اللي مستغنية عن الخدامة و متحكمة بشغلها برة البيت و داخله اتدش

[Winter Q8]

ملزلزة و بوبا ..
لول قلت نخرعكم شوي ..
و الصراحة احسن خدم تشتغل و اهي ساكتة و لا تعور الراس ..

ملزلزة
الجلاية للحين ما استخدمتها اول يوم حست بنص مراكز سلطان و جيان مالقيت الملح
عاد امس امي لقلتلي اياه بلولو هايبر و نسيته عندهم
عاد انا اليمعه و السبت مااقعد بالبيت الا ريوق باجي الوقت بيت ابوي ..
باجر استخدمها ان شاءالله

و نصيحة اخذي النشافه واي راحة مابعدها راحة
امس غسلت هدوم البيت المكودة من اسبوع و الحين بالكبت
طريقتي الغسالة تغسل والنشافه تنشف الغسلة اللي قبلها و انا اسفط او اعلق الهدوم
اول لا ماعندي مكان انشر الا داخل البيت و الهدوم يومين ياله تنشف و يبيلي اسبوع ياله اغسل كل شي " الغسالة صغيرة و مو كوالتي
و عاد شوفي التكود ما اخلص صرت اخذ الهدوم من السلال و البس حياة مأساوية

...

و اعرفكم على صديقتي بالمطبخ يحليلها تبشر و تفرم و تقطع و تخلط عجيبة ..
يا حلات البصل الشرايح حق المسخن مرتب و نفس السايز و الاحلى عيوني لا تحرقني و لا ايدي تصبغ فيها الريحة .. حتى الملفوف و الخس تقطع لي اياه .. و كل شي حلقات او شرايح تسويه
تبشر الجزرو الخيار و الجبن
و تفرم لي البصل و الثوم و الطماط
و وايد اشياء تسوي .. و سعرها حلو 19 دينار من الغانم ..


​

 

[Melazlaza]

ونتر عليج بالف عافية الاجهزة وصدقتي تشتغل واهي ساكتة

لحقيييييني بالقطاعة افتريت كل مكان مالقيتها

ابي ماركتها ومن وين بالضبط خذتيها اي غانم؟؟
وتقطع مكعبات للمرق مثلا؟؟


بنات يازين الويك اند بدون خدم طالعة وبالي مرتاح لا خدامة بشقتي واحاتيها ولا وياي وتغثني

 

[Melazlaza]

ونتر من خبرتي بالغسالة
اذا شارية المكعبات الثلاثية ماركة فينيش فماتحتاجين الملح
اهو الملح للتنظيف والتعقيم والصابون للغسيل والزيت للتلميع عرفتي

 

[توتاتوتا]

ونتر شلون استخدام فليبس ومن متى عندش

انا رحت للغانم مالقيت براون او كنود لان مدحوها بالنت

لقيت مولنكس و فليبس و ونسا

 

[PuPa^^SWeeT]

اب اب اب
اب اب
اب

 

[عسل مرت قيمر]

ملزلزه

الله يسلمج حياتي

وانتو بعد مكانكم خالي


الحمدلله سافرت واستانست

والسفره كانت حيل موفقه بفضل ربي

والله عافيج حياتي والفال لج تسافرين وتغيرين جو


صح كلامج والله نفس الاحساس سبحان اللع لان اثنينه مجربين الشي


وولدي بسفره الحمدلله حيل استانس معانه

والله حاطته بلعربانه وبين كل وقت انزله منها اخليه يحوس لان حرام اليهال مايتحملون الحبسه


واسم الله عليه ونيس ودمه خفيف فتلقينالناس يوقفونله واهوا يلعب


بطياره كنت ماخذه كوره وجم سياره حاطتهم بجنطتي حقه عشان يلها

بس الله وكيلج ياليتني ماخذيتها


قام يحذفها على روس الناس ويموت ضحك


المشكله ابي افهمه ان غلط


بس الناس يضحكون له ويردونها وسلعبون معاه


توهقت فيها

اخر شي خشيتها ولا طلعتها ليما وصلنا


طبعا اهناك اي محل رياضي يشتري وحده يديده


ولدي غرامه الكور وكل العابه كور


لو تشوفون شقتي جم كره فيها تنصدمون


انواع واشكال واحجام


غرامه غرامه



والحمدلله كل شي تمام التمام

 

[عسل مرت قيمر]

بوبا شنو هذي الي تسوي العيش شسالفتها ؟؟؟


خلاستفيد يمعوده يمكن تنحل عقدتي بطبخ شوي شوي

 

[*kim*]

مرحبا خدامتي سافرت لها سبووووووووع صج لي قالو رأحه نفسيه وتعب جسمي

 

[*kim*]

*انا غسالتي عاديه وتعبني الغسيل والاوتي وبما ان عيالي صغار فا كل شوي قاطين ومبدلين وللاسف زوجي مو متعاون معاي ومو راضي نشتري غساله اوتماتيك*

 

[*kim*]

انا مسويه لي برنامج مثلا اليوم غسيل ملابس باجر اوتي اللي بعده انككف الشقه كلها وامسح السراميك الحمام طبعا يوميا دايما بايدي فوطه وبخاخ ديتول امسح

 

[*kim*]

بنات لاحظت شي قبل عيالي كله يبجون وكانهم محترين او الخدامه كانت تعاندهم دايما عيالي يبجون ولا يصيحون مزعجين ولايطقون بعض من راحت الخدامه واهم طاخين

 

[PuPa^^SWeeT]

بوبا شنو هذي الي تسوي العيش شسالفتها ؟؟؟


خلاستفيد يمعوده يمكن تنحل عقدتي بطبخ شوي شوي

ايي نفس ستايل قلاية البطاط


اتحطين فيها كمية محددة للعيش ةالماي ووالبهارات وبسسس

 

[PuPa^^SWeeT]

بنات لاحظت شي قبل عيالي كله يبجون وكانهم محترين او الخدامه كانت تعاندهم دايما عيالي يبجون ولا يصيحون مزعجين ولايطقون بعض من راحت الخدامه واهم طاخين

صججج ؟؟؟؟



انا بناتي يطقون بعض


بس مرة لما طردت السلانية فعلا هدووو

 

[om-3azo-83z]

انا ما اشتغل ادرس بس مقسمه شغلي عدل ..
اقوم قبل الصبح اقعد ريلي على ما يتسبح اسوي الريوق نتريق و اقط الملابس بالغساله
على حسب جدولي متى عندي محاظره اذا وقت متاخر اعدل غرفه النوم و اذا مداني غسلت الصحون
ارد من الجامعه اشيل الملابس و اقطهم على المنشر و اذا في غيرهم اقطهم و ابخر المكان على ما ايي ريلي احط الغدا و بعد الغدا اقعد معاه شوي و من ينام الظهر اروح اغسل المواعين و اسوي الملابس اوتي و اغسل الحمامات و امسح الارضيات و اخم بعدها يقوم ريلي اقعد معاه شوي لي بليل على 7-8 اسوي غدا باجر و اقطه بالثلاجه و بس
و ثاني يوم على الغدا بس احطه على النار

 

[PuPa^^SWeeT]

ام عزوز عندج عيال ولا لأ



لأنه قبل انا كنت منظمة شغلي كله وبالعكس ما احتاج الا يوم واحد بالاسبوع تنظيف جذري بسسسس




بس مع اليهال يفرق الوضع

 

[Winter Q8]

ملزلزة :لا ما تقطع مكعبات .. جني مرة شفت قطاعه تقطع مكعبات على ام سي فور و معارض ارض المعارض بس اغلبها يدوية .. و خذيتها من الغانم بجمعية الجابرية

توتاتوتا : كانت عندي من زمان بس ضاعت قطعه اساسية و توني شريت ثانية من فترة قصيرة .

عسل : عليج بالف عافية السفرة .. و احلى شي لما ما يكون عندج خدامة تسافرين على راحتج ما تفكرين وين تحطينها و لا تاخذينها معاج .. و محد يقولج خدامتج خربت خدمناا ..

ليش متعقدة من الطباخ ترا سهل اهل شي يكون عندج استعداد نفسي حق الطبخ ..

كيم : الله يعيــنج تصدقين انا من وعيت على الدنيا و عندنا غسالة اتوماتيك و لما كبرت عرفت في غسالة عادية و الاسبوع اللي طاف لما رحت اشتري غسالتي قمت اطالع الغسالات العادية و استنتج طريقتها غسلي بحوض و رديهم بحوض ثانية و عصري قطعه قطعه و شيلي و حطي ليش هالظيم ..
قطيهم داخل الغسالة و بروحها تعرف شغلها .. الله يهدي ريلج حاولي تقنعينه و ترا الكل مسوي تنزيلات استغلي الفرصة ..

بوبا : احس بناتج فيهم طاقة ان شاءالله اذا راحت الخدامة شغليهم معاج .. خليهم يرتبون سريرهم انا لما كان عمري 4 سنين و امي تخليني ارتب سريري و ماكان لي خلق و كنت انام بنص كفر و لما اقعد ارده مكانه ..
و من الحين علميهم يلعبون ويردون العابهم مكانها و الله كنت اعرف ناس اذا لعبوا ردوا اللعبة بكرتونها .. و اشتري لهم زولية شوي كبيرة و قولي لهم هذي حدودكم باللعب و اذا تعدوها و شفتي لعبة برا الزولية اخذيها منهم ..
و اذا خربوا شي يعدلونه و اذا بدلوا خل يقطون هدومهم بالسلة و ماله داعي كل ساعه مبدلين هدومها " عيالنا هابين فيها "

للأسف اليهال تشربوا على ثقافة الخدم و تعلموا انهم يخربون و احد يشيل وراهم .. خدامه اهلي مطنقرة الصراحة ما الومها توها مرتبة الدار و شوي و تنعفس بالالعاب و لا الهدوم طايحه على الارض حتى ادراج المكتب محذفه على الارض و المشكلة اللي يسوي جذي عود مو صغير ..
انا يوم اروح لهم و دخلت المطبخ تعودت انظفه وراي حتى لو اهي موجودة استحي ..

 

[Melazlaza]

عسولة ترى والله الطباخ سهل بس من كثر ما تخاتينه صارت عندج رهبة منه
صانعة الرز هذي عليها مدح جربيها يمكن تفيدج

كيم انا ولدي قبل كان مينني يبجي ويحن وغثيث لا ماتقدرين تعصبين تخافين الخدامة تعصب عليه وتتمادى يعني هم تنغثين وهم تكبتين الغضب شعور خايس
بس من افتكيت منهم صار شزينه من هالناحية اللهم بس بالطلعة يملقها اذا تملل
قوليلنا شصار عليج شنو شعورج
شوفي انا ريلي ماكان راضي عالاوتوماتك قتله اشدعوا برد عليك وابيع الخدامة وبربع بيعتها شريت الغسالة كان في تنزيلات لووول ماحد يقدر علي بهالسوالف
عقب قام اهو يمدحها وينصح الناس فيها وان ملابسه صاروا نظاف حيل و كلهم عطر

اذا بغينا شي بالاصرار نحققه

بوبا احسج تحاتين لوية اليهال وايد
اذا الخدامة ماتجييسهم لا غسال ولا تسبح ولا تشيلهم ولا تبدلهم عيل ابشرج ماكو اي تغيير بيصير اللهم شغل البيت وبناتج ترى بوجود الخدم او بدونهم لازم يتعودون عالاعتماد عالنفس ولانقول توهم صغار (التعليم في الصغر كالنقش في الحجر)
واعمارهم تساعد
بوبا ولدي عمره سنتين علمته يرد العابه باابوكس مالهم
يحط ملابسه بالسلة
يقط اي شي عالارض بالزبالة حشاج
ماشالله الحين من كيفه يسوي لا واذا طلعنا يمسح الطاولة بكلينكس يقول ماما اناclean up
الزبدة الياهل اذا لقا خدامة تلقط من وراه بيصير دلوع وماصخ شوفي عيال الاجانب عجال ومتعاونين

بنات شتسووون اذا في شخص شغلة الشاغل ان انتي ماعندج خدامة؟؟
منغثة وكل ما اقول يبه انا الي مابي خدامة هالشخص يستلمني لا وليش وشلوووون وتحقيق وكلام وايد
هالحجي صارله مده وانا مطنشه بس بديت اشحن واخاف انفجر
المشكلة يشتكوووون من الخدم ويقولون يابولنت الامراض انزين انا مرتاحة ليش تبون اتعذب نفسكم
فشيت غلي عندكم لووول

 

[Melazlaza]

يابولت=يابولنا

 

[الـخـشـفـ الـنـداويـ]

مرحبااا

شلونكم بنااات
بدش معاكم بالتجمع

انا متزوجه بس بدون اطفال لي الحين

الحمدلله منسقه كل شي

 

[PuPa^^SWeeT]

لااا ما احاتي لوية اليهال


انا احاتي اليهال من زيارات الاهل بسس ولو دشيت المطبخ منو عندهم بالصالة


بسسسسسسسسسسسسسسسسسسسسسسسس