اللي مستغنية عن الخدامة و متحكمة بشغلها برة البيت و داخله اتدش

[Melazlaza]

صباح الخير

كيم حبيبتي وليش للاسف بالعكس الحين تفرغي لدراستج حبيبتي هذي شهادة مافيها روح وتعال

جابلي كتبج وذاكري عدل وخلي الكراف عليها وانشالله تييبين نسبة حلوووة وكلها فترة وتعدي

بس ديري بالج تتركين عيالج معاها حرام والله
اخذيهم واهيا معاهم تقوم فيهم بيت احد من الاهل
واذا كلش مافي مجال
دوري حضانة زينة العصر وحطيهم فيها

واذا كلش كلش قافلة السالفة ركبي كامرا وقوليلها اول ماتدش بيتج ان بابا حاط كامرات بكل مكان لان المنطقة صايرة فيها عمليات سرقة

الله يوفقج بدراستج لا تفكرين بشي كلش حاليا خليج بالدراسه وبس

 

[PuPa^^SWeeT]

ملزلزة



صباح الخير


ششلووونج

 

[Melazlaza]

هلا بوبا حبي تمام الحمدلله

انتي شلونج

 

[ليمون ونعناع]

صباااح الخير

كيم الله يوفقج وشدي حيلج الشهادة مهمه بالزمن هذا

وانشالله تعوضين الي فاتج

وانشالله نسمع عنج اخبار حلوة

 

[PuPa^^SWeeT]

انا بخيير


بزووور خالتي انشالله



للحين مالبست



مابي اتاخر عااد

 

[PuPa^^SWeeT]

بنخلييها بالليل انشالله



وين الباجي ؟؟؟؟؟؟

 

[Melazlaza]

عطلة سعيدة بوبا

واكيد غداكم هناك عوافي مقدماً

 

[Melazlaza]

وي شكلج هونتي
ليش؟
انا اليوم متفججة حدي ومالي خلق شي

 

[PuPa^^SWeeT]

لا قاعدة عندج




شوي لي العصر

 

[PuPa^^SWeeT]

قالتلي تعالي عشااا افضل



لأنها مانامت بالليل عدل

 

[Patcholli]

انا صارلي اسبوعين بدون خدامه ..
توقعت الموضوع بيكون اصعب لكن الحمدلله تساهيل من رب العالمين ..
اولشي قررت ان ما اظغط روحي مو لازم كل الشغل خالص اول بأول ..
اهم شي نظافة الصاله والغرف وباجي الشغل اسوه عالراحه ..
وانا شقتي صغيره غرفتين وحمامين وصاله ومطبخ تحضيري ..

نظامي كالتالي :
اقعد الساعه 7 وربع واروح الدوام .. صرت اصلي بالدوام عشان من ارد البيت يكون ماعندي شي ..
اخذ شاور اغسل جسمي عالسريع وانجب الغدا على مايصلي زوجي يكون الغدا جاهز ..
من نخلص الغدا .. اشيل السفره واغسل المواعين واحط راسي انام ..
اقعد المغرب اشغل الغساله .. ارتب الشقه وانظف الارضيات واسوي الاوتي واصفط الهدوم ..
عقب ما اخصل ابدي اطبخ حق باجر .. واسوي العشا حق زوجي .. ولما نخلص ارد اغسل المواعين ..
الحمامات ماغسلهم كل يوم متى ماشفته يحتاج للغسيل غسلته معني ماحب يمر يوم بدوم ماغسل الحمام بس شسوي اكره هالسالفه واهي الشي الوحيد الي مظايقني
طبعا زوارات وعلاقات اجتماعيه حده ماكو ..
ارفيجتي ولدت مامريتها
والثاني ردت من السفر هم مارحتلها
ووحده مسويه عمليه واعليا مامداني ازورها .. ولا رحت زوارت اهلي امس الخميس ولا رحت يمعة اهل زوجي ..
ناطره الويك نطره عشان ارتاح واتمدد لان صج محتاجه راحه
بس والله يابوبا ان بيتي بدون خدامه حده مريــــــــــــح وهادي وحاسه بسعاده كبيره ..!!
حتى خدامتي اليديده اذا ماوصلت ماني طالبه وحده احس روحي مرتاحه واذا احتجت بيب بو نص دوام ..!

 

[PuPa^^SWeeT]

حبيبتي


ماعندج عيال واضح من سردج لنظامج



قبل لا اولد و اييب بناتي مافكرت اييب احد صرااحة


لأنه حلاته برووحج و شغل الشقة بروحه اذا احنا كبااار يخلص بسرعة



عيالي اذا كبروو ماراح اييب خداامة خيير شررر



وحاليا هذي باقيلها اقل من تسع اشهر و اترووح




الله كريييم


وشاكرة مروورج لموضوعي


ولا تروحين وتنسينا


طلي علينا كل وقت


نبي تجاربكم علشان اتشجع


واشمر عن ساعدي


ههههه

 

[بقلبي انت]

قوه بنات شخباركم
انا اليوم ماخذته عطله ماسويت شي غير غسيل ملابس عيالي بس
وباجي الشغل نظمته بين بناتي الثنتين والحمدلله خلصنا الشغل في ساعتين بس
والحين اهم يلعبون وانا قاعده افرفر بالمنتدي وشوي العصر بمر اختي نفاس بعدين امر امي

انتوا شخباركم بنات

 

[PuPa^^SWeeT]

احنا بخيير ياقلبي






انتي شلوونج

 

[بقلبي انت]

بخير الحمدلله بوبا

 

[PuPa^^SWeeT]

ياقلبي



انشالله ترتاحين بالاجاازة



وتستانسين




باجر لاحقة عللا شغل البيت



اهم شي بالنسبة لي بالبيت

المطبخ و الصالة و عسيل الهدووم


غرف النوم مو دايمن اتكوونون فيها

 

[Melazlaza]

والله انا بالويك اند اقول راحتي بس سبحان الله القى نفسي فيني نشاط غريييب وودي اغسل ملابس او ارتب اغراض هههههه
بس اليوم لا بس سويت ريوق دسم وماني جايسه شي

حيالله اليدد والله الكل اجمع ان راحة وسعادة كبيرة

بس بنات الاحظكم ماتطلعون وتقصرون اجتماعياً

ترى يبيلها تنظيم
يعني لازم حزة المغرب خلاص لج من جميع النواحي
اذا زوارة اذا طلعة اذا مجابل نت اذا مواجيب
خو مولازم نوجب نص ااكرة الارضيه بس القراب والي يوجبونا لازم مانقصر معاهم

انا يوميا اطلع تقريباً عساس لا اتضايق واحس اني مضغوطة
بالنسبة للي يداومون ترى نومة الظهر تعفس يومج
انا ماكنت انام الظهر الا اذا صج تعبااااانه
تصير النومة عالعشر ونص جذي تقعدين مفرفشه ويومج شزينه
والله اذكر وانا اداوم فيني نشاط ماشالله بس دايما نفسيتي موشي لاني موحابه دوامي

الزبدة حبايبي لاتضغطوووون روحكم خلي نفسج اول اهتماماتج

 

[PuPa^^SWeeT]

ياحلوج ملزلزة



دووم عندج الحل لكل شي



صاجة لاازم ماتيي المغربية الا الوقت خلاص لج

 

[بقلبي انت]

هلا والله ملزلز صاجه والله انا مقصره بالمواجيب والزواره بس
والله مافي وقت ايام الاسبوع اقعد العصر ادرس البنات واشوف شنو ناقصهم وما اشوف إلا الوقت صار الساعه ٧
وين يمديني اروح وإلا ازهب اغراض المدرسه للبنات وإلا اسوي عشاهم وما احب اروح لاحد واخليهم بالبيت بروحهم
مع ان ايام يقولولي مانبي نروح بنقعد بالبيت روحي بروحج
فأقعد بالبيت وانا نفسج كل يومين او يوم اطلع اطق فره بالسياره اشم هوا وارد او اروح مركز سلطان وإلا سوق طيور الجنه احب اروحله
اتمشي واتغرض منه شغلات سبابيص وإلا اغراض للمطبخ وإلا للبيت وارد تكون نفسيتي مرتاحه
*

 

[بقلبي انت]

بوبا انتي نفسي اهم شي تنظيف المطبخ والصاله وغسيل الملابس اول باول ترتاحين منهم مايتكودون عليج وغرف النوم كل يومين اخمهم
والحمامات لازم كل يومين
*