اللي مستغنية عن الخدامة و متحكمة بشغلها برة البيت و داخله اتدش

[Melazlaza]

العفو

 

[نطوووعه]

بنات عندي سؤال اللي عيالها صغار شلون ممكن تطلع ويا زوجها تروح سينما والا مطعم يغيرون جو بدون عيالهم اذا ماكو خدامه يخلون اليتهل وياها عند الام او الخاله مثلا لان أكيد مو أمي اللي بتجابل بنفسها ولا خالتي واستحي اطلب منهم اصلا

 

[PuPa^^SWeeT]

هذي المشكلة



:|

 

[Melazlaza]

باك
عن نفسي ولدي بكل مكان معاي وما اخليه عندهم الا للضرورة وفي طريقة ان اخلي مدة يشتاقووون عشان اهما يطلبون يشوفون الياهل فيصير عادي عندهم ساعتين يلعب عندهم
مع اني ما اسويها الا عقب زف منهم ان لازم تطلعين وخليه عادي من هالحجي

وجهة نظري
الزمن يركض والعيال بيكبرون بيصيرون بسن ممكن نتركهم بروحهم بالبيت واحنا متطمنين هني الزوجين ياخذون راحتهم
انا دايماً اقول لاحقة عالسينما والله يعافي التلفزيون اشتري احدث فيلم وناتشوز وبوب كورن واليهال نايمين
واذا عالمطاعم يازين اللقمة لا شاركوني فيها

وكل وحدة طبعاً حسب مقدرتها وتفكيرها*

 

[PuPa^^SWeeT]

^^^^


صحح والله انا طلعتهم و استانسوو ياي افرح حييل


بس لا ارد البيت واهم ماشبعو من الطلعة
خصوصا الصغيرة



يااااي الله يعييني عليها لما تكبر

 

[Melazlaza]

بوبا نفس ولدي مايشبع من الالعاب لي طلعته
وقمت اخليه مدة بالالعاب بس هم مايشبع
عاد شكتشفت
بما ان احنا قاعدين بشقق ومحكورين فالياهل يزهق مايطلع طاقته ويظل عنده مخزون من جذي اينون لي طلعوا
انا قمت اخليه ابيت حمولتي لين يدوخ ونرد ينام او بيت اهلي او العاب فيها مساحة
حرام احنا الكبار تطق جبدنا من الشقة شلون اهمه

 

[Melazlaza]

بعدين بنات ليش دايماً ناخذ الجانب السلبي من الاجانب ونترك الايجابي
نقلدهم بلبسهم واستقلاليتهم ونترك تحملهم للمسؤوليات وصبرهم بالحياة

كا عندهم عيال وموظفات وماعندهم خدم ويطلعون ويسافرون ومستانسين
اعرف انجليزية موظفة وعندها بيزنس وعندها بيبي وسعيدة تقول الذ متعة الامومة والزواج وقالت انا اذا اضطريت حيل اطلع بروحي اخلي ولدي بحضانة فترة العصر
احنا بعد عندنا حضانات العصر فيها العاب وتاخذ بالساعة
بس خلاص احنا مانفكر الا بالسهالة مالنا خلق نعابل لووول عكسهم اهما كل حياتهم حركة احنا كل حياتنا مطاعم ومواجيب

 

[PuPa^^SWeeT]

صاااجة ايي والله

 

[*kim*]

مرحبا اول يوم لي من غير خدامه احس بكسل وخمول لان معتمده عليها بكل شي ومو متعوده على الشغل وببلغكم باخباري باجر

 

[PuPa^^SWeeT]

^^^^^


موفقة انشالله

 

[Melazlaza]

كيم شدي الهمة واي استفسار احنا حاضرين
تعالي سألي عن كل شي نشجع بعض

 

[PuPa^^SWeeT]

خل اتقولنا اذا الوضع يهدي مع الوقت ولا لأ

 

[روج وردي]

حبيبتي هذا الشي قدرات
يعني انا ممكن من اقل شي اتعب غير لا ماشاء الله

وخصوصا الموظفه لان تقضي نص يومها بالدوام
يعني وقت التمسيح والترتيب والتنظيف اللي الحريم او الخدامات يسوونه الصيح هي ماتقدر لان تكون بالدوام

ثانيا كل وحده زوجها غير في ازواج بيتوتيين يحبون يرجعون من الدوام يجابلون الحرمه ولاتقومين ولاتحركين بس جابليني دلعيني
وفي رجاجييل فاتحيين مجالسهم و 24 ساعه شاي قهوه عشا ومادري ايش


يعني كل شخص ظروفه غير

 

[Melazlaza]

بوبا انا من تجربتي اول شهر صعب مو بالشغل لا بالتنظيم والضغط الخارجي
ماعندج خدامة امبيييببه رحتي فيها<<<<هالجملة انقالتلي الف مرة


عقب جم شهر تعيشين سعادة عارمة
شقتج حقج بروحج جد وناسة

 

[Melazlaza]

روج وردي

اهوا قدرات ذهنية مو جسدية

الموضوع يبيله ترتيب يوم كنت موظفة وعندي بيبي وزوجي بيتووووووووتي جدا جدا والحمدلله شقتي تلق والبخور يترس الممر للي بيزورني

وللعلم انا فيني ديسك بظهري

 

[روج وردي]

^^^^
ادورها من مدة ما لقيت لها طاري يعني محد يتحجئ عنها

بس مؤخراً سمعت وحدة شاريتها يقولج بتاع كولو غسيل تنظيف ناشف ومبلول
بس الصدمة






سعرها فوق الألف!!!!!!
هذا الي سمعته بس مو اكيد
بحاول اسأل اكثر وان طحت عليها اردلكم خبر

صح كلامج احنا بقطر فيجتي شاريتها من سنتين تقريبا ب 14000 ريال
يعني تقريبا 1300 دينار

:eh_s(1):

 

[روج وردي]

بوبا
انا موجودة البنات طاخين


اقولكم الغسالة طلعت ب1300ديناااااااااار كويتي
دينار ينطح دينار
يقولج تغسل زوالي وسيراميك ورخام وبتاع كوووووولووو
اتوقع مدة وبتنزل شبيهتها بارخص بس خلننطر

توني اشوف هالرد لوول:eh_s(4):

 

[روج وردي]

روج وردي

اهوا قدرات ذهنية مو جسدية

الموضوع يبيله ترتيب يوم كنت موظفة وعندي بيبي وزوجي بيتووووووووتي جدا جدا والحمدلله شقتي تلق والبخور يترس الممر للي بيزورني

وللعلم انا فيني ديسك بظهري

ماتشوفين شر حبيبتي :eh_s(2):

 

[Melazlaza]

الشر ما ييج ياقلبي وهلا هلا باهل قطر منور منتدانا فيكم ونتشرف انكم اتابعوون منتدياتنا
انتوا اهل الذوق

 

[{ ليت ظني كآن صآيب }]

موضوع ممتع ويعور القلب بنفس الوقت

انا مستحيل استغني عنها اعرف نفسي

موظفه وعندي ولدين فوق بعض

و دوامي لي 2 الظهر / منو يمسك عيالي ؟

اذا عندي مناسبه والا زواره والا طلعه منو يمسكهم ؟

مع ان خدامتي قمة الغباء و الكسل و بليده وبارده وشغلها مثل فيسها

فلبينيه بس متحملتها لانها تحب ولدي الكبير وحنونه عليه

و بتسافر قريب و بقدم على سيلانيه ان شاءالله

و الله الحافظ

وسالفة انها تضايقني باللبيت من ناحية لبسي وجذي اهي تنام تحت عند حمولتي