انا البس نقاب اذا بروح مكان مابي احد يشوفني فيه !!!

[ام غمازهـ]

ضدك بهذا شي
اذا خايفه من كلام ناس خافي من ربك اول
والي بتشوفيهاااااا في سوق شعبي حتى هي جاايه بنفس الغرض الي انتي جايييه له وكذلك حتى مستشفيات او اي مكااااااان اخررر,,,.....


انتي طلبتي رايناا وهذا رايي

 

[رورو المطيري]

اللي تبينه سويه وانا ماشوف فيها غلط
بالعكس في حريم وقت من النفاس بتجهز وماتبي احد يشوفها وهي بحاله يرثى لها..
والعيادات النفسيه تحتاج .. والاسواق الشعبيه تحتاج الاغلب الوافدين عيونهم زايغة وبتنغثين منهم
خوش راي عبايه وسيعه وتغطين وجهج​

 

[HeR HiGHNeSs 90]

بنات الي يقولونلي خافي من ربج اول
ليش؟ انا ماسويت شي ترا انا متحجبه الحمدالله ولبسي ساتر مافيه شي
والنقاب بالدين يقولون للبنت الجمييييله حيييل الي ويهها فتنه
انا ويهي مو فتنه لووول عاديه ف ماله داعي اتنقب على طول وبعدين اختنق ماقدر

طيف حبيبتي اماكن شعبيه يعني مثلا الاماكن الي يبيعون اشياء رخيصه مثلا سوق بو اميه جذي
اهو بنات بصراحه انا حتى سوق السالميه ودي اتنقب فيه معنه في اشيااء اتينن
اتفق معاكم بهل اسواق نلقى شغلات مانلقاها برا بس شسويي

وعيادة التجميل او النفسيه بنااات اكيييييييييييييييييييييد بلبس نقاب لاتصيرون وايد مثاليين معقوله اذا شفتي ممثله مثلا بعيادة نفسيه ماراح تتحجين عنها؟؟

اشكر مشاركاتكم

 

[غداً القاك]

هذا فرض
والرياجيل اسووين او غيرهم
كلهم نظراته حرام سوا بسوق شعبي او غيره

 

[جوانا2011]

سبحان الله وبحمده سبحان الله العظيم

 

[زهرآء]

الحين اذا البنت شافتج هناك وهدرت عليج
معناته تشتري اهي من هناك والله وش اللي بيوديها هناك !!؟؟؟؟

 

[نجداويه نجد]

~

ف تفاديا لهل شغله ساعات ودي البس عباة ونقاب او حتى بوشيه اغطي ويهي كله عشان لحد يعرفني
طبعا هل شي ماسويته بس ودي بس احس تضايق العباية بالتسوق مادري

تفاديا ..!!!!!؟؟؟؟
حسستني كانها جريمه او كبيره من الكبائر.!!

 

[-فلانة-]

والله انا وحدة طاقة الدنيا بالطوفة، لو يقولولي روحي بيعي بسوق اليمعة أروح عادي من غير نقاب ولا غطا، طالما انا مقتنعة باللي أسويه ما همني أحد..
ليش أعيش بشخصيتين و أمثل؟؟؟ شريت من سوق شعبي!! خير يا طير؟؟؟ لا يكون إسمي فلانة فيراري و لبسي كله من غوتشي؟؟؟
سويت عملية تجميل؟؟؟ نعم؟؟ شالمطلوب؟؟؟ طلبت من أحد دينار عشان أعدل خشمي ولا أنفخ شفايفي؟؟؟
مبدأي واحد في الدنيا ما يتغير، محد له عندي شي، و دام ما ييت صوب أحد ولا تدخلت بخصوصيات أحد ولا طلبت من هالناس خدمة أو معروف فخل يحطون لسانهم بحلوجهم و يخلوني أعيش حياتي بطريقتي!!​

 

[sweet & girl]

النقاب بالدين يقولون للبنت الجمييييله حيييل الي ويهها فتنه
انا ويهي مو فتنه لووول عاديه ف ماله داعي اتنقب على طول وبعدين اختنق ماقدر

بما أني راح اعتبرج مثل أختي بقولج هالحجي و أنتــي براحتج ترا النقاب فيه ستر وحماية للنساء كلهم و لما انذكر في القرآن ما قال الجميلة تلبسه بس والباجي لالالا و الجمال شيء نسبي ثانيا أنا عن نفسي كنت مثلج و بالشيء هذا مية مية ووايد كانوا ينصحوني المهم بعد صرت اتعمق بالدين وابحث وافكر واسأل نفسي وبعدها اقتـنعت تمام الاقتناع بضرورة تغطية الويه الي ابي اوصلج أياه الحين لازم اذا غطيـتــي ويهج تكونين مقتنعة مية بالمية و تكونين فهمتي الحكمة منه مرات مع جونا ومع الحر يوسوس لي الشيطان بس كل ما اتذكر حر الآخرة اشيل الفكرة من راسي على طول و الاهم أني خلااااص اقتــنعت ودايما اتذكر الأجر والثواب من الله ع العموم هذا دليل على وجوب تغطية الوجه



اعوذ بالله من الشيطان الرجيم :


( وَلْيَضْرِبْنَ بِخُمُرِهِنَّ عَلَى جُيُوبِهِنَّ )


ويستدل من حديث الافك ان الخمار هو النقاب :

أولا:- حديث الافك,
وحديث الافك حديث طويل ولكننا سنذكر الشاهد منه فقط,
ورد حديث الافك فى صحيح البخارى ومسلم من حديث عائشة رضى الله عنها حينما رأها صفوان بن المعطل السلمى لما تخلفت عن الجيش ونامت وجاء صفوان ووقعت عينه عليها وكان صفوان يعرف السيد عائشة لأنه كان يراها قبل نزول أية الحجاب,فلما رأها صفوان وعرفها استرجع أى قال انا لله وانا اليه راجعون,لأنه رأى زوجة النبى قد تخلفت عن الجيش,
فقالت السيدةعائشة- وروى ذلك الامام البخارى فى كتب المغازى من صحيحه حديث رقم -4193:- كلاما نصه مايلى:
(فعرفنى حين رأنى قبل الحجاب فاستيقظت باسترجاعه حين عرفنى فخمرت وجهى بجلبابى ...)
وفى رواية أخرى((فسترت وجهى بجلبابى)​

اذن (الخمار هومثل النقاب فى تغطية الوجه ولكن النقاب به فتحات للعين )​

وووبس أتمنى لج التوفيق و أتمنى ما تزعلين مني لو فيه شيء ممكن يضايقج​

فكرت أرسله ع الخاص بس قلت الكلام عام للبنات ​

 

[Vdieta]

كيفج الخيار لج

 

[روانتي 12]

محد سلم من كـلآم نـآس .. فا الافضل ان يكون كلامهم ورا ظهوركم .. لان اذا دورتي رضى غيرج راح تتعبين اكثر من انج تدورين رضى نفسج ..,*

 

[قلبي وينك]

بغض النظر على الحكم الشرعي بموضوع الحجاب الا ان كل واحد يسوي الشئ الي يريحه ويشوفه مناسب

 

[كلنا عشاق لكن]

​

عادي والله
وأكبر مثال بالعروس يتغطون من الصالون للقاعة وإهم بالأساس مومتغطين
وإعتبري العيادة نفس الشي مرات تكونين مسوية تقشير وفية إحمرار وغيرة وغيرة وين المشكلة لو تغطيتي بهالمكان
المهم إقتناعج إنتي وبس
وبعدين تقولين مابيهم يشوفوني بسوق شعبي زين إشجايبهم له دامة مومن مستواهم
شوفي ماخافوا تشوفينهم ولا فكروا بالإحراج و اللي براسهم يسوونة ولاهمهم أحد فالسالفة سالفة ثقة بالنفس أول وتالي ​

 

[شرغوفة]

يعني و اذا رايحة لسوق شعبي ..!

أو حتى عيادة تجميل و غيره ..!

حبيبتي اذا يهمج للهدرجة كلام الناس لا تروحين لـ هالأماكن من البداية ، يعني الحين همج الناس وما تبينهم بشوفونج بهالاماكن الي ما فيها شي و ما همج رضا ربج الي يشوفج بكل مكان .. ! حبيبتي اذا حابة بيوم تلبسين عباية و نقاب خلي لبسج لها طاعة لربج مو عشان الناس لا تشوفج ، انا منقبة و ما احب اللي يلبسون العباية و النقاب لأغراض ثانية غير الستر لأنهم يشوهون صورة المنقبات و الملتزمات .. ادري انتي بتلبسينة مو لشي بس عشان ما يشوفونج الناس بمكان شعبي أو غيره بس الشي الغلط انج تهتمين لكلام و راي الناس .. برايي لا تلبسين العباية و النقاب اذا تبينهم عشان تتخفين ..
ولا تهتمين لكلام الناس او رايهم و خلي شخصيتج مستقلة عن المجتمع اذا الناس الي حوالينج هذا تفكيرهم و اقصى اهتماماتهم ( المظاهر و إدعاء الكمال ) المشكلة في المجتمع السطحي مو فيج لما تروحين لـ هالأماكن

: )
~ reem al-mutairi ~

صح السااانج والله انااا معاااج 1000/100
والله غلط الي قااعدة اتسوينه شنووو هالمنطق الغريب الي تتكلمين فيه ​

 

[Mjnont '3lay]

ماعندج سالفه اسمحي لي والله الناس تسوي الهوايل ولا درت عنج ولي تكلمتي جعموووج وانتي حاطت لهم اعتبااار غلطانه والله وفكرتج كلها غلط بغلط والله يعني اللي بتقول عني مثلا هيليقيه لاني رحت هالسوق بقول والله جبت الهلاقه منج هذا انتي بنفس السوق اللي انا فيه وآآي عاد انا شخصيتي معروفه قويه ولساني طويل واللي يتكلم فيني بالشينه كلمه وحده بس اعطيه عشر هذا الناقص بعد اعمل حساب لفلان وعلان والله اخر همي اهم شي ثقتي بنفسي وخير ياطير رايحه سوق شعبي خو انتي بسوق مو بمكان فيه عار الله يهديج بس

 

[نونه العنونه_H]

سوي الي يريحج ما عليج من احد
وكل واحد وكيفه..

 

[فنار الكويت]

اذا فنانة وشخصية معروفة للمجتمع لبسي نقاب عشان التخزز بس والإحراج وغير جذي ماله داعي بصراحة لأن المكان اللي تشوفين في أحد من معارفج أهم نفس الشي رايحين يعني سوا وماتفرق
​

 

[سراب ملموس]

والله انا وحدة طاقة الدنيا بالطوفة، لو يقولولي روحي بيعي بسوق اليمعة أروح عادي من غير نقاب ولا غطا، طالما انا مقتنعة باللي أسويه ما همني أحد..
ليش أعيش بشخصيتين و أمثل؟؟؟ شريت من سوق شعبي!! خير يا طير؟؟؟ لا يكون إسمي فلانة فيراري و لبسي كله من غوتشي؟؟؟
سويت عملية تجميل؟؟؟ نعم؟؟ شالمطلوب؟؟؟ طلبت من أحد دينار عشان أعدل خشمي ولا أنفخ شفايفي؟؟؟
مبدأي واحد في الدنيا ما يتغير، محد له عندي شي، و دام ما ييت صوب أحد ولا تدخلت بخصوصيات أحد ولا طلبت من هالناس خدمة أو معروف فخل يحطون لسانهم بحلوجهم و يخلوني أعيش حياتي بطريقتي!!​

لووووووووووووووووووول


انتي كده


الحمدلله في احد مثلي طاق الدنيا كلها بالطوفة و اللي اهوا يبيه

حياتي انا بعيشها و بسويي اللي ابيه فيها محد له شغل فيني

بس والله ماهان علي تحط الاخت النقاب و التغطي امور ربانيه و ساميه
عشان بتروح سوق ماتبي احد يعرفه فيها

مابي اقول بس عذر اقبح من ذنب

 

[ليلو جبريت]

في ناس ردودهم برع الموضوع

اشدخل رضى الرب !!! هي مالبسته لاجل ترتكب معصية هي البسته لاجل كلام الناس الي يموتون على القيل والقال


انا اقولج رضى نفسج اهم من رضى الناس اذا انتي مرتاحه وراضية بالي تسوينه محد له شغل فيج

 

[فـــخـــر]

مااشوف انج سويتي شي غلط


ريّحتي نفسج من كلام الناس