انا البس نقاب اذا بروح مكان مابي احد يشوفني فيه !!!

[HeR HiGHNeSs 90]

مسااء الخيير:eh_s(7):

p.s :
"طبعا موضوعي كلش مايتكلم عن البنات الي يستغلون الحجاب والنقاب لاغراض دنيئه بنفسهم,هذيل حثاله المجتمع مانبي نتكلم عنهم كلنا عارفين اهم شنو وياويلهم من الله .."


انا اتكلم عن البنات المتحجبات او السفور الي يبون يروحون مكان ويكون مالهم خلق تعبانين او مايبون احد يشوفهم

مثال واتمنى ماتحكمون علي بهل شي

اذا بروح سوق شعبي ماحب احد اعرفه يشوفني هناك , كلنا عارفين مجتمعنا وشلون ياكلون الوحده اذا شافوها هناك حتى لو بنت خير ونعمه بيقولون ايي اكيد هيلقيه كله تشتري من سوق رخيص

ف تفاديا لهل شغله ساعات ودي البس عباة ونقاب او حتى بوشيه اغطي ويهي كله عشان لحد يعرفني
طبعا هل شي ماسويته بس ودي بس احس تضايق العباية بالتسوق مادري

وايضا بعد تدرون الاسواق الشعبيه فيها رياييل من جاليات عربيه واسويه نظراتهم تنرفز صراحه ماستحمل ف لما البس العباة اوخر عيونهم عنيي

وبعد حق العيادات خصوصا اذا كانت نفسيه او تجميل :ggdw:

شرايكم بهل موضوع ومنو مجربته وشرايكم بالي تسوي جذي؟؟ ..

p.s ثاني :
بليز بنات لاتييني وحده تقولي انزين ليش ماتتنقبين او تلبسين عباية على طول
حق هاذي بقولها انا زين مني لابسه حجاب
بيئتي ووسط اهلي كلش مايشجع على هل شي وماني قويه مثلكم عشان اقدر التزم

ناطره ارائكم ... :eh_s(8):

 

[Om A7lam]

يعني و اذا رايحة لسوق شعبي ..!

أو حتى عيادة تجميل و غيره ..!

حبيبتي اذا يهمج للهدرجة كلام الناس لا تروحين لـ هالأماكن من البداية ، يعني الحين همج الناس وما تبينهم بشوفونج بهالاماكن الي ما فيها شي و ما همج رضا ربج الي يشوفج بكل مكان .. ! حبيبتي اذا حابة بيوم تلبسين عباية و نقاب خلي لبسج لها طاعة لربج مو عشان الناس لا تشوفج ، انا منقبة و ما احب اللي يلبسون العباية و النقاب لأغراض ثانية غير الستر لأنهم يشوهون صورة المنقبات و الملتزمات .. ادري انتي بتلبسينة مو لشي بس عشان ما يشوفونج الناس بمكان شعبي أو غيره بس الشي الغلط انج تهتمين لكلام و راي الناس .. برايي لا تلبسين العباية و النقاب اذا تبينهم عشان تتخفين ..
ولا تهتمين لكلام الناس او رايهم و خلي شخصيتج مستقلة عن المجتمع اذا الناس الي حوالينج هذا تفكيرهم و اقصى اهتماماتهم ( المظاهر و إدعاء الكمال ) المشكلة في المجتمع السطحي مو فيج لما تروحين لـ هالأماكن

: )

~ Reem Al-Mutairi ~

 

[مُخملْ]

ببساطة ، كلام الناس لا يودي ولا اييب
اللي انتي مقتنعه فيه سويه ، ماله داعي تتنقبين
عشان فلانه ولاعلانه تشوفج بالسوق الفلاني!

خليهم ْ من اليوم لباجر يتكلمونْ شعليج؟!
خليج واثقه من نفسج ومستقله برايج
لاتخلين نظرة الناس تحكم تصرفاتجْ وتضيق حدودجْ.
لاتخلين تفكيرج سطحي ومحدودْ بنظرة الناسْ

حكمي عقلجْ =)

 

[المرتاحة]

ما عليج من كلام الناس

اشفيها يعني اذا رحت مكان شعبي و شريت منه.. انا شاريه بفلوسي مو بايقه واذا الناس بتقول عني هيلقيه ترى اخر همي حجي الناس..اهم شي اشوف نفسي و شنو اللي يرضيني بالدرجة الاولي

و على فكرة ترى بقول لج شغله

اختي شرت قميص شيفون ناعم بالسعر الفلاني من مجمع راقي ورحت ولقيت نفس القميص و حتى نفس الماركه والمشكلة حتى نفس اللون عقب ما شرتها باسبوع بسوق شعبي و بنص السعر.. بس اغلب الناس ما تدش هالللاسوقه عبالهم هلاقه

اهو صح في اشياء وايد رخيصه ووبسرعه اتقطع و خامتها ما تسوى بس والله تحصلين فرص وتلاقين ستوكات ماركات.. تخيلي انا لاقيه بجامة بي اتش اس في سوق شعبي بدينار و نص وخميت منهم اشكثر وانتي عاد تعرفين بجامات بس اتش اس بالمحل بجم يبيعونها.. واختي تقول لي ديري بالج تقولي لاحد انج شاريتها من سوق شعبي

على اي حال اللبس عمره ما يرز الاوادم كثر ما ترزهم اخلاقهم

وبالنسبة لطريقتج اذا انتي شايفه انها مريحة معاج سويها ما اشوف انج مسويه شي غلط بس عاد ليمتى واحنا نهتم لحجي الناس

 

[moo-0-oon_14]

لبس عبايه بسووق انا معاج
بس انج تلبسين نقاب لانج بسوق شعبي وماتبين احد يشووفج لا انتي مو مسويه شي غلط ولا منكر

 

[sweet & girl]

الله يهدينا و يهديج ويصلح حال الجميع

 

[الاميره الطيبه]

انا محجبه حجاب كامل لرضى ربي واترفع عن الاجابه عن هالسؤال

 

[dantella]

فكرتج غريبه

 

[P!ng P!ng]

عادي انت حرة

 

[noorq8]

عاااادي ياقلبي وأصلا كل عمرنا امهاتنا قبل لي راحت سوق الديره والا الفرضه والا سوق السمج تلبس برقع , الحين صار هالشي مستهجن !!!!

 

[سراب ملموس]

تبين الصراحه الله يعينج

انا مثلج كنت اهتم لكلام الناس بزوودة و تعبت من هالسالفه
بس ماكان نفس سالفتج

بعدين انتي كذا نقطة عندج
١ خوفج من كلام الناس
٢ فشيلتج من السوق الشعبي و انتي تبي تروحين له
٣ طريقتج في الحل عشان تروحين للي تحبين
٤ اعتقادج انه انتي مو قوية عشان تتنقبين او تلبسين عبايه




صراحه رح تتعب نفسيتج و تتعذبين و تكرهين روحج
والسبب من البدايه انج تعطين الناس ويه وهي ماتستاهل و اصلا ما اهتمت فيج ولا درت عنج


ماعندج سالفه

١ سوي اللي تبين و خلي كل الناس تشوف و حطي اصابعج بعيونهم
شنو شنو
٢ السوق الشعبي شمشكلته ،، شغلات شكثر حلوة فيه و تونس و عادي اذا لقيتي احد قولي اتمشا مافيها شي
٣ سالفه انج تلبسين نقاب عشان هذي اللي كلش كلش. مو عاجبتني ،، يعني خايفه من كلام الناس مو خايفه من ربج ؟؟ عجبي
٤ خليج قوية مافي شي اسمه انا ماني قوية مثلكم ،، انتي قوية و تقدرين تسوين كل شي
الا اذا كنتي انتي ما تبين


ارجو ماون طولت عليج ياقلبو و تقبلي مروري

 

[سراب ملموس]

تبين الصراحه الله يعينج

انا مثلج كنت اهتم لكلام الناس بزوودة و تعبت من هالسالفه
بس ماكان نفس سالفتج

بعدين انتي كذا نقطة عندج
1 خوفج من كلام الناس
2 فشيلتج من السوق الشعبي و انتي تبي تروحين له
3 طريقتج في الحل عشان تروحين للي تحبين
4 اعتقادج انه انتي مو قوية عشان تتنقبين او تلبسين عبايه




صراحه رح تتعب نفسيتج و تتعذبين و تكرهين روحج
والسبب من البدايه انج تعطين الناس ويه وهي ماتستاهل و اصلا ما اهتمت فيج ولا درت عنج


ماعندج سالفه

1 سوي اللي تبين و خلي كل الناس تشوف و حطي اصابعج بعيونهم
شنو شنو
2 السوق الشعبي شمشكلته ،، شغلات شكثر حلوة فيه و تونس و عادي اذا لقيتي احد قولي اتمشا مافيها شي
3 سالفه انج تلبسين نقاب عشان هذي اللي كلش كلش. مو عاجبتني ،، يعني خايفه من كلام الناس مو خايفه من ربج ؟؟ عجبي
4 خليج قوية مافي شي اسمه انا ماني قوية مثلكم ،، انتي قوية و تقدرين تسوين كل شي
الا اذا كنتي انتي ما تبين


ارجو ماون طولت عليج ياقلبو و تقبلي مروري

 

[عادت ذكرياتي]

على راحتج

 

[طيف2006]

وين سوق شعبي مافهمت

 

[طيف2006]

يعني اي مكان قصدج

 

[Miss Cherry]

واجد اللي جذي

اعرف وحده قبل عرسها طقت ابر تفخت خدودها صاروا زرق مسكينه ماتسوا عليها وتنقبت حتى لماتزور ناس قاعده بنقابها ههههههههههههههههه وبس راح قطت النقاب ... يعني اللي بتخش عمرها تلبس نقاب

انا منقبه على فكرة وصراحة اتنرفز لما اشوف هالفئة وياكثرهم لانه اهي لابسه النقاب مو دين ولا قناعة ولا حتى عرف اهي لابسته قناع تنخش وراه وتسوي اللي تبي وبس تخلص تقطه جذي تسيء للمنقبات واللي يشوفها يقول انا شفت منقبه سوت كذا ..


سالفة السوق الشعبي شنو فيها يعني لنفرض انج رحتي سوق شعبي وشفتي وحده تعرفينها حلو ؟ شنو المحرج بالموضوع اهي ما ستحت تتسوق بسوق شعبي بتستحين انتي هههههههههههههه انتي سويتي مثل وحده شفتها بسوق شعبي وسلمت عليها والله انه نيتي صافيه اشوفها بنت الحلال ارتبكت تقول انا مريت هني جايه اشتري لشغالتي يعني ترقع وخواتها كانوا يمها انحاشوا مايبوني اشوفهم ههههههههههههههههه شسالفة شنو المحرج بالموضوع ترا مرات فيه شغلات مو موجودة الا بسوقه شعبية مو بالضرورة ملابس انا اشتري مرات كريمات وصنفرة وزيوت مو موجودة الا بسوق شعبي حتى بالعطار ما احصلها عادي شنو فيها

والعيادة النفسية او التجميلية مو عيب تروحين لها انتي مو مسويه جريمة عشان تنخشين ورا النقاب .. ونصيحة اذا شفتي وحده بمكان عام ايًا كان لا تستحين لانه اللي جابها جابج ههههههههههههههههههه يعني شافتج بعيادة نفسية عادي اهي بعد جايه تراجع كلكم سويتوا نفس الجريمة ماكو شي تستحون منه

 

[قمر الحفر]

ماعندي كلام

 

[عشقي بناتي]

لو تعرفين الراحة النفسية للمنقبات نقاب ساتر وعباية ساترة كان مااتنازلتي عنها ولو عطوك كنوز الدنيا اللهم استر بنات المسلمين الله يهديك ويوفقك فدنياك

 

[حجيه هيونه]

صراحه


لبسته مره وحده بس لاني كنت رايحه عياده ومابي احد يشوفني خصوصا وايد من جماعتنا هناك ومالي خلق سوالفهم

غير جذي احيان ودي البسه ولكن مالي خلق احس يعيق حركتي

اقصد النقاب طبعا

لو هالشي يريحج سويه شنو المشكله فيه

 

[هوااااويه]

لو تعرفين الراحة النفسية للمنقبات نقاب ساتر وعباية ساترة كان مااتنازلتي عنها ولو عطوك كنوز الدنيا اللهم استر بنات المسلمين الله يهديك ويوفقك فدنياك

كلامها عين العقل
بس انتي قلتي ان مجتمعك ما يساعد بصراحه النقاب راحه يكفي ان امهاتنا وجداتنا براقع ونقابات