انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*مميز*

[برنسس أوراق]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

اشوني ذكرتج هههههه

كاااااك و اي والله لشو انج حددتي موعد الباارت عشان ما نقعد انحن ع افاج قصدي رااسج خخخ

ماااكو بارت هديه جذي مني مناك :$$

ما انعطي ويي مو ههههههه

ويتنق حيااتي ؛)

لا ماكو تعبت نظري باجر

 

[برنسس أوراق]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

شفتي شلون تو الناس تحسون ههههههههههههههه لا واحلى حنانتين بعدددددددددد

عيوونج الحلوه حياتي انتي
وزيييين سويتي حطيتي موعد عشااان لا نحن

خخخخخخخخخ ايه أحسن على طول جذي العصر ومرات بالليل

 

[Føzöø]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

احلى دقره اورااق

المهم سلامتج من التعب حبيبتي

 

[FinDi]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

واااااااااااااي ^.^
بارتااااااات مووووو صج *.*
كملي كملي والله اندمجت ^.^
الله يهنيييهم ويرزقنا الزوج الصالح
والحبيب الصالح ههههههه

 

[كويتية بحتة]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

القصة حلووة
بس وانا اقرى اول بارتين
حسيت جني قاعدة اشوف زوارة خميس
زينة وفيصل نفسهم اللي بالمسلسل ونفس الاحداث

 

[برنسس أوراق]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

الحين بنزل البارت 17 و 18

وثانكس لكل البنات اللي ردوا فوزو والحب وفندي وكويتيه بحته يسعدني انضماضج لقافلة المتابعين

يلا تابعوا

 

[برنسس أوراق]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*



النـبـض الـسـآآآبع عشــر : : :

ما على قلب الرسول إلا البلاغ
وأنت لك عندي رسالة وكلمتين
قلبي المرسل..محاك..من الدماغ
طحت من عيني..وطاحت دمعتين
ما أطولها عليك بلا ضياغ..
هي قصيره بس تجرح حبيتن
يوم قلبي ذاب في حبك وزاغ
ليه قطعته بأيدك قطعتين
ما مسح لي دمعتي غير الشماغ
غلطتي طيبي وغدرك غلطتين
بيت صغته وبيت لا يمكن يصاغ
شي كتبته وشي مكانه نقطتين
قلبك استخسر عليه اليوم ساغ
وعندي كلك ما تساوي بيزتين
أخر حروفي الصدر فيها ب..(آغ)
وانتهى عجز الصدر فيها ب..(تين)
اللي فيني الحين ما جا من فراغ
صدمه..وحده..تكفي..مابي صدمتين
ما عليك من الرسول إلا البلاغ
صعب تلدغني بجحرك مرتين

وهذي بعد للمبدع..أحمد الصانع..


الشآليـهآآآت
المغرب الساعه 7:30

ديالا قاعده عالرمل عند البحر وقاطه قميصها وكعبها : بدددر

بدر ابتسم وهو قريب منها واصابعه تلعب بخصلات شعرها وايده تحسس خدودها: عيووونه
ديالا ابتسمت وطالعت بعيونه: الحين انتوا جم واحد بالبيت
بدر ابتسم: انا واخوي بندر اكبر مني بسنه وخواتي ثلاث عبير وهمس وشوق

ديالا ابتسمت: يااااي حلو اسم همس..
بدر ضحك: هههههه ئي حلو وغريب بس مو احلى من اسمج(وباس خدها)
ديالا استحت من كلآمه ودفنت ويهها بجتفه: ............
بدر طالعها وابتسم ورفع ويهها بين ايدينه: بعرفج إن شاء الله على خواتي وامي بس لما تشيلين الجبس..
ديالا ابتسمت ولفت تطالع البحر: خآيفه ما يحبوني
بدر : المهم اني انا احبج وابيج مو كااافي..

ديالا ضحكت: ههههههه امبلا..
بدر انجن على ضحكتها وقرب منها وبآس شفايفها بهدوء
وديالا ولعت بمكانها من الحراره ودزته عنها: هيييي مو عشان ريلي مكسوره تستغلني
بدر ضحك من قلبه: ههههههههههههههههه احبج شسوي
ديالا ابتسمت: انزين بدر
بدر حط ايده على خده: همممم
ديالا استحت من شكله: قوم ودني البيت
بدر ابتسم: على شرط
ديالا تلعب بشعرها: شنووو
بدر ابتسم: نتعشى وبعدين اردج البيت
ديالا اعترضت: لا بيبي وين توديني وانا شكلي جذي يفشل..لا لا ناخذ اكلنا وكل واحد يروح ياكل ببيته احسن وايد
بدر ضحك : ههههههههههههههههه منو بيبي ليكون انا
ديالا استحت: ئي اسمك الدلع
بدر ضحك وقرص خدودها: هههههههههه فديتج انااا يلا يلا قومي قبل ما اطينها هني

ديالا مرت على ويهها ألوان الطيف السبعه ومسكت عكازاتها وقاامت بمساعدة بدر وهي مستحيه منه..

@
@
@
@

نرجع للنمسا
وبالتحديد
الكابرون السآآحره
والوقت عندهم 2 الفير

وكل سكآآن الفندق نايمين ما عدا


دلال بهمس وهي تعدل بيجامتها الحمرا الحرير: اقوول زيوون ريلج نايم ولا قاعد؟؟
زينة واقفه يمها وتعدل شعرها وبيجامتها السودا الحرير: نومته وانحشت
دلال ضحكت: ههههههه انزين حتى رشود نايم شرايج نسوي فيهم مقلب محترم
زينة تفكر وتطالع الظلام حولها: هآآآآآآ

دلال طقتها على راسها: شنووو هاآآآآ انتي بعد اقول شرايج نسوي فيهم مقلب بما ان اثنينهم نايمين يعني
زينة ضحكت وهي تحك شعرها: اححح ههههههههههههههه حرآآم عليج توهم مطلعينا من الصبح لليل وتبين تسوين مقلب

دلال : يوووه نستانس انتي شفيج؟؟
زينة تضحك: هههههههه انزين لا تزفين قولي شنووو
دلال بخبث: نييب تب نعيبه ماي وطين ونصبه فوق روسهم
زينة شهقت: هـــــــــئ حرآآآم عليج ياحمااااره
دلال زهقت منها : يووووه قلبي ويهج زيننننننن!! مو كفو احد يلعب وياااج
زينه ضحكت ومسكتها قبل ما تروح: هههههه شفيج انتي زعول تعالي بسسسس

دلال ابتسمت وهي ترجع لها: هههههههه انزين خلاص يلا روحي ييبي انتي تب من حمامج وانتي من حمامي
(طبعا كانوا واقفين برا عند باب الجنااااح)

زينة ابتسمت : اوك..(ولفت بتمشي ورجعت)انزين لحظه وين نلقى طين؟؟
دلال طقتها على راسها: ياغبيه نييب ترآب ويصير طين مع الماي فهمتي
زينة تضحك: ههههه انزين انزين لا تطقين اففففف(ولفت بتمشي ورجعت)انزين لحظه
دلال اشرت على رقبتها: ترى بذبحج والله
زينة ضحكت: ههههههه لا لا خلاص بس أخر سؤال وين نلقى ترآآب؟؟
دلال : روحي ييبي تب اول بعدين تعالي اقولج
زينة مشت بدون ما تتكلم..دشت غرفتها وشافت فيصل نايم على نور الابجوره الخافت والستاره مفتوحه لان الجو حلو بدون تكييف..مشت بهدوء على اطراف اصابعها وراحت للحمام ودورت فيه بس ما لقت تب : يوووه شسوي الحين؟؟ مالي الا اخذ جدر من المطبخ
طلعت وبنفس الوقت طلعت دلال من غرفتها
دلال: لقيتي؟؟
زينة بهمس: لا وانتي؟؟
دلال : هم لا..
زينة: خلاص تعالي المطبخ

راحوا اثنينهم للمطبخ وكل وحده خذت لها جدر وسط وعبته مآي

دلال: خلاص الحين خليهم هني ولبسي جاكيت وتعالي ننزل تحت نييب ترآب من جدام الفندق
زينة خافت: لااا لا يماا والله لو درى فيصل يذبحني..
دلال : ياغبيه انا معآآج وبعدين عآدي محد يدري
زينة بخوف: مابي انا خوافه انتي روحي وانا انطرج
دلال تسحبها: ياااحماره تعالي ما راح نطول دقايق ونيي

وراحو مع بعض لبسوا جاكيتات طويله وخذوا معاهم جيس ونزلوا للوبي الفندق وبعدين تعدوا من الرسبشن بكل هدوء عشان محد يشك فيهم
وعند البآآب ترسوا الجيس ترآب ناعم وبسهوله حصلوه لانه الفندق جدامه نهر جآري
زينة تراقب: يلا بسرعه امشي ندش
دلال بهمس: يلآ

وأخيرا صعدوا الجناح مالهم وكل وحده خذت شوي من التراب وحطته فوق الماي وصار طين وحل..

زينة ابتسمت: اتخيل شكل فيصل وهو مخترع
دلال ضحكت: ههههههه حتى انا اتخيل رشود وهو معصب من الطين..
زينة : حماره عآد خلقه ما يحب ملابسه تتوصخ هههههه
دلال تضحك: ههههه انزين يلا بسرعه ترى طاحت ايدي وانا ماسكه الجدر

دشت كل وحده غرفتها ومشت بهدوء


نشوف زينة :

وقفت فوق راس فيصل عند السرير وكانت تبتسم بخبث وهي تشوف شكله نايم مرتاح بعد التعب : 1‎ 2‎ 3 و..طشششششششش
فوق راسه وجسمه
فيصل نط من مكانه وهو غرقان طين: هـــــــــــــــــــــــئ
زينة ماتت من الضحك: ههههههههههههه واااي فووووفو شكلك يضحك (طاحت عالارض وهي تضحك)هههههههههههههههههه
وا هههههههههههههه

فيصل توه يستوعب بعد ما شافها تضحك ويطالع نفسه اشلون بنطلون البيجامه الابيض تلطخ وصار طين وصدره العاري صار ماي وطين وصارخ عليها وهو يمنع ضحكته: جـــــــذي الوآآآآحد يسوي مقلبببببببببببببببببببببب ياحماااااااااااره..اوريج

ونزل لها وطاح فوقها وثبتها بيدينه ولطخها معااااه

زينة كانت تضحك : ههههههههههههههه لاااا لااا فيــــــصل آآآآآه بتطيح ولدي هههههههههههه
وعععععع وعععععععع قووووووم عني وصختني وعععععععععععع لااااااااااااااااااااا

فيصل يضحك عليها وهو مكمل تلطيخها خدودها وويهها بجسمه : هههههههههههههه حلمج حبيبتي حلمج..محد قالج تبدين
(وفصخها القميص ولطخها عدل)

زينة ماتت من القهر : افففففف هذي كله من دلول الحماره..خلآص قوووووم عني

فيصل ما قام كمل عليهاا


وعند دلآل

اول ما دشت وقفت عند راسه وصبت الطين مره وحده: طششششششششششششششششش

راشد نط من الخرعه : هــــــئ شنووووو شنوووووووووووووووووووو
دلال كانت تضحك: ههههههههههههههههههه
راشد اول ما شافها تضحك عصب: هذااااا انتيييييييييييييييي هين اوريج
وشالها على ظهره وطلع فيها

دلال خآفت: ههههههه هيييييي رشووود نزلني يااااحمار انا حااااااامل نزلــــــني..

راشد ماسك ضحكته: وحماااار بعددددد ياسلااااااااام
نزلها عند المطبخ وشاف جيس الترآب والماي والجدور والعفسه اللي مسوينها وضحك: هههههههههه جذي السالفه هين اوريج
دلال حاولت تنحاش بس مسكها: هههههه تعالي وين رايحه مالج امل
راشد ماسكها من خصرها بيد والايد الثانيه قاعد يعني فيها ماي وطين من اللي بقى بالجدر
دلال تتمسكن: راشد حبيبي خلاص ترى هذي فكرة زيون اختك مو انا >>شوف النصابه
راشد ضحك: ههههههه شحقه الجذب ما تسمعينها شتقول لفيصل وضحكهم واصل اخر الجناح
دلال تحاول: انزين حبيبي ر..
بس راشد ما سمعها وصب كل الطين على راسها وهي واقفه وبعدين ضحك على شكلها: ههههههههههههههههههه طااعي شكلج

دلال تطالع نفسها وهي مصدومه: .............
راشد مكمل ضحك وهو ملطخ بس الوضع ايزي عنده: ههههههههههههههههههههههه

دلال ضحكت وقطت نفسها عليه واهو شالها وراحو غرفتهم

@
@
@
@

بيت ابوعآدل
الساعه 10:30

ام عآدل نازله ومعاها لمار اللي خلوها عندها وكانت ملبستها نفنوف اصفر وشاده شعرها الصغير بشباصات صفر وصايره تهبل مع بياضها ومتنها : عآآدل انت هني ليش ما رحت الدوام؟؟
عآدل ابتسم وهو يقوم ياخذ لمار منها ويبوس خدودها: اجازتي اليوم..لمووور كغ كغ كغ لموووره حبيبة عمها

لمار تضحك: هـ ء هـ ء هـ ء هـ ء
>> عآد ما ادري اشلون يضحكون اليهال

عآدل خذاها وطلع برا البيت: باخذها وياي..

ام عآدل: تعال وين رايح؟؟

عآدل وهو طالع: شوي عند الباب...

طلع وقعد على عتبة الباب عند الدري وكان الجو مشمس بس حلو..حط لمار بحضنه وطلع تلفونه ودق رقم مو مسيفه


وبعد دقيقه ورنآآت طويله :

.....بتردد : آلو
عآدل ارتبك بعد: آلو السلام عليكم
....... استغراب: وعليكم السلام هلا اخوي منو بغيت
عآدل ابتسم: هذا مو رقم فرح محمد ال...
معاج عآدل من قسم خدمة المواطن بوزارة التربيه
فرح ابتسمت : هلا أخوي انا فرح
عآدل مسك ايد لمار اللي تطق صدره وتلعب بحضنه: امممم بصرآحه كنت بقولج ليش ما تقدمين عالتعليم الخاص صج اقل من الحكومه بس عالاقل تاخذين خبره علما يفتحون لكم المجال هني
فرح تنهدت: ما ادري محد يمدح لي الخاص يعني ادرس 12 سنه بالمدراس و3 سنين بالكليه واخر شي اروح ادرس بالخاص وبراتب ما يسوى التعب اللي اتعبه هم الله ما يرضاها>>خذت راحتها بالكلام

عآدل : انا معاج وكل اللي قلتيه صح بس شتسوين شي احسن من لاشي..عالاقل تاخذين شهادة خبره وتتمكنين من التدريس عدل

فرح بتردد : ما ادري بشوف ابوي واهلي ومشكور اخوي وما قصرت..مع السلامه

عآدل ما وده يسكر: آ آ مع السلامه وإذا تبين تقدمين تعالي عندي وانا اوديج لهم اهم مكانهم بالسالميه وانتي بعد سئلي عنهم
فرح ابتسمت: خلاص افكر واشوف..مع السلامه..

سكرت وعآدل تنهد وسرح بملامحه اللي رغم بساطتها إلا انها ناعمه..

@
@
@
@

انتهى البآآرت
يتبع..
بالبارت ١٨

 

[برنسس أوراق]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*


النبـض الـثـآمن عـشـر : :

أغليـكـ
لآنـي
مقـتـنع
باختيآري..



بفيلا يسكنون فيها اشخاص جدد بقصتنا :

ابوبندر وام بندر :

بندر : 25 سنه..يشتغل بالتجاره مع ابوه وميوله سيآسيه
بدر : 24 سنه عرفناه من قبل
عبير: 22 سنه..سمره وضعيفه وقاصه شعرها مدرجات وصابغته بني
همس: 21سنه..وهذي بيضا ونعووومه حيل زبده..فرفوشه حيل وتحب الضحك والنكت والطلعات
شوق: 19 سنه اخر العنقود وطول وقتها عالماسن والنت


شوق بضحك : هههههههههه همس هموسه تعالي شوفي هذا شحاط لقب؟؟ هههههههههههههههه
همس قامت من جدام التلفزيون وبيدها كولا ويت وقفت وراها : وععععع قلة ادب شهالمصخره اللي داشتها اقول اطلعي اطلعي
(كان واحد حاط لقبه بالشات..ممكن مقاس الستيان)
شوق تضحك : ههههههههه شفيج هذا شات سعودي..ههههههههه طاعي صورته هههههه وااي بطني ههههههههه
همس رجعت لمكانها: اقووول اطلعي من هالمصخره قبل ما ايي بندر يقلب لابج فوق راسج

وبهاللحظه دش بندر وسمعها : خييييير اسمع اسمي
شوق صكت الاب ونطت: هـــــئ..آ آ انا رايحه فوق
بندر شك فيها: وقفــــــــــــي!!
شوق تجمدت بمكانها عند الدري: ................
همس قامت ترقع السالفه: آ هلا بندر تبي شكلك تعباان تبي اسويلك جاي اخضر بالنعناع طعمه ينن او
بندر طالعها بنظره:.......
همس خافت من نظرته بس ترقع: او كولا او ....
بندر دزها وراح صوب شوق: وخري مناك..

شوق بلعت ريجها: آ آ انا
بندر طالعها بنظره سكتتها وخذا منها الاب وشاف الصفحه اللي فاتحتها وكانت دردشه بالشات العام : دلوعه لحد الميوعه..الشقه فاضيه وماما راضيه..ممكن مقاس الس..(وصارخ عليها)شنوووو هذاااااااا شهالمصخره اللي داشتها؟؟
شوق ماتت من الخوف: آ آ والله مو قصدي دش..دشيته بالغلط..اص..اصلا انا مو مشآركه فيه و
بندر مسكها من ايدها بعصبيه وهزها: ياويلج ان شفت هالمصخره بجهازج ساااااااااامعه..
شوق بلعت ريجها من قوة ايده: إن..إن شاء الله إن شاء الله
بندر صك الاب وخذاه ومشى: وعقابا لج ماكو لاب هالاسبوع كله(والتفت لهمس)وانتي ياويلج لو عطيتها لابج وقولي هالشي لعبير
همس بسرعه: إن شاء الله..
بندر صعد وكانت عبير توها نازله: هلا بندر ييت
بس بندر طنشها ومشى
عبير باستغراب وهي تطالع شوق : شفيكم؟؟
شوق ما ردت وصعدت تبجي لغرفتها : اهئ اهئ اهئ اهئ اهئ اهئ اهئ
عبير تطالع همس: شفيها هذي؟؟ احد يرد علي
همس وهي معلقه عيونها بالفلم: تعرفين خرابيطها داشه شات سعودي كله مصخره وقلة ادب و
عبير كملت عنها: بس بس عرفت..ويا بندر وعلمها شغل الله..افففف ياربي انا بعرف اختج هذي ما اتوب

ام بندر قاطعتهم: انتو هني..بدر ما يآ
عبير ردت: لآا
ام بندر : انا بدر شاكه فيه صار له جم شهر وهو متغير وما يقعد معانا مثل اول
همس وعبير مع بعض: واضحه..اكيد متعرف له على وحده ويحبها(وطالعو بعض وضحكوا)هههههههههههههه

فوق بغرفة بندر

قاعد على سريره وحاط لاب شوق جدامه ويفتش فيه..محادثاتها..ايميلها..الماسن..المنتديات اللي دشتها الحين
ولما تأكد ان ماكو شي صكه وقام يتسبح


@
@
@
@

بعد مرور اسبوع

فيلا أبوفيصل
السآعه 8 بالليل

زينة بحماس: واااي واي اصلا اسبوع شويه عالكابرون
ديالا : صج وااي ياحظج ودي اروح
فيصل غمزلها: روحي مع بدر
ديالا حمر ويهها والكل ضحك عليها: ههههههههههههههههههههههههههههه
دلال بضحك: هههه ما عليج منه بس صج صج اسبوع وايد شويه عالكابرون..
ريفال: حمستيني عيل بخلي مهدي يوديني..
مهدي سمعها: احم احم انا طالع ياجماعه تبون شي
ابوفيصل ضحك: هههههههه اقعد بس ما عليك منها
عآدل ضحك: هههههه عطها طاف ختولي..
ريفآل تخصرت: جذي يعني تتفقون علي..هيييييين..
الكل: هههههههههههههههههههههههههههه
زينه : رفول ديلي سمعو شسوينها مقلب بفيصل ورشود
دلال ضحكت: هههههه الله لا يرده من مقلب.

ديالا : هههههه ليش؟؟ شمسويه
زينة بهمس: سمعي...


وعند الشبآب بالصاله الثآنيه

فيصل ماد ايدينه للمار: لمو تعالي..
لمار دفنت ويهها بصدر ابوها: بب
راشد ضحك وباس خدودها: ههههههه بعد عمري حبيبة بابا مشتاقتلي
فيصل ضحك: هههههههه شكلك تبت المره اليايه ما تسافر الا وهي معاك
راشد ابتسم: ئي والله بعد المناحه اللي سوتها اول ما شافتنا والله ماني مسافر الا وياها
مهدي : قصدك منت مسافر الا مع البيبي اليديد مثلي يعني
الكل: هههههههههههههههههه

نرجع عند البنات

ديالا : ابييييه بنات طالعوا امي اشلون تحاجي امج زيوون ههههههه
زينه ضحكت: هههههه ئي عبالها امي ثقافه بالفصحى مو جنه موظفة علاقات عامه بمدرسه حكوميه هههههههه
ريفال : على الطاري شصار على الديوان ما قالوا لج وين وظفوج
زينة : ما ادري بس دزولي مسج اني مرشحه للعمل بالقطاع الحكومي..
دلال: صج ديلي متى بيي بدر يخطبج رسمي

ديالا استحت: المفروض هالخميس اييون بس انا اجلته لما اشيل الجبس
دلال: الله يتمم لج على خير..

@
@
@
@

فيلا ابوبندر
نفس الوقت

بدر : السلام عليكم
امه وعبير وهمس: وعليكم السلام
ام بندر: زين شفناك انت ما تقولي وين تروح فيه من الصبح لليل
همس ابتسمت: واتحداج إذا ما طلع الحين
بدر ابتسم: عفيه عليج الحين بروح اخذلي شاور واطلع مع ربعي نتعشى..
وصعد الدري
همس وعبير: ههههههههههه شفتي يما قالنالج متعرف على وحده
ام بندر ابتسمت: والله بديت اصدق كلامكم

همس نطت: تبون اعرفلكم عنها كل شي
ام بندر: وانتي شدراج يالعوبا
همس ضحكت: هههههه ابوي وبندر يدرون اهو قايلهم انا سمعته مره..بس الحين بعرف منو اهي واشلون شافها وكل شي وايي اقولكم..(وطارت ركض عالدري)

عبير ضحكت: ههههههه ملقوفه صج..
ام بندر ضحكت ووقفت: ههههه انا رايحه اشوف امال شسوت عالعشا


فوق بغرفة بدر :

همس طلت براسها وكان توه قاط قميصه: ادش ولا انقلع
بدر ضحك عليها وهو يقعد عالسرير ويقط جوتيه (وانتم بكرامه): ههههههههه دشي

همس ابتسمت ودخلت تتمايل ببجامتها الصفرا اللي عليها ميكي ماوس : امممم

بدر طالعها: خلصي خلصي شتبين؟؟
همس ضحكت: ههههه انزين بقول..امممم منو البنت اللي قلت لابوي وبندر انك تحبها وتبي تخطبها
بدر قرص أذنها: يالعوبا شدراج انتي؟؟

همس ضحكت: اي اي ههههه شدراني بعد قاطه اذوني عندكم..(وتعلقت برقبته)عفيه بدر عفيه قولي منو اهي
بدر ضحك وهو يوقف ويروح الحمام: ماني قايلج ههههههههه
همس نطت وراه ومسكته قبل ما يدش: بددددددر
بدر طالعها وهو يضحك : ههههههه شتبين بدش الحمام تدشين وياي؟؟
همس ولعت من الاحراج وطقته على صدره: ياوصخ ياحماااااااااار مالت عليك وعلى ويهك زينننن
بدر مسك صدره وهو ميت ضحك عليها: هههههههههههه مالت على ويهج..خلصي الحين شتبين؟؟
همس برجا : قولي عفيه عفيه
بدر ابتسم: صورتها ببوكي روحي شوفيها

همس على طول طارت صوب الكوميدنه وخذت بوكه وطلعت الصوره وكانت ديالا بالصوره لابسه جينز برمودا للركبه مع بدي ابيض علاق عالرقبه ومع عيونها الرماديه وشعرها الحرير شهقت وطاحت عالارض: هــــــــــــــئ يماااا يمااا تهبلللللللللللللللللللل الله ياخذك من وين طحت عليها
بدر متسند على باب الحمام ويضحك: ههههههههههههه ياخذ ويهج قومي تعدلي لا ايي ادوس ببطنج
همس ضحكت وقامت عدلت نفسها: ههههههه صج صج بدر حلوه شسمها؟؟
بدر ابتسم: ديالا
همس رفعت حاجبها باستغراب وهي ترجع تطالع الصوره: ديالا!!
بدر يطالعها من فوق لتحت: جنه مو عاجبج

همس ابتسمت: لا امبلا حلو بس مو جنه غريب شوي..اكو كويتيه اسمها ديالا..اللي اعرفه ان اسمه لبناني او سوري
بدر ابتسم : ئي صح عشان اهي امها روسيه بس ابوها كويتي بس معنى اسمها حلو
همس شهقت: هـــــئ امها روسيه وانا اقول ليش عيونها جذي عبالي عدسات..صج صج بدر دورلي واحد حلو مثلها زوجنياه
بدر خزها: خلاص ادورلج
همس ماسكه نفسها لا تضحك: انزين عيل شوف ابي يكون حلو يعني وطوله 179 وفوق وابي ماله شوراب وععع يحكني بعدين وابي عيونه عس..(وطلعت برا طيران لان بدر كان بيطقها) هههههههههههه

بدر ضحك عليها وصك الباب وراها: تعااالي ياحماااااااااااره!!(ويحاجي نفسه)ههههههه صج خبله ماله شوراب..(وفكر بشي)ليكون ديالو لما ابوسها تحسس من شورابي(وضحك)ههههههههه الله يخسج همس صرت افكر مثلها..
ودش الحمام يتسبح وهو يضحك

@
@
@
@

انتهى البآرت
إن شاء الله يعجبكم
باااااي اشوفكم ببارت جديد

 

[Føzöø]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

ثااانكس ع البارتين حبي ^_*

زيون و دلول بدعوو ونااسه

راشد و فيصل قلعتهم يستاهلون (( لوول )(

اممم اي حبيت همس حلاتها تونس 

اممم و شوق تستاهل لوول بس الاسم كااااااك حدث ولا حرج خخخخخخ

ووووو

عادل تكفه لا تحب وحده بدوون

ووو بس

اي ترا نبي بارت بليل خخخخ اوكك

و ناطرييينج حيااتي

 

[AL-7OB]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

يعطييييج الف الف الف عااااااافيه
شفتي شحلاااتنا لما تعطينا مواعيد


 

[Føzöø]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

up .,. Up .,. Up

 

[Føzöø]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*


UP .,. UP .,. Up

 

[Føzöø]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

up
.,.
Up
.,.
Up

 

[برنسس أوراق]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

ثااانكس ع البارتين حبي ^_*

زيون و دلول بدعوو ونااسه

راشد و فيصل قلعتهم يستاهلون (( لوول )(

اممم اي حبيت همس حلاتها تونس 

اممم و شوق تستاهل لوول بس الاسم كااااااك حدث ولا حرج خخخخخخ

ووووو

عادل تكفه لا تحب وحده بدوون

ووو بس

اي ترا نبي بارت بليل خخخخ اوكك

و ناطرييينج حيااتي

العفو فوزو تسلمين عالتوقعات الحلوه وبس الحين أنزل بارت لعيونج

 

[برنسس أوراق]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

يعطييييج الف الف الف عااااااافيه
شفتي شحلاااتنا لما تعطينا مواعيد


الله يعطيج العافيه
شفت ههههههههههه يلا االحين أنزل بارت
فوزو سوت مليون اب

 

[برنسس أوراق]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*



النبـض التـآسع عشــر : : :

ياقلبي سـيـر علـيهـا
تـستاهل انـك تـجيهـا
ما دام اهي مـا تسآل
روح انته واسأل عليها


@بعد مرور سبع شهور@


في احد المدراس الحكوميه الابتدائيه بنآت

غرفة مدرسات الانجلش

دخلت زينة ووراها بنتين ماسكين سلة اغراضها وادواتها ودفاتر تحضيرها

..... :ابله احطه هني
زينة وهي ماسكه بطنها: ئي هني..خلاص حصه ومريوم روحو صفكم بسرعه قبل لا تيي الابله يلا
حصه ومريوم طلعوا يركضون : ......

زينة تدور على فونها بجنطتها : اااااااه

نوال(وحده من زميلاتها المدرسات): زينه شفيج شكلج تعبانه؟؟

زينة بألم: ئي ماادري اليوم البيبي يتحرك من الصبح..

نوال ابتسمت: ئي هذا عوار الحمل بالشهور الاخيره الله لا يوريج تطلع عيونج
زينب(معاهم بالغرفه): خلاص دقي على ريلج وخل ايي ياخذج إذا تعبانه حيل
زينة تطالع شاشة فونها: اففف وينه ليش ما يرد..(وتطالع زينب) عندي مناوبه بالفرصه والاخيره
نوال : خلاص روحي انتي وانا وزينب ناخذهم عنج..قومي يلا
زينة خذت جنطتها وقامت: خلاص انا رايحه..بآآي
زينب: بايااات..بتروحين بسيارتج
زينة بتعب: ئي فيصل ما يرد يمكن مشغول اروح انا احسن..بآآي

طلعت وظلوا زينب ونوال يسولفون

نوال: الله يعينها هذا وتوها ببداية الثامن..
زينب: المهم انا باخذ الفرصه لان عندي الاخيره
نوال: اوكك انا اخذ الاخيره والله يعيني على غثا رابع ملقف

@
@
@
@

الافنيوز مول
الساعه 12‎ ‎‏ الظهر

ديالا كانت تتمشى مع عبير وهمس وشوق ومعاهم بدر

شوق: ديلي شرايج بهذا ؟؟
ديالا تفكر: امممم
بدر : مو حلو لا تاخذينه
ديالا ضحكت: ههههه خلاص مابيه
شوق بقهر: شكو انته؟؟
بدر ابتسم: شنو شكو مرتي انا اللي بتزوجها ولا انتي
ديالا استحت وضحكت: هههههه خلاص لا تتهاوشون امشوا ندش هالمحل
عبير بضحك: هههههه ما عليج اهم دايم جذي..
ديالا ضحكت: ههههههه خلاص يلا نمشي
همس بصرخه: لا لا لالالالالالالالالالالالالا خلونا نروح نتغدى اول انا ميته من اليوع

عبير وشوق وديالا مع بعض: وعمى شحقه تصارخين جذي فضحتينا
بدر : الله يفشلج شوفي الناس اشلون تطالعنا
همس بضحك: شسوي والله ييت مو متريقه
امش خن نروح نتغدى
عبير ضحكت: ههههههه حمدلله والشكر محد قالج تيين يوعانه
بدر ضحك: هههههه شرايج حبي نروح نتغدى وبعدين نكمل ولا لأ؟؟
شوق تغمز: ياسلاااام بعد حبيبتي وسوالف..وتوه العرس باقيله شهرين ما ادري جم
ديالا ضحكت: هههههه بكفيكم انا ما عندي مانع..
بدر ابتسم : يلا عيل..(وطالع شوق)وانت جب مالج شغل زينن
شوق ضحكت: زين ههههههههههه

@
@
@
@

بالشارع العام
وعند الدوار اللي قريب من فيلا ابوفيصل

زينة ما صدقت تعدي الدوار وخذت يمين وصفطت على صوب ومسكت بطنها: آآآآآآآه يماااااااااااااااااااا اممممممممممم

حطت راسها عالسكان وهي حدها تتنفس بسرعه وبدت تعرق وحر وحاااااااااله
وبالموت قدرت تطلع فونها من جنطتها وتدق

رنه
رنتين
ثلاث
اربع

زينة تصارخ من العوار : ااااااااااااه..وهذا وينه بعددددددد!! ليش ما ترد فيصل؟؟

ودقت مره ثانيه بس سده بويهها

زينه قطت فونها بعصبيه : خراااااا زينننننننننن

حركت سيارتها وهي تحاول تنتبه عالطريج وبنفس الوقت ماسكه بطنها ومسرعه

وبعد خمس دقايق وصلت عند الفيلا بس المنظر اللي شافته صدمها



فيصل كان واقف مع وحده وشكله يصارخ عليها : انتي شفيج ما تفهمين؟؟ روحي قولي لها ما احبها ما ابيها وما نسيت الحركه اللي سوتها فيني جدام الديوان..والحين يايه بيتي تقولين حق ابوي..صج ما تستحين..


على وصول زينه ما سمعت فيصل بس سمعت البنت اللي تحاجيه وشكلها تترجاه ومن لهجتها سوريه: لك اسمعني شوي هي صحيح ئالت انها بتكرهك وبتدها تفرجيك بس واللهي انها بتحبك وبده ترجعلك..لشو اخدتنا بشراع وميداف..و


زينة قاطعتهم وهي تتحامل على عوارها: يآسلام وانا اقول ليش حضرتك مشغول وتسده بويهي او ما ترد طلعت واقف معاها..(ونزلت دموعها مع صراخها)حرآم عليك ما تخاف من ربك انا راده من المدرسه تعبانه وولدك ذبحني مرافس من الصبح وانت مو حاس فيني..مو كافي اني سامحتك مع لانا مو كافي اني سكت عن سوالفك وما قلت لآخواني ولا ابوي يتفاهمون معاك..والحين ايي واشوفك واقف مع هاذي..لا وجدام بيتنا بعددددد..(ومسحت دموعها بعصبيه)تتهنى فيها وبلانا..بس ورقة طلاقي ابيها توصلني باجر الصبح ولو تأخرت يوم واحد بفضحك سمعتتتتتتتتتتتتتتتتتت

ومشت لسيارتها وهي معصبه وما تشوف جدامها

فيصل عصب ولحقها : زينة زيننننننننننه لحظه شوي وربي انتي فاهمه غلط..زين..
لكن زينة كانت مشخطه بالسياره
واهو من العصبيه راح وعطاها طراق: ارتحتي الحين..يلا قلبي ويهج يالقح...لا اخليج تخيسين بالسجن انتي والقح...الثانيه يلالالالالالالالالالالالالالالالالالالالالالالالالالالااا

وسيده ركب سيارته وشخط فيها ورا زينة

@
@
@
@

شقة مهدي وريفال
الساعه 1‎‏ الظهر

ريفآل كانت قاعده بالصاله تطالع القنوات والافلام ولابسه نفنوف حمل واسع لونه زهري علاق وتحت الصدر شريطه بيضا وطوله للركبه


انفتح باب الشقه ودخل مهدي مبتسم وبيده غدا من المطعم: السلام عليكم

ريفال بدهشه : مهدي!!
مهدي ابتسم وهو يقعد يمها ويبوس رقبتها وخدها: الناس تسلم اول..وشفيج مصدومه جذي
ريفال ابتسمت: لا بس ليش راد مبجر
مهدي ابتسم : قعدت احاتيج خفت تحسين بولاده ولا شي وانا مو يمج جان اطلع وامر مطعم واييب لنا غدا
ريفال شافت الاكل وابتسمت: حبيبي انته يعطيك العافيه بس توني ما صارلي اسبوع بالتاسع موعدي مو الحين
مهدي : ولو انا مستعيل عشان حسينوه ولدي..
ريفال ضحكت وهي توقف وتمسك بطنها: ههههههههههههه خن اروح اييب الص..
مهدي مسكها من ايدها: تعالي وين رايحه؟؟ قعدي قعدي انا اروح اييب

ريفال ضحكت على حماسه: هههههه انزين بكيفك بس بدل بالاول
مهدي طالعها بنظره: ليش يعني شميتي ريحة عرق
ريفال ابتسمت: لآااااا
مهدي وهو بالمطبخ التحضيري: عيل سكتي وخلينا نتغدا
ريفال ضحكت على نفسها ومهدي ياب الصحون والقفاش والشوك وحط الاكل وتغدوا


@
@
@
@

بيت ابوعآدل
نفس الوقت

عآدل نزل من سيارته وهو يتكلم بتلفونه: ئي ئي رحتلهم اليوم وسألت وقالوا لي ان فيه ثنتين قدموا وياج
فرح بسرعه: ئي ئي وحده مصريه ووحده سعوديه وكانت كل دقيقه تطلع وتسآل زوجها
عآدل ضحك على حماسها: ههههههه ئي هذول يقولون ما حلو عدل ونص الاسئله فاضيه بس انتي يقولون ام قليب شاطره ما عليج ان شاء مقبوله
فرح نست روحها: صج يابعد عمري يااااعآدل والله والله ما راح انسالك هالجميل و
عآدل قاطعها : عيدي اللي قلتيه
فرح سكتت شوي بعدين استوعبت اللي قالته وضحكت: هههههههه بآآآي بروح ابشر ابوي وامي..
سدته وعآدل وقف شوي يطالع السماعه ويضحك


بس لما شاف سيارة زينه توقف ورا سيارته وطاح راسها عالسكان وعلق الهرن اخترع وراح ركض لهااااا

عآدل بخرعه وهو يبطل الباب ويرفع ويهها: زيووووووون شفيج؟؟ زينه شصاير ردي علي بسرعه
زينة ما قدرت تتكلم بس مسكت دشداشته وهي منهاره بجي: آآآآه ياخوي اهئ اهئ اهئ اهئ اهئ اهئ اهئ

عآدل طلعها من السياره ومسكها وهو مخترع ويصارخ والشارع كله سمع: زيننننننننننننه شفيج شصاير ردي علي زيننننننننننننننننننننننه..رآآآآآآشد راشددددددددد

عآدل من الخوف نسى ان راشد للحين بدوامه وصار يحاول يهديها وماسكها بروحه ويصارخ

ثواني ووصل فيصل ووصل معاه راشد بس من الصوب الثاني ونزلوا مع بعض وركض لعادل وزينه

فيصل مخترع: زينه زينه شفيها؟؟ زينه سمعيني والله ما..
راشد مسكه من رقبته: اكيد انت السببببببب..شسويت فيها يانذل تحجىىىىىىىىىىىىىىىىىى
فيصل يدزه: شيــــــل ايدك ما سويت لها شـ

عآدل صارخ فيهم : بسسسسسسسسسسسسسسسسسسسسسسسسسسسسس انت وياه ساعدوني وشيلوها
راشد ترك فيصل وبسرعه يا وشالها مع اخوه ودخلوها داخل

راشد يلتفت بعصبيه: وانت اذلف من هني وما اشوف رقعة ويهك فهمتتتتتتتتتت
فيصل بصراخ خلى ابوعآدل وام عآدل يطلعون : ماني رايح إلا انا ومرتـ..

زينة قاطعتهم وهي منهاره بين ايدين اخوانها وتبجي من العوار والموقف: طلـــــــــــــــــقني
ام عآدل شهقت وهي تنزل لها ركض: هـــــــــئ شنو يطلقج ينيتي انتي؟؟ شسوالج الريال خن نفهم السالفه اول

عآدل منغث: يما يما خن ندخلها داخل بعدين نتفاهم وصارخي على كيفج زينننننننن
زينه بدموع: لالالالالالالالالاا طلقني الحيييييييييييييييييييييييييييييييين!! طلقـــــــــــــــني

فيصل فار دمه وقالها بدون شعوووور: انتي طاااااااااااااااالق!!
وركب سيارته وشخط فيهااااااااااا بسرررررررررررررعه

ام عآدل شهقت وحطت ايدها على صدرها: هــــــــئ
زينة طاحت غشيانه: آآآآآآآآهــ
راشد وعآدل صارخوا: زيننننننننننننننننننننننننننه!!


@
@
@
@

انتهى البآآرت
رايكم يهمني
وباجر البارت 20 العصر

 

[AL-7OB]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

مشكووووره عالبااااارت
بس عرفت السر كل ما كثرت الاباااات كثرررررت البااااااارتااااات
عيل اب واب واحلى ابــــــــــ

 

[Føzöø]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

امبيييييييييييي امبييييييييييي ليش !!

ليششش امبي والله قهر الله ياخذج يا لاناانتي و الي معاج سوريه قريح عما بعينهم انشالله

و زيووون بعد تسرغد الله يهداها :""(

افف ليش !! ليش !! ليش !! ليش

امبي فيني بجيه

اهئ اهئ اهئ

اوراااق بليييز نبي باارت و شكراا ع البارت :""(

 

[Føzöø]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

امبي كله بدلياات من الانفعال الزاايد :""(

 

[برنسس أوراق]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

مشكووووره عالبااااارت
بس عرفت السر كل ما كثرت الاباااات كثرررررت البااااااارتااااات
عيل اب واب واحلى ابــــــــــ

العفو ههههههههههه ما شاء الله خوش سر اكتشفتيه خخخخ يسلمو عالرفع