اللي مستغنية عن الخدامة و متحكمة بشغلها برة البيت و داخله اتدش

[مناير خزنة التاير]

بنات ودي اسألكم سؤال و مفتشلة من عمري والله :eh_s(22):

شلون نغسل الملابس عدل ( على أصوله ) :bbbiu: كل ما اغسل يا تضل البقع موجودة ولا تحسين الغسال خربووطة

هل من كمية الصابون و شلون احدد الكمية

 

[PuPa^^SWeeT]

توتا صااجة



مناير حياج الله ياقلبي


انا طرحت الموضوع

لأني احس انه ودي استغني بس ياربي تعب بروحي


من جذي

انا طرحته ومبين من العنوان

 

[عسل مرت قيمر]

حياكم الله البنات الي دشو ومشكورين على تسجيعكم لنا والفال لكم ياارب


مناير انا عن نفسي غسالتي الي بابها مدور ينفتح من جدام مو فوق


الغساله فيها دج يتبطل وفيه مقسمات


واحد صابون والثاني كومفرت


احط صابون على كبر كل واحد وكومفورت هم نفس الشي


وتطلع الملابس روعه




يعني عادي مافي شي


ليش يصير معاج جذي


شنو نوعية الصابون الي تستخدمينع واي غساله تستخدمين؟؟؟

 

[عسل مرت قيمر]

توتا مدام كبرو بناتج علميهم يساعدونج بلعكس خمس سنين حليوين ويفهمون ومايأذون


حلاتهم والله الله يخليهم لج


انا ماقولج شغليهم


بس يعني مثلا ملابسهم علميهم على طول يقطونها بسله


مثلا كفراتهم يعدلونها لما يقومون من النوم


صحونهم يشيلونهم ورا الاكل يودونهم المطبخ

من هلاشياء


حلو هلشي يتعلمونه


سواء خدامه او بدونها


والي تسأل بنتج ماعندج خدامه

الله يعين الصراحه


حتى اليهال بعد يعرفون هلسوالف


ههههه يحليلهم


موفقين بنات

 

[عسل مرت قيمر]

انا امس عندي جرد ملابس طلعت كل الكبت وقطيت الي مابيه من الملابس

ونفس الشي الجواتي وانتو بكرامه


وااي ريلي محتفظ بجواتي يااربي لازم اوديهم متحف بدال لا اقطهم


الحمدلله صار مكان كبير وترتبت الاشياء وخفت الزحمه


ارتحت عقب هلشي

 

[PuPa^^SWeeT]

صااجة انا بعد ودي اقط ملابسي


بس اول شي بروح اشتري بعدين بقط


لأنه عندي بوالطووو امبييه من 6 سنيين وصايرين اتعرقين لما الصوف يبدي يطلع خيوط و كور



بس ياربي يدفووون /

 

[PuPa^^SWeeT]

احنا بعد تدرين شللي هالكنا على سوالف الخدم



انه البيت الكويتي كبير اول شي ( طبعا البيت مو الشقة)

وعندج الريال مثلا دشداشته الصبح مستحيل يلبسها العصر مو مثل الاجانب كبته بس جنزين و يطلع رووحهم بالاسبوع يغسله مرة ههههههههههههههههههه


والغداا لازم وجبات مايصير سوالف تستوي بسرعة

لازم مجبوس ولا مرق



وااايد لوووية

 

[PuPa^^SWeeT]

احنا بعد تدرين شللي هالكنا على سوالف الخدم



انه البيت الكويتي كبير اول شي ( طبعا البيت مو الشقة)

وعندج الريال مثلا دشداشته الصبح مستحيل يلبسها العصر مو مثل الاجانب كبته بس جنزين و يطلع رووحهم بالاسبوع يغسله مرة ههههههههههههههههههه


والغداا لازم وجبات مايصير سوالف تستوي بسرعة

لازم مجبوس ولا مرق



وااايد لوووية




مو قصدي اضي

 

[عسل مرت قيمر]

هههه بوبا ضحكتيني


يالله شدي حيلج وسوي جرد


الله يسلمج انا سويت هلجرد لان عقب باجر بتفقدوني


رايحه لندن ان شاءالله وبشتري من اهناك عرفتي


من جذي


قلت افضي


ولما ارد احط الاشياء اليديده


ماتوصون شي من اهناك !!

 

[ام لينه2]

الله يرضا عنكم والله حمستوني بعد ذا الشغاله مستحييل ادخلهم بيتي

 

[PuPa^^SWeeT]

ايي نبي اتيبيلنا من هناك


الطبيعة

 

[عسل مرت قيمر]

ام لينه انتي عزمي والتساهيل من الله اتييج


بوبا

هههه عاد طلبتي الشي الي ماقدر عليه للاسف الشديد

 

[laymona]

عن نفسي باول زواجي كنت في حاله عدم استيعاب الحدث
مو متخيله اني صج ماسكه بيت و يالله قومي اشتغلي فاقل مهمة اتحلطم بداخلي و اختصر الي بيدي , لا و المصيبه عندي انا قعد اشتغل بضمير
بعد وقت استوعبت اني ماسكه بيت و صرت مسؤوله اني المع البيت يوميا و بنفسيه حلوه اهم شي .... مو معقوله ما عندي لا يهال ولا بيت كبير و قعد اتعب !! عيل ليش متزوجه > صريحه فديتني

و الحمدلله القناعه كنز ,, و الي يتعب البعض مو لان ماكو خدامه ,, لان وايد نشوف غيرنا
قالحمدلله مشى الحال و صار عندي فوبيا منهم اصلا

 

[PuPa^^SWeeT]

^^^^


ايي قبل لا اييب بناتي اسم الله عليهم


ماكنت احتاج الخدامة الا مرة بالاسبوع


بسسسسسسسسسسس


اتيي خدامة اهلي 4 ساعات وتمشي



بس الحيين مع لويتهم


انشالله الكبيرة تفهم


بس الصغييرة اتنرفزز اسم الله عليها

 

[Melazlaza]

صباح الخير
كتبت ردين طوال وانمسحوا حدي احتريت
المهم
عسل تروحين وترجعين بالسلامة انا معاج سويت جرد لووول متفقين

بوبا شخبارج شفتج مرة تسألين شلون عالخدامة النص دوام
ترى تعاملهم سهل حيييل لانها مو بكفالتج وحرة فتلاقينها حبوبة وتتمنى رضاج ولو تعطينها دينار زيادة تفرح جنه عشرة واي شي تعطينها بعينها كبير عكس الخدم الدايمين

 

[Melazlaza]

بوبا بنتج شكبرها؟
انا ولدي ينرفز بس عودته عالنظام الحمدلله قام يشيل العابه لي خلص وقاعد يحاول يبدل ملابسه ويفرش ضروسه بس حبيبي مهاراته للحينها ماكتملت سنتين ونص تو الناس
الزبدة بوبا اليهال بسررررعة يتعلم واذا تروح حضانه نص التعب راح لان بتطلع طاقتها هناك انا ولدي كله معاي بس مقسمة وقته الصبح اذا قعد يتابع الكارتونز ويتغدا وينام نقعد يلعب ونطلع نرد يتعشى وينام
فسهالة لا تحاتين
انا افكر لي ولدت اخاف يغار وينعفس حاله

 

[PuPa^^SWeeT]

ايي ذكرتيني بسالفة الدينار


مرة كانت عندي سيلانية كانت اتطق بنتي من ورااي الحقييرة للحين حارتني حتى قلت حق اليدييدة اللي الحين عندي


اللي اتطق بناتي انا اشرب من دمها

المهم

مرة بعطي السيلانية معاشها 50 دينار

يعني الصبح ماعندها يهال و لا شي حضانة البنتين

جان اتقوولي هه خمسين ماما شنو انا يشتغل بس خمسين
انتي لازم يعطي انا 60 دينار


اذكر ذاك انه ريال زييين ما طقها لأنه اسلوبها زفررررررررررررررررررررر



بس انا يعورني قلبي عليهم فا قلتله خلها و راحت الدار وتبجي



عاد قلتلها اني خلاص بزيدج


ولا عاد البنية اللي بالجمعية قالتلي ترا اتطق بنتج


باسكاااات وديناها المكتب جان اتقووول اهناك تبجي اخر مرة و انا ماطقها و جذي ريلي يقول عورت قلبي مرة عيوز وتبي اترد ديرتها بسرعة



ولا عاد ردت اهيا اسبوعين بس ولا لما اكتشفت بوقات فلوس عندي


قلت بالطقااااق اتطق بنتي و اتبوق وما امن منها و ما ترتاح الا لما اهاوشها ؟؟؟


قلتله اخذها مابيها



خلاص



انا تذكرت السالفة لما قلتي تستانس عالدينار جنه عشرة


وهذي اعطيها 50 اتقولي هه خمسين ؟؟؟؟؟؟؟؟؟؟؟؟؟؟؟؟؟





اشكال اعوذ بالله اللي طبو عندي

 

[PuPa^^SWeeT]

الكبيرة 4.5

والثانية بتكمل 3 سنين بعد شهر


بس الصغيرة لايغرج عمرها


تدرين انها اتضر روحها

خلي سالفة هواشها ويا اختها


هههههه كل يوم هواش


بس اللي يقهرني بالصغيرة

انها وااايد ملقوووفة و وايد اتحط رووحها بمواقف تنظر منها


يعني مثلا مثلا اعطيج مثال


امس بروح عرس و باخذ بنتي الكبيرة و بخلي الصغيرة اببيت امي عند اختي


الصغيرة غارت من الكبيرة سشوار شعر و كشخة و لبس و ذهب


قوومي اخذي فازلين ( من زود الكشخة بوقيه من الكبت


و حطي على شعرج


ورشخييه فازلين


تخيلي



ليلحين الشعر مفزلن ( يعني عليه فازلين ) ههههههههههه



ومرة شربت سائل فانش طرنا فيها الطبيب


البنية تفهمج و مو اللي فيها تاخر ولا بطء استيعاب ولا فيها شي اسم الله

بس حتى الحضانة يقولون ماتفهم انه هالشي خطر الا لما اتجربه واتعور منه




هذا اللي مخرعني


انا ليلحين ماحملت والسبة انها لما تستوعب شوي بحمل اما الحين ما اقدر

الا جان البيبي اليديد بيطلع اينشتاين هذا شي ثاني

 

[Melazlaza]

لووووول بوبا تصدقين ردردج تونسني لازم ابتسم وانا اقرى. الله يحفظج

اييييي يمنون عليج بس بوبا هذي كلش مافيها ايجابية وحدة شلون تحملتيها؟؟؟؟؟ بالج طويل والله
انا يبت فلبينية كانت جدامي تعشق ولدي بس انا ابدا ما اثق ادري كله نصب مرة انا وراها حسبالها انا بالحمام والا ماسكة ولدي عمره اربع اشهر وتخض راسه بشكل حقير وكله حقد لما شهقت قالت اول مرة ماراح اعيدها زين ليش تقول صوته مزعج اذا بجا اعنبووووووووو دارج ماتجيسينه وحاقدة انا حتى شيل ماتشيله الا لي طلعنا بس شتقولين شعوب حقودة
لا وكنت كل فترة اعطيها خمسة بيدها بس مو كفو



ياتنب نص دوام مرة اذا عطيتها دينارين فوق معاشها تين تقعد تتشكر اسبووووع




بنتج يبيلها تأثيرات صوتية اي والله لا تستغربين تأثيرات
يعني بطلي الجولة جدامها وقولي واااااااااي يمااااااااااا نااااااار هوت هوووووت اي اي يعور بعدين يودوني طبيب ونيرس تعطيني ابره واح ابجي ودم ومن هالسوالف

اي شي تبينها تخاف منه سويه قصة وان في بنت خذت بطل ماتعرفه وطلع فيه حشرات وعضوها لووول
ادري عبالة بس وايد تنفع جربي

 

[PuPa^^SWeeT]

ايي والله


قاعدة الحين اقوولهم وخرووو جراثيم جرتثيم

نفس مال دعاية ديتول جنه الولد اللي يبي ياكل ويغسل ايده ساعة كامة ههههههههههههههههههههههههه



تبين اعطييج نموذج من الخدم اللي عندي


تخيلي مرة يبت نيبالية صغيرة والله حلييوة تشتغل وفيها بركة الحقيرة هههه


بس مرة شافت عيال اختي ولد عمره 5 سنين جذي واخته سنة و نص


ياكلون نجتس و بطاط


وانا بنتي توها ماكملت السنة


انا معلمتها اكل مهروس ومادري شنو يعني سوالف يبيلها فووح و هرس




تخيلي اببيت خالتي اسمع خدامة اهل ريلي ( بالاصح اهيي من اكثر من 45 عندهم كبيرة و مرة عيوز و اتموت بعيالنا بعد جنه اليدة عرفتي

اتقولها ماما بوبا مايرضى مايعطي انتي

ييت اشوف ليش الصيحة لأنه صوت خدامتي وياها

ولا خدامتهم اتقولها لاتعطينها دياي بطاط ماما مايرضى


اقوولها ليش الدياي و بطاط

اتقولي هذا بيبي سستر انتي ياكل اقوولها واذا ياكل شكوو لاتعطينها


هذا السبت انا زايرتهم

يوم الاحد مداومة عندي تصحيييح فاينل


وانا مادري ليش كنت اودي بنتي عند امي الصبح ما كنت اثق باحد مادري ليش الوسواس حزتها


بس الحين عرفت

تخيلي انا وصلت سبع و ربع

دقت امي علي اتقولي اتيين الحيين خدامتج انحاشت


رحت بلغت ريلي


و الخدامة المسعدة اثاريها متفقة ويا واحد و طلعت وياه

تخيلي وداها شقق فيها بلاوي اهيا منحاشة قبل ال 8


الصبح


ماوداها المكتب الا يمكن الساعة 9:30 باليل


تخيلي يهاوشها راعي المكتب لأنه صغيييرة عمرها 14 بلغت عندي اصلن


يقولها انتي صغيرة شلون تنحاشين

قومي طلعي علي بلاوي


طاقتها و مادري شنو وريلي كل يوم يطقها يعني سوالف


المهم انحاشت من اكثر من 4 بيوت غيري مو بوديها بيت ثاني

جان يصرخ عليها يقولها تبين اتردين ديرتج ردي

بس انا مو مسؤؤول عنج اذا واحد ذبحج و قطج بالبر منيي خافت


واقعدت بالبيت الخامس استقرت


بعدها اب 7 اشهر


ولا شفتها بسيتي سنتر


تخيلي فرق عني عندي



انا بنية وحدة كانت عندي واتقولي الشغل وايد


وكانت مرتبة يونيفرمات و غير الهدوم اللي اعطيها ومادري شنو


المهم اللي شفتها اول شي وحدة متحجبة طالعة اببجامة @@ مقطنة


المعزب و المعزبة جدامها رافعين خشتهم و ماشيين جداام

واهيا وراهم شايلة بيبي بو سنة و شوي


و اتراكض ورا بنية عمرها يمكن 4 و وولدين واحد 3 والثاني يمكن 6


اهيا شووفي شنو كانت حياتها عندي و شنو حياتها عندهم الحين


تقعد على طاولة بروحها ويا اليهال و الريال و مرته بروحهم

انا لما اطلع ويا بنتي و اهيي و اختي

كنا طاولة وحدة و اطلبها اكبر من وجبتي انا مثلا رقولر ولا كيدز ميل اهيا دايمن ميديوم

و اعطيها وقتها تاكل


اقوول صج مو ويه نعمة

اللي صادمني كنت قبل اقولها حطي على شعرج لما اتسوين اكل البيبي كانت تبجي


الحين متحجبة


@@