اللي مستغنية عن الخدامة و متحكمة بشغلها برة البيت و داخله اتدش

[سوسو حبيبتى]

http://www.youtube.com/watch?v=kH9jHHtk2po&feature=g-u-u&context=G2c32d20FUAAAAAAAFAA

حلوة الحركه حق غرفه بنوته مراهقه او صغيره

 

[Melazlaza]

ونتر سرسو كفت ووفت

انا بقولج شغلة كلنا بلا استثناء نمر بحالات ملل
لو كانت عندج خدامة بتييج حالة انج كارهتها وودج تحذفينها من الدريشة ولو ماعندج تييج نفس هالحالة الي يايتج
فهذا شي جدا طبيعي لا تحاتين واليك الحل السحري سيدتي

الحين دقي على شركة الي خمس ساعات بعشر دنانير يدزولج فلبينيتين يشلعون بيتج من عرجه حطي ريل على ريل وخل ينظفولج

وانا ترى نفسج ولدي لما مرض قلت بقلبي لو عندي خدامة جان ارتحت بس رجعت تذكرت لما كان عندي خدامة وولدي يمرض واااااي النفسية تصير دبل
لانها بتغثج زود غير انها تضيع الادويه غير انها تتفنن بالغباء تنتهز نقطة ضعفج
ماتحجى عن خدامة وحدة مروا علي١٣وحدة كلهم يحرووووووون كله منفسه وكارهة روحي واعصب على ولدي من حرتي منهم

لا تتضايقين حياتي جربي هالحل واذا لازلتي متضايقة ييبي مسترجعة جربي جم يوم وشوفي شنو شعورج وهل بترتاحين؟

حبيبتي دشي هني طمنينا عليج وطلعي كل الي بقلبج

 

[درابيل]

ونتر حبيبتي الله يعينج وطبيعي تمرين بهالحاله وما شاء الله سوسو و ملزلزة كفو ووفو
ولايضيق خلقج انتي استخيري وشوفي

ملزلزة غسالتج مالت الاطباق نفس مالتي جنه ويرلبول صح ؟
وعفيه حطي رقم هالشركة اللي قلتي عنها للخدم يا معوده تفج ازمه

 

[PuPa^^SWeeT]

ياقلبي



ونتر



الله يرحمه و يغمد رووحه الينة




واسم الله على ولدج



حبيبتي بالامور المفاجئة فعلا نحتاج احد يدير بالنا على عيالنا


بس جان طلبتي من صدييقتج ولا وحدة اتصيرلج بينج و بينها ميانة ؟؟


عالعمووم ياقلبي



انا الود ودي انج ما تستلمين من هالنكسة


لأنها نفسيتج انتي تعبااانة حييل مو شوية



واكييد بتتعب من هالفاجعة


صبري على روحج شوي


و قعدي ويا اهلج والناس اللي اتحبينهم



و شووفي اذا للحين الفكرة ببالج حزتها كيفج



بس لاتفكرين حاليا لأنج وايد تعبانة

اللي علييج دقي على وحدة اتيي اتنظف البيت بخمس ساعات انشالله يكون كل شي مرتب

 

[Dloool_q8]

هااااي

شلونكم؟

ولهت عليكم بس كنت لاهيه نوعا ما قاعد نسوي دزة ولد خالتي

بنات انا مقصره بالتنظيف لان كانت علي الدوره وباجر بغسل ان شاء الله بس عندي سؤال انا مرات اخلي غسيل الصحون فاليوم ييت اغسل غطاة الخلاط احسه مدبق مادري ليش واايد يصير معاي جذي خاصة مع البلاستيك انقذوووني بليز

 

[سوسو حبيبتى]

http://www.whattoexpect.com/toddler/starting-preschool.aspx

دة سايت عن الاطفال وكل مايخصهم

والصفحه كلها لينكات عن ازاى تساعدي الطفل وتخليه مهيئه نفسيا انه يروح الحضانه

للاسف كله انجليزي

انا فاهمه معظم الكلام .. بس ياريت لوواحدة تاخد ثواب وتنزل موضوع تترجم فيه كل الى ف الموقع

وانا هاااحاول اساعد بالى اقدر عليه

من لغتها الانجليزيه كويسه ؟

 

[سوسو حبيبتى]

دلول اول شي حاولي انك ما تركنيش الصحون

ولو واايد ووايد مستعجله حطي بالحوض مال الصحون ماى وصابون او تايد او اى منضف

واى صحن يتوسخ حطيه بالماي

ولما تيجي تغسليهم هايكون اسهل عليكي

ولو نسيتي تعملي الخطوة دي .. لما تيجي تغسليهم وحاسه انهم مدبقين حطي بالحوض ماى حار وكلوركس واى منظف

واغسليهم وادعي لى :$

 

[سوسو حبيبتى]

تذكروا اخواننا النائمين فى الخيم فى البرد






أحيانا لا ندرك قيمة الفراش الناعم ،

والبيت الهاديء ، والوسادة النظيفة .،

والطعام اللذيذ ونعمة الأمن والأمان والنعيم .،

فنبحث عن أي شيء ونبكي لأننا فقدناه .!!


قولوا .. الحمد لله

 

[ShoOog el3YoOoN]

مرحباا
صاحبة الموضوع مشكووره حبيبتي خوش موضوع نتحاور ونستفيد من خبرات بعض
بتكلم عن نفسي
أنا ساكنه بشقه بروحي مومع حموله وعندي عيال اثنين سنتين ونص و٩ اشهر خدامتي سافرت من اسبوع وانا موظفه ًً يعني استغني عالخدامه شي صعب لان عيالي مااقدر اخليهم بالبيت بروحهم ولااقدر اقطهم على احد أنا بجر امي وإخواني مدارس وصغاريعني امي يألله نفسها وخالتي ام زوجي مره عوده وتعبانه مااحب اضغط عليها وهم في شي يهمني أنا ماحب اخرب نومة عيالي واقعدهم بعز البرد واوديهم لأي احد ً حلاتهم فبيتهم ومتدفين
هذا شي والشي الثاني أنا توني فبداية حياتي الزوجيه يعني ناويه احمل وأبي يهال ف صعبه اضغط على حالي اللي تترك الخدم تكون ام عيال كبار وربة بيت موموظفه أترد من شغل اجابل يهال ولا طباخ وتنظيف وزوج ومرض اليهال يشلع القلب أنا عيالي واحد يعادي الثاني أنا احاجيكم وانا ماعندي خدامه متشاركه مع امي بخدامتها لين توصل خدامتي طلبت فلبينيه عوده مشتغله بالسعوديه كانت  أنا مااحبط اللي ودها تتخلص من الخدامه بس أنا شرحت ظروفي وحدها صعبه يعني أنا لو بطلع مشوار ماعرف وين أودي عيالي امي كله لاهيه بخوأني صغار وخواتي صغار مايعتمد عليهم ف اذا عندي شغل اقطهم على اهلي مع الخدامه المهم يكونون بمكان امن حوالينهم إخواني ولا خواتي الصغار وامي طبعا

اللي مستغنيه عن الخدامه وماسكه بيتها عليها بالف عافيه وعسى ربي
يعطيها القوه والصحه والعافيه واللي لها ظروفها عسى الله يسخر لها
بنت الحلال اللي تريحهاا وهذي الدنيا كل من له ظروفه

 

[ShoOog el3YoOoN]

وفي شغله نسيت أقولها عيالي أنا انومهم وبليل عندي مو عند خدامه
وانا اذا موجوده ابدل والبس واجابل عيالي أهي تنظيف وخم وهالخرابيط

 

[PuPa^^SWeeT]

شوق العيوون


صاجة ياقلبي



وحياج الله بهالتجمع


لين شوي يكبرون عيالج واتصررين ويانا



انا بعد ودي احمل بالثالث انشالله يقدرني ويرزقني




بس باخذ انشالله اموومة اذا ولدت انشالله

 

[زوجي توأم روحي]

صباح الخير يا حلوين
اشتقتلكم واااااااااايد

وحياكم نشرب شاى مع بعض



ملزلزة


مشكورة حبيبتى على التوضيح
وبالنسبة لى انا أسوى مثلج بس هم أحس فيه مشكلة
عموما زوجى كلم الفنى مال الغانم وان شاء الله بيشوفها وأردلج خبر



سوسو حبيبتى ده انتى اللى عسل وشكرا على الموقع المفيد:eh_s(7):



ونتر حبيبتى ميخالف صبرى وتعوذى من ابليس عاد من حلات الخدم قطيعة تقطعهم والله يعلون القلب وغثاهم ومشاكلهم أكثر من نفعهم مليوووووون مرة

وارجعى حق تجربة كيم ماشاء الله عليها عندها عيال صغار ودراسة ومع ذلك قدرت اتضبط أمورها ماشاء الله تبارك الرحمن


وترى كلنا أحيانا تحوشنا حالة ضيقة وملل من شغل البيت أو يكون عندنا ضغط ونصير جذى



ومن العيال جذى




بس هالفترة تعدى ونرجع نضبط الأمور

الموضوع يبيله صبر ووقت



بقلبى انت ربى يسخرلج زوجج يارب



الله يسلمكم بناتى يحبون التلوين والألوان عاد انا سويتلهم امس بغرفتهم كورنر تلوين فيه طاولة وكراسى وسويت نفس هذى حق الألوان



شرايكم ؟



ولكل بنات التجمع أحبكم فى الله

 

[Dloool_q8]

مرحبا

اليوم مسكبه بالدوام جنه وزارة ابوي ونمت شبعت نوم والحين يه وقت الكراف

هالايام احس الامور بدت تفلت من ايدي الله يعيني

 

[ليمون ونعناع]

ويمتر عظم الله اجرج
عليج بالاستغفار و الصلاه

وادا اضطريتي شوفي الايجابيات والسلبيات للخادمه وتوكلي على الله

والبنات ماقصروا بخبرتهم ماشالله

 

[ليمون ونعناع]

زوجي توأم روحي
حلوة افكارج

والصورة الي حاطتها للام الي شايله ولدها واثنينهم يبجون معبرة وايد تدكرني بروحي لمن يمرض

وصاجه ملزلزة
اذا الولد مرض الخادمه تستلعن

الحين انا شغاله اسوي غسيل مخ لزوجي عشان قريب نستغني عن الخادمه

 

[حبوبة الأطفال]

مساء الخير خواتي


ونتر عظم الله اجرج .. وان شاء الله ولدج مايشوف شر ويخليه لج

وعن سالفة الخدامة .. خواتنا ماقصروا بالرد

والاوقات الي نحس فيها بنفجر ومانقدر نكمل بدونهم ترا بتمر عليج معاهم

والله يعينج


...

يعطيكم الف عافية خواتي .. عالردود الحلوووة الي تفتح النفس

 

[سوسو حبيبتى]

لوووول ليمون حلوة غسيل مخ

فقدتكم كلكم والله

توام روحي حبيت الفكرة انا خاطري اسوي لسوسو ركن للالوان بس ماتقعد لازم تقعد بالصاله معايا ماتقعد لحالها ابداااا

جايبه لها طاوله صغيره وكرسي واحط لها الالوان تشخبط شوي

شوق العيون ..هلا حبيبتي نورتي التجمع

شوفي حبيبتي احنا فى التجمع مش بنغصب حد انه يستغني عن الخدامه بالعكس كل واحدة ليها ظروفها وحياتها

بس بنشجع بعض على اننا نترك الخدم .

واكيد انتى ظروفك ماتسمح لك انك تتركي اولادك بدون حد يساعدك ومعاكي حق ان يكون عندك خدامه

وان شاء الله بكره يكبروا وتشوفيهم عرايس حلوين وماتحتاجيش لحد

 

[بقلبي انت]

يعطيكم العافيه بنات تصدقون احيانا احس بالضعف واقول بجيب خدامه بس والله من ادخل التجمع واقرا ردودكم وكلامكم اتشجع
وارد عن فكرتي خاصه لتضايقت او حسيت بالتعب يارب تعطينا القوه والصحه والعافيه


ويمتر عظم الله اجرج وشوفي إلي يناسبج وسويه

زوجي توأم روحي فعلا الصور تعبر عن الحالات إلي تجي احيانا احس ودي اهج اطلع اي مكان والله يصبرنا وينزل علينا السكينه


حلو كورنر الالوان بس مشكله انا ماعندي غرفة فاضيه احط العابهم فيها والوانهم عشان جذي حاطه الالعاب بسله كبيره و
الالوان والكراسات والتلوينات بدرج

سوسو الله يخليها لج وتشوفينها عروس يارب واكيد الجاهل مايحب يقعد بروحه لازم احد وياه خاصه وقت اللعب <<تلحلحي وجيبيلها
اخ او اخت يونسوها

دلول اكيد وقت العطله الواحد ينسي جدوله ونظامه إلي كان ماشي عليه رتبي امورج ونظمي وقتج وبجذي تقدرين تسيطرين
علي نفسج والله يوفقج

 

[ليمون ونعناع]

ولدي مرض وماله خلق شي بس يبجي حياتي
امس واليوم وديناه رويال حياه لان تعبت من المستوصف ماكو ادويه والحمدلله سالفه نشله وكحه وحرارة

عاد مرينا على دكتورتي الي كنا نراجع عندها وانا حامل اول مرة تشوف ولدي استانست وايد وانا بعد استانست

 

[Dloool_q8]

بقلبي انت انا من سكنت شقتي اليديده ماني قادره اضبط جدولي قاعد احاول كثر ما اقدر اسوي كنترول

ليمون ونعناع ما يشوف شر وليدج