انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*مميز*

[Føzöø]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

لا عادي حيااتي نااطريينج حبي 

 

[برنسس أوراق]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

النبـض الخـآمس عـشــــر : : :

فمان الله ولا تبكي يااغلى من سكن قلبي

نصيبي والقدر حاكم وانا مثلك ترى محكوم

دخيلك لا تبكيني مهو ذنبك ولا ذنبي

ترى حظي بهالدنيا اعيش بدنيتي مظلوم



فيلا ابوفيصل
الساعه 11

فيصل وزينة كانوا توهم واصلين

زينة : بتروح؟؟
فيصل ابتسم: ئي هاج انتي اوراقج وانا بروح السفريات اشوف الحجز والفيزا

زينة : انزين شوف احجزلنا فندق من هني مو نروح هناك ونتوهق
فيصل : بشوف راشد ونتفق وين بنسكن بـ
(وقطع عليه رنين موبايله)رقم غريب..

زينة بسرعه: لا ترد خيولون
فيصل ابتسم: خن اشوف شيبون يمكن شي ضروري..آلو نعم..
بدر بتردد : معاك بدر ال..
فيصل استغرب: هلا اخوي والنعم..امريني

بدر توتر اكثر: النعم فيك..انت فيصل اخو ديالا
فيصل تغيرت ملامحه: ئي اناااا خير صاير شي وديالا وينها؟؟
بدر : طول بالك..انا الحين بمستشفى الاميري تقدر تيي
فيصل خاف: ديالا فيها شي؟!
بدر : حادث بسيط..انت تعال ودق علي اييك

فيصل اخترع: إن شاء الله إن شاء الله

زينة خافت: فيصل شفيك ومنو اللي كلمك؟؟
فيصل وهو طالع: واحد يقول ديالا سوت حادث والحين اهي بالاميري
زينة بصدمه : شنوووو؟؟
فيصل : انا رايح وانتي دقي على ابوي وقوليله

@
@
@
@

حوادث الاميري
العمليات

بدر : طمني دكتور؟؟
الدكتور فصخ كمامه: تطمن احنا الحين بنوديها الجناح بس بتظل تحت الملاحظه لانها تحت تأثير البنج
بدر تنهد: انزين دكتور اهي حالتها خطيره؟؟

الدكتور: صار معاها كسر بريلها اليسار وشوية رضوض بجسمها وخمس غرز براسها..بس وضعها مستقر الحين
بدر مسك راسه: يالله..
الدكتور : انت اللي وصلتها مو؟؟
بدر بتردد : ئي ئي انا دعمتها بدون قصد ويبتها على طول
الدكتور : هذي شجاعه منك انك تتعرف وما تنحاش..بعد شوي بيي المحقق يحقق وياك انت والمريضه اذا صحت..وأي شي تبونه انا بمكتبي..

راح الدكتور وظل بدر واقف لان فيصل دق عليه: ئي ئي انت وين؟؟ يلا الحين اييك انا..


وبعد ربع سآآآعه
بجناح ديالااا وكانوا حاطين لها كيس دم
ويهها اصفر مثل الليمونه

بدر: وهذا كل اللي صار؟؟
فيصل بضيق: يعني انت تعرفها من زمان
بدر بسرعه: بس والله غرضي شريف واختك اول بنت احاجيها..تقدر تسأل عني بأي مكان تبيه
فيصل: اللي غرضه شريف ايي من الباب مو بالخش والدس
بدر : والله العظيم اني احبها وابي اخطبها وامي تدري واهلي كلهم يدرون بس ديالا مأجله الموضوع تقول تو الناس عالزواج

فيصل تنهد: عالعموم الحين صار اللي صار خل تقعد ديالا ويصير خير بعدين

بدر وقف: عيل انا بروح المحقق يبي يشوفني
فيصل ابتسم: إذا احتجتني نادني
بدر ابتسم: تسلم ما تقصر


اول ما طلع بدر تحركت ديالا وفتحت عيونهااا: اممممم

فيصل ابتسم لها: ديالا تسمعيني..حمدلله عالسلامه
ديالا غمضت عيونها وفتحتهم لما استوعبت الوضع: ا..ل..ل..ه ي..سل..م..ك

فيصل : حاسه بعوار؟؟

ديالا تطالع ريلها وتلمس راسها: آآآآه..ئي شوي..راسي احس اني دايخه مو قادره اركز وريلي مو حاسه فيها

فيصل: احمدي ربج انها يت على جذي ولا جان انتي الحين من صيد امس..وراسج عشان الغرز اللي فيه

ديالا بخوف مسكت راسها: غرز
فيصل ابتسم: لا تخافين غزر بسيطه بس عشان الجرح اللي براسج..وريلج اليسار بعد مثل ما انتي شايفه انكسرت
ديالا غمضت عيونها: ...........

فيصل قام وقعد يمها ومسك ايدها: تدرين اني زعلان منج..يعني لو مو الحادث اللي صارلج جان ما دريت عن علاقتج انتي وبدر

ديالا طالعته بخوف وريجها ناشف: ب..د..ر

فيصل ابتسم: ئي اهو اللي يابج لما طحتي جدام سيارته والحين اهو عند المحقق..بس ليش سويتي جذي؟؟ مينونه انتي؟؟ اكو وحده تروح للنار بريولها

ديالا بألم: استغفرالله يارب..ما ادري اشلون فكرت بهذيج اللحظه ينيت

بهاللحظه دخل بدر: فيصل روح ييبك المحقق
فيصل وقف: انزين..بشر شصار وياك؟؟
بدر التفت لديالا اللي صدت عالدريشه: ماكو اسئلة عاديه؟؟ شنو طبيعة علاقة فيها؟؟ واشلون ما قدرت تسيطر على البريك؟؟ ومتى يبتها؟؟ جذي يعني؟؟

فيصل : خلاص عيل انا بروح وأنت خلك يمها الحين بييون ابوي وخالتي

بدر ابتسم: تطمن..

فيصل ابتسم وراح..وبدر راح ووقف جدامها بالضبط

ديالا صدت ويهها : .....................
بدر انحنى ولف ويهها له: مينونه انتي ليش تقطين روحج عند السياره؟؟
ديالا بجت: ئي مينونه لانك ما رضيت تسمعني وخليتني ألحقك جدام الطلبه

بدر ابتسم وهو يقعد يمها عالسرير ويمسح دموعها: خلاص نسيت السالفه؟؟
ديالا دزت ايده: ئي عقب ما كنت بموت..
بدر ابتسم: سمله عليج..لا تقولين عن نفسج جذي
ديالا خبت ابتسامتها: اصلا انت غبي وحمار زين..انا ماكنت ادري انك ياي..وبعدين هذول الشباب معاي بالمحاضره وكنت اسألهم إذا فهموا شي ولا لأ
بدر تجتف: انزين قتلج خلاص
ديالا طالعته بحده: لا مو خلاص..اهم كانوا قاعدين وراي واول ما طلع الدكتور سألتهم عآدي شنو يعني؟؟
بدر ابتسم: زين خلاص والله صدقتج وانا غبي زين..بس خلاص..
ديالا لفت ويهها وهي تبتسم: ............
بدر قرب من أذنها: بس تدرين هالحادثه خيره..يعني خلتني اتعرف على اخوج والحين بعد بيي ابوج وامج..
وباسها على خدودها وعيونها ورموشها واول ما قرب من شفايفه
دق الباب

بدر وقف وعدل نفسه: تفضل

دشوا ابوفيصل وجوان

جوان راحت على طول لبنتها: اووه سويتي

ابوفيصل: الحمدلله عالسلامه يبه
ديالا حضنت امها وابتسمت لابوها: الله يسلمك يبه
ابوفيصل: انت بدر؟؟ اعذرني ياولدي ما شفتك
بدر ابتسم وسلم عليه: شدعوه عمي معذور..ئي انا بدر ال..
قاطعهم فيصل بدخوله: يبه ييت..روح يبونك بالتحقيق

@
@
@
@

انتهى البآآآرت
رايكم يهمني ياحلووات

هذا بارت عشانكم
وبعد شوي بنزل بارت

 

[AL-7OB]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

اييي صح اخذي رااااحتج على أأل من مهلك<< على قولة اخوانا المصرييين
بس مو تصدقين وااايد شوقتييينا زيااااده

 

[برنسس أوراق]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

النـبـض الـسـآدس عـشـر : : :

أنا أدري ياحبيبي من ورا عيني تخون

لا تظن أنك مكذب(لا تصدقها)ظنونك

ومن يقول أني أحب وقلبي عايش لك يصون

أنا مثلك ياحبيبي من ورا عينك أخون

هان قلبي في عيونك وهم بعد قلبك يهون

عشت أيامك بدوني
وعشت أيامي بدونك

دامك تسمي الخيانة في ملفاتك جنون

فيني لك مليون جني كلهم صاروا يبونك

لا تسوي لي حكاية نون وما لا يعلمون

يعني عارف يعني فاهم وانت ضايع وسط كونك

كيف أحبك..ليه أحبك
وأنت أصلا من تكون
شخص خاين والله باين
حط عيني في عيونك

لا تمثل دور عاشق لا تقول أنك حنون

أنت قاسي أنت ناسي
أسأل اللي يعرفونك

أو ترى يمكن يكونوا مثل قلبك يكذبون
يذكرونك..يفقدونك
بالكذب هم يعشقونك

لا تصدقهم وتبكي وفي غيابك يضحكون

لا تأمنهم واحذر قبل لا تبدي طعونك

والله باكر ما يفيدك لا بدا وقت الطعون

يطعونك وأنت شايف وأنت عايش يذبحونك

والمصيبه هم بعد موتك بالكذب هم
يحزنون

يدفنونك..يكرمونك..ولا يمكن يتركونك

هي حياتك وانت كيفك
خون لو ودك تخون
بس اعرف شي واحد والله
من خنته يخونك


بعد يومين..

النمسا
وبالتحديد بالكابرون
حيث الطبيعه الهادئه والجو البارد والسفوح الخضراء والانهار الجاريه امام الفندق..

وبفندق (الطاحونه) *والعايله المالكه له تحب العرب وهم من مؤسسي الجمعيه اللي تهتم بالعرب بالنمسا ويعرفون الحرام والحلال بالاكل*
الساعه 9 الصبح


مونيكا(زوجة صاحب الفندق) كانت تتكلم مع قروب فيصل وراشد ودلال وزينة اللي كانوا قاعدين مبجر لان هذا اول يوم لهم هني..وحدهم متحمسين لان الجو حلو..وكانت تعرفهم بالفندق وتاريخه العريق ونظامهم وشنو جدول رحلاتهم اليوميه للزوار

زينة مستانسه: الله حبيبي فيصل قولها بنروح للثلج عفيه
فيصل ابتسم: حبيبتي انتي حامل والثلج يبيله ساعه ونص بالتلفريك
زينة: يوووه عفيه رشوود قوله..وانتي دلول تحجي قول شي
دلال ضحكت: ههههههه يسمعج
راشد ابتسم: ها اشلون نروح ولا لأ؟؟
فيصل يلتفت لهم: انزين اثنينكم حوامل مو تقولون تعبناا
زينة ودلال بسرعه ومع بعض من الحماس: لاااااا لااااااا ما نقووول..

فيصل وراشد : ههههههههههههههههههههههههه


مونيكا ابتسمت لهم وعلمتهم اشلون يروحون للتلفريك والمنطقه الجبليه اللي فيها ثلج وكانت مستانسه بقروبهم

زينة ودلال يمشون ورا وجدامهم راشد وفيصل

دلال: اقوول زيووون شرايج نلبس نفس الشي
زينة بحماس: صج قولي شنو؟؟
دلال: امممم شرايج سبور عشان البراد
والخضار
زينة طالعت فيصل: ئي ئي فوووفو نبي ناخذ كاميرا وزوليه نقعد عليها وامممم ئي وبعد نبي سلة فيها كلوب ساندويش وجذي..

فيصل بضحك: ههههههه انزين انزين
راشد يطالعهم ويضحك: ههههههههه والله انت مدلعها
دلال : ههههه ئي مو انا كله مدقر فيني
ولمور..واي صج خل ادق عليها واشوفها

راشد ضحك عليها: ههههههه انزين حبي بروح انا وانتوا لبسوا علما نتفق احنا
زينة ودلال: اوووووك..
وراحوا اثنينهم يجهزون نفسهم اما فيصل وراشد قعدوا يتكملون عن التلفريك اللي بيركبون وعن الكاميرا والاكل


@
@
@
@

فيلا ابوفيصل
الساعه 12 الظهر

ديالا بروحها بالحديقه..الجو حار بس ماي النافوره مخلي فيه براد وهوا حلو..كانت لابسه شورت لفوق الركبه لونه اخضر لان ريلها اليسار مجبسه من الركبه لاخر شي..مع بلوزه بيضا علاق عليه رسومات خضرا
..وعلى جبينها بلاستر مكان الغرز : افففف بدر قاعده بروحي امي طلعت مع رفيجاتها للنادي وابوي بالشغل وانا ما اقدر اتحرك زهقت زهقت

بدر بغموض: لفي وراج

ديالا حست ان الصوت قريب منها وتركت فونها وطالعت وراها وكان بدر واقف وبيده بوكيه ورد احمر وابيض ولابس جينز بيج مع تيشيرت عنابي وشكله زووووغه: بــــــــدددددددددددددر

بدر ابتسم وقرب منها وباس خدها وديالا تعلقت برقبته وخذت الورد: ئي بدر شحقه مستغربه؟؟
ديالا ابتسمت: اشلون ييت هني ما خفت احد يشوفك من الجيران؟؟
بدر ابتسم: لاا من شنو اخاف ابوج وامج واهلج صاروا يدرون بعلاقتنا واني بخطبج..

ديالا استحت وقربت بوكيه الورد منها وشمته : واااااااي شحلاة ريحة الورد

بدر ابتسم عرف انها استحت: اخخخ لو مو ريلج مجبسه
ديالا ضحكت: ههههههههه ليش شبتسوي؟؟

بدر بخبث: باكلج
ديالا ضحكت: ههههههههه ياوصخ..
بدر ضحك: ههههههه انزين حبي شرايج اخذج نتغدا برا
ديالا بصدمه: شنووو من صجك؟؟ وين اطلع وريلي وويهي جذي لاا لا وعععع مابي مابي
بدر ضحك: ههههه شنو وعع انتي خبله؟؟ قومي بنطلع؟؟
ديالا ابتسمت: مابي شنو تبي الناس يضحكون علي؟؟
بدر : شكو انتي بالناس المهم انج معاي وعاجبتني
ديالا تفكر: ............
بدر ابتسم وباس خدها: قووووومي يلاااااااااااااا

ديالا ابتسمت: انزين انطرني بطول شوي علما ابدل ملابسي
ومسكت عكازتها ووقفت شوي شوي

بدر ابتسم وقام وياها يساعدها: شنو انطرج بصعد وياج..خدامتكم وينها؟؟ شنو ماكو احد يساعدج
ديالا ابتسمت وهي تتسند عليه وعلى عكازها: تلقاها بالمطبخ ولا بدارها

صعدها فوق ووصلها دارها ودش معاها

ديالا سيده قعدت على الفراش وخذت نفس: اااه تعبت بس شوي اخذ نفس

بدر ابتسم وراح صوب كبتها بعد ما القى نظره على غرفتها اللي اول مره يشوفها وكانت حلوه وتدل على مستواها وتفكيرها: خليج اتارحي انا بشوف لج شي حلو تلبسينه

ديالا تطالعه وتبتسم بحيا وبعد فتره بدر اختار لها نفنوف احمر صدره سبعه وعليه حزام اسود وفوقه قميص اسود شفاف وصندل اسود

بدر حطهم لها : يلا قومي لبسي هذول

ديالا : من صجك؟؟ شحقه نفنوف واحمر بعد..لاا لا طلع شي سبور
بدر ابتسم: ياحبي انا خاطري اشوفج بالاحمر وبعدين انا باخذج صوب الشاليهات نقعد عالبحر ونتغدى ونسهر لليل واردج بعدين
ديالا بصدمه اكبر: شنوو؟؟ الشاليهات؟؟ لا لا بدر انا اخاف وريلي مجبسه وابوي وامي صاروا يسألون عني كل ربع ساعه اشلون تبيني اطلع معاك لليل..لا لا ما اقدر

بدر : شفيج كلتيني؟؟ بابا انا خطبتج من ابوج بالمستشفى
ديالا : متى؟؟؟ وليش محد قالي؟؟
بدر تجتف: عيل ما سألتي نفسج ليش سكت عنج واشلون اقتنع المحقق وصك السالفه..انا خطبتج من ابوج وفيصل بس قالوا لي ما راح يصير شي الا لما تصيرين تمام وبعدين بييب امي وخواتي هالاسبوع يتعرفون على اهلج
..والحين قومي لبسي لانا تأخرنا
ديالا ابتسمت ومسكت النفنوف: انزين خلاص اطلع عشان اقدر اقط بلوزتي وألبس لاني ما اقدر اوقف بدون عكازات

بدر قرب منها: ماني طالع وبلبسج بنفسي

ديالا حمر ويهها: شنووو؟؟ بدر اطلع عشان ألبس يلاااااااا
بدر صار قاعد جدامها عالارض ومد ايده لبلوزتها: اشششش
ديالا : بدر انا ماابيك تلمسني الحين
بدر ابتسم لها ووقف: انطرج برا وإذا احتجتي مساعده ناديني
ديالا حمدت ربها بسرها وابتسمت بخوف واول ما طلع لبست النفنوف وبعدين قطت الشورت ولبست القميص وركبت الحزام وفلت شعرها وصار طايح كله..وفردة صندل وحده وراحت عند المرايه
تركت عكاز وتحاملت على نفسها وظلت بعكاز وحده وحطت كحل وماسكرا وحمره حمرا وبلاشر وتعطرت بعطر فلاور بومب ونادته: بدددددددر

بدر طل من الباب وصفر: قمرررررررر قمررررر..قمر عالارض..(وباس خدها)

ديالا استحت : شوف شكلي حلو
بدر ابتسم وعطاها العكازات: اول مره احس ان الاحمر حلو..
وبعدها ديالا ما تكلمت وطلعت وياها وركبت بسيارته ومشوا

ودق ابوها

ديالا بربكه: هلا بابا
ابوفيصل: هلا بحبيبة ابوها اشلونج انتي الحين؟؟
ديالا تطالع بدر: زينه الحين ماكو عوار
ابوفيصل: زين يبه تغدي وشربي دواج مو تنسين وإذا تبين إي شي دقي علي ولا على امج لاني يمكن اتاخر اليوم
ديالا بتوتر: زين بابا
ابوفيصل: مع السلامه
ديالا : مع السلامه تيك كير

بدر : شفيج خايفه؟؟
ديالا ابتسمت: توترت..حسيت اني اجذب عليه..واهو خايف علي
بدر : حبيبتي كلها جم يوم وتصيرين حقي..

وهني سكتت ديالا وطالعت الشارع

@
@
@
@

نرجع النمسا
ونشوف قروبنا
بالتلفريك الثااااني
وتحتهم الارض الخضرا والانهار الدافيه ببخارها الحار والغيوم الخفيفه والبرد كل ما له ويزيد
والساعه عندهم 10:45

زينة ودلال لابسين نفس بعض..جينز اسود سكني مع توب ابيض ساده قطن ناعم عليه بروش اسود يلمع صوب الصدر ووشاح فرو اسود على رقبتهم
وراشد وفيصل بعد غاروا ولبسوا نفس الشي..جينز ازرق مع تيشرت اسود وجاكيت اسود طويل

ومعاهم نفيش وسنكرات وشبيسات يابته دلال معاها من الديره حق الرحله

زينة تطالع المناظر الطبيعيه والخضار: وااااي واي رفوول شوفي شحلاة المكان

دلال ابتسمت وهي تأشر عالبخار: واااي طاعي البخار شحلاته ودج تتسبحين فيه

راشد : بس ترى كل ما صعدنا تلفريك يبرد الجو اكثر

زينة وهي تاكل السينكرس: وااااي وناااسه فوفو شوف المكان والله وناسه مو عندنا كله حر
دلال ضحكت : ههههههه ئي انا سمعت البنات بالمنتدى كله يسولفون عن النمسا ويقولون الطبيعه تيين بالكابرون وفيه فينا وزيلامسي بعد
فيصل ضحك وهو يصور: هههههههه جان تقومين وتقولين بروح شمعنى اهم يروحون مكان ما رحته
الكل: هههههههههههههههههههههههه
زينة رفعت نفسها شوي وقربت السنيكرس لحلج فيصل: هاك اكل
فيصل ابتسم واكل منها: بعد عمري..

راشد يضحك عليهم: هههههه والله اللي يشوفكم يقول توهم معاريس..بابا زيوون هيي هييي لا تغازلين جدامي اشوف فصختي الحيا مره وحده

زينة ضحكت: ههههههههه كيفي مالك شغل

دلال ضحكت: ههههه صح رشود كل واحد وكيفه وانت بعد مالك شغل الا فيني

راشد ضحك : هههههههههههههه

زينة : امممم انزين حبي جم بنقعد بالتلفريكات عشان نوصل

فيصل ابتسم: اللي عرفته ساعه ونص بخمس تلفريكات

بعدها سكتوا وصاروا كلهم يصورون بالكاميرا ويشوفون الطبيعه اللي تحتهم

وبعد دقايق وصلوا المحطه الثالثه للتلفريك ونزلوا ولقوا مطعم ومقهى عنده دمى للدب القطبي والجاموس عند الباب كناية عن وصولهم نقطة التجمد في الكابـرون


زينة صارت ترجف وتشد وشاحها على رقبتها: وااااااي برددددددد هني حيل صجج صجج بنتجمد
دلال ترجف مثلها وهي متعلقه بذراع راشد: وااااااااااااااي
راشد ضحك: ههههه توكم ما شفتوا شي

زينة خشت راسها بصدر فيصل وتتحجى: ئي مو انت متدفي لابس جاكيت
فيصل ضحك وهو يخشها بجاكيته: ههههههه تعالي ادفيج بعد عمري
راشد ضحك: هههههه محد قالج ما تلبسين ثقيل ههههه طاع شكلك انت ومرتك..

دلال تضحك معنها بردانه: ههههههه عفيه عفيه رشوود صورهم
راشد ضحك وصور زيون وهي خاشه راسها بصدر فيصل
فيصل ابتسم: تعالوا نصور هني عند الدب وندش نشرب لنا كوفي حاااار
زينه طارت عند الدب القطبي وحطت ايدها على رقبتها وابتسمت: ئي ئي يلا صورونا تعالي دلول...
وقالوا مع بعض: تشيييييييييييز
راشد وفيصل كانوا يضحكون على حريمهم ويصورونهم وبنفس الوقت مستانسين بالجو..
دخلوا شربوا كوفي وبعدين صعدوا التلفريك الرابع

وبالمحطه الرابعه للتلفريك تشوف رذاذ الامطار ينزل على التلفريك والارض وتكاد تحجب عنك الغيوم كل شـي

وهني زينه ودلال ماتوا من البرد وكل وحده قامت ترجف وتحك ايدينها ببعض وراس كل وحده بصدر ريلها

راشد يضحك: ههههههه يبه هييي انتي وياها لا تموت علينا من البرد
فيصل ضحك: هههههه ئي والله لا يصير بعيالنا شي
زينة طقت صدره وردت خشت راسها: ئي مو مهم انا..اهم شي ولدك مو؟؟
فيصل ضحك وباس شعرها: ههههههه لا ياقلبي انتي الاساس بس ولدي بعد ابيه

راشد يضحك ويقط جاكيته ويحطه على ظهر مرته: ههههه انزين دلول هاج تدفي بهذا

دلال ابتسمت وهي تلبسه: وانته؟؟
فيصل بعد قط جاكيته وعطاه لزينة: يبه عآدي احنا رياييل نتحمل

زينة بعد ما حست بالدفا وصار خشمها احمر من البرد : وااااااااااي دلول شوفي المطر والغيوم ما نشوف شي
دلال ابتسمت: صج وناااااااااسه جو يهبللللل

وبعد ساعه ونص وصلوا للمكان المطلوب..مرتفعات الجبال الثلجيه بالكابرون..

نزلوا من التلفريك وانجنوا..زينة ودلال على طول ركضوا للثلج وصارو يلعبون ويبنون بيوت من الثلج ويرشون على بعض

وراشد وفيصل كانوا يتمشون ويسولفون عن المكان والخضار ويضحكون على خبال حريمهم

طولوا بالمكان تقريبا للمغرب وهم يلعبون بالثلج ويتزلجون عالجليد ويشاركون السواح بالمسابقات اللي مسوينها وكان جو قروبهم يونس حيل

ولما خلص وقت الغروب ردوا بالتلفريكات مره ثانيه ورجعوا للفندق وهم مستانسين ومعاهم ذكرى حلوه وخياليه من هالمكان

@
@
@
@

انتهى البارت
وخلص كلامي
خخخخ يلا رايكم واشوفكم
ببارت يديد


كتبت يسرعه وبدون ترتيب عشانكم

 

[Føzöø]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

يسلموو حياتي ع البارت

بس واايد قصير

حبيت شجاعة بدر

و فيصل عجبني يوم عرف بعلاقه بدر و ديالا ،،

و بس

نبي بعد باارت

ووو ناطريينج حيااتي

 

[Føzöø]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

ويي سوري توني اشووف الثااني :ss

 

[AL-7OB]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

ثااااانكس عالباااارتين
وسوووري عالحنه 

 

[Føzöø]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

حيااتي والله اوراق الله يعز شانج ياقلبي

الباارت اينن شويه عليييه

و فيصل و زيون

وو

و راشد ودلوول

يهبلوون احس اني برداانه ويااهم 

و ديالا و بدر يحليلهم

وو بس

واااي و ناااسه ليش ما خذوني وياهم النمسا و بالتلفريك والله ما اسوي شي اقعد سااكته (( لوول امبي شفيني فصلت لوول عادي عادي )(

وو

نااااطرينج حياااتي

ويعطيج الف الف الف الف عافيه :ss

 

[Føzöø]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

اي و نسيت ( سووري ع الحنه :sss )

 

[AL-7OB]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

فوزو الظاهر اوراق ابتلشت فينا
الله يعينها طاحت بحنانتين

 

[برنسس أوراق]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

يسلموو حياتي ع البارت

بس واايد قصير

حبيت شجاعة بدر

و فيصل عجبني يوم عرف بعلاقه بدر و ديالا ،،

و بس

نبي بعد باارت

ووو ناطريينج حيااتي

الله يسلمج فوزو
عاد شسوي الروايات اللي قبل أطول البارت يقولون حيل طويل أكثر من القصص الثانيه بس ولا يهمج أنزل لج بارت

حياتي انتي

 

[برنسس أوراق]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

ويي سوري توني اشووف الثااني :ss

خخخخ زين انج شفتي

 

[برنسس أوراق]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

ثااااانكس عالباااارتين
وسوووري عالحنه 

العفو وحياج عادي تمونين ههههههه

 

[برنسس أوراق]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

حيااتي والله اوراق الله يعز شانج ياقلبي

الباارت اينن شويه عليييه

و فيصل و زيون

وو

و راشد ودلوول

يهبلوون احس اني برداانه ويااهم 

و ديالا و بدر يحليلهم

وو بس

واااي و ناااسه ليش ما خذوني وياهم النمسا و بالتلفريك والله ما اسوي شي اقعد سااكته (( لوول امبي شفيني فصلت لوول عادي عادي )(

وو

نااااطرينج حياااتي


ويعطيج الف الف الف الف عافيه :ss

ههههههههههه الله يعافيج فوزووووووووو ههههههههههه ما عليه السفره الثانيه ذكريني احطج وياهم خخخخخخ

 

[برنسس أوراق]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

اي و نسيت ( سووري ع الحنه :sss )

ههههههههههه عادي

 

[برنسس أوراق]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

فوزو الظاهر اوراق ابتلشت فينا
الله يعينها طاحت بحنانتين

شفتي شلون تو الناس تحسون ههههههههههههههه لا واحلى حنانتين بعدددددددددد

 

[برنسس أوراق]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

البارت 17 باجر العصر

 

[AL-7OB]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

شفتي شلون تو الناس تحسون ههههههههههههههه لا واحلى حنانتين بعدددددددددد

عيوونج الحلوه حياتي انتي
وزيييين سويتي حطيتي موعد عشااان لا نحن

 

[Føzöø]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

اشوني ذكرتج هههههه

كاااااك و اي والله لشو انج حددتي موعد الباارت عشان ما نقعد انحن ع افاج قصدي رااسج خخخ

ماااكو بارت هديه جذي مني مناك :$$

ما انعطي ويي مو ههههههه

ويتنق حيااتي ؛)

 

[Føzöø]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

اشوا ** :eh_s(22):