عندي بودرة مالت الجسم من زمان مااستخدمها ماادري ليش مااحب البودرة

المهم رشيتها ع السجاد وخليته وقعدت انظف البيت وغسلت المطبخ بعدين رجعت للسجاد وكسنتهم بالمكنسه

الريحه واوووووووووو موطبيعيه

وحطيت بخور شريته من اسبوع ريحته تهببببل

 

[عيميه86]

يستأهل الرفع

 

[Melazlaza]

ههههه عجبتكم سالفة التجمع عاشقات الخدم لوووول

اللولو ربي يخليهم لج وتفرحين فيهم


سوسو يعطيج العافيه امبيه نفس فكرتي صارلي اسبوع مفكرة اسوي نفسج
اشوا ضبطت معاج خل اقلدج قريباً
ونعيما للسجاد

شميت ريحة طيب وبخور من ردج

 

[سوسو حبيبتى]

ملزلزة ااى ظبطت معااى

بس انا سجادي شووي خشن وعندي سجاد غرفه النوم الى جاي يشبه الفرو او الشعر ماادري كيف اشرح لك

بس مااقدر اخاطر معاه اعتقد بتلزق فيه ومابتتطلع

 

[Melazlaza]

اي سوسو فهمتج
نفسي عندي جذي وجذي
وكنت بسوي ملوت الصالة وغرفة المعيشه بس

توني رتبت كبت ملابسي حطيت المنظم بالكبت ورتبت الاندر ويرات فيه والله الترتيب يريح
ورتبت درج بالتسريحة خليت فيه الساعات والخواتم اذا قدرت احطلكم صور لاحقاً الحين تعبااااااااااانة حدي ماشيه وايد وكارفة كرف اليوم

 

[*kim*]

مرحبا بنات عندي خبر للأسف مزعجني بس قبل اقوله احب اشكر صاحبة الموضوع بوبا وكل بنات القروب كانت تجربه شهر ونص من غير خدامه جميله جدا واستانست وايد من غيرها عرفت معنى الراحه النفسيه واكتشفت انهم لاعبين علينا والشغل مايتعب بس فيهم هالخدم هواله واستعباط
اليوم راح اجيب خدامه لان بدت الدوامات وانا مسائي اداوم ومادري صعبه كل يوم موديه عيالي مكان وخصوصا دراسه اخر سنه ثانوي يبيله مجابل شوي لان الفصل الاول نسبتي جدا ضعيفه وراسبه فماابي تعبي يروح خساره
مع ذلك راح يكون للخدامه حدود
ماراح اترك هالموضوع وكل يوم بدخل ونشجع بعض

 

[توتاتوتا]

كيم بالتوفيق ان شاء الله تجيبين النسبه الي تمنينها
ولا تضايقين انتي محتاجتها وربي يعطيش خيرها و يكفيش شرها

 

[PuPa^^SWeeT]

كيم



حبيبتي



ماعليه دامج بحاجتها


ليين تووقفين على ريولج


وفعلا انتي اخر سنة لازم تتفرغين شوي للدراسة




بس عيالج همن دخليهم حضانة العصر وايد افضل