انا البس نقاب اذا بروح مكان مابي احد يشوفني فيه !!!

[' #sǎrǎh . . ']

انتي تبين تحجبين عشان كلام الناس في السوق
وليش ماتحجبين وتسترين نفسك لان الله سبحانه وتعالى يشوفك بكل مكان

والله الناس ماصار عندهم قوت ايمان

 

[' #sǎrǎh . . ']

وطيب حرام اذا رحتتي سسوق ششعبي وانتي لابسسه ححجاب

 

[جوك احلى جو]

اكبرها واسمنها يروحون للسوقه الشعبيه جان همهم حجي الناس...
اللي اهلها معروفين عيال نعمه مايهمهم لو راحو هالاماكن لان الناس عارفتهم زين وعارفه مستواهم يعني هالسوق الشعبي مو اهو اللي يحكم مستواج ..... انا اشوف وايد معطيه الموضوع اكبر من حجمه وهالاماكن الغني والفقير يروح عادي جداا

 

[عيون ملكيه]

انا كنت البس عباة للصالون و للجمعيه و للاماكن اللي ما ابي اكشخ فيها
مثل السوق
حتى ايام تجهيزي كنت ابس نقاب و عباة بالافنيوز
مالي خلق اي احد و لا ابي احد يعرفني بشتري على كيفي و انا معارفي وايد
و البس نقاب اذا رحت الخياط
والله بنات
اذا رحت الخياط او رحت المباركيه
البس نقاب و عباة عاديه كتف مو على الراس
اخذ راحتي و لمن اكلم الهندي او اللييبيع ما احاتيه يخزز فيني

و الحين ريلي فرض علي العباة
و بالعكس وايد مريحه وتحتها البس اللي ابي ما تقيدني ابدا
يعني مو حاسه نفسي مخنوقه!
و عباتي راهيه و انيقه و ما فيها ترصرص و لا تخصر مثل بعض البنات الله يهديها !
و اذا دخلت بيت اهلي او سيرت افصخها و اقعد عادي
بدراعتي او في بدلتي او بالترنق
عادي !
بس بالنسبه لسوق شعبي عادي لبسي نقاب مافيها شي
مو عيب
ولا احد راح يقولج ليش لابسه فشيله


لا تفكرين وايد

متى ما طق براسج تلبسين النقاب لبسيه عادي
مدام انتي ما قاعده تشوهين صورة المنقباة

في بنات منقباة صراحه المكياج و الكحل و العدسات و كله كله بصوب
ونقابها بصوب

 

[G!RLooNa]

لا شكو !

كل الناس تروح اسواق شعبيه شالمشكله و على نظرات اللي يشتغلون هذول بكل مكان مو بس بالاسواق الشعبيه موجودين بافنيوز و مرينا و بالشوارع و كل مكان يعني اذا خايفه من نظراتهم لبسيها بكل طلعه مو بس حق سوق شعبي

العيادات النفسيه اصلا فيها خصوصيه و اغلبهم اذا مو كلهم حق موعد المريض يفضون العياده احتراما للخصوصيه يعني كل مريض بموعده ماكو احد غيره بالعياده

و عيادات التجميل اشوف مالها داعي بعد اذا الوحده مو قاعده تسوي شي غلط ليش التخشش

 

[وحدة كويتية]

يعني و اذا رايحة لسوق شعبي ..!

أو حتى عيادة تجميل و غيره ..!

حبيبتي اذا يهمج للهدرجة كلام الناس لا تروحين لـ هالأماكن من البداية ، يعني الحين همج الناس وما تبينهم بشوفونج بهالاماكن الي ما فيها شي و ما همج رضا ربج الي يشوفج بكل مكان .. ! حبيبتي اذا حابة بيوم تلبسين عباية و نقاب خلي لبسج لها طاعة لربج مو عشان الناس لا تشوفج ، انا منقبة و ما احب اللي يلبسون العباية و النقاب لأغراض ثانية غير الستر لأنهم يشوهون صورة المنقبات و الملتزمات .. ادري انتي بتلبسينة مو لشي بس عشان ما يشوفونج الناس بمكان شعبي أو غيره بس الشي الغلط انج تهتمين لكلام و راي الناس .. برايي لا تلبسين العباية و النقاب اذا تبينهم عشان تتخفين ..
ولا تهتمين لكلام الناس او رايهم و خلي شخصيتج مستقلة عن المجتمع اذا الناس الي حوالينج هذا تفكيرهم و اقصى اهتماماتهم ( المظاهر و إدعاء الكمال ) المشكلة في المجتمع السطحي مو فيج لما تروحين لـ هالأماكن

: )

~ reem al-mutairi ~

رأيي من رأي هالاخت الفاضله
ترى ربك اللي يحاسبج مو الناس

 

[كويتيه سبيشل]

اي صح عاادي ريحتي نفسج
مااشوف فيها شي....

 

[Only One]

احس عادي

 

[الزورق222]

تعقيب على اخر جملة ( لاتلبسين النقاب والعباية الا عن اقتناع والناس ماراح تفيدج ....
اذا كنتى مقتنعة بالحجاب الشرعى فالبسيه والله يهدى اهلج ويهدي الجميع ان شاءالله ..وبعدين نصيحة من اخت لا تستمعين لاى كلام من اى شخص يمكن يكون هو على خطأ وانتى الصواب استشيرى وقررى وكلام الناس ونظرتهم لاتهتمين لها ..

 

[^همآليل^]

كله كووم
وسالفة (( زين ومني لابسه حجاب ))


ياحبيبتي هذي مافيها منـّه .. تلبسين الحجاب لانه فرض عليك .. ماتمننين عليه

أما سالفه انك تلبسين النقاب لانك رايحه سوق شعبي !! والله لو انك داخله ملهى ليلي

شفيه السوق الشعبي شنو يشكي منه

حبيبتي انتي تعايرين المجتمع بالسطحيه .. وانتي مثلهم للاسف

كبروا عقولكم .. وارتقوا بمستوى التفكير ..

وش اللي أأخر العرب غير هذا



ياربي لاتبلانا



تقبلي مروري

 

[~ بنت الهدى ~]

سوي اللي يريحج حبوبه

الناس ملاقيف مايخلون احد بحاله

 

[سَحآبَة]

حبيبتِي أنتي مكبره آلموضوع بزيآآآده , و ترى أختلآف آرآء البنآت بيزوّد الحيره عليج ..
أنآ وحده سعوديّة و منقّبه و اغطّي عيوني فوق النقآب بشيلة خفيفه بعد !
لأن أبوي ملتزم و متشددّ ..
و أنآ أشوف وآيد ببلدنآ تلبس النقآب مع عبآية ضيقه , أو تتزين ..... الخ
فـ مآ أشوف انج بتشوهين صورة المنقّبآت ..
بس أسبآبج مو مُقنعه .. يعنِي أحس مآ فيهآ شي الأسوآق الشعبيّه
و حتى اذا شفتِي أحد هنآك مآ له حقّ يحآسبج .. وأنتي مو مجبُوره تبررّين له وتذكرين أسبآبج ..

=) ​

 

[شندوخه]

لبسته مره وحده من باب حب الاستطلاع والتجربه
وبس ماكررتها .. لان ارضيت فضولي .. والناس صدقيني ماراح ترضينهم فسوي اللي بمزاجج وخاطرج طالما انه مو حرام ولاعيب والناس احلى طاف
بعدين اللي شايفتني بسوق شعبي .. كا اهيا يايه بعد سوق شعبي ولا حرام علي حلال عليها؟
احس عادي والله واستانس اذا كنت رايحه سوق شعبي لقيت شغله لؤطه وسألوني عنها تلقيني اجاوب وانا شاقه الكشره

 

[من صانني صنته]

والله مادري شقوول بس المفروض تقطين كلاآم النآس ورى ظهرج ..

وماا يهموونج .. يقوولوون اللي يقوولوونه ..

محد سلم من كلاآم الناآس ..














تقبلي مرووري
اختج : صووصوو

 

[noona90]

ماالومك الناس بس تحسب خطواتنا
والله يمن عليك بالحجاب اللي يرضيه

 

[~ miss NERD ~]

كله كووم
وسالفة (( زين ومني لابسه حجاب ))


ياحبيبتي هذي مافيها منـّه .. تلبسين الحجاب لانه فرض عليك .. ماتمننين عليه

أما سالفه انك تلبسين النقاب لانك رايحه سوق شعبي !! والله لو انك داخله ملهى ليلي

شفيه السوق الشعبي شنو يشكي منه

حبيبتي انتي تعايرين المجتمع بالسطحيه .. وانتي مثلهم للاسف

كبروا عقولكم .. وارتقوا بمستوى التفكير ..

وش اللي أأخر العرب غير هذا



ياربي لاتبلانا



تقبلي مروري

صح كلامها :rerrerek:

 

[انا و بس]

بصراحة غريب تفكيرج مادري شقولج

 

[faroo7a_91]

في ناس ردودهم برع الموضوع

اشدخل رضى الرب !!! هي مالبسته لاجل ترتكب معصية هي البسته لاجل كلام الناس الي يموتون على القيل والقال


انا اقولج رضى نفسج اهم من رضى الناس اذا انتي مرتاحه وراضية بالي تسوينه محد له شغل فيج

انا اول شي انصدمت من موضوعج بصراحه جد جد انتي ماتعرفين ومومجربه احساس الثقه بالنفس كلش...ياقلبي انتي مو مسويه شي غلللط لو بتروحين حفله بتكشخين من الي والحين علي سوق شعبي بتنخشييين من الناس مو معقوله اذبحيني ولا اني اتنكر وانخش ليش والله الناس مايرحمون ليش عشان سوق شعبي !!!يبوووي وربي ماعندج سالفه انتي مريضه اسمحيلي ..واللبس والحجاب مث ماتفضلت اختي هذا فرض زين مني هاذي غريبببه الكلمه شنو مقصوبه عليه انتي !! وانا سويت اقتباس علي كلام اختي كلمتها اشدخل رضا الرب هززززززتني والله ياحبي انتي قبل لا ترضين نفسج وتسوين ايييي شي تتتحرين هالشي يرضي ربج قبل ولا لا ...للاسف العقليه صايره سطحييه كلش الله يهديكم وتحرو وانتبهوا علي ماتنطقووون يابنات

 

[اسيره الشمال]

لا وجايه تسئلين بععد !!

عشان الفشيله من الناسس و الخوف من كلامهم تتغطين

وربكك م تتفشلين منه .. ولا تخافين من عقابه

 

[مخدوشة الوريد]

بالاول وبالاخير هذي حريه شخصيه تلبسينه بسوق شعبي او حتى بيتكم كيفج
لكن انج تلبسينه عشان الناس ماتشوفج اي شي صراحه
شفيه السوق الشعبي ؟!! شحلاته وزينه تراثنااااا منه وحريمنا كبار السن كله فيه
والي يقول هلاقه حده سخيف وسطحي ...
يعني انا ماتري شهالهبه اليديده الاغلب يلبس حجاب او نقاب بس هيك يا ضربت مود
او عن الناسسسس اعرف اكثر من بنت يوم تطلع بنقاب وعشره لا ولاسالتها قالت بس هيك على حسب مودي
اعرف رفيجة رفيجتي محجبه وحالتها حاله ولا راحت الشاليه قطت الحجاب وشورت وبرمودااااا
والله مسخره هههههههه ولقلنا شحقه قالت عشان الشاليه
يوبا احترموا هالخرجه سواء حجاب ولا نقاب مو حيلوه بحقكم تلبسونه وتقطونه
ترى كلامي مو موجهه لج لكن جد هذي هبه يديده يعني موفكره يديده
كلن كوم والي سكني لنص الساق وبدي لنص الذراع وحجاب ههههههههههههه ومحجبه
وين ترقع هذي ...