امهات المنتدى.. ترضون تزوجون ولدكم بنت متعرف عليها ؟؟

[الفدنه]

اكيد بوافق حتى لو ماتعجبني
مدام اهو راضي بنصحه وكيفه بحياته
مع اني ضد زواج الحب بس اخواني تزوجوا جذي وبعض حريمهم طلعوا ذهب

 

[كوشيه فوشيه]

رد : امهات المنتدى.. ترضون تزوجون ولدكم بنت متعرف عليها ؟؟




من الاخر

وبالمختصر المفيد

شبابنا ماياخذوون وحده كلموها

ويحبون يكون زواجهم تقليدي

وتكوون العروس من طرف الام

طبعا الا مارحم ربي

بس الاغلبيه جذي

بيقول مثل ماكلمتني كلمت عشر غيري

ولما فجأه تتغير وجهة النظر ويقول باخذ فلانه فمعناه انه عاارفها عدل

وواثق باخلاقها وناادر يصير هالشي

وسلامتكم وسلامت السامع >> برا خخخ :eh_s(20):

 

[كوشيه فوشيه]

رد : امهات المنتدى.. ترضون تزوجون ولدكم بنت متعرف عليها ؟؟




يابنات هدوا اللعب


عندي تعليق للي مأيدين وللي معارضين


الحين انتي متمسكه برايج ومصره عليه


وواثقه انه صح


بس بعد جم سنه لو صار شي او موقف


يمكن يغير فكرتج 180 درجه


لان الانسان مو ضامن شنو يصير بحياته


يعني بالاخير اللي بوصله ان الانسان قراراته تتغير ومو ثابته :friends:

 

[خشف الرعآبيب]

رد: رد : امهات المنتدى.. ترضون تزوجون ولدكم بنت متعرف عليها ؟؟

بنات الناس لعبه عندهم وعند عيالهم , وبناتهم مكتوب عليهم ممنوع اللمس !!
الوحده ليش ماتمسك ولدها بعد , والا عشان ريال مرفوع عنه القلم وكل شي عادي

وليش ترضون تفرقون بين اثنين يحبون بعض , وكل واحد منهم يتزوج واحد غير , البنت تتزوج واحد كان يكلم ويحب , والولد نفس الشي ياخذ حبيبه غيره على قولتهم

عالاقل جربوا سألوا عن البنت واهلها ماتدرون

هالبنت مثل ماكلمت يمكن بيوم من الايام بنتكم ينقص عليها وتكلم , هل ترضون ان ينطلق عليها مسمى بنت مو شريفه !!

:rerrerek::rerrerek::rerrerek:

 

[tulip]

رد : امهات المنتدى.. ترضون تزوجون ولدكم بنت متعرف عليها ؟؟

انا امي تقول لاخوي شوفلك بنيه بالدوام خايفه ربها وزينه .. وماعندي مانع اخطبها لك ؟

 

[G!RLooNa]

كوشيه بالعكس الحين وااايد ياخذون بعض عن حب دشي قسم الزوجيه نص البنات متزوجين عن حب

 

[G!RLooNa]

Upp

 

[miss_jamsheer]

اكيد برضى لاني حاسه فيه بس اول شي بشوف البنت اذا بنت ناس وخوش وحده وتستاهله اوافق ليش اكسر قلبه

 

[MyLittleBerry]

رد : امهات المنتدى.. ترضون تزوجون ولدكم بنت متعرف عليها ؟؟

اعطيه طراااق اورم خده ههههههههههههههه

اقص عليكم


واااااااي صعبه صعبه للحين عيالي صغار يصير خير بزمنهم مادري شيصير

 

[3w!Shni]

انا مع الاخت غلا بكل الي قالته صراحه ..

انا مو متزوجة ..

لكن ليش احرم ولدي من وحده اهو حبها ويبيها

عشان باجر لا تزوج وحده غيرها و مجبور و غصبن عليه وقلبه مكسور ..

يحن قلبه ويرجع لها.. شذنبها بنت الناس الي راح يخونها؟؟

والي كان يحبها شذبنها تتزوج واحد وماتبيه و تخونه و يرجعون حق بعض ..

ماطاح الا انبطح

الحين الزمن اختلف .. و محنا بزمن مثاليات ..

 

[Nanoosa]

وي اسم الله عليه وليدي أكيد ما راح أوقف بطريجه و ما اخلي شي بخاطره
أوافق و أبصم بالعشر ليش أرفض إذا كان حبهم عذري و بريئ و و قرر ان ياخذها بالحلال؟؟؟
بس أول شي أسأل عنها لأن مثل ما يقولون الحب عمي لوول فلازم أسأل عنها بداله
و اذا فيها عيب صغيرونو و اهو أصر ان ياخذها هم بوافق لأن مو انا اللي بعيش معاها أهو اللي بعيش معاها
و بعدين يمكن اذا زوّجته زواج تقليدي و مو من اختياره ما راح يحبها اذا كان في باله وحدة
ليش أظلم بنت الناس اللي زوجتها ولدي و اهو بخاطره وحدة ثانية؟

انا مو متزوجة ولا عندي ولد بس اشتطيت
و بعض الردود قهرتني الله يهديكم بس

 

[& شرطان الذهب &]

رد : امهات المنتدى.. ترضون تزوجون ولدكم بنت متعرف عليها ؟؟

انا اشوف.. اذا الولد يبي البنت وشاريها.. وسألتوا عن البنت و طلعت خوش بنت.. ماله داعي التحنج و تفرقون بين 2 يحبون بعض ..

كلامج سليم وانا معاج بهالراي

 

[كريزيه كيوت]

انا اوافق وبشده لان مابي اكسر قلبين يبون بعض وشي اهوعارفه احسن من شي مايعرفه

 

[G!RLooNa]

رد: رد : امهات المنتدى.. ترضون تزوجون ولدكم بنت متعرف عليها ؟؟

اعطيه طراااق اورم خده ههههههههههههههه

اقص عليكم


واااااااي صعبه صعبه للحين عيالي صغار يصير خير بزمنهم مادري شيصير

:dddds:

 

[فـرفـر]

والله انا مو متزوجه
بس اذا تزوجت ووولدي يبي له وحده يعرفها
اكيد بسأل عنها ودام البنت اختارها ولدي اكيد لقي فيها شي حلو
لانه بنات هالوقت تسوي روحها مثاليه وهي من تحت لتحت
علي الاقل هو عارفها وموشرط للي كلمت واحد يعني موشريفه
في بنااات الشرف علي كيفهم استغفر الله

والله يعين اعيالهم بعدين والله

وخوش مووضووع عاجبني

 

[العبيدان tenuta]

رد : امهات المنتدى.. ترضون تزوجون ولدكم بنت متعرف عليها ؟؟

والله ليش لا. اذا ماخذاها. راح يظلمها لانه البنت. حبته وردت كذا وووواحد علشانه وماابي الله يحوبني بولدي. راح تدعي عليه. وعلي وحتي هو راح يظلم. اللي باخذها راح. هم تنظلم لانه في ترسبات في العلاقه القديمه ياخذها. وعليه مبارك وسعيد. وهذه. عطايا الراحمين وياشعام الظالمين
بس ولكن اذا يجي يوم. من الايام وشكي. احذفه اكبر ماعندي. واقوله خبز خبزتيه. يارفله اكليه. ​

 

[ترانيم القصيم]

رد : رد: امهات المنتدى.. ترضون تزوجون ولدكم بنت متعرف عليها ؟؟

كوشيه بالعكس الحين وااايد ياخذون بعض عن حب دشي قسم الزوجيه نص البنات متزوجين عن حب

طيب و النص الثاني ؟ :080402ask_prv:

^_^ ,,

شوفي يا قلبي :

و إن كانوا متزوجيـن عن حب هذا ما يعطيـنا ( تصريـح بفعل المعصيـة ) :icon30:

تزوجوا عن حب أو تزوجوا بطريقة العفة و الشرف ( طريقة الشرع ) هذا ما يلغي الحكم الشرعي في ( العلاقات بين الرجل و المرأة )

تظل العلاقــة حرام و ما ترضي رب العالمين ,, تظل علاقة مبتذلة و ساقطة و وضيـعة بغض النظر عن نجاحها أو فشلها ,,

أعرف إن كثير بنات طايحات بهذي العلاقة ,, و ممكن كلامي يكون قاسي عليهن بس هذا الواقع !! و هذي نظرة الدين للعلاقة المحرمة

( غير مسافحات و لا متخذات أخدان ) << لو نشوف الآيــة نبي نلاحظ إن الله تعالى ربط العلاقة المحرمة بالسفاح !

فيه أشد من هالإنحطاط ؟ يعني العلاقة المحرمة هي الوجه البدائي للفاحشة إذا ما كانت ( زنـا نفسه ) ,, ليـه ؟

لأن العين ( تزني و زناهـا النظر ) ,, ليـه الولد ماهوب جالسن يناظر في البنت آللي يكلمها و يفكر بها و يتخيلها ؟

الأذن ( تزني و زناها السّمع ) ,, ليـه الولد أو البنت ماهم بـ جالسيـن يغازلون بعض في الجوال و يتبادلون الكلام الغرامي فيما بينهم ؟

بالمختصر المفيد :

ماهوب معناهـ يا غيرلونـا إن العلاقة نجحت مع فلانة و علانة يعني معناهـ بتنجح معي أنـا أو معك أنتِ أو مع غيرنا

و إذا نجحت مع فئة من البنات فهي من جهة مقابلة دمّرت أعراض الكثير من البنات ,, و إلا من ويـن اللقطاء و كل يوم لاقيـن واحد منهم يا عند قمامة

يا عند مسجد ,, شارع ,, مدرسة ؟

بخلاف الزواج الشرعي ,, ما فيه تدمير للعرض و الشرف ,, نجح أو فشل ,, ما راح يخسّر البنت سمعتها و لا راح يفقدها شرفها ,, ^_~

يعني تقدريـن تقوليـن إنّ البنات آللي تزوّجن عن حب و مشى حالهن ( وضعهن ) أشبه ما يكون بـ ( ضربة حظ ) و إلا المتعارف عليه إن الشباب لعابيـن و كذابين

آخذين البنت ( كـ علكة ) يمضغونها أليييييييييين يغدي طعهما ماسخ ثم يبصقونها عند أقرب مزبــلة ,, ( نتكلم من منطق و منطلق الواقع الملموس ) :d

بعيدًا عن رومانسيات روميو و جولييت آللي ضحكت على عقول كثير من البنات !! ..

يابنات هدوا اللعب


عندي تعليق للي مأيدين وللي معارضين


الحين انتي متمسكه برايج ومصره عليه


وواثقه انه صح


بس بعد جم سنه لو صار شي او موقف


يمكن يغير فكرتج 180 درجه


لان الانسان مو ضامن شنو يصير بحياته


يعني بالاخير اللي بوصله ان الانسان قراراته تتغير ومو ثابته :friends:

هلا حبيبتي كويتيّة ..

كلامك هذا ذكرني بشي ,,

الإنسان قلبه متقلّب سبحان الله ,, يعني ممكن يكون اليوم ( مؤمن ) بعيد عن الشهوات .. لكن بطرفة عين ينقلب رأسًا على عقب

و حنـا ما نستغرب هالشي لأن قلوبنا بين اصبعيـن من أصابع الرحمن يُقلّبها كيف يشاء

و لهذا على المؤمن أن يسأل الله دائمًا الثبااااااااااااااااااااااااات فلولا أن يثبّته الله ما ثبت و لا أفلح

نسأل الله العافيـة و الثبات إلى يوم أن نلقاهـ

احترامي و تقديري

ترانيم القصيم​

 

[ذبحني صمتي]

رد : امهات المنتدى.. ترضون تزوجون ولدكم بنت متعرف عليها ؟؟

ترانيم كفيتي ووفيتي يالغلاااا ..

وقلتي اللي بخاطري ...بإختصار مابنى عل باطل فهو بااطل ....

اذا هو جاهل ويبي يبني حياته ع شي سوااه وهو عاصي ربه يفتررض امه تووعيه وتخووفه وتررهبه من خاالقه .....لاتقولون حب شرريف ...

ولد يكلم بنت = معصيه للرحمن وووغضبه الله المستعاان ...

واجي انا واقووله اي بخطبها لك ...معصي والله .....




يارب استر على عيالنا واررزقهم الستر والعفااااااااااااف .....واهدي امهاتنا وامهااااااااااااااات الجميع ياارب

 

[gala q8]

الموووضوع حده حلوو ..


اولا انا مو متزوجه


بس لو ولدي قال لي انا احب هالبنت .. ليش ارفضها دام اهوا شايفها و عاجبته ...

و طبعا قبل كل هذا بنسأل عنها بنشوفها .. و بنشوف اخلاقهـا ,, لان ممكن يكون اختياره غلط .. و انا راح انبهه على الغلط اللي في زوجته .. او مثل ما نقول ( حبيبته , خطيبته ) المهم ..

و ترى في وايد بنات متربيات يكلمون شباب الله يهديهم .. سنعات بس هالشيء الغلط اللي فيهم ..


والله يهدي الجميـــع .. ~

و يعطيج العــافيه على الموضوع .. ~~

 

[G!RLooNa]