امهات المنتدى.. ترضون تزوجون ولدكم بنت متعرف عليها ؟؟

[بنت النوخذا]

هاي بنات و أمهات ..

سؤال دايما فبالي

اذا يالج ولدج وقالج .. يمه انا احب بنت وابيها على سنه الله ورسوله

الجواب يكمن في هذا الســـؤال !!


اذا ياتـــلج بنت وقالت لج .. يمه انا احب واحــد ويبـــبيني على سنه الله ورسوله




لاحظوا وانتبهوا

في حلا الحالتين جمله

على سنه الله ورسوله


(( في نظري نزوجهم علي سنة الله و رسوله ))

اذا اتاكم من ترضون به ...........




وليش اظن بالظن السؤ وافكر بخرابيط
(( هل في نظركم كل علاقه حب هي محرمه و علاقه خاطئه و غير شريفه لماذا ظنون السوء في افكاركم ))

طالما انا مربيه بنتي او ولدي تربيه صالحه
بعرف واطمن انه ما راح يختار الا ما هو صالح

الله عطانا العقل

اجلس مع بنتي او ولدي
هاا يما مني البنت و منو الولد شلون تعرفتوا علي بعض
شنو مدي علاقه الحب اللي بينكم

انشد عن كل كبيره و صغيره اتحقق بكل هدوء
مو ابقق عيوني واصرخ و اخترع شهالخرابيط
العقل فوق كل اعتـــــبار

تفااااااهم ........ حوااااار ......نقااااش





اصحوا يا مجتمع
:eh_s(7)::eh_s(7):

 

[بنت النوخذا]

يغمى علي ..
لا بس احس ان الولد ضاحكة عليه ام الحب

وليش يغمي عليج
طالما انتي ربيتي
لازم تكون عندك قناعه في ما ربيتي
و قناعه في تربيتك لابنائك
وليش احس انه ضاحكين عليه
و ليش أسيئ الظن من الاساس

انا بالعكس بفرح
انه ابني او بنتي صـــارحوني

:eh_s(7)::eh_s(7):

 

[مستغانميـة]

بنت النوخذا .. يسلم النوخذا اللي رباج .. مشالله افحمتيهم بالرد :*

 

[بنت النوخذا]

بنت النوخذا .. يسلم النوخذا اللي رباج .. مشالله افحمتيهم بالرد :*

تسلمـــــــــــــــــــــــــين يا الغاليه

لانه ....... للاسف

المــــرأه هي عدو نفسها

و اغلب الاوقات المرأه تسيئ و تقتل المرأه
الاخـــري من خـــلال
حقــــد غــــير ظــــاهر

وتنقصـــنا ...... صـــراحة النفــــس

:eh_s(17)::eh_s(17):​

 

[amoma]

ياسلام عليج يا بنت النوخذه جان زين كل الاهل مثلج. والله كلامج عين العقل

 

[مستغانميـة]

i bow to you بنت النوخذا

مشالله عليج حبيبتي

 

[بنت النوخذا]

ياسلام عليج يا بنت النوخذه جان زين كل الاهل مثلج. والله كلامج عين العقل

amoma

اقولج بعد شئ اكثر صراحه
و واقعيه اغـــــــــــــــــلب

القضايا الاجتماعيه اللي في قصر العدل

سبببها ..... المرأه

دائما تدخل الام و الاخت .....

في أصـــغر تفاصيل حياة ولدهم

وحجــــتهم

و الله احنا نبيلك الــزين

واحد حب وحده

حطوه فيها الف عيب

و شنو رد الام او الاخت

نبيلك الـــزين

يعني تحسين

بس نا قص يحطون ولدهم بالسوق

و بجم اقول هههههههه

مـــــزاد جنه ولدهم منزل من السماء

شدعوا اللي خلقه ما خلق غيره

واذااااا


اخذ وحده بريطانيه و لاامريكه

يا الله من فضلك

تشيحطو فيها مرت و لدنا و مرت ولدنا

عاد الله و هالجنه لا اهل لا عايله
لا شهاده لا سنع لا ديييين لا مذهب

تقدر الام او الاخت يبطلون حلوجهم:eh_s(4):

بس شادين الهمه في بنات ديرتهم
​

 

[صفاءء]

الموضوع متشعب ؟
على حسب علاقة ولدي فيها ؟؟
يعني شافها بمراجعه او اهيا زميلة بالعمل رأها واعجب بأخلاقها
بأوافق ويبب بعد مع اني افضل ان تكون الفتاه تحت عيناي وناظري لاني ام
وأعرف من هي المناسبه لأبني

اما في حاله الاخ متكي عليها وسوالف لي انصاف الليالي واحبج وامووت فيج
لا ماراح اواقف لان ولدي أخطأ منذ البدايه انتهك حرمات اخيه المسلم
الي اهو ابوها او اخوها ولي امرها ..إلخ

ولا راعى هالشي وهي إيضاً تتحمل الخطأ لانها شاركته وساعدته بالاثم ..


الخلاصـــــة :لن أوافق على زواج إبتدأ بمباركــة شيطان الهوى ليسمح لي ولدي
سأفعل المستحيل ليصرف النظر عنها إلى الأبد

عبجني ردج مشاءالله عليج

 

[داريني]

على حسب نوع العلاقة وين شايفها و متعرف عليها بحكم و بيني وبين نفسي اكيد اتمنى انا اختار له بس هم ما اوقف بطريجه اذا حب والي علي انصحه و اذا صمم ياخذها ما راح اوقف ابويه و اشوفها و اشوف اهلها و و اعرف شنو بيئتها يمكن يطلعون خوش ناس اطمن و اذا ناس الله بالخير كيفه بس الي علي سويته و طبعا ما راح اتدخل فيهم لو صار بينهم شي و حتى علاقتي بخليها رسمية اما اذا خوش بنت اهيه واهلها بحطها على راسي و انا ابي السعاده حق ولدي وبالعكس اتقرب منها واكسبها و بالنهاية كل بيئه و تربيتها وان شالله ولدي يختار لو بيختار وحده بنت حموله منا وفينا

 

[المكسيكيه]

نسال عن البنت دام انها بنت ناس ومحترمه ليش لا
انا عن نفسي ما تزوجت زواج تقليدي عن حب الله لا يغير علي ويخليه لي ان شاء الله ,, والحمدالله ما فيني شي مو امدح بنفسي بس هذا الصج

 

[Lédy LoOlà]

الموضوع روووعه
.
.
ومشكوره كل وحدهـ ردها يدل على تفكيرها الواعي اللي يدخل العقل ونستفيد منه
والله يبلغكم في اولآدكم وتفرحو فيهم وفي اولآد آولادهمـ .. واللي مو متزوجه الله يرزقها الزوج الصالح والذريه الصالحه يارب
.
.

 

[reham123]

انا اخطبها وبشرط اني اشوفها واقعد معاها واتعرف علي اهلها واسال عنهم .....خل نفرض ان انا معاندته من هذوول اللي بس عناد عشان البنيه فرت راس ولدي ويا انا يا اهيا ....ليش ؟؟؟ ولدج راح تأذينه وبنت الناس الله كاتبلها الشي والزواج شي خير ساهمي فيه ...واذا رحتي زوجتيه وحده ثانيه واهو عشانج رضا من رضا الوالدين والبنت اللي نقيتيها مو زينه خل نقول زينه بس الولد من داخله مايحبها راح يظلمها طول عمره ويظلم نفسه ...ومشكورين عالموضوع

 

[YA B3DHUM]

امبيه شهل تخلف الي انتو عايشيين فيه !
حرام والله حرام تعورون قلب الولد والبنت بنفس الوقت
ترى لها حوبتها وماراح اتعداج لا انتي ولا ولا لدج

الحب حرام اذا كانو مستمرين بهل خطا واهوه مايفكر لا بزواج واهي
معاه روحات وطلعات وتمكيخ وهل لبس المخصر

بس اذا يبيها شريكت حياته شالمانع ؟؟؟؟
ااخ والله انا بهل تجربه
وكلل يوم ادعي ع الام لان مقهووووووووووووووووووووووووره
حاطه ولدها بعيوني وهل ولد زف ومازف فيني وهم كلمتي له ( انشالله - حاضر - من عيوني )
وتعبت معاه واخير شي امه تقول لا مو متربيه ولا شي ثاني < اذبحها واحرق بيتهم
<< اعصابج لووووووووووووووووووووول

بس وربي شي يقهر ليش جذي توقفون بطريجنا حرام عليكم

 

[قوومر وربي]

الحين اللي تقول تحت نظري وأختارهااا شعرفها انها زينه وماعليها يمكن كانت لها علاقه مع شخص ثاني قبل

يمكن لها سوالف وتابت بين نفسها لاهلها ولاالمجتمع يعرفون هيتعرف نفسها الام بتجي وبتختار


اقول ماطاح الانبطح اذايبون بعض بالحلال وماعليها كلام البنت الله يسهل زواجهم

والاستخارة اهم شي وربي يسراللي فيه الخير

 

[قوومر وربي]

واذا البنت مومتربيه الرجال هم مومتربي شلون يرضاها ويكلم بنت ناس بيشوف عقوبه ربه بخواته

الحلال بين والحرام بين للاثنين سواء رجل اوامرءاه ...

 

[مفتاح التجوري]

بسم الله الرحمن الرحيم
الحب مو عيب و لا حرام الا اذا وصل مرحله الزني او الشرك والارواح جنود مجندة ما اتخلف منها فقد اختلف وما اتالف منها فقد اختلف دواء الحب هو الزواج من المحبوب والحب موجود منذ الازل و سبحان الله اي حب سواء كان لامرأة او لشخص او حتي لحيوان عزكم الله يعلم الانسان لين و اللطف واقرؤا فصل الحب لكبار المعالجين اتوقع ابن سينا قال دواء الحب هو الزواج اما مساله الموافقة او لأ؟ سواء رضت الام او ما رضت كل شي قسمة ونصيب ومكتوب بكتابه قبل لا ينولد ما نقدر نغير قضاء اعيالنا احنا ما قدرنا انغير اشياء صغيرة بحياتنا الا باذن الله فكيف بقضاء وقدر انسان حتي لو اقرب انسان محد يقدر يغير القدر سواء رضوا الاهل او ما رضوا اذا الله كاتبهم لبعض وكاتب اليوم الي يعرفون في بعض و يشوفون في بعض ما راح تأثر موافقة الام وما فيها شي اذا حب بالعكس ان دل علي شيء يدل علي لين القلب احسن من القلب القاسي البليد*بس علي حسب نوع الحب ان كان عفيف او لعب اطفال ،، مرات الرفض الي من غير داعي بسبب البدايات وكيف كانت هذا ظلم شديد لانها كله مشيئة الله خاصتن اذا كان احد الطرفين او كليهما من اصحاب القلوب الضعيفه او المرهفه لان بعضهم يموتون من القهر وفيه كسر لهم و بعضهم يمرضون مرض شديد فماله داعي اشيل وزرهم وازوج بنتي او ولدي شخص اخر واحرمه من عيشه في نظره اطيب عيشه راح تكون و علي قوله احدهم ماكوا شي لنا في هالدنيا اعيالنا وازواجنا مو لنا هم ملك لخالقهم مانقدر نسويلهم اي شي لنا فقط اعمالنا الصالحة وولد يدعولنا بعد الموت
و ثقوا بالله ان الطيبون للطيبات و الخبيثون للخبيثات والطيور علي اشكالها تقع يا ما ناس ارفضت زواج اعيالها رفض تاام وسبحان الله بين ليله وضحاها تغير كل شي وفي ناس اصررت انهم ما يتزوجون غير الي يحبونه والله فرق بينهم و عوض كل واحد بالخير بس مشكله بعض الاهل التعصب الجاهل وايضا مساله القضاء والقدر والقسمة والنصيب معقدة جدا عندهم وما تستوعب انها اظلمت الا بعد ما يفوت الفوت وانا اقول دام اني اولدي ويبيها وراح تريحه اخلي يستخير فيها لانه الاستخارة راح تحل كل شي انشاله ما نوقف والله يجيب لهم الي في الخير باذن الله و علي نياتكم ترزقون وانشالله اتكون نعم الجنه ههههه عشت الجو
تحياتي*

 

[شكلي حبيتك]

ليش لأ دام فيه حب وعشق وبيني وبينكم وفر علي هههه هههه الدوخه اني ادور له بنت الحلال وهو اكيد يعرفها عدل >> كافي جهل بالسوالف خلو عياكم يختارون زوجاتهم كافي طلاق والله كافي

 

[مجاريح $]

جان زين يختار هو اللي يبي -- واذا البنت سمعتها نظيفة واهلها عربين الجد والخال ليش لا --- ويكون علاقتة فيها لها زمن ودارسها عدل ومتفاهم هو وياها الله يباركلة فيها ويهنيه --- لاني انا اخترت حريم اخواني وياليتهم هم اللي اختاروا حتى مايلوني ويقولون هذا اختيارك ---- امشي بجنازة ولا تمشي بجوازه

 

[عشق رسامه :$]

البنات اللي يقولون اهيا مو زينه لاني كلمو ولدي خخخخخخخ لا ولدج اللي زين اللي كلم بنت الناس ههههههههههههههههههه نا من ناحيتي اللي يبيه ولدي بوافقه لان يبيها بالحلال يعني تاب واهوه اختارها اذا منعته بيتزوجها من وراي مثل اخو رفيجتي 5 سنين يبي وحده واخر شي درت رفيجتي متزوجها وانا ليلحين بتونه :$

 

[MyLittleBerry]

انشاءالله يكون ملتزم وماعنده هالسوالف