الي يبي ينحف يدخل معانا القروب

[مسك> الختام]

مرحباً كيفكم مع الرجيم

 

[زهرة أهلي]

هاااي بكون معاكم شلووون
إلا أنزل هالـ 15 كيلو !!!

 

[Aci Hayat]

السلام عليكم

بنااات بليززز بشارك معاكم لازم لازم لازم أضعف بإذن الله

بديت فيه أمس :eh_s(14):



فطوري : نسكافيه
غدااااي : لحم من غدا البيت مع شوية سلطة عصرت عليها ليمون
العشا : بيض

اليوم فطوري :- نسكافيه << قمت قبل الصلاة بشووي
الغدااا : تغديت ع 4 خضار مع نص كاس سفن آب
العشا : بيضتين أومليت

ألحين أشرب قهوتنا العاديه ووبس



إن جعت شربت مااااي أو كلت جبنة كيري عشان تسد نفسي

بنااااات شلون أشرب ماااااي أنا ما أشرب كثير للأسف

تشربون شاي أخضر أو شاي أعشاب ؟؟

وبالنسبة للسيكل هل يضعف ناس الوا يضعف وناس قالوا يعرض

حيرونااااا

 

[NOR_S]

^
حطي بالمويه شوووي مويه ورد يعطيها طعم غير كذا مفيده للبشره
انا من قبل الريجيم متعوده اشربها كذا :eh_s(7):


رجعت يابنات
كنت صح منتبه لوزني ماازيد بس ماكنت عالدايت
المهم اني قررت التزم مره ثانيه
وبديت من يوم الاربعاء وامس على اساس الجمعه هو يوم الميزان وزنت ونقصت 800 غرام
صار وزني 85.8
يالله باقي شوي على هدفي الثاني ياااارب ياااااااكريم :eh_s(9):​

​

 

[مها عسل]

هاى بنات وحشتونى والله انا تركت الجروب عشرين يوم عشان كنتم منقطعين وما كان فى حماس لكن رجعت لكم تانى وانا كنت قبل العشرين يوم دول كسرت الدايت عشان ابدأ من جديد وفعلا عملت كده وبقالى عشرين يوم بالمرحله الاولى ومنتظمه ولكن الكااااااارثه ما خسيت الا واحد كيلو ايه الحل ايييييييييييييييييييييييه الحل؟؟؟

 

[chnoof11]

هلا فيكم كلكم حبيباتي الي تبي رجيم الدشتي تقدر تنضم معنا علي الواتس اب ترسلي رقمها علي الخاص وكل البنات الي معاي ثقه ومره حماس وتشجيع اتشرف بحظوركم






هلا فيك حبيبتي مها يالله ابدي كويس وبدون لخبطه

 

[بفايا همس]

مساء الخير

شنوف انا باديه بالرجيم لي 4 ايام وحابه استفسر من عندك على كذا شغله واذا ممكن اشارك معكم بالقروب وانتي تتابعينا

في انتظار ردك

 

[chnoof11]

اوكي حبيبتي مومشكله حبيبتي ارسليلي رقمك علي الخاص واضيفك

 

[بفايا همس]

شكرا حبيبتي بس قصدي انا هنا بالمنتدى

راح ابدا باسئلتي علشان تجاوبين علي

وعلى فكره انا شفتك بمنتدى ثاني وبصدفه شفتك هني وسجلت علشانك فما عليش تحمليني شوي والف شكر لك مقدما

اول سؤال :انا وزني 80 وطولي 158 كم يبي لي انزل في المرحلة الاولى علشان انتقل الى المرحله الثانيه؟

ثاني سؤال :انا مدمنه شاي احمر تميت 3 ايام بدون ما اشرب ولو تشوفيني كيف صرت وماتحسنت الا اليوم بعد ماشربت كاس بسكر تروبيكانا (ملعقه صغيره) هل الشاي راح ياثر على مفعول الرجيم؟

ثالث سؤال: هل مسموح لي بالمرحله الاولى شوربه شوفان كويكر ولا لا؟

رابع سؤال: اللي فهمته من المنتديات انو في عداد للكارب بس شنو اهميته اذا انا متبعه قائمة المسموحات يعني خلال الاربع ايام اكلي اقتصر على اللحوم والبيض والخس والخيار والجبن سلايس والجبن الابيض فقط وعلما اني اكل للشبع, وهل الجبن الابيض مسموح اقصد فيتا اللي تباع بالوزن؟

خامس سؤال: انا وزني صعب النزول لانه سمنتي في الوسط الكرش والافخاذ يعني ماراح ينزل بالاسبوع الا كيلوين (لاني مجربه كذا رجيم واكثر شي انزل كيلوين بالاسبوع هل معناته انو اذا نزلت كيلوين بس بالاسبوع انه عندي شي خطا ولا المفروض ينزل اكثر؟

سادس سؤال:كم علبه سفن دايت مسموح بالاسبوع يعني لو شربت كل يوم نص علبه عادي ماياثر؟

اخر سؤال: انا البارح جاتني دوخه فارحت اخذت حبه وحدة تمر هذا الشي غلط ولا لاني دخت مو قادره اسند طولي(مع العلم اني ما اشتكي من اي مرض والحمدالله)؟

والف شكر لش ادري طولت عليش بس والله محتاجه لحد يفهمني اكثر

وعذرا لاني على الواتس ما اقدر

تحياتي لك في انتظار الاجابه

 

[بفايا همس]

اي صح عندي استفسار بعد انا امشي لمده 45دقيقة وعمل رياضه لمدة ساعه كل يوم بس وانا امشي او اعمل رياضة احس انه جسمي مثل الفرن وكانه تحت الجلد نار لدرجه اني احتر حيل مع انو الان الجو بارد

هل هذا الشي طبيعي ؟

 

[رمزالانوثه]

السلام عليكم

كيفكم دبدوبات

انا بشترك معكم ابي تحمسوني

قسم متحطمه امي كله تزف فيني واختي الكبيره تزف فيني يالدبه يالخبله
والنظرات تقطع قلبي لمن يطالعوني
حتى بلقمتي كلن يطالعني

ابي انحف وراتاح

بليز لا تخلوني

 

[chnoof11]

هلا فيك حبيبتي حياك الله معانا*

اول سؤال :انا وزني 80 وطولي 158 كم يبي لي انزل في المرحلة الاولى علشان انتقل الى المرحله الثانيه؟

تدخلين في المرحله الثانيه اذا صار وزنك ٧٠ كيلو*

ثاني سؤال :انا مدمنه شاي احمر تميت 3 ايام بدون ما اشرب ولو تشوفيني كيف صرت وماتحسنت الا اليوم بعد ماشربت كاس بسكر تروبيكانا (ملعقه
صغيره) هل الشاي راح ياثر على مفعول الرجيم؟

طبعا ياثر لانه في كافيين والكافيين يزيد الانسولين في الجسم ويتحول لسكريات ويسمن*
اذا تبين *شاي في شاي بدون كافيين في مارك سبنسر او اشربي فنجال مو كوب فنجال واحد في اليوم*


ثالث سؤال: هل مسموح لي بالمرحله الاولى شوربه شوفان كويكر ولا لا؟

لا مو مسموح*


رابع سؤال: اللي فهمته من المنتديات انو في عداد للكارب بس شنو اهميته اذا انا متبعه قائمة المسموحات يعني خلال الاربع ايام اكلي اقتصر على اللحوم والبيض والخس والخيار والجبن سلايس والجبن الابيض فقط وعلما اني اكل للشبع, وهل الجبن الابيض مسموح اقصد فيتا اللي تباع بالوزن؟


حبيبتي النشويات مممنوع حتي الخضروات الجرجير والخيار والخس والسبانخ كل انواع الخضار في نشويات عشان كذا ماينفع ناكل اكثر من ٣٠ غرام نشويات طبعا الموجوده في الخضروات*


بنسبه للجبن كل انواع الجبن مسموح وباي كميه ماعدا جبن السايل والمايونيز والكافي ميت مسموح بملعقتين في اليوم ويكونون كامل الدسم*


خامس سؤال: انا وزني صعب النزول لانه سمنتي في الوسط الكرش والافخاذ يعني ماراح ينزل بالاسبوع الا كيلوين (لاني مجربه كذا رجيم واكثر شي انزل كيلوين بالاسبوع هل معناته انو اذا نزلت كيلوين بس بالاسبوع انه عندي شي خطا ولا المفروض ينزل اكثر؟

الحمد الله حبيبتي انك تنزلين كيلوين نعمه من الله*

سادس سؤال:كم علبه سفن دايت مسموح بالاسبوع يعني لو شربت كل يوم نص علبه عادي ماياثر؟

مسموح لك باليوم تشربين ٢ سفن دايت والعلبه كله او ٢ فيمتوا الغازي لايت*

اخر سؤال: انا البارح جاتني دوخه فارحت اخذت حبه وحدة تمر هذا الشي غلط ولا لاني دخت مو قادره اسند طولي(مع العلم اني ما اشتكي من اي مرض والحمدالله)؟


حبيبتي الدوخه تجي اول يومين بس ومسموح لك اول يومين تاخذين تمره وحده وماينفع تقعدين اكثر من ٥ساعات بدون اكل الاجسم ماراح يحرق*



اي صح عندي استفسار بعد انا امشي لمده 45دقيقة وعمل رياضه لمدة ساعه كل يوم بس وانا امشي او اعمل رياضة احس انه جسمي مثل الفرن وكانه تحت الجلد نار لدرجه اني احتر حيل مع انو الان الجو بارد

هل هذا الشي طبيعي ؟ * اي عاد حبيبتي هذا الجسم جالس يحرق الشحم وبعد فتره بتحسين بالم في البطن والفخوذ هذا الشحم جالس يتقطع*



واي خدمه ثانيه انا موجوده حبيبتي وبنسبه للواتس اب لا تاخفيين والله البنات الي معي مره ثقه * وكلهم متزوجات فلا تخافين*

 

[روندى العاصي]

upup

 

[chnoof11]

هلا حبيبتي رموز حيالله معانا وان شاء الله راح تنحفين بس ياليت اضيفك علي القروب الواتس اب احسن عشان اكون معاك لحظه بلحظه

 

[سمينة 140]

السلام عليكم ​

انا مدعوة من اختي الله يحفظها لاني سويت رجيم دشتي​

كان وزني 132 وبديت بالرجيم يوم 1 يناير ، واليوم 125,200​

نظامي اتمنى ان تشوفونه اذا فيه اخطاء نزولي احسه بطيئ مرة /​

- افطر بيض مقلي بالزبدة

وبعد ساعة قهوة بدون كافيين ، مع سكر ( شوقر نيل ) بدون كارب نهائياً وطعمه مثل السكر الابيض تماما​

- اتغدى نص حبة دجاج ، او كباب لحم ، او أكل جبن كرافت علب مبشور مع زيتون وخس وزيت زيتون ​

- اتعشى كباب ، او سمك ، او تونة ( التونة اكثر شي ) علبة صغيرة ، مع حبة جبن مثلث مراعي ​

- اخذ فيتامين دينا ميزان ، بس احس انه يثقل النزول ( مدري احساس ) منكم وحده مجربته ولا لا ​

- اشرب ماي ( علبتين صغيرة 0.33 مل ، او ثلاث علب بس ) مدري كذا صح ​

اتمنى تفيدوني الله يخليكم ​

وانا معكم ان شاءالله من الليلة ​

 

[سمينة 140]

وييييييه شكل وجهي عليكم مو حلو ههههههههههههه

وين ؟؟ ولا وحده اخذت بخاطري

 

[سمينة 140]

مدري فيه تجمع ثاااني

ولا بس ذا

 

[chnoof11]

حبيبتي لا وجه خير علينا اكل مضبوط بس اذا كل يوم بتاكلين هلاكل بتملين ليش ماتشتركين معانا في الواتس اب تتشجعين اكثر اذا انتي حابه ارسلي رقمك علي الخاص

 

[سمينة 140]

حبيبتي انا من السعودية ينفع

والله يسلمك ودي اسالك بالمرة ( الفيتامين دينا ميزان ) يصلح ولا صدق انه يخلي النزول بطيئ

وتسلمين

 

[chnoof11]

اكيد ينفع لانه انا سعوديه