انا البس نقاب اذا بروح مكان مابي احد يشوفني فيه !!!

[sarah11]

للأسف هالظاهرة منتشرة بالكويت أغلبهم جذي
لما يطلعون لداخل الديرة قطو ,,

وحتى أزواجهم صارو جذي داخل الكويت يسمح لها تقط وداخل المنطقة ممنوع عشان ربعه !!
همسة :
(إنما الأعمال بالنيات )
وش المانع تلبسين النقاب وتكسبين ثواب الدنيا والاخرة بمجرد احتساب الأجر في لبسه
الله يصلح نياتنا يااارب
تقبلي مروري
سارة 11

 

[بـربـوشـآ]

أنآ عن نفسي ما اتنقب أبـداا

مهمآ كان المكآن ومهمآ كانت حالتي يعني مرات اروح الطبيب حدي بموت وشعري زين جآمعته وشكلي مبهذل ومع هذا ما اغطيه .. :d

 

[بنوته ذربه]

وايد بنات يلبسون عبي ونقاب للسوق عشان يتفادون المعاكسات وعشان ياخذون راحتهم مع اني مو منهم بس اشوفه عادي حيل سوي اللي يعجبج مالج شغل بالناس

 

[اخت واختها]

حبيبتي اصلا النقاب مو دين والايات الكريه تشهد

الي طاريه على بالي في ايه ربنا يقول حق رسوله وان اعجبك حسنهن

بالله الحسن شلون ينشاف اذا المراة متنقبه ؟

القران واضح

 

[ليلو جبريت]

انا اول شي انصدمت من موضوعج بصراحه جد جد انتي ماتعرفين ومومجربه احساس الثقه بالنفس كلش...ياقلبي انتي مو مسويه شي غلللط لو بتروحين حفله بتكشخين من الي والحين علي سوق شعبي بتنخشييين من الناس مو معقوله اذبحيني ولا اني اتنكر وانخش ليش والله الناس مايرحمون ليش عشان سوق شعبي !!!يبوووي وربي ماعندج سالفه انتي مريضه اسمحيلي ..واللبس والحجاب مث ماتفضلت اختي هذا فرض زين مني هاذي غريبببه الكلمه شنو مقصوبه عليه انتي !!



وانا سويت اقتباس علي كلام اختي كلمتها اشدخل رضا الرب هززززززتني والله ياحبي انتي قبل لا ترضين نفسج وتسوين ايييي شي تتتحرين هالشي يرضي ربج قبل ولا لا ...للاسف العقليه صايره سطحييه كلش الله يهديكم وتحرو وانتبهوا علي ماتنطقووون يابنات

طبعا كان لازم تفصلين الردود لاجل ما ارد عليج باعتبار ان اول الكلام لي

ثانيا النقاب مو فرض والعلماء اختلفوا عليه

هي مو رايحه ترتكب معصية من جي استغربت من الي يتكلمون عن رضا الرب

و خل تسوي الي يريحها

فرجاءا لاتفسرون كلامي عل هواكم وتصيرون عديمين بصيرة

وعلى فكرة لو قريتي الموضوع ترى هي مالبست نقاب وراحت السوق الشعبي هي تسأل عن البنات الي يسوون هالحركة

يعني اتهمتيها بالمرض وكتبي كلام كان لازم ماينقال

 

[متواضعة]

امممم فكرة انه انتي تلسين النقاب عشان انه محد يشوفج ويقول هيلقيه الصراحه انا كلش مو معاش بهالشي ... شهالاوادم حمدالله والشكر شعليهم منج رحتي سوق شعبي او لا بالعكس يونس السوق الشعبي ناس غريبين ماعليج منهم

اما انج تلبسينها احتشام شي وايد زين الصراحه في رايي

الله يهديج يارب ويهدينا ويهدي الجميع وتتحجبين وتتنقبين ابتغاء وجه الله ياارب

 

[متواضعة]

العلماء يقولون دام الامر في اختلاف عليه فالافضل عن الشك انج ماتسوينه

 

[blue ocean]

دامج مو قعد تسوين شي غلط

طقي حجي الناس بالطوفه وروحي مثل ما انتي​

 

[manoooram]

حبيبتي الأسواق الشعبيه الكل من يروح لها ومو عيب

لكن اذا انتي شايفه ان أريح لج وبقناعتج الشخصيه ودج
سوي اللي يريحج دام ان مو القصد من لبس العباة والنقاب تخفي على شان بتسوين شي غلط

 

[قموشه21]

يهديج الله ..

 

[Heaven Light]

انتي تكسرين خاطري ..
وايد تحطين للناس اعتبار ..
وتسوين اشياء عشان بس الناس يعجبهم ..
الله يعينج ..
​

 

[mi corazon]

تصدقين فكرت بهالشغله متى ؟


لمن رحت عيادة تجميل .. امبيه كلهم منقبات ويخزوني

وي شدعوه علشان ما اشوفكم وانتو تشوفوني تقعدون تخزون؟ انبطت جبدي


لا ترى صج بنات الاحظ وجم مره اشوف بنات اعرفهم من صوتهم ومن عيونهم يلبسون نقاب بالسوق الشعبي خصوصا اللي يجهزون وخايفين احد من حمولتهم يشوفونهم بسوق شعبي تقعد تطلع حجي

لا تنكرون ... الحريم يحبون الحجوه ويقعدون اقلها يقولون " وي عروس ورايحه تجهز من سوق شعبي؟" عبالهم كل جهازها من هناك

يعني اشكره انتي ياختي شموديج هناك ها؟ تحجي !! اي والله

اكيد اكو اشياء مانحصلها الا بالسوقه الشعبيه .. مطاطير اغراض مطبخ .. ولا عمركم شفتوا في ايكيا مطاطير قهوه !!!

ولا في مانجو ولا اتش اند ام ولا حتى سي اتش ... دراعات ؟


انا اقول اختي اللي بتحجون ماراح يسكتون .. خلج ع طبيعتج لا تتخفين علشانهم


واهما شرط بيسوون جذي ويلبسون لأنهم شاكين بعمرهم وعبالهم لين تشوفينهم بتحجين نفسهم


دعي الخلق للخالق وسوي اللي تبين دام مو غلط


مادري شفيني اليوم متنرفزه سوري باطين جبدي فيفا بايقيني :\

 

[إم بــــرٍآك]

وشعلياااااااه انا من الناس وشعلى الناس مني <<
ألخ الاغنييه

عيشي وماعليج من احد

 

[خُزام]

أحسها حركة بايخة !
إنه الوحدة تلبس نقاب بأماكن معينة بس عشان الناس لا تشوفها !! لأنها تحس فشلة !!
هذا دليل انعدام الشخصية وانعدام الثقة بالـنـفـس
وإذا طلعت من عيادة والناس شافوا ويهي من غير ميك اب وأحمر ومقشر !! خير يا طير !!؟
وإذا رحت سوق شعبي وخميت بجامات وقمصان على 3 دنانير !! خير يا طير !!؟
الناس خل يخزون وخل يتكلمون مالهم شي عندي
ليش أتفشل وانحرج طالما ما غلطت بشي ولا سويت شي يستنكرة الدين
أروح وين ما أبي وأسوي اللي أبي وراسي مرفوع بكل حرية وثقة
ماله داعي " التخفّي " والخوف إنه أحد أعرفه يشوفني !
وبخصوص اللي يخزون يعني بالله بس بالمحاميد والميرة والمعلم
في رياييل يخزون والصالحية والراية ما فيهم رياييل يخزون !!

 

[vogue grl]

لووووووووووول صراحه عادي ماراح اهتم شخباري منو يفكر جذي

 

[Unusual]

ياعزيزتي هذا مو منطق ، ان الوحدة تغطي في اماكن دون الأخرى عشان برستيجها وصورتها قدام الناس ماتنهز ، لما تدخل بعض الأماكن الشعبية ،،

وبالنسبة ، للأخوات اللي يقولوا تغطية الوجه مو فرض ،، اكرر وقول استفتي قلبك ولو افتوك ..

دوروا رضا ربكم ، وتذكروا انه الدنيا فااانية ، وتخيلوا يوم يقولوا فلانة هاذي اول ليلة لها بالقبر ،، ولا راح ينفعك لا اهل ولا احباب ،،
مافي غير عملك الصالح ،،، وبلاشي فتاوي لأننا مهما كان احنا مو اهل للفتوى ..

 

[AL-DMERA]

لحظه ,,
الحين الناس اللي بيتطنزون عليج إنج رحتي سوق شعبي شلون شافوج !!؟
مو اهم بعد راحين سوق شعبي يعني شلون يتطنزون واهم بنفس المكان ,,
ترى تفكيرج غلط محد يتنطز عادي شكو سوق ورايحتله خليج واثقه من نفسج مو من كلام ناس تهتمين ,,

 

[نور مغليها]

النقآب والعبايه ينلبس لـ قنآعه فيييه ..
إذا عندج قنآعه تآإمه بالنقاب والعبايه إلبسي ِ
وإذا إنتي ما تبين تلبسين لانج مو محجبه على كلآمج
أجل طنشي النآس ومالج شغل فيها
لأنج رآح تنآقضين نفسج ..
​

 

[Behtar]

يعني الخز محظور عالزلمات والهنود بس عادي للكويتي فالمجمعات !!
( زين مني لبست حجاب )
استغفرالله ياربي
انا من موضوعج انج تفصخين الحجاب عشان تتزوجين وانا غاسله ايدي
حدج مهتمه بكلام الناس شنو ماكو ثقه !!
بعدين الاسواق الشعبيه متى صارت حرام اخاف داشه نايت كلاب
الله يكملج بعقلج
اللهم لاتبلانا

 

[فيونكه..~!]

لحظه ,,
الحين الناس اللي بيتطنزون عليج إنج رحتي سوق شعبي شلون شافوج !!؟
مو اهم بعد راحين سوق شعبي يعني شلون يتطنزون واهم بنفس المكان ,,
ترى تفكيرج غلط محد يتنطز عادي شكو سوق ورايحتله خليج واثقه من نفسج مو من كلام ناس تهتمين ,,

:rerrerek::rerrerek::rerrerek:

- كلآأمتسسْ صح !