اللي مستغنية عن الخدامة و متحكمة بشغلها برة البيت و داخله اتدش

[PuPa^^SWeeT]

ايي ذكرتيني بسالفة الدينار


مرة كانت عندي سيلانية كانت اتطق بنتي من ورااي الحقييرة للحين حارتني حتى قلت حق اليدييدة اللي الحين عندي


اللي اتطق بناتي انا اشرب من دمها

المهم

مرة بعطي السيلانية معاشها 50 دينار

يعني الصبح ماعندها يهال و لا شي حضانة البنتين

جان اتقوولي هه خمسين ماما شنو انا يشتغل بس خمسين
انتي لازم يعطي انا 60 دينار


اذكر ذاك انه ريلي زييين ما طقها لأنه اسلوبها زفررررررررررررررررررررر



بس انا يعورني قلبي عليهم فا قلتله خلها و راحت الدار وتبجي



عاد قلتلها اني خلاص بزيدج


ولا عاد البنية اللي بالجمعية قالتلي ترا اتطق بنتج


باسكاااات وديناها المكتب جان اتقووول اهناك تبجي اخر مرة و انا ماطقها و جذي ريلي يقول عورت قلبي مرة عيوز وتبي اترد ديرتها بسرعة



ولا عاد ردت اهيا اسبوعين بس ولا لما اكتشفت بوقات فلوس عندي


قلت بالطقااااق اتطق بنتي و اتبوق وما امن منها و ما ترتاح الا لما اهاوشها ؟؟؟


قلتله اخذها مابيها



خلاص



انا تذكرت السالفة لما قلتي تستانس عالدينار جنه عشرة


وهذي اعطيها 50 اتقولي هه خمسين ؟؟؟؟؟؟؟؟؟؟؟؟؟؟؟؟؟





اشكال اعوذ بالله اللي طبو عندي

صلحت الخطا



ريلي = ريال


مندمجة و لعبت بالاححرف شوي

 

[PuPa^^SWeeT]

@@


اب اب اب
اب اب
اب

 

[om MaRyooM]

انا احس صعبة صعبة للموظفة تعبيش من غير خدامة

لابد يصير تقصير



انا لما كنت ادرس ماكان عندي شغالة ولاعيال .. فكنت عادي ارتب وانظف وكل شي تمام


بس لما توظفت ويبت اول بيبي شفت الوضع ماساااااااااااااة فيبت شغالة

انا الخدم اخليهم بس للتنظيف

واليهال علي


وبصراحة الخدم نعمة

 

[مناير خزنة التاير]

حياكم الله البنات الي دشو ومشكورين على تسجيعكم لنا والفال لكم ياارب


مناير انا عن نفسي غسالتي الي بابها مدور ينفتح من جدام مو فوق


الغساله فيها دج يتبطل وفيه مقسمات


واحد صابون والثاني كومفرت



وتطلع الملابس روعه



يعني عادي مافي شي


ليش يصير معاج جذي


شنو نوعية الصابون الي تستخدمينع واي غساله تستخدمين؟؟؟

نفس غسالتج اللى بابها مدور , اللي سويته يبت بطل ماي صغير فاضي و قصيته و خليته معياري حق الصابون و بالنسبة حق الكمفورت حطيت تقريبا على مقدار الغطا ماله
اللي صار :eh_s(2): :eh_s(2): :eh_s(2): لحظة شوي ببجي الفنايل تغير لونهم لاني انا السنعه حطيت ترينج بنتى لونه كحلي مخمل مع العدوم :ggdw: :ggdw: لحظة برد ابجي مرة ثانيه :eh_s(2): :eh_s(2): , نكمل الموضوع
اللي صار بعد و هذا سؤال الكل يجاوب عليه فضلا لا امرا :eh_s(10): هيلاهوبات بنتي وبروا !!!!!!!!!!! ليش !!!

 

[مناير خزنة التاير]

ماكو شي صعب , بس الوضع العام بالمجتمع خلاه شي صعب
بالعكس لما ماتكون الخدامة موجودة يصير في تعاون و اليهال نفسيته تتغير
لان انتي كل شي تسوين له

يارب تعينه

 

[Melazlaza]

باك
بوبا عفية عليج والله الخدم ما تأمنينهم على بيتج واغراضج بعد روح وطفل لا حول ولا قوة؟؟؟ اتعجب حيل من الي تترك ياهل مع خدامة وتروح دوامها يعني شفيها لي وديتيه اهلج او حمولتج او حضانة
اي مكان ارحمله من قعدته مع الخدامة لا حسيب ولا رقيب
بنظري اللوم عالام مو الابو ولا الخدامة لو اجرمت فيه


بالنسبة لي اشوف اني اييب ثلاث يهال واربيهم صح ولا اييب ستة وتربيهم ميري
اشوف امهاتنا ماقطونا عالخدم لا وكان الزمن اقشر لا تكنولوجيا ولا تطور بس كانت الام تشيل الياهل بايد والايد الثانية الملاس

الحين تطور
غسالات متطورة وفول اوتوماتك
وحضانات مميزة
و موبايلات للاطمئنان عالاسرة باي مكان كان
ونلاقي الام تحذف الطفل عالخدامة جنه زيادة عدد بالبيت واهم شي عندها دوامها وكشختها والاستقبالاات والعروس
قمت اشوف الاطفال لسانهم طويل وقليلين ادب ويمدون ايدهم ويتفلون مكرم القارئ ،،ليش؟؟لان الطفل يقلد واي شي يشوفه بيطبقه وما اعتقد الخدامة لوووووو كانت زينة هم لها خلق تعلمه الادب اكيد بس تبيه يسكت لا تقويم لسلوكه ولا اهتمام باخلاقه
وبصراحة اقل دوام الحين ست ساعات ماااااهي شوية وقت كبير،،مقرود هالياهل
الله لا يقسي قلبي على ضناي ولا يزرع الملل بقلبي من المسؤولية






مناير حبيبتي،،
نفس غسالتي بالضبط
الغلط باختيارج للغسيل وخلط الملابس
الحل
كل شخص ملابسه تنغسل بروح والابيض بروحه والملون بروحه
يعني انا مثلا
اذا بغسل ملابسي الداخليه اختار الغسيل الخفيف اليدوي واحط صابون باستكانة مو اكثر واحط بغطا الداوني نص الغطا
واخليها تغسل بس تخلص اشرهم
ملابس ريلي البيض
صابون ااستكانتين وداوني غطا كامل واخلط مع الصابون جويت الازرق بقفشه اخبصه مع الصابون واخليها تغسل مع تعقيم
وشوووووفي البياض والنظااافة
واحنا موجودين نعلم بعض

 

[PuPa^^SWeeT]

ملزلزلة


صاجة بكل كلمة


الله يهدي الام اللي اتخلي العيال بالبيت و تطلع واتخليهم عند الخدم

 

[PuPa^^SWeeT]

ملزلزلة



انتي شنو سوالف الخدم اللي خلتج لايعة جبدج منهم

 

[Melazlaza]

بوبا شنو ما شفت منهم
اول ماتزوجت ظليت احن على ريلي عالخدامة تدرين دلع الاهل وهم مايظل احد ما يقولج وي شنو متنيحس مايابلج خدامة والوحدة باول زواجها عقلها على قدها

المهم يابلي والا ثوووولة تحملتها عن الفشلة لان كان يعلق حيل ان شقتنا صارت وصخة وانها بس تنام وتاكل وكان كله يتهدد بيزفها وانا اهديه
غرفتها ريحتها تبط الراس وكل يوم ريحة حمسات هنود وييييع بس شسوي كنت ارحمها وتكسر خاطري طاح حظها
حامل وموظفة وانا انظف لانها ماتعرف مع انها مشتغلة بالكويت وفاهمة اخر شي اكتشفت انها تتغيشم عشان لا تشتغل وانا ثووولة قاصة علي
واي اتذكر احتر شقتي مغبرة وماتطبخ وملابسنا وصخه ونصهم محترقين من كويها هذا غير الجذب ماعندي نقال وطلع عندها هم صبرت
ولدت جان يطلع الخياس لاني منسدحة فمنو ينظف اهيا تعودت عالدلع وريلي موقادر يتحملها قام وزفها وصرخ عليها وانا خفت تسوي شي قتله دز معاشها خصم منه خمسة عشان تتسنع جان تكسر خاطري قتلها هاج الخمسة بس تسنعي بابا معصب
جان تنحاش بخمستي لووووووووووووول بغا يذبحني ريلي يقول انا اعاقبها وانتي تراضينها من وراي!

عقب طلبت نيبالة شهووور ومايت جان اييب فلبينية مسترجعة سوت فيني سوات ماصارت اكتشفت انها منحاشة من كفيلتها لان ريلها كان علي علاقة بالودرة والمرة طاحت عليهم وطقتها وهذي يايه تدور زوج كويتي لوووول
هم تحملت تخيلي؟؟؟
لما شفتها وانا موجودة تخض راس ولدي عشان يدوخ وينام هني قلت لا مو كفو وعالمكتب والا بايقة نص هدومي اليديدة وكل ما اسالها تقول مادري بكل براءة
المهم

طلبت فلبينية اول مرة ثووووووووووووووووووووووووووووووووووولة
شي فضيع الهندية اذكى منها قلت ماعليه تتعلم واحسن تكون عالنية
اثاريني انا الي عالنية
تستغفلني وتجذب وكنت اقول لا ما تقصد
لين طحت عليها تخيلي امي دازتلي سمج عالغدا وكمية عودة قتلها هذا كله لج بس عقب باجر قطيه لان خلاص تطلع ريحة بالثلاجة ولزمت عليها قالت اوووكي ماااام
بوبا عقب اربع او خمس ايام اشم ريحة خيال بالشقة قطو ميت المهم
خامس يوم كبست عليها حزت الغدا والا اتقط شي بسرعة بالزبالة اطل والا عظام سمج انبهررررررت لان كل يوم ابطل ثلاجتي مافيها سمج سألتها شنو جوابها؟؟؟
انا خشيته طوووووووووول هالمدة بكبت ملابسي انتي مو راضية اخليه
امبيه تبتسم بلؤم للحين اتذكر شكلها الخبيث
يومياً اعطيها غداها قبلنا والله العظيم بس الزفر زفر والا سمج اسبووووووووع بايت يعني تغشيني ابيتي
هم طنقرت عليها وسكت
تخيلي عقب ساعة اناديها اناديها انبح صوتي وابي شي ضروري وولدي بيدي مفصخ مو قادرة اقوم من صراخي ريلي نايم قعد والا اييني خليته عند البيبي ورحت ادورها والا بالمطبخ قتلها ليش ماتردين قالت ما سمعتج ومعطتني ظهرها مت مت مت حرة نااااااار بقلبي لا ارادياً عطيتها كف وقتلها الحين عالمكتب يلا
عقبها حلفت ما ادخل خدامة بيتي وبفلوسها شريت كل المعدات المتطورة وعشت حياتي بهنا وسعادة
طبعاً بوبا انا ما قتلج باجي الي مروا علي لانهم ما كملوا شهر عندي
وهذيلا الي قتلج عنهم تحملتهم لان الكل كان يقوللي مااااايصير تقعدين بدون خدامة وكلام الحريم المحبط الي يهد الحيل
اخر وحدة قتلج عنها كانت تقوللي اذا طلعتي مع ريلج اخذوني قلتها لا نظفي الشقة والبيبي معاي ارتاحي ونامي
عقبها تقولي اخذيني ماجني قتلها لا وهم كررت عليها ان ارتاحي حزة طلعتنا جان تقولي لا مابي يطلعلي يني بس تطلعون ويطلع اصوات مخييييفة واقعد ابجي وانحاش منه
بالله هذيلا بشر صاحين نقعدهم ببيوتنا؟؟؟
اتوقع ردي صفحة كاملة بس سألتيني سؤال اجابته طويلة حييييل واختصرتها كثر ما اقدر

 

[كتكوته22]

انا بنظم حقكم انا متزوجه صارلي سبع سنين ونا كان عندي خدامه اخلص شغلي بنفسي وما كان عندي بيبي السنه الخامسه الحمدلله الله رزقني وحملت ولدت بدون لا اطلب خدامه معن كنت اروح المكاتب وادور بس قلبي ينقمت من اشكالهم واطلع اقول حق نفسي شلون بخلي مره غريبه بيتي وماراح اخذ راحتي وولدت بنتي وكانت الامور اوكي ضبطت وكتي اخلص شغلي اول باول لين بنتي كملت سبع شهور والكل كان يقولي منصجج قاعده بدون خدامه تعرفون مجتمعنا?وصج حزتها شوي حسيت بالتعب بنتي بس تحن وما تنام بليل وتحبي وتكتشف الاشياء يعني صج فتره متعبه كانت قلت ليش اتعب عمري خل اطلب اهي تجابل التنظيف وانا اجابل بنتي وطلبت اثيوبيه وجان زين ما طلبتها طبعا من البدايه انا طالبتها عمرها 25 ومتزوجه ولمن يت انصدمت عمرها17ومو متزوجه ويايه تلعب ووشكلها منحاشه من اهلها لان حتي امها ما تبي تكلمها لمن اقولها دقي علي امج جني منتفتها من الطق وتنفس علي يومين ?وبالمختصر كان جودها عله علي بالبيت برج مراقبه رادارات ضلت عندي اربع اشهر وبروحها يت معنفصه وديني مكتب انا ما ابي اشتغل خدامه الظاهر حاطه بالها وزيره ولا ناظره والله الله الشاهد علي كنت مدللتها كل شي اشتري لها وبنتي مالها شغل فيها نهائا ولا مره طلعت وخليتها عندها واهي تعصب ليش ما اخليها عندها وغسيل ملابس انا اغسل وداري عمرها ما دخلتها وشغتي صغيرونه يعني عليها بس صاله وحمام ومطبخ بس ومو حامده النعمه وديتها من رمضان والحمدلله راحه بدون خدامه اتعب جسمي ولا اتعب نفستي بوحده غريبه ما ادري شنو اهي وشنو نواياها والحمدلله الله يقدرني ويعطيني الصحه اقوم بيتي وبنتي بروحي بدون خدامه ?

 

[حلوةودلوعة زوجي]

السلام عليكم بنوتات انا بنضم لكم وبسولف لكم عن نفسي اشوي وروتين حياتي

انا من كنت صغيرة انا وخواتي ما شفنا خدامة بس طبعا كان في عندنا بس مااذكر اخر خدامة بالتحرير كانت عندنا
المهم من واحنا صغار انا وخواتي وحدة شالت الثانية وشغل البيت امقسم علينا وحدة تغسل هدوم ووجدة تخم وحدة اوتي وحدة تلم الخمام تكرمون وجذي صج نترفز ونعصب بس هالشي ما حسينا فيه الا الحين لم كل وحدة افتحت بيت وتزوجت
عن نفسي اول قاعدة بغرفة مع اهل ريلي 4 سنين فما كان في شغل وايد بس الحين بالشقة ماشاءالله واااااايد شغل اغسل حمامات واطبخ واخم و امسح ارضيات واغسل مواعين وهدوم وماشاءالله عندي بنية وووووووووووااااااااااااايد شيطانة امطلعتلي قرون بس الحين الحمدلله وايد احسن تعدلت اسم الله عليها ويحفظها الكل يقول اشلون متحملة وشغل وايد مايصير بدون خدامة بس والله بنات مو متعودة مو متقبلة وجود خدامة معاي وامنها على بيتي وبنتي انا اسوي كل شي احسن بيدي منها اطمن من ناحية النظافة واكون متاكدة اني مشتغلة عدل ومنظفة بضمير مو اي كلام بس الحين احس بتعب بحكم اني حامل وواول الشهر ادش الثامن صج تعب وظهري يعورني وثقل الله يكون بالعون بنات ادعولي الله يسهل الولادة انا ولادتي الاوليه تعبت بشكل مو طبيعي قيصري والله احاتي ريلي اشبسوي بروحه وااايد احاتي
ادعولي بنات ادري قرقت وايد سامحوني الي بتقرق معاي حياها الله لووووووووووول

 

[حلوةودلوعة زوجي]

بس والله شعور حلو انه الكل يقول عنج سنعة ونظيفة وخالتي ام ريلي مستانسة اني شايلة ولدها شيل
مافي احلى من لم ريلي يقولي يعطيج العافية ويبتسم لي الله يخليه لي يارب

 

[*kim*]

مرحبا بنات موضوع مميز صراحه خخدامتي بتسافر يوم السبت وانشالله اقدر اسيطر على الوضع الارداه والعزيمه موجوده بس اسم الله عليهم عيالي حيل شطانه واخاف اغفل عنهم ويأذون نفسهم ذيك المرا لقيت ولدي قامت اخته بالمخده ويضعط حيل على راسها البنت اختنقت بس انشالله من تروح الخدامه يتسنعون عيالي

 

[مناير خزنة التاير]

بالحركة بركة

والله اتحسين مخج يشتغل وكل شي تدرين عنه

 

[Melazlaza]

ولكم للي انضموا لنا وحياكم الرحمن
والله سهالة لاااااااااا تحاتون الشغل الاجهزة تسويه
ولا تحاتون العيال من تجابلينهم انتي بيصيرون عجال ويتعلمون الترتيب وبيساعدوووووون بشغل البيت

شخذينا من الخدم غير القتل والتعذيب والعلاقات المحرمة خاااااااست ديرتنا منهم

 

[زوجي توأم روحي]

ملزلزة

حبيبتى والله انتى :eh_s(15):

خدامتى بتمشى الشهر الياى ( روحه بلا رده )

وبنتقل ان شاء الله لشقة كبيرة

وبشترى الأجهزة اللى عندج

وبكون على تواصل معاج بكل شئ ان شاء الله

ولا للخدم :eh_s(4):

 

[Melazlaza]

زووووجي توأم روحي روحي وفاااااالج السعادة
وبتتذكرين كلامي
شوغي انا كنت اقول مستحيل اعيش بدون خدامة
ولما ذلفت الي عندي واعتمدت على نفسي حسيت اني كنت مسحورة والله الشغل ماياخذ وقت والبيت يصير نظيف حيل ومافي عذول طلعات بكيفج نوم قعدة لبس كل شي بكيفي محد يحاسبني قطيعة نييب جواسيس ببيوتنا

وانا وياج حبيبتي اي سؤال حاااضرة واي وقت مارديت عليج عندج الخاص فاتح مشراعيه

لا للخدم
لا للخدم
لا للخدم

 

[Melazlaza]

قعدت تريقت بهدوووء وولدي نايم
من امس مطلعة الايدام
قمت نظفت السمجة وسويت الدقووس والعيش الناااطع وقبل لا يرد ريلي اقلي السمجة
وانا اطبخ انظف رخام المطبخ اي شي يحوشها بيدي كلينيكس وامسح
المواعين المتوصخة ابطل الدش وووشر واحطهم
المطبخ يللللللللمع ماجني طابخة والجدور متروسة يالله من فضلك
الله يعطينا الصحة والعافية ولا يحوجنا لاحد

 

[PuPa^^SWeeT]

ملزلزة الله يعيينج هذا نماذج الخدم الي تحطي عليهم


واااااااااااااااااي


الحمدلله افتكيتي منهم

 

[مدرسة84]

بنات عطونا خبرتكم في اللي يابت يهال من غير خدم

شلون كان الوضع وشلون قسمتي وقتج.

وانا متابعتكم من اول الموضوع.

موضوعكم يعطي باااور

انا ماعندي خدامة في بداية زواجي

ومفكرة لبعدين ماييب خدم من سوالفهم الارعه اللي نسمع فيها.