اللي مستغنية عن الخدامة و متحكمة بشغلها برة البيت و داخله اتدش

[PuPa^^SWeeT]

اب اب اب
اب اب
اب

 

[:نسوني غلاه:]

ودي اصير مثلكم بس احسها صعبا

 

[Melazlaza]

باك
بوبا
تدرين وين مشكلة المشاكل

لما يتسلطون عليج ناس ماعندهم موضوع غير انج ماعندج خدامة ويعطونج محاضرات طويلة عريضة في انج غلط بدل لا يشجعونج
وتحاولين تقنعينهم لكن بدون فايدة
كلام يحسسج انج ظالمة اسرتج بهالقرار
بدل لا يشجعونج وياخذون بايدج ويمدحون هالتضحية الي تضحينها لاسرتج
ساعات اقول ماني رادة بس يستفزونج
وساعات ارد ويصير شد
جد محد مأزمني بهالموضوع الا حريمنا باختلاف اعمارهم

 

[عسل مرت قيمر]

شلونكم شخباركم فقدتكم من امس


انا ويكاند ماانظف لان كله طالين وزوارات كلش مانقعد


عشان جذي باجر ابدي تنظيف



ملزلزه


تصدقين صح كلامج


انا شنو مشكلتي بعد


يتحلطمون على ريلي حسبالهم ان اهوا مايبي اييبلي وغاصبني على شغل البيت


ياربي مادام احنا متفقين وراضين وعايشين ياتنا براحه


ليش التدخل هذا مادري !!!



بوبا


يالله شدي حيلج وبس تروح ابدي من يديد وان شاءالله ماكو تعب


ترا انا متخرجه ومقدمه علديوان صارلي ثلاث شهور وناطره الوظيفه مع ان قعدت البيت حلوه والله


بس هم ودي اتوظف وهم ماراح اييب خدامه



ملزلزه


بس عندج ولد سنتين ونص؟؟؟

نفسي

انا بس ولد عمره سنه وست شهور

تنصحين بلحمال لما يصير ولدي كبر ولدج ولا تحسين تو الناس ؟؟

 

[عسل مرت قيمر]

وييي توني اجيك على الشريط الي بتوقيعي

فديته صار سنه وسبع شهور هههه

حبيبي والله ههه

 

[^^mone^^]

مرحبا

شجعتوني على الشغل
احنا بيتنا صارلنا تقريبا فوق ثلاث سنين ما عندنا خدامه قرار من امي

طبعا ماكو جهال يعفسون كلنا كبار

اقولكم البرنامج
من صلاة الفجر اقوم اسوي شاي وقهوة لابوي يحب يتقهوه هالحزه
بعدها اجهز حليب وكورن فليكس لمدارس بعد ما يمشون المدارس ابدا ارتب وامسح وانظف البيت اخلص تقريبا على التسع

اطلع شنو ابي حق الغدا
بعدها فرررررراااااااغ لين الساعه 11 اسوي قهوه جديده واقعد انا وامي اتقهوه معاها بعدها ابدا اسوي غداي

بس يوصلون المدارس تقريبا الساعه 2 انحط الغدا اغسل المواعين بعدها فراااااااااااغ لي بعد صلاه العشا نحط العشا دايما خفايف او بالعاده مطعم اغسل المواعين واطلع الزباله وانتوا بكرامه وبعدها فراغ


الخميس غسيل الملابس لان كل واحد عنده كذا غيار لدوامه يكفيه اسبوع كامل
الكوي كل واحد يكوي لنفسه
ودشاديش والفرش والعبي مصبغه
الزوالي يغسلهم السايق كل شهر مره

وبس مرات افصل على ترتيب كبت او اغير طريقه اثاث اذا جت اختي خذيت خدامتها

 

[^^mone^^]

واذا عندنا مناسبه او شي يا خدامه اختي او الخدم الي نص دوام يوم وتنتهي

من المميزات
الكل يتساعد مرات ابوي يدش معانا المطبخ
امان بالبيت
اغراضج كل شي بمكانه
ما تفقدين شي
اسرار البيت محد يدري فيها


العيوب
مرات تتعبين او مالج خلق تشتغلين خاصه وقت الدورة عادي في احد يمسك مكاني امي الله يخليها لي ومرات نقلبها اسبوع كامل مطعم
الحريم الي لي قلتي ماعندج خدامه قالوا يا مسكينه او مكروفه شدعوه شغل البيت الحين صار كرف او الي عبالها عشان الفلوس

 

[^^mone^^]

اي صح طبعا الترتيب كل يوم

التنظيف يوم وترك

الحمام يوميا



الحركه بركه

 

[زوجي توأم روحي]

باك
بوبا
تدرين وين مشكلة المشاكل

لما يتسلطون عليج ناس ماعندهم موضوع غير انج ماعندج خدامة ويعطونج محاضرات طويلة عريضة في انج غلط بدل لا يشجعونج
وتحاولين تقنعينهم لكن بدون فايدة
كلام يحسسج انج ظالمة اسرتج بهالقرار
بدل لا يشجعونج وياخذون بايدج ويمدحون هالتضحية الي تضحينها لاسرتج
ساعات اقول ماني رادة بس يستفزونج
وساعات ارد ويصير شد
جد محد مأزمني بهالموضوع الا حريمنا باختلاف اعمارهم

لا بالعكس حبيبتى
عساج عالقوة
انا والله قاعدة أفكر جديا انضملكم
صج الوحدة تحس انها راعية بيت مو كلام

 

[لؤلؤة مكنونة]

قاعده افكر جديا ...ومقرره بأذن الله اني استغنى عن الخدامه ...بس يبيلها
أنا قاعده بالبيت صار لي 3 سنوات وعندي اربع يهال الله يحفظهم
بس بيتي دورين اربع حمامات فوق وثلاثه تحت غير الغرف والصالات ..تهقون اقدر عليه بروحي
كل مره افكر ما اطلب خدامه بس بعد تفكير عميق اخاف اتوهق
الصراحه تعودت على الخدامه من بداية زواجي صعب ما ايب مساعده

 

[PuPa^^SWeeT]

مشكوووورين عالتفاااعل


ايي والله انا يكسرون مياديفي لما يقولون ماتقدرين

 

[عسل مرت قيمر]

الي ينظم الوقت يقدر يسوي كل شي

 

[عسل مرت قيمر]

مون يعطيج العافبه والله


زين تسوون والله يهليلج الوالده ياارب

 

[عسل مرت قيمر]

لؤلؤه نظمي وقتج تقدرين وخلي الي بلبيت عوديهم كل واحد يسوي شي


ومحد يقط شي


عوديهم على نظام


وبيكون سهالات ان شااءالله

 

[Melazlaza]

وااااااااي كتبت رد شطولة وانمسح
عسل والله الياهل يبيله ياهل يلعب معاه والا بيخسبقج بالحنة وبيتملل
انا حالياً الحمدلله اشوف ان مناسب وقت الحمال

زوجي توأم روحي ماتقصرين حبيبتي وصج تعب بيتج راحة

بوبا اي يحرون الي يكسرون مياديفنا وانا يحروني اكثر انهم يشتكون من الخدم ويسفلون فيهم وكله نفسياتهم تعبانة بسبة الخدم زييييين ليش تبوني اتعب نفسكم
صج الغيرة سبايب


بنات تجربتي ان كل شي يصير مع الارادة وللعلم الطفل الي نخاف يأذينا ويوصخ بالتشجيع بتلاقونه يساعد ويرتب وشخصيته تحلى لان يعتمد على روحه

لا تحاتون شغل البيت ابداً لان مو متعب لكن الخدم يخلونا كسالى وبليدين وكل مافينا يعورنا لان اجسامنا خاملة
كنت اعاني من الم ظهري
من تعودت على الحركة الحمدلله يارب راح الالم وماشالله لياقتي عالية ووزني صج اكل لكن ثابت الهم لمت حملت زاد

 

[PuPa^^SWeeT]

ايي والله صااجة ملزلزة

 

[مناير خزنة التاير]

صراحة قريت الموضووووع كاااااااااااااااااااااااااااااااااااااااامل بدون لا احس
حسيت بالنشاط و الدنيا سهالة
مشاء الله عليكم

تقبلوا مروري , وان شاء الله لي تواصل معاكم بالموضوع

 

[PuPa^^SWeeT]

حياج الله ياقلبي كل يوووم



علشان انتحمس و نترك الخدم

 

[توتاتوتا]

موضوعكم حلو ماشاء الله تبارك الله مايستغني عن الخدم الا الهمة العالية
ولو جبتوا اجهزه زي غسالة اوتوماتك _ نشاف_ غسالة مواعين_ اجهزه المطبخ الي تقطع وتبشر الخ بتوفرون وقت وجهد
واذا تحتاجون افكار وطرق تساعدكم فعالم حواء قسم الخبرات وقسم الاجهزه وقسم التنظيف
بالتوفيق
بكمل الموضوع

 

[توتاتوتا]

قريت الموضوع

ملزلزة ماعليش من كلام النسوان اما غيرة أو غباء

وكله كوم والي تضحي بعيالها علشان خدامة

انا 2010 اغلبها بدون خدامة انا ام توم 3 بس وقتها ماعندي وجبة غدا وقسمي صغير

افكر بعد سنة اذا راحت خدامتي استغني عنهم لانهم هم وعيالي كبروا

بعد نقطة اخيره بنتي (5سنين)شافت وحدة معها مولود اسئلتها ماعندش خدامة؟!
والسنة الي قضيتها بدون خدامة تقول لي ماما انتي خدامة!

بناتنا بيكبرون ماعرفوا الشغل وان الخدامة ضروره فحياتهم