اهم الشغلات إلي تجهزينها حق البيبي والمستشفى خل نستفيد

[بنات حواء2]

حبيبتي انا عكسج انا كله حرانه صيف و شتى بس لزوم الكشخه باخذلي ستن و لزوم الحر باخذ قطن
متى ولادتج تصادف اي شهر لا يكون معاي

 

[إستبرق]

اي حبوبه انا حتى كله حرانه بس خروعني لان قالولي ولادتج بالشتى ولي مرضتي مو زين لازم تتدفين ولا انا بالشتى فالبيت البس صيفي خخخخخخخ

وانا ادخل التاسع انشاءالله 12-11

 

[بنات حواء2]

الله يسهل عليج و صح حبيبتي ديري بالج على نفسج لأنه مو زينه الفلونزه حق الحامل اما انا اعتقد و لادتي شهر ثلالثه على آخر الشتى يكون الجو حلو

 

[إستبرق]

الله يسهل على الكل حبوبه وانتي مع اختي حلو وقتج مايكون شتى ولا صيف والله يتمم علينا بالخير

 

[froha83]

شلونكم حوامل حبيت انضم معاكم
انا الحين تقريبا نص الرابع وانشالله مفكره اجهز بنص السادس
بس حبيت اسألكم شلون تحسون بالحركات الاولى للبيبي؟؟

 

[بنات حواء2]

هلا فيج حبيبتي فروحا و حياج الله بنسبه حق الحركه تحسين مثل السمجه قاعده تسبح في رحمج و عادتن تكون على جنب يعني مو بالوسط و انا بنسبه لي بجهز من الخامس و يقولون بنسبه عن حركت البيبي اذا تحرك مبجر يعني ولد و اذا طول بالحركه يعني بنيه و الله أعلم

 

[بنات حواء2]

حبيبتي استبرق انتي و اختج ما شاء الله الله يعين امكم على نفاسكم انا من حملت امي وصت اختي قالت لها مو تحملين إلا عقب ما تولد اختج جنه بيدها و عليه

 

[إستبرق]

اهلين فروحه حياج حبيبتي والله يثبته انشاءالله انا بصراحه اول شي ماعرفت لحركه البيبي بس الحين من شهر تقريبا ماشاءالله عليها البنوته نشيطه بس تكفخ فيني خخخخخخخخخخخخخخخخخ
وكل شوي رايحه مكان احس ان واحد يتسبح ببطني


عالم حواء وي ماشاءالله من ورى شهر 3 لان خلصت عروسنا لاتشوفين ماشاءالله العائله كلهم حوامل كل وحده بطنها جدامها خخخخخخخخخ والله هذيج المره باستقبال الكل متفخ ولا امي مرتاحه اختي الكبيره من زمان كله تتنفس فبيتها لان عندها يهال وجذي تقول ما احب اخليهم بس انا عند امي

 

[بنات حواء2]

عاشت استبرق إلي تدلع على امها نفسي عاد تصدقين كل الحوامل إلي عندنا ولدوا مافي احد حامل بالبيت غيري عاد انا ادلع بينهم ليش بروحي و البجر و اتفنتق عاد شوفي فناتقي بس يضحكون علي

 

[إستبرق]

خخخخخخخخخخخخخخخخخ لا انا الكل ناطرولادتي خخخخخخخخخخخخ لان ذابحيني العائله كلهم يقولون دلوعه فقبل لا احمل الكل ينطر يقولي نبي نشوف لي حملتي شلون جني اول وحده تبي تحمل خخخخخخخخخ الحين لما حملت يقولون وي عاد نبي نشوف شلون تربينيه وشلون تعصبين على البنوته خخخخخخخخخخخخخخخ والله خلوني اشك بنفسي لوووووووووووووول
وخواتي يقولون وي والله هالبنت بتلعب فيكم لعب لان زوجي يحب البنات اليهال ومايحب يصارخ او يعصب او يقول لا وانا نفس طقته يعني هي بتربينا وعلى امي من صجج والله امي ماتعرف ترى للنفاس وهالسوالف يعني من سنتين حتى نزلت وسوو لي تنظيفات ورحت عند امي امي ماتعرف لسوالف النفاس كلش يعني الله يستر شكلنا بنلعب لعب خخخخخخخخخخخخخخخ والله يسهل عليج حبوبه ويخلي لج اهلج

 

[بنات حواء2]

حبيبتي امبي اهلج مثل اهلي اخاف تصيريلي نفس الحجي جذي تطلعين بت خالي بنت عمتي جذيه يصير ضحك بعدين و الله انشاله يرزقج بهلبونته الحلوه انا ودي ابنيه بس ما ادري حاسه فيني صبي جني ادري انه فيني صبي و الله اعلم و لي يي منالله حياه الله و اول ما اشوفه بالسونار بقولج عاد عندي موعد يوم الخميس الياي و اذا عندج اي سؤال عن النفاس سألي لأنه اختي ولدت قبل 5 اشهر و اكتسبت الخبره و اذا تبين اسألج امي حاضر بس ترى كل سؤال بدينار
بس صج استبرق نسيت اسالج بأي مستشفى ناويه تولدين ؟

 

[إستبرق]

لووووووووووووووووووول تخيلي ولا بنت خالتي خخخخخخخخخخ بس لا ماعندي بنات خاله او عمه جذي وانشاءالله الله يكتب لج الي فيه الخير انا حتى كنت ابي بنوته وزوجي يموت على البنات يقول الصبيان دمهم ثقيل خخخخخخخخ وانا بصراحه كان ودي بنوته عشان البسها نفانيف وشباصات خخخخخ تحسين طموح عجيب وانشاءالله قبل لا اولد استفيد من خبرتج للنفاس وعاد انتي حسبي دينار على دينار جم يطلع وبعدين نبطل بسطه بالمنتدى كل تعلومه بدينار خخخخخخخخ والله مشروع مربح وانا ناويه انشاءالله بالسلام لاني قبل سويت فيه تنظيفات وحيل ارتحت فيه واختي وزوجه اخوي بعد ولدوا فيه ويمدحونه بس الي للحين متررده فيه يربي لما رديت اراجع عندهم ورى الحمال كنت توني طالعه من الراشد كنت مترقده فيني اسيتون ومالي خلق روحه الطبيب وحر ما احب اطلع يوم رحت ولا نجمه زحمه قلت هالمره بدخل دكتور وبعدين اروح عند نجمه دخلت الدكتور عمرو ووايد ارتحت عنده رهيب هالدكتور والله يخليج ترتاحين وتاخذين كل وقتج مو مستعجل ينصحج وتسالينه اي سؤال يرد عليج لي يطمنج وحتى عطى زوجي رقمه اي شي ابي استفسر عنه يدق زوجي عليه بس يربي ما ابي اولد عند دكتور استحي حدي فشله وكل ما اروح بغيره ما اقدره مرتاحه له ما اغيره خخخخخخخخخخخخخ مع ان قبل كنت عند نجمه اراجع من نزلت اقول لزوجي هالدكتور ساحرنا وانتي اي مستشفى تولدين انشاءالله ديري بالج المستشفيات صايره مصايب الله يكافينا شرهم ويسهل علينا

 

[بنات حواء2]

شنو هصدف إلي علينا حتى انا بسلام و كنت عند نجمه بس غيرته لأنه كله زحمه اقعد 3 ساعات على ما ادش و بعدين زين سوينه غيرنه لأنه دايمن تاخذ اجازات بله بنولد منو يولدنه الفراش و رحت عند احمد الشاذلي انا انصحج في ممتاز ممتاز و اكثر من ممتاز و نفس ما قلتي عطى حق ريلي رقمه و قالي انه حتى لو هو في اجازه يي يولدني ما عنده مشكله و وايد مهتم و يكتبلي ادويه ممتازه موو مو جوده في كل الصيدليات و تخيلي من الحين و انا بثالث بلش معاي كريمات و سألت البنات في المنتدى عنه مدحوه و مدحو ولادته و خياطه البنات ما قصرو اهم شي ترى الخياط لأنه ترى في دكاتره ما يفهمون بس دكتور على الفاضي شفتي غرفهم ترى حلوه و مرتبه و كشخه اشوي احلى من الشفا بوايد ياربي الشفا صار زحمه وايد و اهل ريلي يقلدون بعض ليش وحده و لدت هناك قام الكل يقلدها ويولد هناك و انا متعقده من الشفا و قصتي معاهم طويله تبيني اقولج و لا لأ ؟؟؟؟
انا بقولج و انتي كيفج يننتج صح انا هذره ميخالف تحملي
الله يسلمج من بعد ما دخل علي ريلي ب3 اشهر صار فيني التهاب و رحت الشفا لأني قمت احس بحرقه قويه في بولي و انتي بكرامه و قمت احاتي و ارجف من الخرعه دشيت عند وحده هنديه متخصصه في امراض النسا تخيلي من غير ما تقولي سوي تحليل و من غير ما تفحصني يعني تخيلي من غير ولا شي بس حجي عطتني وصفه و انا طبعن ما اعرف بهشغلات و عمري ما صارت فيني هالشغلات يوم كنت بنت و خذيت الوصف عباره عن تحاميل و غسوب و ربج اهمه ثلالث تحميلات كل ما احط تحميله يزيد علي و انا اقول ميخالف الضاهر بعد الثالثه يخف بس طبعن من بعد التحميله الثانيه طحت غشيانه بالحمام و انتي بكرامه من كثر العوار و بعده شالني ريلي و و داني مستشفى الحكومه العدان و طبعن إلعبوا فيني لعب بعد مستشفى حكومي حدث و لا حرج بعدين ريلي شالني و وداني بوحمره في السالميه و طبعن الدكتور هناك تعجب قالي شنو معطتج الدكتوره إلي زايد عندج للتهاب بدرجه مو طبيعيه و طبعن عطاني خمس ابر و شغلات خطيره و قالي ديري بالج ترى الالتهاب يمنع الحمل و طبعن الوسواس من يومها فيني إلي ينيت و بجي و نفسيتي كله تعبانه لين الله شفاني الحمدلله على الابر جني جذابه و من يومها حرمت اروح الشفا لو على قص رقبتي لو ما في مستشفى خاص غيرها اراجع بحكومه ابركلي مشكله همن قالين فلوسنه و همن يصرفون لنه علاج غلط و الله مشكله بس صج شفت الموت بهلالتهاب
بس خليج عسلام ترى ممتاز و انا نفسج كنت ما ابي دكتور يولدني و ريلي كان رافض الدكتور نهائين بس لمن شافه حس انه ممتاز و قالي بنفسه ولدي عنده ترى وايد ممتاز

 

[إستبرق]

ابيييييييييييييييييه لا لا انتي انا خخخخخخخخ والله انا بكل شي تدرين ان حتى انا لعبوا فيني دار الشفاء وانحشت منهم عمه بعينهم لي يومي هذا ما اسامحهم بس انا صارلي خمس سنين متزوجه اول سنتين انا كنت ما ابي احمل وكانت فيني قده درقيه ماعالجتها عشان ما احمل لما بغيت احمل عالجتها وصج حملت بس كنت غبيه ثالث شهر ماتييني الدوره الى رحت سويت تحليل طلعت حامل ومن اللويه على دار الشفاء وانه ممتاز وجذي قال زوجي خل نروح له وصج رحنا هناك جان يدخلوني اول شي على مصريه سوت سونار قالت منو قالج انج حامل انتي مو حامل او ميت تخيلي جذي بويهي قالت روحي سوي تحليل ثاني هرمونات ما ادري شنو وطلعت رحت اسوي التحليل رديت ولا الدكتوره مو موجوده ولا يدخلوني على دكتوره هنديه والهنديه طبعا ثوله سوت لي سونار ولا تقول لا انتي حامل تو هذا اول شهر قلت شلون بالتحليل لي شهرين وشي قالت لا لا سونار بس شهر واقل من شهر المهم طلعنا وراها رحت مره ثانيه على اساس عندي موعد وهمن جذي الي تقولي شهر ولا ما ادري شنو عاد اخر شي كنت فبيت اهلي ويقب علي بطني يعورني والله اني وانا نايمه قاعده اصارخ يالي زوجي ثاني يوم الصبح وانا ميته من التعب ولا امي تقول خل نروح الفروانيه اقرب وبعدين روحي دار الشفا انا بروحي ما اواطن الحكومه وما اطب عندهم قلت يالله من العوار طبعا رحت هناك وما استحمل الالم ولا الهنديات عند راسي ويقرقون وريحه مت مت صج وسويت تحليل ودخلت على الدكتوره ولا هنديه انا رفيجتي تشتغل بالتحاليل معلمتني اذا لقيت اشاره عند كلمه يعني في شي عاد شفت التحليل قلت هني في شي في اشاره يوم شافتني الدكتوره تقول لا انتي ماكو شي لايشرب بيبسي بس طلعت قلت لزوجي قال خل تولي امشي نروح دار الشفا هذا الحجي على الساعه 12 وشي رحنا دار الشفا على الساعه 1 وانا متحنطه ما اقدر اتحرك والله وكيلج نبي دكتوره ماكو والله ساعتين ننطر دكتوره ليما يات قالت سوو سونار الكبير نبي دكتور سونار ماكو وينزلوني ويصعدوني ليما مت لي الساعه 5 المغرب ولا زوجي هني يعصب وعفس عليهم المستشفى قالهم انا يايبها بموتها عطوني الملف مارضوا جان يقول والله اعفس المستشفى عليكم ماخذ الملف ماخذه صج اخترعوا وصوره لنا طبعا طلع فيني التهاب قوي والهنديه تقول ماكو شي وراها ثاني يوم رحت السلام سوت سونار قالت ماكو نبضات انتي البيبي ماله نبضات روحي سوي سونار ثلاثي سويت قالوا ماكو نبضات ميت طلع من اول شي ميت ومايدرون دار الشفا كل وحده تقول حجي وسويت وراها تنظيفات بالسلام منها يقولون دار الشفا زوجي يقول الله يلعنهم خخخخخخخخخخخخخخخخخخخ وانا لي قالوا لي امراض نسا الفروانيه اقول مالت عليهم خخخخخخخخخخخخ والدكتور احمد الشاذلي سمعت عنه انا يربي كل همي ان لما اروح للولاده ويبي يفحصني دكتور نوووووو وي لا تشوفيني انا اطلع بطني اموت من الفشله الله يهون علينا يارب

 

[بنات حواء2]

حسبي الله عليهم صج دكاتره ما يفهمون ما ادري على شنو ماخذين الشهاده
صج كلامج فشله بس حزة الحزه و عوار الطلق بتنسبن هذا كله و بيني و بينج ترى الدكاتره الحريم ما يفهمون صدقيني و الله انا كل إلي يصرفولي ادويه غلط و يهوقوني الحريم بس الرياييل احسن بوايد و بعدين افهم
نسيت اقولج بالسلام اي غرفه بتاخذين دشيتي غرفهم شفتيهم ؟
انا عن نفسي دشيت وايد حلوين و ذربين انا شفت الملكي ما شفت السلام وريلي مصمم عسلام و انا اقوله خناذالملكي احسن و اوفر كله يومين حرام انا باخذ الملكي حلو و بعدين كبير ما شاء الله مو صغير

 

[بنات حواء2]

نسيت اسألج استبرق متى الموعد الياي حق المستشفى انا انشاله يوم الخميس الياي الصبح عشان رمضان

 

[إستبرق]

اهلين حبوبه سوري رديت متاخر بس ما ادري ليش كل المواقع تبطل عندي بس كويتيات لا حتى الحين شابكه من بيت اهلي اي مبلا اختي تقول وقت العوار ماتفكرين بس انا وقت الفحص شايله همه الله يستر وبصراحه لا ماشفت الغرف هو شنو في من غرف؟ بصراحه انا ما ابي الى يكون اكشخ شي كله يومين وانا ما اسوي الاستقبال هناك والزواره الاغلبيه يزوروني فبيت اهلي فما ادري عن الغرف والله وموعدي عندي الاسبوع الياي انشاءالله بس نو وي اروح الصبح اروح ورى الفطور طلعه الصبح لو اموت ما اطلع حر خخخخخخخخخخ وبروحنا صيام الله يسهل يارب

 

[إستبرق]

صج حبوبه بشري بت ولا صبي

 

[بنات حواء2]

هلا حبيبتي استبرق افتقدتج و الله قاعده احاتيج اقول ياربي اخاف ولدت و الله قلبي معاج انا امس رحت حق الدكتور و مابين صبي و لا بنت بس صج ودي اعرف شنو انتي من متى بين ؟ يقولولي بالرابع يبين و انا باجر ادش بالرابع شنو زحمه مو طبيعيه بس اشوى دكتوري ما كان عنده زحمه بس ما ادري شفيهم اضاهر اليوع عافسهم السسترات و السكرتيرات مو طبيعين و الله توني اكتشف انه الصوم يأثر لي هدرجه الغرف انا شفتهم وايد حلوين و مرتبين انا باخذ الوسط الملكي عشان واسع و عشان اهلي و اواني و حريم اخواني و خالتي و عمي و حمواني وايد


نسيت اقولج اليوم قمت من النوم و بلاعيمي شابين علي و انتي بكرامه هلبلقم ذبحني و حرارتي مرتفعه اشوي بس رحت الطبيب ما عطاني شي اللهم ادول و قطرت خشم و الله ضاق خلقي اضاهر ما يقدرون يعطوني شي لأني حامل و الحين كله نايمه و اضيق الخلق و الله امس ما فيني شي اليوم قمت من النوم جنه مبدليني وحده ثانيه ما ادري شسوي بهلبلاعيم عوار مو طبيعي ادعيليبس اقوم بسلامه يقولولي الصخونه مو زينه حق الحامل يقولون اذا صخنت يمكن ينوموني بالمستشفى عشان ينزلون درجت حرارتي

و نسيت اقولج على كمبيوترج ما يشوف شر

بعد ياربي شنو في سوالف صارلج يومين اختفيتي احس في وايد سوالف

و بنسبه حق عوار الطلق اذا تبين يخف عليج حزت الطلق تذكريني عفيه و ادعيلي لأنج راح تولدين قبلي و يقولون دعوت الي تطلق مقبوله
و انا و الله بدعيليج بعد كل صلات و يقولن حزت الطلق تنفسي بقوه و بهدوء يعني نفس عميق يخفف العوار و شربي دارسين و الانناس ترى ممتاز عاد انا اموت على الانناس و متنسيه فيه بس ريلي ما يخليني آكل مو زين الحين

بعد متى ما تذكرت بعد سوالف برجع

 

[aljadel22]

الله يعطيك العافيه

موضوع روووعه