اهم الشغلات إلي تجهزينها حق البيبي والمستشفى خل نستفيد

[بنات حواء2]

حياج الله حبيبتي الجادل

 

[إستبرق]

اهلين عالم حواء حبوبه والله انا اشتقت لج بعد

اليوم طلعت جهازي من الشركه وللحين الحمدلله الله يستر خخخخخخخخ
وانتي توج مادخلتي الرابع اي مايبين انا سويت باول الرابع وكانت مسكره ريولها قالي شوفي من تكوين الجسم اقولج 65% بنوته وراها رحت قالي اي بنيه يالله انشاءالله تعرفين ويكون البيبي عال العال عاد انتي شنو تبين بنت ولا صبي ؟ بصراحه انا وزوجي كنا نبي بنوته والحمدلله طلعت بنوته
وي والصبح زحمه بعد اشوه اني ما افكر اراجع الصبح وانا شسوي عشان ما اصادف زحمه اشوف متى يبدى قص الرقم اروح قبله بربع ساعه وبس يقصون الارقام يروح زوجي يقص بسرعه اكون اول او ثاني وحده وما اصادف زحمه ويع بروحها نطره الطبيب تغث والله يعينج روحي بليل احسن لج ولا هالنفسيه خو الواحد بروحه ماله خلق وبخصوص الحراره انا صارت فيني الشهر الي طاف نشله وحراره مت راسي بينبط دق زوجي على الدكتور وقاله انا بروح الصيدليه اشتري لها دوا شنو اشتري قاله على قطره للخشم وادول بندول الحراره والله القطره فضيعه والبندول بعد حلو القطره حتى شكبرها شكلها يخرع تصير للحوامل واليهال وطبت عليها انتي خل زوجج يدق على الدكتور ويساله والله يشافيج يارب ويعينج
وانشاءالله لي بغيت اولد ادعيلج والله يسهل علينا يارب واي بديت اخاف خخخخخخ مع ان بنت خالتي ولدت من جم اسبوع ريحتني اشوي تقولي والله ماحسيت بشي نايمه طول الولاده قلت صج قالت والله كلش كلش ماحسيت الله يسهل علينا يارب
ويالله يارب تطلع بنوتي حلوه وصاحيه مافيها شي

 

[بنات حواء2]

اول شي علبركه حق جهازج الحمدلله ضبطوه
اما بنسبه شنو ودي بنت و لا ولد عادي إلي يي من الله حياه الله بس ودي بصبي و قلبي يقولي انه إلي فيني صبي و الله اعلم
تعالي صج وين ولدت بنت خالتج اي مستشفى ؟
انا قتلج لا تحاتين خلي لي حزت الحزه يصير خير
تعالي وين رحتي حق العيد و شنو خذيتي امبي انا كل ما البس لبس يطلع كرشتي انصدم و اطلع و الله ضيقت خلق اشوف ملابس مو لي حق ناس مو حوامل عاد توني راده من السوق خذيتلي بدله اخيرن من سوق شرق من جويز
باقيلي انتيفات آخذهم يوم الخميس الياي

 

[إستبرق]

الله يبارك بحياتج

والله يرزقج الي فيه خير لج انشاءالله
وبنت خالتي ولدت بالمستشفى الي نكرهه خخخخخخخخخخخخخ بدار الشفا لان دكتورتها هناك
وبخصوص العيد توني بقولج في بجويز جان اقرى انج ماخذه منه والله انا عجبوني شغلات بجويز وبريفا بس هذولي الي بشرق وباجر بروح جويز الي بالمهلب لان غرفه القياس يقدر زوجي يشوف معاي الملابس الي بشرق غرف القياس مايقدر يشوف وبصراحه مااحب بس انا اقيم اللبسه خخخخخخخخخ وقلت بشوف بعد جم مجمع الى اشتري وعلى البطن خليها على الله هذا انتي توج اول الرابع عيل لو تشوفيني واي واي الحمدلله يارب على كل شي بس بطني كل يوم يكبر خخخخخخخخخ والمشكله بطني بالعرض يعني تبيني امتن الله كريم اخيه متى نولد ونسوي رجيم ونضعف ونلبس ضيج خخخخخخخخخخخ ناويه على نيه الله يسهل علينا يارب

 

[بنات حواء2]

حنه ترى معقدين من دار الشفا و الله اعوذ بالله لا يحوشك ترى انا مثلج جويز إلي بشرق ريلي ما يقدر يشوفني رحت إلي بالمهلب عشان يشوفني حتى انا ما احب آخذ شي ريي مو قايلي علي اوكي انا شفت بدلات وايد و افتريت كذا مره خذيت البدله البيج إلي فيها دانتيل من تحت هاذي إلي عجبتني عارضين معاها شيين شي في ربطه من فوق لمن لبسته حسيت متني سواني طمبحله جني حامل ب 10 بيبي حلوه هاذي و في معاها شي بس شكله يضغط علبطن بس خذيت اكبر مقاس عشان ما يضغط على بطني و الحمد لله طلع مرتب اشوي و حلو و لامني و صج البدله في منها اللون الازرق انا اقول اخذي نفس بدلتي و خنتواعد بمكان لابسين نفس اللبس و الله يصير ضحك و خلي رياييلنه يلبسون دشاديش و غتر نصير طقم قاعده اضحك و ريلي يطالعني يقزل الحمدلله و الشكر
و ريفا في بدله حلوه عنابيه و فيها مخمل اشويه مو وايد بس من فوق بس عندي وحده في اهل ريلي كله تقلدني لمن درت اني آخذ بدلاتي من هناك راحت خذت قبلي و الله العظيم قهر علمهم علطراره لحقونى على البيبان
صج شنو مفكره تسزين حركات عقب و لادتج بتسوين استقبال ما تبين تسوين انا عن نفسي اهلي نص ييوني بالمستشفى و النص الثاني ييون بالبيت على اوقات تناسبهم بس بسوي حركات حلوه خاصتن حتى انتي سوي لأنه احنه بجر و اول حمل لا م يشوفون انه مهتمين انه قلت بحط نافورة ككاو خوش فكره عجيبه داشه في بالي
و انتي بشنو مفكره ؟ بوقي افكاري و ابوق افكارج بس لا تعلمين احد خنصير اسبشل

 

[إستبرق]

لوووووووووول اهم شي الطقم خخخخخخ عرفت بدلتج الي تيي تنوره وبدي اذا هي هذي عند اختي خخخخخخخ وانا كان عاجبني اللون السماوي لان المكياج السماوي حلو بس اختي عندها البيج بس لايطوفج والله لي لبستها اصير نكته بطني كبران درجه مو طبيعيه الحمدلله ياربي لا يصير فيني شي خخخخخخخخخخخ لان انا الحين انشاءالله جم يوم وادخل الثامن فالمقاسات اي شي حدها والله هذاك اليوم رحت دبنهامز الي بشرق ملابسه الداخليه اموت عليهم عاد زوجي قالي شوفي لج جم طقم اذا تبين دخلت اشوف واتحسر اقول اخيه متى اولد خخخخخخخخخخخ حسيت شكل الطقم يصير خايس خخخخخخخخ


وريفا شفت فيه كذا بدله كانوا حلوين عاد الله يستر لا يخلصون ومثل ماقلتي عاد الموحلو بريفا وجويز ان تلقين يمكن الاهل كلهم لابسين البدله خخخخخخخخ والله اختي اشترت للعيد من ريفا جان تيي زوجه اخوي توصف البدله تقول يمكن اشتريها اختي قالت لها لا تراها بدلتي


وبخصوص الولاده لا انا انشاءالله اول شي بسوي اشياء عاديه انا الزواره الاغلبيه يزورون فالبيت يعني خواتي وجم وحده وخواني ييون المستشفى فقلت حتى فبيت اهلي بسوي اشياء بسيطه لاني انشاءالله بس اطلع الاربعين بسوي استقبال كبير شوي واكون اقدر البس واتكشخ اخيه انطره بروح حق حنان دشتي احط مكياج صارلنا من شهر 4 ماعندنا مناسبات كبار بس اروح اسوي شعري اشتقت احط مكياج واسوي شعري واصور فراغه

فقلت الحركات والاكشنات ابيها للاستقبال وبعدين بخصوص التوزيعات الككاو والله وحده بالمنتدى شغلها حلو وسعره زين انشاءالله بسوي عندها وانا الحين بقالي من تجهيز البنوته شغلات بسيطه حيل والشهر الياي انشاءالله ابي اروح اشتري شغلاتي لان يكون خلاص باقي لي شوي وانشاءالله ادخل التاسع وانشاءالله بس افضى اصور لج غراض البنوته واحطهم هني عشان اذا فيج بنت تكون عندج خبره خخخخخخخخخخ

--------------- صارت خبره بعد



اي تذكرت بس طبعا انا ابي اترس الغرفه تفافيخ لونهم وردي واحمر لان الغرفه الي بقعد فيها لون الطوفه والاكسسوارات احمر وابي حركات المواليد الي حق بنوته يعني وصوب بحط فيه طاوله ومفرش يكون احمر وحلو واحط فوقه التوزيعات وفازات وشموع يعني بروح افتر والي يعجبني اشتريه والله يعينا يارب بس تدرين شنو الي مو مخليني متحمسه اسوي حركات في ناس صج تحسين ماكو فهاميه عندنا يعني الوحده والده وعلى بو ان فبيت اهلي ييبون يهالهم وزيطتهم وييون وطبعا عيالهم يلعبون لعب والامهات مايبطلون حلجهم والله اختي الاكبر مني كانت للحينها مو طالعه فبيت كانت بشقه ماجره دور بس مهما يكون مو بيت وتعالي شوفي اللويه واليهال وي والله انا ارتفع ضغطي وماخلوا شي ماطلعوه وكل وحده حاطه ريل على ريل ومايهزك ريح من جذي قلت اخاف حسافه انا اتفنن وهذولي ييون يقطعون ويلعبون الله يستر يارب

 

[بنات حواء2]

هاي استرق ادري تأخرت عليج بس شسوي صاير كلش ما عندي وقت ارجع من الكليه تعبانه مهدود حيلي و انام و ما اقوم ليلفطور
تدرين احلى شي حق الحامل لفراره خاصتن و ان المشي زين لج انشاله يارب الله يتمم عليج و تولدين بسلامه يارب بس لا تمشين الحين وايد خوفج تولدين على آخر الثامن بلشي مشي من نص الثامن و اول ما تدشين التاسع امشي على تراب البحر ترى يسهل الولاده مثل ما انا سامعه و يكبر الحوض و عشان لا يقولولج حوضج صغير على راس البيبي و لازم قيصريه الله لا يقول عادالخاص ما يصدقون خبر اشوف الحين الكل يولد قيصريه ما في طبيعي اللهم يا كافي يموتون على الفلوس حتى لو كانت على حساب صحة انسان هذا و اهم دكاتره يعني معاشهم مكفيهم و خاب عليهم اشلون إلي مو دكاتره
و بنسبه حق البدله اذا انا في الرابع تضجك علي عييل انتي شبصير امبي صج حتى انا متعقده عاد انا من النوع ألي احب احافظ كا احب المتن لي زدت كيلو اتعقد ما آكل دهر و الحين خو ما اقدر اسوي رجيم لازم يكون اكلي معتدل و لا البيبي و عليه علي يطلع ميت من اليوع عاد و الله الحين صارلي جم يوم نفسيتي منسده و مالي خلق شي من تعب الكليه ما ألحق و الله

و ترى فكرتج وايد حلوه و انا عندي افكار حلوه حق التقديم و غريبه اذا بقيتي قوليلي الصراحه انا ملقطتهم من المنتدى بس صج افكار غريبه و راح تعجبج اي وقت تبين افكار قوليلي اساعدج لا تستحين ترى احنه خوات

تعالي صج انا عطاني دكتوري موعد قبل العيد خيرني قالي تبين قبل و لا بعد قتله بعد ما لي خلق قعدت الصبح و بعدين الحين دوامات ما ينفع

عفيه بقيت أسألج سؤال عفيه ضروري دكتورج صرفلج تحاميل مهبليه من حملتي ؟؟ و جم مره صرفلج التحاميل ؟؟

انا صرفلي مره و الحين عطاني تحميله ثانيه إلي يكون معاها انبوبة ادخال و لمن قريت في الورقه إلي مع التحميله قريت انه الحامل لازم ما تحط انبوبة الادخال و اصلن ما تخل من غيرها لنها اصغيره مثل حبة البندول و بعدين انا اخاف احط تحاميل مهبليه الحين اخاف يوسع عنق الرحم و اخاف يتضرر البيبي

 

[إستبرق]

اهلين حبوبه اي والله قعدت احاتيج اليوم اقول لزوجي غريبه مادخلت امس خخخخخخخخخخ
وي الله يعينج دوام ولويه انا قاعده بالبيت طلعاتي ورى الفطور بس عشان ما اتعب صايره حدي ما استحمل اصوم كله من الفيتامينات تفتح الشهيه

وعيل حبوبه زين اذا ابي افكار اخذ منج


والمشي اي انا بسال دكتوري ودي امشي من الحين على الخفيف عشان على الاقل ما امتن بعد يربي المتن هم هم على القلب وانا بعد سامعه المشي على البحر زين انشاءالله لي دخلت التاسع امشي على البحر وبخصوص الرجيم انا رحت دكتوره زفتني مارضت اسوي قالت نظمي اكلج بس رجيم انسي خخخخخخ فشلتني جدام زوجي

وليش يعطيج تحاميل ؟ لا انا كلش ماعطاني تحاميل عاد اكره التحاميل كره الدنيا بس عطاني حبوب وجذي

 

[بنات حواء2]

حبيبتي و الله فيج خير حتى انا اليوم إلي ما تشبكين فيه احاتيج و الله صايره اول ما اشبك اشوفج بعدين اشوف المواضيع الثانيه

بس بقيت اقولج ديري بالج لا تمشين وايد الحين ترى مو زين خوفج يصير و لاده مبكره و يولدونج من الثامن ديري بالج على نفسج
و اي شي تبين في التقديم قوليلي افا عليج انا حاضر
اما بنسبه على المتن انا لو بيدي اولد اليوم عشان اسوي ريجيم و امشي و اسوي رياضه امبي والله احس متت و كرشتي طلعت امبي اطلع من السوق ابجي اشوف الملابس و اتحسر قبل كل شي آخذ و الحين اتحسر على هلكرشه يله البيبي يستاهل شنسوي بعد
انشاله بعد الولاده تهون

على طاري القعده ليش ما تقومين الصبح ما عندج دوام؟؟
انا اداوم في كلية التربيه الاساسيه و متخصصه اقتصاد منزلي معني ما افهم بالخياطه و نص و نص بالطباخ و هلكورس ما خذه محاضراتي كلها بعد ا12 عشان انام الصبح و الضهر اداوم و يوم الاحد و الثلاثاء لأ اداوم من الصبح الساعه 8 يله الله يسهله قلت بوقف قيدي الكورس إلي بولد فيه لأنه ما يعطوني اجازه غير إلا عشرين يوم اشلون اطلع بالاربعين ياربي مو عدله بروحي اكون تعبانه و الله ما ادري انا ضايعه بهلسالفه

و جان تعرفين دكتوره او دكتور يدرس بالاساسيه توسطيلي عنده


تصدقين ما احب آخذ ماده عند حريم احسهم نحس الرياييل احسن و يتعاطفون مع المره اكثر من المره نفسها عاد هلكورس عندي ماده عند مره بس يمدحونها و الله اعلم



بنسبه للتحاميل سألت رفيجتي قالتلي نفس كلامج قالتلي ما يصير يعطيج تحاميل مهبليه مو زين و انتي حامل خيولي و الله ماني حاطه لو شنو يصير واي انا اليوم إلي يقولولي تحميله ابجي و الله ما احب ويع تصير فيني حاله نفسيه و الله احنه الحريم ابتلشنه ما يصير الريال يحمل عنه

 

[إستبرق]

الخير بويهج حبوبه ماتقصرين والله
لا ادري بخصوص المشي ما ابيعها واي ولا والده مبجر والله اني خايفه حدي هالايام ما ادري ليش مستخفه خخخخخخخخخخخ

لا انا قالت لي دكتوره الرجيم يوم مارضت تعطيني رجيم قالت سالي دكتورج اذا وضع الجنين عادي وعادي تمشين على راحتج يعني مثل لما نطلع السوق اذا عادي امشي اذا مو عادي لا وقالت بس على الشهر التاسع لا عادي امشي كل يوم ساعه عشان الولاده فبروح باجر انشاءالله بليل للدكتور واشوف شنو يقول

ويالله شنو نسوي انشاءالله ورى الولاده نضعف كله عشان هالبنوته يارب يثبتها وتطلع بعافيه ويثبت الي ببطنج وهم تولدينه بالعافيه

وي وبخصوص الدراسه الله يسلمج انا لاعبه بالدنيا لعب وربي على مزاجي خخخخخخخخخ قصتي فلم ابو الهندي لووووووووووووول اقولج شالسالفه
انا تزوجت كنت بروح رابعه ثانوي وعامه مو مقررات عاد كنت اموت رعب من التاريخ مع ان ابوي كان مدرس تاريخ وجغرافيه وبعدين صار ناظر بس انا كنت اكره كره الدنيا التاريخ خخخخخخخخخخ عاد يوم امتحانات الثانويه العامه بمتحان التاريخ جان اقعد ابجي ويغمى علي وودوني لجنه خاصه وطارت كل معلومات الي بمخيخي خخخخخخخخخخخخ خذيت فيه دور ثاني بس كانت صاكه فيني الدنيا لاني تعبت صج ايام الدراسه وزوجي مسكين فتره دراستي اقومه من الصبح ويروح بيت اخوه ينام هناك ولا بيت اهلي عشان ادرس ومايوترني يوم خذيت دور ثاني قلت لا ابي اعيدها وصج دخلت مسائي الرابيه بس ماكملتها طلعت على نص السنه صارت ظروف وانتقلنا من شقه لي بيت اهله وبيت اهله بالجهراء وماكملت جان اقول ممممممممممم خل تولي رابعه بس زهقت بدخل معهد دورات خاصه خخخخخخخخخخخ لعبت لعب دخلت الله يسلم على شهر 7 دورات علوم كمبيوتر ولا يطلع المعهد بو النصب مايبون يعطوني الدورات المتفقين عليها وكل يوم المدرس على المشرفه على المدير يعطوني صواريخ ارتفع ضغطي منهم واخو زوجي محامي قلت والله لارفع عليهم قضيه ادفع فلوس واخرتها مايعطوني كل الدورات جان نرفع قضيه خخخخخخخخخخ وماخذيت طبعا شهاده وكان هالحجي تسجيل الثانوي خلص لان على شهر 1 فقعدت بطاليه وظليت بطاليه هالجم سنه الحين قلت لزوجي روح سجلني مسائي وانا حافظه للحين الدروس وكل شي الحمدلله قلت وخل اكمل هالسنه مسائي وبعدين اقرر وين اروح الصراحه ودي يا ديكور او كمبيوتر او اصير مدرسه صم وبكم والله كريم خخخخخخخخ عاد اليوم راح زوجي سجلني مسائي بس والله شايله هم خخخخخخ انا زوجي كلش مايحب اطلع بالجهراء يقول انا ما احب اروح فيها مكان بعد انتي لا يبا اي مكان تبي تروحين له اوكي بس الجهراء انسي خخخخخخخخخخ عاد الحين المسائي بالجهرا وما اعرف لنظامهم شنو الله يستر

وامبلا احسن وقفي قيدج على ولادتج انا اخت زوجي تخيلي اليوم والده باجر عقب باجر عندها امتحان وراحت امتحنت هي كانت تدرس تربيه فنيه وتوها توظفت عاد انتي اقتصاد منزلي حق البلعه خخخخخخخخخخخخخ وترى معروف الرياييل زينين مع البنات والحريم زينين مع الشباب ما ادري ليش جذي


وبخصوص التحاميل هو ليش عطاج انا اختي عطتها الدكتوره خالده تشتغل برويال حيات عطتها تحاميل لان اختي لما راحت لها كان نبض البيبي ضعيف وفيها التهاب واستخدمتهم اختي الحمدلله مافيها شي فانتي شوفي اكيد الدكتور يبي مصلحتج انا عندي لاتطنشين دقي عليه استفسري ليش التحاميل ؟

خخخخخخخخخخخ وجان زين الريال هو يحمل نفتك خخخخخخخخخخخ اي والله واي اتذكر يوم التنظيفات لما بنزل خو انا من الابره ابجي سويت لهم فلم هندي خخخخخخخخخ الله كريم يارب ويسهل علينا

 

[بنات حواء2]

هلا حبيبتي استبرق واي صج قصه انتي فلم بس انا اقول لا تخلين نفسج كملي دراستج احسنلج احنه الحين حياتنه صعبه و لازم المره تساعد ريلها و بيني و بينج القعده بالبيت تملل و الله انا ما اقدر علقعده
واي الله يعينكم بالجهرا آخر الدنيا امبي لمن ييلج الطلق متى يمديج توصلين ؟

بس انتي ليش خايفه الحين و الله لو انا منج جان اهيص قربت ولادتي و اخاف يا معود كله عوار اشوي و بعدين تدفعين و اول ما يطلع راس الياهل انتي جنج جذابه مافيج شي انشاله ما فيج إلا الخير لا تحاتين و لا تخافين

و على طاري المتن بقولج سالفت مرت اخوي الله يسلمج خذاها اخوي ما كانت متينه وايد كانت مربربه يعني بس ماشي حالها بعد الزواج هجمت على الاكل بشكل مو طبيعي و انا طبعي اخاف من المتن فما ىكل على الصفره بس اشوف إلي ياكلون منو ياكل بسراه فيهم لاحظت انها تاكل وايد و اول ما حملت تخيلي نييب صمون تاكل خمس صمونات غير ورق العنب و السلطه و الحلو ووووووووووووووووووو يعني تبي تنفجر ميخالف حامل بس ما تاكل جذي ترى الحمال مو بكثرت الاكل الحمال انج تاكلين اكل مفيد و تتركين الاكل الغير مفيد و لازم الاكل يصير طبيعي عادي المهم انها صارت دبه و ولدت في مستشفى السلام بس قيصريه عند دكتوره نجمه عقب ولادته نطرته ابيها تضعف بس ماكو فايده بس كرشت الحمال راحت و ظلت دبه و ليحد الحين تاكل بشراهه فذاك اليوم سألتها قتلها ليش ما تخففين او تسوين رياضه ترى حرام انتي متنتي وايد حاولي تحافظين على جسمج ترى المتن مو زين و يكبر قالتلي ما اقدر اسوي رياضه إلا بعد سنه و نص عشان قيصريه طبعن 100 % صاااااااااااااااااااااروخ يعني اوكي ما اسوي رياضه اول شهر بعدين خو الجرح بيلتام و بتنتهي مسألت القيصريه وايد حريم قيصريه بس ضعفوا ردوا مثل قبل لا و اضعف فهذي المره معقدتني من المتن عرفتي و اذا في احد بسويلي هبوط في المواد الغذائيه بدمي عقب و لادتي اهيه

و بعدين لمن الوحده تصير متينه وايد اذا ما لحقت على نفسها راح تفرش و يصير صعب انها تضعف بعدين

و على طاري دراستج و الله انا انصحج تكملين و اشاله الله بوفقج ترى الدراسه حلوه و انا عكسج اموت على التاريخ و بذات الاوروبي بس التاريخ الاسلامي الصراحه ما حبه كله طق و هواش ونجره بس اكيد انه تاريخنه مشرف منذ ولادت النبي حتى وفاته عليه الصلاة السلام
بتاريخ الاسلامي يبت بي و بالاوروبي لأني كنت ماخذته بروح في الصيفي فشديت حيلي و يبت الأي و عأبالج انشاله بس قصتج رهييييييييييييييييييييييييييييييييييبه لمن طحتي غشيانه في الامتحان


و على طاري التحاميل قالي الدكتور حق الفطريات و اكيد راح اسأله و بتأكد منه

 

[إستبرق]

اهلي حبوبه اي ادري انشاءالله بكمل هالسنه ناويه عليها والله يتمم بالخير وبخصوص التاريخ لا اقولج الحين سبحان الله من سنه وشي صرت احب التاريخ وحتى الجغرافيا قبل مو حيل فيها الحين صرت احبها سبحان الله مامن محبه الى بعد عداوه

وانا والله خايفه من الولاده اخاف لا قيصريه يالله يارب اولد طبيعي ميته من الخرعه من القيصريه الله يستر يارب وخايفه من البلاوي الي اسمعها فاليهال نقص اكسجين وما ادري شنو يالله يارب تطلع سليمه وكل خير وعافيه

والمتن واي ليش جذي يالله يارب ماتقط قلبي عدم المبالاه انا ناطره اولد عشان اسوي رجيم حتى قلت اول اسبوع نفاس اكل بس بعدين على طول اروح دكتوره تغذيه انشاءلله وامبلا في ناس جذي شوفي حنا لا والله بعائلتنا كلهم ضعاف ويهتمون للضعف الوحده تولد ماشاءالله جم شهر ردت طبيعيه بس عندي بنات خالتي ثنتين وي الله لايبلانا يارب امتنوا متن مو طبيعي وللحينهم عادي بس وحده منهم توها ولدت وضعفانه عن قبل وتبي تسوي رجيم الثانيه تقول انا مستحيل اقدر اسوي الله يسهل عليهم يارب وانا الحمدلله مو تاركه نفسي اكل كل شي انا من حملت وخرت عن المقالي حتى روحاتي للمطاعم قللتها صارت كل اسبوع ولا قبل بالاسبوع شكثر قلت ما ابي امتن زياده وانا بعد الحمدلله مو سوالف اكل وايد لا يعني ما احب اشياء وايد انا اكلي نباتي واموت على الاجبان بس في شي يا كنت اعيش عليه الككاو خخخخخخخخخ وانا اصلن فيني قده درقيه عشان جذي لازم اسوي رجيم لاني لما اخذ العلاج ما اضعف وحتى بالرجيم اضعف شوي شوي
وزين زوجه اخوج اذا ماتقدر رياضه ترى المشي للقيصريه عادي والرجيم عادي

ولا حبوبه عيل فيج فطريات اكيد لازم تحاميل واكيد هو يعرف شغله لاتسوين شي تندمين عليه والله يسهل عليج يارب

 

[بنات حواء2]

مشكوره حبيبتي على التوصيات و انشاله بهتم في موضوع التحاميل

انتي لاتخافين توكلي على الله و انشاله مافي إلا الخير لأنه اذا حطيتي في بالج و في قلبج الخوف راح تخافين و ترتبكين حزت الولاده و هذا طبيعي حق البكر لأنه ما لها تجربه بس انا بهون عليج و انتي هوني علي و انشاله يارب الله يسهل عليج و علي

و على طاري القيصريه سألت خالتي قالتلي انه دكتورها قالها من الشهر الثاني بعد الولاده سوي رياضة المعده و امشي اضاهر انه مرت اخوي ماتبي تقول اني احب الاكل تتعذر في القيصريه معني اشوف وايد ناس بعد القيصيره يفشون و يصيرون عادي

وانتي لاتحاتين توكلي على الله و انشاله يصير خير بعد الولاده الحين بس فكري بلي ناقصج و إلي مو ناقصج و انشاله مو ناقصج شي و عفيه اذا في شي ضروري نبهيني علي ترى انا كلش ميح


و على فكره بطمنج بنسبه للولاده الطبيعيه ترى كمام السلام ممتاز قوي و قولي حق الدكتور او السسترات خيحطونه حده لأنه في حوامل يولدون و يحطون الكمام بس ما يحسون فيه لأنه حاطينه خفيف فما راح يسويلها شي بس قوليلهم من البدايه يطولون على الكمام

انا خالتي ام ريلي سستر يعني تعرف حق هشغلات فلمن ولدت مرت حماي هي إلي عدلت لها الكمام و قالتلي لا تحاتين راح اضبطلج الكمام لأنه بدش معاي في الولاده مع امي

صج بسألج عادي يدشون اثنين معاي في الولاده امي و خالتي اخاف يقولون ما يصير إلا ووحده

 

[إستبرق]

اي حبوبه ادري القيصريه عادي انا اختي شهر 4ولدت قيصريه وماشاءالله عليها مافي شي وضعيفه حيل الحين وخالتي وبنت عمتي هم يولدون قيصريه وحتى عادي بس زوجه اخوج ماتعترف وماراح تسوي يمكن الى اذا زوجها حن عليها الله يوفقها

والله يكون بعونا يارب وانا انشاءالله راح اقولج شنو جهزت واحط لج صور منه بس بكمل اول شي الغراض باقيلي جم شغله وانا غير عنج لان انا ولادتي انشاءالله بالشتى فقالوا لي لازم دبل عن الي ولادتها بالصيف يعني اذا تاخذين التبانات 6 انا اخذ 12


وبخصوص الكمام اي امبلا اختي كله تولد بالسلام تقول والله ما احس بولااااااااا شي بس اخر ولاده تقول اول شي ما احس كلش نايمه بس بعدين مقعدتها نجمه قايله لها لازم تقولمين لان البيبيه ماشاءالله عليها كان وزنها 5 كيلوات فقالت عشان مانسوي لج قيصريه ساعدينا
وبخصوص الي يدخلون معاج انا الي اعرفه ان قبل مايدخلون الى زوجج الحين شنو النظام ما ادري انا زوجي يدخل معاي انشاءالله بس وقت الولاده الجد يطلع استحي يظل معاي خخخخخخخ والله يسهل علينا يارب عاد انا امس ناسيه انه يوم خميس ورحت للمستشفى ورى الفطور ولا الخميس دوام بس الصبح انشاءالله بروح يوم الاحد

تعالي انتي انشاءالله اذا ولد ولا بنت ماحددتي شنو تسمينه انشاءالله

 

[بنات حواء2]

حبيبتي بعد عمري ما تقصرين و منكم نستفيد انا بعد سامعه نفس الحجي اغراضج لازم تصير دبل انا ولادتي راح تكون آخر ثلاثه يعني آخر الشتى يعني الجو راح يكون اوكي لا بارد و لاحار زوين

و بنسبه على إلي يدخلون معاي بسأل دكتوري بتأكد منه

و ترى حتى انا ريلي ما راح اخلي يدخل معاي وقت الصجيه

و بنسبه للاسامي بسمي بنتي جوان عاجبني هلاسم خاصتن و انه قريب يم اسمي و اسمي جنان
واذا صبي بسمي حسن لأنه مافي بعايلتنه هذا السم

و انتي شرايج بهلاسامي ؟ قولي الصج حلوين و لا لأ و اذا تعرفين معنى اسم جوان قوليلي لأنه له وايد معاني بس إلي عرفته انه اسم تركي و فارسي و معناته البنت الحلوه وايد

و انتي شنو نتسمين الاموره انشاله ؟

 

[إستبرق]

اي حبوبه انتي انشاءالله مع اختي يكون الجو حلو لا صيف ولا شتى احسن لج وللبيبي بعد


اي حبوبه سالي دكتورج احسن لج عشان تقررين منو يدخل معاج اذا بس وحده انا امي مستحيل تدخل حنا طالعين على امي مانستحمل امي تلقينها برى وقاعده تحاتي يمكن وبعدين تكسر خاطري ما احب ادخلها خخخخخخخخ

وجوان والله حلو بس انا ما اعرف شنو المعنى عندنا ابوي يطلع معاني الاسماء بس اشوفه اساله لج تامرين امر وانشاءالله يعرفه

وعاشت الاسامي حبوبه
وحسن حتى حلو والله يالله انشاءالله تشوفين حسن ولا جوان بكل خير

انا انشاءالله بسمي بنتي أستبرق على اسم النك نيم ابوي قالي عليه وعجبني حسيت انه نادر مافي منه ومعناه الحرير موجود بالقرآن
وكنت حاطه اذا صبي بسميه يعقوب احب هالاسم

والله كريم

 

[بنات حواء2]

مشكوره حبيبت يما قصرتي تسلم عيونج

و الله العظيم كنت بقولج ليش ما تسمين استبرق على النيك نيم ترى حلو بس سبقتيني سبحان الله قلبي على قلبج شفتي اشلون
و اسم يعقوب وايد حلو اختي كانت بتسمي يعقوب بس طلع إلي فيها بنيه سمتها حور

ياربي الاسامي الحين صارت وايد و الواحد يحتار ما يدري شسمي

و بيني و بينج التفنتق كله بأسامي البنت و لا الشباب اسامي محدوده

تعالي صج نسيت اقولج انتي على شنو تنسيتي تصدقين انا اتنسى على بنك خليت كل شي و تنسيت على بنك
و بعض المرات اشتهي جبده مشويه و سمك بس فليه مشوي

يقولون إلي تشتهي سمج فيها ولد


نسيت اقولج هسالفه ذاك اليوم فصلت على ريلي قلتله ودني على البحر و خناخذ بساطنه و اخذلي جبده و نشويها هناك وداني و مشيت على تراب البحر بعدين حاشني عوار ضهر مو طبيعي بليل بس تقلب من العوار و الله حرمت اروح البحر لو شنو يصير

 

[إستبرق]

العفو حبوبه ولو تستاهلين الخير
اي اي قلوبنا عند بعض ومن ذوقج حبوبه عاد بنت خالتي صارلها جم اسبوع والده سمت بنتها حور حلو الاسم واي والله البنات اساميهم كل مالها تصير فناتق بس الصبيان لا معروفه اساميهم الحين ابوي قايل لاخوي اذا زوجتك فيها ولد سمه بكر خخخخخخخ يحليله ابوي والله كل دقيقه يطلع اسم لانه يقرى كتب واااااااااااااااااااااااااااااااااايد بدرجه مو طبيعيه بيومين يخلص كتاب فكل مايمر عليه اسم يقولنا سموه انا اول شي قالي سميها سمى وبعدين قالي سمو وبعدين صبا وغير الاسامي الي كل دقيقه يقولي منهم وغريبين حدهم بس عجبني وايد استبرق يالله يارب تطلع حلوه عاد ومافيها الى الخير
وبعدين حبوبه ترى انا الدكتور اول ماحملت قالي وخري عن الجبده للحامل مو زين جبده عطاني قائمه ممنوعات وبعد البسطرمه والميونيز فسألي دكتورج
وبخصوص الظهر واي انا هالايام وايد قاب علي من ظهري لي ريولي والله اليوم قعدت انا وزوجي بجلز الي بسوق شرق وتقدرين تقولي على راحتنا يعني كلينا وبعدين قعدنا وحلينا وجذي يوم ييت بقوم ولا ماكو متيبسه على الكرسي خخخخخخخخ زوجي مسكني الا قدرت اقوم خخخخخ حسيت اني عيوز يربي
عاد اليوم رحت السلام واي شنو زحمه تخيلي الارقام توها مو مقصوصه وزحمه واخوي وزوجه كانوا هناك واصلين قبلنا اشوه قصولي رقم تخيلي يبدى قص الارقام على الساعه 8 انا هناك مع زوجي 8و10 ولا مالج مكان عاد قالي الحمدلله البنوته بخير الله يتمم عليها يارب وقالي من 1-12 ابدى انطر ولادتي قالي حدج لي 15-12 هني نولدج اذا ماولدتي عاد يربي انا وزوجي قاعدين نحاتي زوجي سجلوه بدوره خارجيه واحتمال فابو ظبي كانت على اساس يمكن شهر 11 قلت انا يمكن اقدر اروح هي بس 3 او 4 ايام على ما اعتقد اليوم دق مسؤل زوجي قاله لا خلاص الدوره شهر 12 وماندري اي يوم مابين للحين وحرام الدوره تروح جذي لان زوجي حتى مرشحينه انشاءالله يصير رئيس قسم وهالدوره صارت عليها سوالف وبعدين اهم شي يعطونه المبلغ الفلاني خخخخخخخخخخ طبعا ما اطوف مبالغ عاد الحين اقوله اخاف انت تسافر مني انا بولد مني وهو حتى خايف قال بسأل بشوف يمكن احد يعرف متى وهو مو متعود يسافر بروحه كللللللللللللش اقوله اوكي انا اكون عند اهلي بس استحي كل مايالي طلق اقول لابوي ولا اخوي الحين حدي متازمه الله كريم يارب
وصج الدكتور اليوم قلت له ان دكتوره الرجيم زفتني وماعطتني رجيم وانا ما ابي امتن بعد لاني الحين تقريبا زايده بو 10 كيلوات من حملت فقالي على اشياء قلت اقولها لج قالي اذا مشيتي عليها راح تضعفين وبصحه وماراح تزيدين شوفي حبوبه قالي

ممنوع ------) الزيوت والمقالي يعني اي شي فيه زيت
الالبان والاجبان ------) قليله الدسم
أزيد بكميات ---------------) الفواكه والخضروات
زياده جدا------------------) السوائل ومنها طبعا الشوربه قالي 3 لتر يوميا لان السوائل اول شي زينه للامساك الي يصير مع الحامل وبعدين تسد الشهيه
اقلال من ------------------) الارز والمعكرونه والخبز والبطاطس
قلت اقولج لانج انتي بعد باول الاشهر فاحسن لج انتضمي من الحين عشان ماتمتنين وايد وقالي السكريات ما امنعج منها لانها زينه للياهل ولوزن الياهل
وقالي عادي امشي مشي خفيف نص ساعه يوميا يقول هذا عادي بس الي استغربت منه ان قالي بس تدخلين الثامن سيده تقليل الحركات يعني مشي خفيف اي ومو تريحين بالسرير لا بس الدرج لاتصعدين وتنزلين وايد لا تبذلين مجهود استغربت انها مثل تعليمات الي اول الشهر قالي لي تدخلين التاسع عاد اقولج تمشين ساعه ويمكن اكثر يوميا
اليوم قرقت عليج وايد خخخخخخخخخخخخ
صج بسالج يربي اشتريت دراعه استقبال ويبيلها جنطه ذهبي فااااااااااتح والسوق لوعه الجنط الذهبيه تلقينهم مثل جيس الزباله تكرمين اليوم حتى رحت فيرونا بشرق مع سامبا وكل ذهبي الخايس ماشفتي بمكان جنطه ذهبي فاتح وحلوه ياليت اذا شايفه تقولين لي وين ؟
ويالله ادري تعبتي وانتي تقرين

 

[بنات حواء2]

هلا حبيبتي استبرق الله يخليلكم ابوكم و الله ترى يونس انا احب الناس الي يتثقفون و يقرون كتب انا احب اقرى كتب وايد
و لا تحاتين انشاله تطلع بنتج قمر و اول ما يصير عمره 12 سنه تزوجينها و ايي عرسها و اقولها طلعتي روحنه على ما طلعتي

و مشكوره ما قصرتي حبيبتي على التنبيه ترى خوش معلومات و انتي اذا حبيتي تستفسرين عن اي شي قوليلي انا موعدي عقب العيد

و ترى طبيعي الحين ضهرج يعورج لأنه بطنج قاعده تثقل يله انشاله تولدين و تفتكين بسلامه انشاله

بس انتي امشي على إلي يقولجياه دكتورج يمكن لأنه دكتورج يخاف يصير ولاده مبكره عشان جذي قالج لاتمشين بسرعه او وايد و اتأكدي منه نشفوا ريجه انا وريلي شنوسوي في الدكتور ما نخلي شي ما نقوله و الله يعينه على الزحمه بس شوى معاكم ناس تعرفونهم تراجعون معاهم يضيع الوقت بالسوالف

و الصراحه دورة ريلج يت بوقت كلش مو شي مايصير يكلم مسؤوله شي مني مناك امبي صعبه مسكين ناطر 9 اشهر و بعدين حزت الولاده يسافر و ما يشوف بنته صج قهر و شي يعور القلب الله يعينج ترى صعبه و ادري حاسه فيج و الله لازم حبيب قلبج معاج في ولادتج و الله ادعي حتى انا بدعيلج ليل نهار انشاله يأجلونها يارب

و ترى الطلق ييج على فترات يعني قبل الطلق ييج عوار خفيف قبله بثلاث ايام فره بسيطه و يروح و بعدين يرجعلج نفس العوار بس اشويه اقوى و يروح هذي يسمونها تجاذيب بس العوار الي توب و مو قادره تتحملينه و شفتي الماي يعني ولاده و يارب الله يسهل عليج وتبشريني لا تنسيني

و بنسبه حق العيد انا بعد خذيتلي دراعه حلووه و البدله |إلي قتلج عنها

انا خذيت جناطي من ستي سنتر حلوين افتري راح تلقين شي حلو انا لقيت وايد شغلات حلوه

و صج نسيت اقولج ياربي من حملت احلم حلام غريبه و عجيبه انتي ماصار معاج جذي ؟

 

[إستبرق]

اهلين حبوبه تسلمين ياقلبي وامين يارب
وانا بعد اسال الدكتور شكثر حاصه اخر زياره وي شكثثر اشاله وامبلا هو قالي لاتتحركين وايد عشان الولاده المبكره وجذي الله كريم وصح الظهر شي طبيعي انا بدى يعورني من كنت بالرابع بس كل ماله يزيد طبعا الله كريم يارب وانشاءالله مابقالي الى القليل
وعلى دوره زوجي سكتي من امس انا وياه ساده فينا الدنيا وربي طلعت دورته 9-12 ويوم يا البيت دق على المسؤول وقاله ولي يعافيك شوف لي على الاقل لو اخر شهر 12 يعني حزتها اقدر اسافر معاه انا بعد عادي قاله مسؤوله تامر انت ادخل على الموقع بالنت وشوف دورات المحاسبين شنو في وقت يناسبك وقولي يوم دخلنا ولا الدورات للمحاسبين بس هذي مع دوره للمغرب والمغرب يودون المسؤولين مايودون الموظفين الحين قاعده ادعي يارب على الاقل حتى لو يسافر يا اكون والده يا تكون ولادتي ورى ردته هو يقعد 4 اريام الله يستر يارب حدي متضايقه والله حتى هو امس طول الوقت يقولي ما استوعب اني اسافر وانتي هني وبعد هني وتبين يمكن تولدين وهو مو متعود يسافر بدوني كللللللش الحين صج معاه خوش واحد واشوه انه مطوع مو سوالف خرابيط وجذي ومحترم اعرفه عدل بس يقولي هم مهم يكون مو مثلج متعود طلعات وجذي الحين لي رحت حتى ما احب اتمشى بروحي وادعيلي عاد ان اولد وهو موجود معاي
والطلق امبلا خواتي قالوا لي ييج فترات مو كل نتفه رايحه الطبيب ترى مايسوون لج شي بس تتعنين المشكله اني احس اني مينونه ما اعرف شي خخخخخخ انا اول مابدت البنوته ترفس فيني ماعرفت ان هذي هي بعدين استوعبت

والجنطه اي امبلا سيتي سنتر وهالسوالف تحصل الوحده فيهم بس انا ودي تكون ماركه بعد عاد لقيت عند مايكل انجلو جنطه سوده ودراعتي فيها اسود شكلي بدور هالجم يوم اذا مالقيت ذهبي بروح اشتري الي بمايكل انجلو

وبخصوص الاحلام اي حده شي طبيعي امي تقول الحامل كله تحلم احلام مو حلوه خاصه اول اشهر انا والله والله صرت لما انام كل شوي زوجي مقعدني وانا ما ادري اقعد اصارخ وانا نايمه من الاحلام والكوابيس احلام صرت ما انام الى اذا زوجي فالبيت لاني اقعد ميته من الخرعه حبيبتي انتي اقري سوره الكرسي ودعاء النوم ونامي على جنبج اليمين انا احلم اذا نمت على جنبي اليسار فلاتنامين على اليسار والله يسهل عليج يارب