انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*مميز*

[برنسس أوراق]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

امبيييييييييييي امبييييييييييي ليش !!

ليششش امبي والله قهر الله ياخذج يا لاناانتي و الي معاج سوريه قريح عما بعينهم انشالله

و زيووون بعد تسرغد الله يهداها :""(

افف ليش !! ليش !! ليش !! ليش

امبي فيني بجيه

اهئ اهئ اهئ

اوراااق بليييز نبي باارت و شكراا ع البارت :""(

توج ما شفتي الأحداث الأقوى بتكرهين لانا وطوايفها خخخخخ
وبتبجين عدل
والحين أنزل بارت لعيونج

 

[برنسس أوراق]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*



النبـض العشــــرون : : :

حبيبي نـام ياعمري على صـدري وصارحـنـي

وفض الـصـمت بإحساسـك وخل الحب لي يجـري

وفضفض لي بعد عمري وعاتبـنـي وفهـمـنـي

انا اطري على بآلك كثر ما انـت علي تطـــري

تعال اقرب من احضاني ترى خدك مواعـدني

يبي يلامس شغف روحي ويقطف بوحي من شعري

تعال انثر هنا ليلك وخل ويلـك يـولـعـنـي

أنا احبك وابي قربك..ترى منـي قضى صبري

انا نبضك زهر أرضك..وأنـت؟؟ ايه تملكني

بنحل خصرك..وجمر ثغرك..وزود بلونك الخمري

تتوهني..تغرقني..ومن بردك تدثرني

وتبكي لي وتشكي لي وله قلبك ومن سحري

أبي دموعك مع أنفاسك بصدق الود تحرقني

وأبي عطرك مع سحرك وآهك بالحشا تسري

أبي همسك يبعثرني غلا..ولمسك يلملمني

وأبي عيونك من عيوني تذوب من الوله كثري

وأبي عهدك مع وعدك..وأبي كلك تسلمني



فيلا ابوفيصل
الساعه 2 الظهر

دخلت ديالا بيدها وايد اجياس واغراض وشافت امها وابوها يتغدون وابتسمت: هآآآآآآآي
ابوفيصل وجوان: هآآآآآيات
جوان : هل اسمتعتي مع خطيبك؟؟
ديالا ابتسمت: ئي ويسلم عليكم..(وطالعت ابوها)بس صج صج يبه امي نست الروسي من كثر ما تكلمها فصحى وعامي هههههههههه
ابوفيصل ضحك: هههههههههههههه ولو تتحجى كويتي احسن بعد
جوان ابتسمت وتكلمت مكسر: اتحشى ليش لآا
ديالا ضحكت: هههههه اتحشى يعني اتحجى هههههههههههههههههه
جوان وابوفيصل: هههههههههههههههههههههه

قطع ضحكهم رنين التلفون الارضي وقام ابوفيصل يرد : آلو نعم..ئي نعم هذا بيته منو معاي؟؟ شنووووو؟؟ فيصــــــــــل ولدي سوا حادث..

هني ديالا شهقت: هـــــــــــــــــــئ
ابوفيصل بخرعه : زين زين الحين بنيي مع السلامه..
ديالا بدموع قطت اغراضها ويت لابوها: فيصــــلللل يبه لا تقول مات الله يخليك يبه قوووول بسرعه فيصل شفيه
جوان وقفت : مابه فيســـــــل؟؟
ابوفيصل يمسح دموعه : سوا حادث والحين اهو بالعنايه المركزه..
ديالا طاحت عالارض وهي حاطه ايدها على حلجها: عنآآآآآآآآآآآآآيه
جوان: إذن ماذا تنتظرون هيآآ اذهبوا إليه بسررررررررررعه..

ديالا وقفت وهي تمسح دموعها: بروح معآآك يبه

@
@
@
@

وبمستشفى الولاده
نفس الوقت

ام عآدل بلهفه ركضت لعيالها: بشروا شقال لكم الدكتور..ولاده؟؟
عآدل تنهد: لا يقول مو ولاده الرحم مو مفتوح
ام عآدل باستغراب: مو ولاده عيل شنو العوار هذا؟؟
راشد بضيق: يما احنا نفسج ما فهمنا شي بس قال انهيار عصبي خلاها تطيح غشيانه والعوار مو ولاده..يقول ماكله شي مسبب لها مغص قوي وهي عبالها ولاده
ام عآدل : اهم شي انها ما تولد بالثامن..يمه بنتي بكر تو الناس عليها
عآدل خذا نفس: خلاص يما الحين خلينا نروح لها الجناح وبعدين نتفاهم

ام عآدل: زين يلا ودني..
راشد : انا بدق اطمن ابوي ودلال وألحقكم

@
@
@
@

وبحوادث الاميري
الساعه 4 العصر


بمكتب الدكتور :

الدكتور: انته إنسان مؤمن بالله وكل شي صار له قضاء وقدر لازم تكون اقوى من جذي عشان ما يضعف جدامك
ابوفيصل بحسره: اشلون دكتور اشلون تقول صار مشلول وتبيني ما اضعف جدامه..هذا ولدي الوحيد..اطالع الله واطالعه
الدكتور: قتلك احنا فحصناه فحص اولي..صج ان الحادث كان قوي وسببله كسر بالقفص الصدري والايد اليمنى بس المخ والاعصاب سليمه وريوله ما فيها شي..اتوقع ان الشلل حاله نفسيه لانه اعصابه كانت مشدوده وتعبانه..او انه كان متهاوش مع احد ويسوق واهو معصب..

ابوفيصل بشوية امل: يعني لو وديته برا يقدر يتعالج ويمشي على ريوله
الدكتور: ليش تسفره؟؟ ما راح يعطونه اكثر من اللي عطيناه..قتلك حالته نفسيه يمكن إذا تحسن ولقى منكم تشجيع بيرجع يمشي عليها بدون مساعدة احد..عالعموم انته الحين تقدر تروح تشوفه بس دقيقه مو اكثر لانه للحين تحت الملاحظه وانا إن شاء الله أي شي يصير ابلغك..

ابوفيصل وقف: ما قصرت دكتور يعطيك العافيه استآذن انا


وعند العنايه

ديالا تطالع فيصل من ورا القزاز مال الباب وتبجي على شكله اللي يكسر القلب والاجهزه كلها محاوطته: الله يشفيك ياخوي الله يشفيك ويقومك بالسلامه..اهئ اهئ اهئ اهئ اهئ اهئ اهئ اهئ
ابوفيصل مسك جتفها: ادعيله وانا ابوج ادعيله..
ديالا بلهفه: شقالك الدكتور؟؟
ابوفيصل بحزن: كسر بالقفص الصدري وايده اليمنى بس مخه واعصابه سليمه

ديالا زادت دموعها: اهئ اهئ اهئ اهئ اهئ اهئ اهئ اهئ اهئ من صجك يبه شقاعد تقول
ابوفيصل يكمل: والدكتور يقول انه ما قدر يحرك ريوله لأنه الظاهر انه كان يسوق معصب وصار وياه شلل نفسي مو عضوي لأنه يقول كل اعصابه سليمه بس يمكن متأثر شوي من الحادث

ديالا بصراخ: شنوو يعني انا اخوي يعيش مشلول باجي عمره
ابوفيصل ما قدر يتحمل ودمعت عيونه: لا و
انا ابوج حالته نفسيه وإن شاء الله يقوم لنا بالسلامه

@
@
@
@
وبمقهى كانوا قاعدين لانا ورفيجتها سلمى :

لانا : هيك لاكن انا بفرجيك يافيصل الزفتتتتتتت
سلمى : عم ألك ألعني وشرشحني وضربني كف
لانا : ايه شو أعلملك يعني؟؟ انا كمان ألعني مرتين
سلمى : شو شو أعلملك هلئ بدك تفكريلي بطريقة انتقم فيا منو..لاكن انا يضربني كف..ايه انا ابي مابسمحله يضربني
لانا عصبت: ايه ايه اسكتي شوي لفكر

@
@
@
@

بمستشفى الولاده :

الساعه 6‎‏ المغرب

زينة فتحت عيونها بهدوء وشافت اخوانها ودلال وامها وابوها وحتى ريفال ومهدي موجودين : .........
طبعا محد انتبه والكل لاهي بالسوالف الا لمار اللي طقت صدر ابوها: بب امو بب

راشد التفت وشاف زينه قاعده: زينه الحمدلله عالسلامه
ام عآدل بلهفه: زينه!!حمدلله على سلامتج يماا خوفتينا عليج
عآدل: الظاهر انج ماكله فول ولا حب خلاج تحسين بمغص وعبالج ولاده!!
زينة طالعتهم بهدوء ولفت صوب الدريشه ودموعها بعينها وايدها على بطنها: .........

دلال اشرت لراشد يطلعون وهي تتفاهم معاها
راشد همس لها: خلاص بنطلع بس طمنيني بنطرج برا..(والتفت لمهدي)يلا مهدي عآدل تعالوا الاستراحه وانتي يما خلوها ترتاح

ابوعآدل: وانت الصاج يلا ياأم عآدل اخذي لمار وتعالي

طلعوا كلهم وظلت دلال بروحها مع زينه ومسكت ايدها : كا انا وياج بروحنا قوليلي شصاير ليش جذي خليتيه يطلقج واهو معصب؟؟
زينة بجت: فيصل يخوني..يخوني يادلال

دلال تجمدت: شنوووووووووو؟؟ يخونج؟؟
زينه مسكت بطنها: ئي يادلال يخوني ومو من اليوم من زمان من قبل زواجنا وانا كل مره اسكت عنه واقول يحبني واسامحه..اهئ اهئ اهئ اهئ اهئ اهئ اهئ

دلال ما قدرت تقول شي..تركتها وقامت
..طلعت وشافت راشد وعآدل ومهدي يسولفون عند الباب: رآشد

راشد راح لها وبهمس: شصار؟؟
دلال همست: ادخل لها انت وعآدل..
راشد بشك: ليش شصاير؟؟ قالتلج شي؟؟
دلال بتردد: احم ئي تقول يخونها واكثر من مره
راشد انصدم وصارخ بدون قصد : شنووووووووووو؟؟
عآدل ومهدي طالعوه: شفيك؟؟
دلال قطعت عليهم: انا بروح اشوف عمتي وريفال اقعد ويآي
مهدي حب يتركهم بروحهم: انا بيي وياج ريفال صارلها يومين تعبانه ومو راضيه نرد
عشان ترتاح

دلال: تعال انا احاجيها

عآدل: شفيك تكلم؟؟
راشد وهو يدش عند اخته: تعال وتعرف!!


دخلوا وقعدوا عندها وكانت تبجي وحاولوا يهدونها
عآدل يمسح على شعرها: الحين ليش تبجين مو انتي طلبتي الطلاق؟؟
زينة : بـ..بس انا احبه..احبه والله العظيم!!
راشد : متى شفتيه يخونج؟؟
عآدل انصدم: خانج!!
زينة تمسح دموعها: تتذكر لما زعلنا اخر مره متى؟؟
راشد بترقب: ئي لما طلبتي الطلاق ويا صالحج ببيتنا
زينة كملت: باليوم اللي سويت فيه الحادث واجهضت كنت راده من الشاليه
راشد وعآدل: ئي
زينة لفت ويهها عشان ما تشوف ردة فعلهم: رحت وشفته مع وحده بالفراش!!

عآدل وراشد بصدمه: شنووووووووووو؟!

زينه دمعت عيونها : انا ما كنت ادري بس لما كنت احاجيه سمعت صوت ضحكها معاه وعرفت انه يجذب علي وانه رايح الشاليه مع ربعه..

عآدل انحرج واشر لراشد يتكلم عنه: .......
راشد ماسك نفسه لا يعصب: انتي شفتيهم بعينج؟؟
زينة طالعت فيه بتردد: دخلت عليهم وكان توه يبي.....
عآدل قاطعها وهو منحرج: انزين خلاص الحين انتي تطلقتي وخلاص ماله داعي تقولين شي الحين
راشد : ليش ماله داعي..إلا له داعي عيل شدخل السالفه هذي بلي صار اليوم

ابوهم قطع عليهم لما فتح الباب وملامحه متغيره: يلا ياعيال لازم نمشي خلو اختكم ترتاح وباجر نييها
راشد وعآدل عرفوا انه ييبهم وطلعوا معاه بعد ما باسوا خدودها وهدوها

وظلت زينة تتذكر ايامها مع فيصل


@
@
@
@

انتهى البآآرت
توقعاتكم..
للبارت بالليل
فوزو ما أوصيج عاد ابجي عدل أهئ أهئ أهئ خخخخ

 

[Føzöø]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

امبيييييييي لاا فصووول لااااا كله من الجلبه لانا يعل ماكووو لانا انشالله

امبي اوراااق حرااام فيني بجيه من قلب :""(

اهئ اهئ اهئ اهئ اهئ اهئ اهئ اهئ اهئ اهئ اهئ



كله من زينه قالووهاا :""( (( فالعجله ندااامه :""( )) شكوو مادريي 

والله قهر

كله منها والله كل منها المليقه السووريه المليييقه بنت اللذين

اشتببيين قصب يحبج حبتج القراااده قطيعه تقطعها انشالله

ويي يعلها ما تربح انشالله (( ضيعت الولد حسبي الله عليهاا :/ )(

وو راشد شفيييه شاد حيله والله بط جبدي وعليا عليك يافيصل

و زيه ما تستحي تقول حق اخونها خاني فهمي السالفه اول ~.~

و دلاال شفيها صايره فتاانه ع طوول قالت حق رشوود :"(

بعد بعد بعد بعد

نبي بااارت (( سوري ع الأسلووب بس والله قاهرتني لانوو الزفت :""( >~

اي و نسيت مشكووره ع البارت

:""(

 

[برنسس أوراق]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

امبيييييييي لاا فصووول لااااا كله من الجلبه لانا يعل ماكووو لانا انشالله

امبي اوراااق حرااام فيني بجيه من قلب :""(

اهئ اهئ اهئ اهئ اهئ اهئ اهئ اهئ اهئ اهئ اهئ



كله من زينه قالووهاا :""( (( فالعجله ندااامه :""( )) شكوو مادريي 

والله قهر

كله منها والله كل منها المليقه السووريه المليييقه بنت اللذين

اشتببيين قصب يحبج حبتج القراااده قطيعه تقطعها انشالله

ويي يعلها ما تربح انشالله (( ضيعت الولد حسبي الله عليهاا :/ )(

وو راشد شفيييه شاد حيله والله بط جبدي وعليا عليك يافيصل

و زيه ما تستحي تقول حق اخونها خاني فهمي السالفه اول ~.~

و دلاال شفيها صايره فتاانه ع طوول قالت حق رشوود :"(

بعد بعد بعد بعد

نبي بااارت (( سوري ع الأسلووب بس والله قاهرتني لانوو الزفت :""( >~

اي و نسيت مشكووره ع البارت

:""(

هههههههههههاي فوزو والله مت ضحك على كلامج وتعليقج

ولانا شفتي شلون تقهر تبط الجبد
ورشود شفيج عليه خايف على اخته
وزينوه من حرتها قالت عادي تصير بأغلب العوايل خخخخخ
والعفو وتسلمين عالبجي والتفاعل وياي
بعد بعد نطري

يلا عشانج بحط بارت

 

[برنسس أوراق]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*




النبـض الواحد والعشرين : : :


مـا دام خنتك لا تهـــــزك دمـــوعـي
شــــوف الـذي يـرضـــــــيك فيني وسوه


الاميري
العنايه
الساعه 7 المغرب

ابوعآدل بحسره: لا حول ولا قوة إلا بالله..الريال هني طايح والبنت هناك طايحه

ابوفيصل:شلي صار بينهم؟؟

راشد ارتبك وطالع اخوه: ..........
عآدل تنهد : فيصل ياعمي كان عندنا قبل ما يصير الحادث..الظاهر انه فيه مشكله بينه وبين زينه واهي طلبت منه الطلاق
ابوفيصل انصدم: شنووووو؟؟ طلاآآآآق!!

ابوعآدل قاطعهم : اذكر الله وانا اخوك الحين خلو عنكم هالسالفه..اكيد الحين اثنينهم متندمين من اللي صار..ولازم ندعيلهم ونوقف معاهم وإذا بينهم شي احنا مالنا شغل

ابوفيصل: شلون مالنا شغل يابوعآدل؟؟ هذا وليدي وحيدي؟؟ مالي غيره بعد الله سبحانه

راشد تنهد : إن شاء الله يقوم لك بالسلامه ياعمي

الكل: آمين يآآآرب



وبمكان ثاني وبعيد عن عيون المرضى والمراجعين

ديالا دافنه ويهها بصدر بدر وميته بجي : اقولك صار مشلول تعرف شنو يعني مشلول اهئ اهئ اهئ اهئ اهئ اهئ اهئ اهئ اهئ اهئ اهئ اهئ

بدر رفع راسها بين ايدينه وهو متضايق من دموعها: خلااص حبيبتي والله قطعتي قلبي وانتي تبجين..ما سمعتي الدكتور شقال؟؟ الشلل مو عضوي لان اعصابه سليمه

ديالا بصراخ: زين شنو اللي مزعله؟؟ ليش صار هذا كله ليشششششش؟؟ اهئ اهئ اهئ اهئ اهئ اهئ اهئ اهئ

بدر مسح دموعها بأصابعه: ياعمري ياحبيبتي خلاص اهدي واذكري الله واحمدي ربج انه عايش وماصار له شي ثاني..لازم ما تبينون له انكم متعاطفين وياه عشان يقدر يتحسن ويوقف على ريوله

ديالا تمسح دموعها وتعدل شعرها: ان..انزين ودني بشوفه

بدر يطالع ساعته: وين تشوفينه الحين الزياره انتهت بالعنايه خليها باجر يكون صحى من البنج
ديالا سكتت : خلاص اغسل ويهي وايي

بدر ابتسم وقرص خدودها وخشمها: ئي جذي غسلي ويهج بماي بارد وعدلي خشمج هالاحمر وتعالي نطلع نتمشى شوي
ديالا ابتسمت ودشت دورة المياه تغسل ويهها وخشمها: لا بدر امي بروحها بالبيت واكيد ام عآدل والبنات هناك بروح لهم
(وطلعت له)
بدر ابتسم ومسك ايدها: ولو بوديج البحر ادري انج محتاجه نقعد بروحنا عشان تهدين

ديالا ابتسمت لحنانه وطيبته: حبيبي انته الله لا يحرمني منك
بدر ابتسم لها وأستأذن من عمه بوفيصل والشباب وخذاها وطلعوا

وابوفيصل وابوعآدل بعد طلعوا لان الزياره انتهت والقعده مالها داعي

@
@
@
@

بفيلا ابوفيصل
الساعه 7:30

جوان : أين زينه؟؟ لما لم تأتي معكم؟؟

دلال وهي تنزل لمار تلعب: روحي ماما لعبي..(وطالعتها)تعبت شوي ووديناها المستشفى بس الحمدلله ما طلع معاها شي مغص بسيط

ام عآدل كبرت بعينها دلال لانها ما حبت تقول اسرارهم لآحد : إن شاء الله باجر يطلعونها وبترد معانا البيت ترتاح جم يوم علما يقوم لها فيصل بالسلامه(وطالعت دلال وريفال بنظره)بوعآدل قالي اوصيكم مانقول لها عن فيصل لانها تعبانه للحين وما تتحمل هالاخبار
ريفال ودلال فهموها: الله يقومهم بالسلامه

وقتها دخلوا الرياييل ابوعآدل وبوفيصل ومهدي وراشد وعآدل: السلام عليكم

كل الحريم: وعليكم السلام

ابوعآدل: يلا ياام عآدل نمشي
ابوفيصل: وين تو الناس خليكم شوي
ابوعآدل: تسلم بس انتو تعبانين واحنا بعد هذي وقفتنا من الظهر بالمستشفيات..مره ثانيه إن شاء الله
عآدل: يلا يما انا انطركم بالسياره
ام عآدل وقفت: يلا الحين بيي
مهدي: عيل رفول قومي يلا
ريفال ابتسمت: إن شاء الله

راحوا كل واحد لبيته وظلت جوان مع بوفيصل

جوان وهي تاخذ غترته وعقاله: إين هي ديالا؟؟
ابوفيصل تنهد : راحت مع بدر..

@
@
@
@

ومر اسبوع وفيصل صحى وبدا يتحسن بالبطيء وزينه طلعت من المستشفى وخذت اجازه يومين وبعدين ردت تداوم ومحد قالها شي



وبيوم الخميس
بيت ابوعآدل
الساعه 2 الظهر

زينة توها راده من دوامها وكانت لابسه بنطلون ابيض مع توب بيج بوردي واسع وطويل عشان بطنها : السلام عليكم

ابوها وامها ودلال وعآدل وراشد: وعليكم السلآم
ام عآدل : يلا يمه بدلي ونزلي عشان نتغدى
زينه بتعب: لا يما ماني مشتهيه اكل
ابوعآدل: بدلي وانزلي ابيج بسالفه
زينة تنهدت: إن شآآء الله

صعدت وعآدل التفت لابوه على طول: بتقولها عن فيصل؟؟
ابوعآدل تنهد: لازم تعرف اهو طلقها جدامنا
..يا تعتد وتقعد ببيتها ولا ترده وتوقف وياه

راشد مو عاجبه: شنو تردله بعد اللي سواه

دلال ضغطت على ايده: راشد
ابوعآدل بحزم: احنا ما ندري شنو بين الريال ومرته..واهو طلقها وشكله مجبور من صراخها وحالتها..عالاقل ترد توقف وياه بالحادث اللي هي سبب فيه او تقعد تعتد وخلاص

ام عآدل: زين بس لاتعصب انت مو زين لك
..ينزل ضغطك

راشد وقف وهو معصب : لا إله إلا الله..

مشى للدري وهو متنرفز ودلال انحرجت من تصرفه وخذت لمار وقامت وراه

وقتها نزلت زينه متسبحه ولابسه نفنوف حمل واسع وتاركه شعرها مبلل ورغم التعب بس شكلها حلو : كاني يبه امرني

ابوعآدل بجديه: ريلج تبينه ولا نقوله يطلقج عشان تقعدين لعدتج
زينه نزلت راسها بألم : ابي ورقتي توصلني إذا ولدت
ابوعآدل بحزم: زين بس ترى الريال صارله اسبوع مسوي حادث ومقطوط بالعنايه من يوم اللي صارختي وسويتي فضيحه عشان يطلقج
زينة رفعت راسها بصدمه : ..............
ابوعآدل عرف انها انصدمت: ئي لا تطالعيني جذي وازيدج من الشعر بيت كل اللي صارله من تحت راسج والحين اهو معاه كسر بالقفص الصدري ويمكن يعيش مشلول باجي عمره
زينة نزلت دموعها وشهقت وحطت ايدها على حلجها: هـــــــئ

عآدل حاس فيها ووقف مع ابوه وراح قعد يمها وحضنها من ظهرها: يبه لا تيي كلك عليها انت مو فاهم السالفه
ام عآدل عصبت: عيل عاجبك ان اختك تتطلق وتقعد بدون ما نعرف شصار

زينة وقفت: بروح له يبه خلاص مابي الطلاق

عآدل انصدم:من صجج!! نسيتي انه خ..

زينه قاطعته بدموعها: لالالالالالا لا ما نسيت بس مابي أهده بهالحاله.. يسوي حادث واخليه بروحه عالاقل اوقف معاه بمحنته

ابوعآدل: انتي متأكده من قرارج؟!

زينه بسرعه تمسح دموعها: ئي ئي

ابوعآدل : عيل جهزي نفسج بعد الغدا يوديج عآدل


فوق بجناح راشد :

دلال راحت وقعدت يمه بعد ما حطت لمار بسريرها وتطمنت انها غدتها ونامت: راشد حبيبي لا تضايق نفسك ما تسوى السالفه

راشد منفس وانفاسه سريعه وويهه احمر: اشلون ما تسوى؟؟ ما شفتي حالتها اشلون لما يتنا؟؟ ما شفتي اشلون بجت وهي تقول انه يخونها ومو مره ولا مرتين..فوق شينه قواة عينه..مو كافي انها سكتت عن سوالفه اول مره وما علمتنا

دلال تنهدت وحطت ايدها على صدره: حبيبي انته..الحين الريال طايح مريض ولازم توقف معاه وتباريه مو حلوه منها تنكر العشره والملح اللي كانت بينهم..
راشد طالعها وسكت: .............................

دلال ابتسمت: لا توقف بطريجها إذا طلبت ترجع له..صدقني لو انته صايرلك نفس الشي جان انا سويت اكثر منها

راشد ابتسم: يعني عآدي لو اخونج ترجعين لي
دلال طقته على صدره : سوها وتشوف شسوي فيكــ
راشد ضحك وهو يمسك ايدها ويحضنها حيل: هههههههههه انتي قلتي مو انا

دلال ابتسمت ودفنت ويهها بصدره وراشد انسدح وسدحها بحضنه

@
@
@
@

بالاميري
بجناح فيصل
الساعه 3 العصر

ديالا ابتسمت وهي تحطله المخده تحت ظهره العاري والمجبس كله مع صدره: الحمدلله انهم يابوك هني..عالاقل نقدر نشوفك ونقعد معاك مو بالعنايه من ورا القزاز
فيصل ابتسم لها رغم آلآمه: سمعي ديالوه لا تأجلين عرسج عشآني

ديالا بحيا: تو الناس الحين باقي شهرين وشي

فيصل ابتسم: آ(قطع عليه رنة فونه اللي عالكوميدنه)عطينياه
ديالا وقفت وعطته فونه : عآدل يتصل بك..

فيصل رد ولا جنه صاير شي: آلو هلا عآدل

عآدل ابتسم : هلا فيك اشلونك الحين

فيصل : ما راح اموت بفراقها
عآدل فهم عليه وعذره لانه مجروح: المهم انت الحين وينك ييت العنايه وما لقيت احد

فيصل بجديه: نقلوني الجناح..تعال.............

عآدل: خلاص الحين ايي مع السلامه

فيصل: مع السلامه..(والتفت لاخته)هاج وعطيني ماي عطشان

ديالا ابتسمت وقامت صبت له قلاص ماي وانحنت له وشربته لانه ما يمسك بيده اليساره واليمنى مجبسه: من عيوني

فيصل بعد ما ارتوى: الحمدلله..مشكوره ديالو تعبتج معاي
ديالا بعتب: لو قلت هالحجي مره ثآنيه بزعل منك

بهالوقت دخل عآدل ووراه زينه مستحيه وراسها بالارض: السلام عليكم

فيصل انصدم اول ما شافها بس تظاهر بالجفا : وعليكم السلام

عآدل ياله وهو مبتسم : خطاك السو يابوعبدالعزيز..لا لا الويه منور اليوم احسن من كل يوم
فيصل ابتسم: خطاك اللاش تسلم الحمدلله على كل حال

ديالا وقفت وهي حاسه بحرج زينة: زيوووووون تعالي شفيج واقفه لا تستحين..حبيبتي اشتقتلج اشلونج انتي

زينه وقلبها يدق بسرعه من الارتباك لانها تدري انه مراقبها حتى لو عيونه مو عليها: انا تمام انتي اشلونج واشلون امج
ديالا خذتها وقعدت وياها على صوب بالغرفه: حبيبتي احنا تمام بس انتي اللي شكلج مو تمام


وعند عآدل وفيصل :

عآدل بهمس ونظره على اخته: ترى اليوم قلنالها..
فيصل بجفا: فيها الخير بس اللي بينا انتهى

عآدل بتفهم: انا ادري ان اللي سوته غلط بس وقتها اهي كانت تعبانه ولما رحت طاحت غشيانه وطلع معاها مغص وكلنا عبالنا بتولد والحين اهي لما درت من ابوي قالت بتردلك وماتبي الطلاق
فيصل ما ينكر انه اخترع من كلامه بس بين العكس معنه قلبه يرقع بصدره وشوقه يناديه عشان يلتفت ويشوفها: قولها ترجع وياك انا مابي شفقه من احد..يعني عشان صرت مشلول بتعاطف وياي
عآدل تنرفز من كلامه ووقف: فكر عدل لا تصير مثل اليهال..يلا انا استأذن مع السلامه

زينه بسرعه: بتروح
عآدل ابتسم: ئي بروح وإذا تبين اي شي دقي علي..مع السلامه

زينة وديالا : مع السلامه..

ديالا وقفت: يلا عيل انا بروح
زينة: لا وين خليج شوي
ديالا ابتسمت لها: ريال ومرته بعد وين احشر نفسي..بروح اجهز نفسي معزومه عالعشا ببيت اهل بدر
زينة باستها وهي ما ودها تروح: زين عيل مع السلامه

ديالا طلعت : مع السلامه

زينة قطت عباتها الجتف وبيت بطنها وكانت لابسه نفنوف احمر علاق وفتحة صدره سبعه واسعه وقصير لتحت الركبه مع صندل اسود وشعرها للحين مبلل بس صاير مموج

فيصل قام قلبه يرقع: تغطي انا مطلقج
زينة انحرجت منه بس كابرت ويت عنده وانحنت وباست جبينه: حمدلله على السلامه
..ما تشوف شر

فيصل احترق من ريحة عطرها لما انحنت وصارت قريبه منه..ماينكر انه كان وده يحضنها بس كابر وانصدم من ردها وانها ما زعلت: الشر ما ييج بس ياليت لو تدقين على عآدل وتخلينه يرد وياخذج وياه لاني مو محتاج منج شفقه ومو معناة اني صرت مشلول ما اقدر اتصرف
زينة كانت تعدل له الشرشف وترتب المكان وغمضت عيونها من كلامه القاسي: انا ييت بقناعتي مو بضغط من احد ولا شفقه عليك بس لاني انا السبب بلي صارلك ولاني مابي ولدي يعيش بعيد عن ابوه

فيصل فرح انها بتقعد وياه بس حب يجرحها: ما فكرتي بولدج لما طلبتي الطلاق وينيتي علينا
زينة مسحت دمعتها بسرعه وردت عليه بقسوه: وانت ما فكرت فيني لما خنتني مع لانا وهذيج الحيوانه الثانيه
فيصل انصدم من ردها ومن دموعها اللي تلوح بعينها وتظاهر بالالم ومسك صدره: آآآآآآآهـــ

زينة ركضت له وحطت ايدها على صدره وهي تتنفس بسرعه وخايفه: حبيبي انته ارتاح وانا بروح اناديلك الطبيب
(ولفت بتمشي بس وقفت)

فيصل مسكها بيده اليسار وكانت معطيته ظهرها: ماله داعي كنت بعرف إذا تحبيني ولا لأ
زينه ابتسمت بدون شعور وردت بدون ما تلف عليه وتطالعه: كنت احبك يافيصل كنت..بس بعد خيانتك صرت ما اشوفك إلا بوعبدالعزيز وانا جسد لك..وكل اللي اسويه من باب الواجب مو اكثر

فيصل انقهر من كلامها وترك ايدها بقوه: خلاص عيل روحي واتركيني ماني محتاجج والواجب بعفيج منه

زينة استانست لانها قهرته ولفت عليه وقعدت بالكرسي اللي قباله: لا تخاف بروح اذا تحسنت حالتك وشفتك تمشي على ريولك مثل اول عالاقل عشان ما احس بالذنب..يعني مدة مؤقته بس

فيصل انقهر حيل منها ووده لو يقوم يصفقها كف بس لف عنها وغمض عيونه وتظاهر بالنوم

زينة ابتسمت بداخلها على شكله وقامت سكرت الستاير وطفت الليت اللي فوق راسه وصكت الباب وخذت القرآن تقرآ فيه بصوت هآدي

فيصل من صوتها الهادي وترتيلها الحلو ما لقى نفسه الا ينجذب لها ويندمج معاها ويروح بنوم عميق

@
@
@
@

انتهى البآرت
رايكم يهمني
يتبع
ترى طويل البارت مو تقولين نبي

 

[معجبة فانيسا]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

تككككككككككككككككككككفين اوررررررررررررررررررررررررررررررررررراق خريفيه نزززززززززززززلي باارت اليووووووووووووووووووووووووووووووووووووووم بليزززززززززززززززززززززززززززززززززز

 

[معجبة فانيسا]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

اي ووعندي سؤؤؤؤؤؤؤؤؤؤؤؤؤؤؤؤال

االرووايه خلصيها قبل يووم الاحد لان ماراح اشبك امي بتمنعني من الاب تووب

عشاان المدرسسسسسسسسسسسسسسسسسسسسسسسسسسسسسه

 

[FinDi]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

ونااااااااااااااااااااسه
كملي كملي ^.^

اخيييييييييييه يا قلبي *.*

 

[برنسس أوراق]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

تككككككككككككككككككككفين اوررررررررررررررررررررررررررررررررررراق خريفيه نزززززززززززززلي باارت اليووووووووووووووووووووووووووووووووووووووم بليزززززززززززززززززززززززززززززززززز

هلا وغلا
والله توني شفت الطلب مالج ولا جان حطيت لج أمس بارت
بس ولا يهمج الحين أنزل بارتين حلوين لعيونج

 

[برنسس أوراق]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

اي ووعندي سؤؤؤؤؤؤؤؤؤؤؤؤؤؤؤؤال

االرووايه خلصيها قبل يووم الاحد لان ماراح اشبك امي بتمنعني من الاب تووب

عشاان المدرسسسسسسسسسسسسسسسسسسسسسسسسسسسسسه

إن شاء الله ياقلبي بخلصها قبل الأحد ولا يهمج

 

[برنسس أوراق]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

ونااااااااااااااااااااسه
كملي كملي ^.^

اخيييييييييييه يا قلبي *.*

وناسه ردج ههههههههههه الحين بكمل
بس أنا مستغربه من شي
فوزو والحب مو موجودين ولا بجوا ولا علقوا عالبارت

 

[AL-7OB]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

ونااااااسه حلوه ردت فعل زيوون حق فيصل احسن زين تسوي
وانا موجووده
وعشاااانج ابببببببب

 

[AL-7OB]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

وبعد اب
اب
اب
اب
اب
اب

 

[مجنون زعلآتك]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

مرحبآ
انآمتآبعة جديده للروآيه آمس قريت گل آلبآرتآت آللي حطيتيهُمم واخيراً وصلت لگم
وشسمآ هذآ عندي سسسؤآل ،
متى تنزلين آلبآرتآت ~ يعني گل يوم ولآ ششنو ؟!
وووبَسس =]

 

[برنسس أوراق]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

بنات البارت معلق يمكن خمس مرات احطه يطلع المشاركة قصيره
بحاول إلساعه سبع

 

[Føzöø]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

سوري اوراق ما رديت امس بس كنت مريضه :"(

حراااام فصوول يكسر الخاطر

و زييوون اتبط الجبد خخخخ بدال ما تفهم السالفه اترووح و تقهر الولد وعلياا :/

و بدر و ديالا الله يتمم عليهم انشاللع

وو بس ناطريينج حيااتي ؛)

اب
اب
اب
اب
اب
اب
اب
اب


لعيووونج ( سامحيني لأني مارديت علج مبجر :sss )(

 

[FinDi]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

سلاماااااات اخيتي فووووزووووو :**
ماتشوفين شر قلبووووو

اوراق خريفيه حياااااتي والله
كملي بعد عمري والله البارتات واحد احلى من الثاني
قاعده اتشقق من الونااااسه واقول الله يرزقني بحب جذي
او زوج جذي ^.^ ونااااااسه :$$$$$

 

[برنسس أوراق]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

سوري اوراق ما رديت امس بس كنت مريضه :"(

حراااام فصوول يكسر الخاطر

و زييوون اتبط الجبد خخخخ بدال ما تفهم السالفه اترووح و تقهر الولد وعلياا :/

و بدر و ديالا الله يتمم عليهم انشاللع

وو بس ناطريينج حيااتي ؛)

اب
اب
اب
اب
اب
اب
اب
اب


لعيووونج ( سامحيني لأني مارديت علج مبجر :sss )(

حبيبتي فوزو سلامتج من كل شر خطاج السو
وثانكس عالرفع الحلووووووو

 

[برنسس أوراق]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

سلاماااااات اخيتي فووووزووووو :**
ماتشوفين شر قلبووووو

اوراق خريفيه حياااااتي والله
كملي بعد عمري والله البارتات واحد احلى من الثاني
قاعده اتشقق من الونااااسه واقول الله يرزقني بحب جذي
او زوج جذي ^.^ ونااااااسه :$$$$$

حياتي فندي بعد عمري انتي الله يرزقج بحب احلى منه أمين يارب خخخخ
يلا بحاول أنزل الحين ويارب يضبط

 

[برنسس أوراق]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

مرحبآ
انآمتآبعة جديده للروآيه آمس قريت گل آلبآرتآت آللي حطيتيهُمم واخيراً وصلت لگم
وشسمآ هذآ عندي سسسؤآل ،
متى تنزلين آلبآرتآت ~ يعني گل يوم ولآ ششنو ؟!
وووبَسس =]

مجنون زعلاتك حياج الله معانا وان شاء الله تعجبج الروايه والبارتات كل يوم بارت أو بارتين على حسب الطلبات ووقته العصر أو بالليل