اهم الشغلات إلي تجهزينها حق البيبي والمستشفى خل نستفيد

[بنات حواء2]

اي عاد ديري بالج و الله يعينج و انشاله يارب تولدين قبل لايسافر ريلج و تروحين معاه يارب

و بنسبه حق الرفسه عادي هذا اول حمال خلفله علينا شعرفنه ترى حتى انا ما افهم شي و الله حتى عوار الطلق ما عرفه ما ادري شلون صاير عادي البكر دايمن ضايعه و تسأل وايد مثلنه
و بنسبه حق الاحلام و الله كل يوم حلم خايس و الله اقوم من النوم مالي خلق اروح الكليه مزاجي منعفس و طول الطريج افكر بالحلم و احاتي بس امس قريت اية الكرسي و ادعيه و نمت الحمد لله ما حلمت بشي نمت نومه مريحه
و امس لمن داومت كنت متأخره على محاضرتي و على ما انطر الاصصيل \غلا يبيلي 5 دقايق قلت يامعود صعدت دري و ابسرعه ابسرعه و دشيت و لا الدكتوره مو يايه قلت الحمدلله قعدت ييت بقوم عقب المحاضره و الله حسيت بعوار قوي مو طبيعي في رحمي جنه احد قاعد يرعص عليه و الله بقيت اموت و ما قدرت امشي شوي شوي قصب وصلت و حسيت بتعب مو طبيعي و بطريج من بعد محاضرتين و كان عندي محاضره ثالثه بس ما رحت حسيت بتعب و المحاضره الثالثه الساعه ثنتين و بعدين كلش ماني قادره امشي عاد رديت و انا بطريج انقطع الغايش بطريج و ربج التكييف يطلع هوه حار جنه جهنم و بطلت الدرايش و تخيلي على ماوصلت البيت جني طابه بحوض سباحه وطالعه ربج من الباب لي الحمام ودش بارد و سنترال شقتي ثلج يعني طقني هوه مو طبيعي ترى اضحك على اضيق الخلق و اكسر الخاطر

و بنسبه حق عوار الضهر انا في البدايه كان فيني عوار قوي جنه ضهري بينقص بنص لأني كنت ما ادري اني حامل و كنت اركض في الكليه عشان الحق على المحاضرات و كان عندي عرس و لبست اطول كعب في العالم ورقت و جندست لين قلت بس

و بعدها العوار كان فضيع مو طبيعي و حس بعوار برحمي مثل عوار الدوره انتي بكرامه و قاعده اقول حق ريلي فيني عوار قوي المفروض الدوره تنزل الحين و مو راضيه تنزل و سويت تحليل البول و انتي بكرامه بس طلع خط خفيف مابين و لاحسينه في قلت حق ريلي هذا الخط عادي مو مال الحمل و قعدت بالصاله مأيسه و ريلي يحن امشي نسوي تحليل دم و انا مو راضيه رحت و لمن شفت النتيجه ماني عارفه يعني شنو بوستيف و الله نسيت اللغه

 

[إستبرق]

الله يعين الكل حبوبه وامين يارب

من صجج فوق مو صاعده درج تركضين ابيه حده موزين ديري بالج حبوبه عاد والله اكثر شي يوصون انج ماتصعدينه وايد الدرج حتى اختي اسم الله عليج حملت وصار فيها نزيف يوم راحت للدكتوره قالت لها مايصير تصعدين درج لا واختي بيتها ثلاث ادوار وسرداب وغرفتها نظام دورين وعندها اصنصيل بس كانت تصعد الدرج من الدور الثالث لي السرداب تقول عشان اضعف ولا يصير فيها نزيف منها توبت صارت كله بالاصنصيل
ديري بالج حبوبه
والاحلام امبلا اقري سوره الكرسي ودعاء النوم وانشاءالله خير انا من صغيره متعوده كنت اقراهم والحمدلله ماكنت احلم احلام موزينه ولا ييني جاثوم ويوم تزوجت زوجي مسكين كان والله مايتهنى بنومته كل شوي جاثوم يايله عاد قلت له انت شنو ماتقرى الكرسي قال لا وبعد ينام على ظهره ونومه الي على الظهر مو زينه عاد قلت له لا اقرى الكرسي ونام على جنبك اليمين وصج منها الحمدلله ماكو جاثوم ولا شي حتى هو يقول الله يرحم ايام اول وابيه الله يعينج مو شي حر وصايمه وحامل الله يكون بعونج انا لما اطلع مع زوجي اقوله ينزل قبلي يبطل التكييف ويحرر السياره حتى يوم انا بروح بروحي كنت اقوله حرر السياره وبطل لي المكيف وانا انزل بعدين خخخخخخخخخخخ ما استحمل الحر كلش

عاد تدرين بخصوص الكعب للحيني البس كعب ما اعرف اطلع بدون كعب لو اموت خخخخخخخ حتى امي تقولي لا تلبسين كعب اقولها لا هذا مريح جنه طبي تقولي اسمه كعب وموزين للظهر اقولها ما اتخيل شكلي طالعه بشي واطي تقولي هذا وانتي طويله لو قصيره شتسوين خخخخخخخ
وانا حمالي الاول يوم نزلت قبلها ماكنت ادري اني حامل وكنت مينونه والله ابيه تخيلي لي ثالث شهر مايات لي الدوره الى رحت حللت لا وكان بطني يعورني وانا على بطني بس مارحت حللت ابيه اي شي كنت بس حمالي هذا لا بس تاخرت الدوره وراها بجم يوم حسيت اني حامل لان صارت فيني لوعه مو طبيعيه وبعدين سافرت البحرين والخبر وعلى اخر يوم كنت بالخبر صار مالي خلق ولايعه جبدي ما اقدر اكل ولا شي تخيلي حتى قبل لا اسافر كنت مشتهيه حلوى بحرينيه واشتريتها ماقدرت اكل منها لاعت جبدي وبس رديت ثاني يوم الصبح ولا زوجي يبي يروح الدوام وانا قاعده معاه قمت بروح اشرب ماي جان اطيح ما اقدر اتحرك ولاعت جبدي حيييييييييييييييييل هني زوجي سيده درى اني حامل لان حمالي الاول لما بديت اتعب صرت جذي وظل يقولي خل نروح نحلل واقوله لا انا ما احب احلل تحليل بول كله دم لي العصاري رحت حللت ولاتقول مبروك في حامل
الله يسهل علينا يارب ويفرح عيونا بشوفتهم

 

[إستبرق]

ابيه عاد والله اليوم حدي اكتابت اقول لزوجي بس متى اولد يربي خخخخخخخ
طلعت دراعتي الاستقبال ولبستها يربي احس اني خيمه لان بطني الحمدلله على كل حال بس صار شكبره والله فجاه كبر جذي وانا بطني بالعرض يعني ابين امتن بعد ابو التحطيم خخخخخخخخخخخخ فالبلايز والبنطلونات اهون من الدراعه يربي احترت الله يسهل علينا يارب

 

[احلى كويتيه]

الله يعينكم هذا الحمال وما يسوي ضريبة الامومه

 

[بنات حواء2]

هلا فيج حبيبتي احلى كويتيه و انتي الصاجه ضريبة الامومه متن و لوعه ووووووووووووووووووو الله يعين
امبي (ام استبرق) اختج شلون مسويه جذي 3 ادوار صج ظالمه حرام عليها لأ انا دور واحد بس اهون منها
و مره صعدت دورين تعقدت حلمانه انه الاصصيل قافل فيني و تعقدت و الله ما ادري ليش حاسه الاصصيل بيقفل فيني على يوم و بصارخ و ببجي و بطق جرس الانذار و لا احد يديري عني امبي خفت و الله
و على طاري الكعب شصير فيني لمن اشوف محلات الجواتي و انتي بكرامه و الله قلبي يعورني اقول حق ريلي ابي آخذ بس ما يخليني عاد انا قبل الحمال ألبس ناطحات السحاب مو كعبات و انا ترى مو وايد قصاصه يعني وسط زينه لا بأس فيني بس ما احب اطلع من غير كعب بس حق الكليه قليل ما البس جواتي رياضه انا حالفه حلف حق عقب الولاده هو شرب قهوه و جاي و الله حالفه اشرب مطارتين قهوه عربيه يوم ولادتي ( المصريين لمن يفرحون يشربون شربات و انا اشرب قهوه صج كويتيه ) عاد اول شهر كنت حامل ما كنت ادري اني حامل شربت مطاره و نص قهوه عربيه و طبعن القهوه محرمه علي ريلي اول يوم درى اني حامل و لأني مدمنة جاي و قهوه دش الشقه و غل قهوتي و الجاي كله بالزباله و فوقهم الجهاز إلي يسوي القهوه و يخلطها واي قلبي عورني و اشرب جميع انواع القهوه القهوه التركيه و الفرنسيه و اشتريها من بن العبيد و مطحنه نسيت اسمها بس اتفنتف فيها و اشرب النسكفي 3 في 1 هذا ضروري في اليوم 3 اكواب غير إلي في الدوام و الجاي اشرب تقريبن كوبين او كوب غير الاستكانات بيت خالتي و بيتنه و الزوارات و اشتري قهوه امريكيه من ستاربكس همن حلوه جيسها اخضر مرسوم عليه شيره يميميمميميميميمييمميميم و طبعن القهوه العربيه بلسبوع مرتين او ثلاث و اشربه بكوب جاي مو فنيال تحسين كل شي ضار احبه و اموت فيه
الله يرحم ايام القهوه
و بنسبه حق الحر انا من حملت كله حرانه بس من دشيت الرابع كله برد برد بعدين قلت حق ريلي يقصر على السنترال يامعود مت من البرد و الله الصبح اقوم ابدل بسرعه بسرعه و اركض اطلع من الشقه ما اصدق يطقني الهوه الدافي بره

و بنسبه للملابس انا ملاحظه البنطرون يخش الكرشه و في محل بالسالميه يبيع قطع حلوه مالوت حوامل همن يخشون الكرشه خذيت منهم 2 نقشات مختلفه يكدون حق الكليه

و دراعتي حلوه موديلها مو ديل البشت بس وايد ناعمه و حلوه و فيها شوارفسكي خيتها من مره ب 70 دك بس روعه تحتها فستان وردي غامج في قصت حوامل و على الصدر منثور شوارفسكي ناعم و صغير و فوقه البشت لونه اخضر فسفوري و علي نقشات وردي فيهم شوارفسكي و من جدام البشت كله شك وايد حلوه هذي اول سنه حق العيد حق اليمعه بلبس دراعه و حق الطلعه بلبس بدله بس البدله مطلعه كرشتي وايد امبي كل ما البسها و طالع نفسي في المنظره تييني البجيه

ام استبرق ترى انا غيرت نكج إلا ربع بتيبين خدامه ؟ و متى بتيبين و من وين ؟

 

[إستبرق]

احلى كويتيه حبيبه قلبي الله يعين الجميع واي والله صادقه ضريبه قويه الله يسهل علينا يارب



ابيه عالم حواء حسيت اني عيوزه يوم قلتي ام استبرق خخخخخخخخخ
صدقتي والله اختي حدها كانت فاضيه وبخصوص الاصنصيل امبلا هي قفل الاصنصيل على بناتها ثنتين صغار وحده بو 9 سنين ووحده بو 6 سنين وصارت لويه ويو المطافي بطلوه لهم خخخخخخخخ واي انا عندي الاصنصيل رعب بس شنسوي يربي لا خاصه في اصنصيل بالفروانيه لما نروح مطعم قيصر لازم نصعده ابيه ابيه بو الرعب والله هذيج المره اقول لزوجي ابيه راح يطيح وزوجي يقولي انتي للتخرع جاهزه

والكعب لا انا من قبل البس كعب بس مو الطوييييييييييييل وايد لا نص ونص لان اذا لبست الطويل وايد احس اني اصير عملاقه بس صج تكرمين الجواتي صايره تهبل عمه بعينه اليوم بشو بكس يهبلوووووووووووون زوغه وربي بس ما اقدر البسهم الحين لاني اخذ الي نص ونص مو كعب حيل متحلفه فيهم ورى الولاده انشاءالله بس خذيت لي صندلين من البرنس صج حلوين واحد ذهبي وواحد اسود والكعب مو وايد طويل ويكون فيهم مثل الشريطه تنلف على الريل بس والله السوق يغث ويرفع الضغط من الزحمه حسيت راسي بينبط
وبخصوص القهوه والجاي لا انا عكسج تماما ما اواطن القهوه والجاي احبه مع الريوق لما اجبان وجذي ساعات اشرب جاي بس قهوه نو وي حتى فالعزايم ولما ازور ناس اتفشل حدي لان يقدمون قهوه وجاي وانا ما اشرب اهلنا يعرفون ان مانشرب ييبون لنا عصير بس هذيج المره رحت عند رفيجتي والخايسه تدري اني ما احب القهوه ولزقت لي ترديني مها والله ازعل قلت لها بليز عن الاحراج ابيه حرام عليج خخخخخخخ حسيت اني توهقت حدي حتى الكوفيات لما اروح ما اطلب شي فيه قهوه الفربتشينو بستار بوكس اطلبه فانيلا وكراميل ما اخليه يحط كوفي وترى احسن لج بالحمال ماتشربينهم لان الي ماتشرب المنبهات الكمام يصير عندها اقوى وبسرعه تتخدر انا يوم التنظيفات تخيلي طقوني ابره بغرفتي قبل لاينزلوني غرفه العمليات والابره خفيفه حيييييل يعني البنج القوي يكون تحت وربي مامداهم يطلعوني من الغرفه الى انا متخدره ما ادري عن شي يوم نزلوني غرفه العمليات ابيه طفتج فلم كومدي خخخخخخخخخخخ والله وربي انهم تيمعوا علي يضحكون مو فوقي ليتات العمليات انا اشوفهم واتخيل ان فكل ليت في ناس ومثل المسلسل واضحك بروحي جني سكرانه خخخخخخخخخخ ويوني الممرضين والسسترات ويقولون لي شنو في وانا اضحك ابيه حدي رحت فيها خخخخخخخخ

وبخصوص الحر انا نكته ابيه ابطل التكييف لاني اكون حرانه دقيقه احس ان الدنيا ثلج اقولهم سكروا التكييف اللعب حتى بالسياره مع زوجي دقيقه ازود ودقيقه انقص ماكو شغل حده

وقصدج محل الي بسوق السالميه الاحمر الي فيه سيتي سنتر اذا هو هذا انا اقزرها عليه كل ما اروح سوق السالميه لازم امره حتى اليوم مريته الله لايوريج الزحمه داخله ابيه انحشت مالي خلق بس اذا هو صح خذيت من فتره منه بلايز واااااااااايد كان منزل شغلات حلوه
لا وبالطلعه انا صارلي تقريبا بو سنه وشي لبست عبايه قبل كنت تايورات وجذي وطبعا لويه تعالي دوري تايورات تصير للمحجبات وجذي بس زوجي صارله سنه وشي التزم صار مطوع فلبست عبايه يعني كاحترام وتقدير له خخخخخخخخ ابيه حده فيني شهامه خخخخخخخخخخخخخخخخخخخ
فللطلعه مو لويه مثل قبل ابيه ما اتخيل شكلي فبطني هذا وطالعه بتايور احسن اني بطريق
ودراعتج من وين منو هذي المره مبين حلو موديلها لو ادري جان رحت لها قبل لا اشتري حدي مكتابه من الدراعه حتى اليوم رحت ادور قلت بشتري وحده غيرها بس السوق لوعه حده
وبخصوص الكرشه خخخخخخخخخخ توج ماشفتي شي اليوم زوجي راح يبي ياخذ شور وانا واقفه جدام المنظره احط مكياج لاني بطلع ولابسه روب السبح توني ماخذه شور ولا الف واطالع بطني و منصدمه حدي قلت ابيه كل يوم تكبر بالتاسع شنو بتصير ياي متى اولد واضعف انشاءالله
وبخصوص الخدامه اي اليوم زوجي عطه اخوه الاوراق يسوي لها فيزا طلبت فلبينيه مو مشتغله كلش توها اول مره قلت احسن ماتييني عارفه بلاوي ولا شي اعلمها على كيفي وعندنا هني فلبينيه اخت زوجي الصغيره هي سستر لاخته وخدامه بنفس الوقت لها وتهبل ماشاءالله عليها محترمه وخدومه قلت زين اخليها تعلمها طبعها على الاقل والله يستر والله مالي خلق مصايب الخدامات عاد انا وين وهم وين يربي مالي خلق تييني وحده مو شي يالله يارب تكون زينه وانتي طلبتي ولا تبين تطلبين ؟

 

[بنات حواء2]

لا انتي بعدج صغيره بس هذا اسمج بعد شهر و اشوي انشاله تعودي عليه صج نسيت اسالج انتي جم عمرج ؟

و بنسبه للكعب يا حظج و الله ريلج يرضى انا ريلي يطلع روحي حاكم علي حكم فرعون علكعبات شنو ودي ألبس بس ما يحصلي و لا ربع كعب زين يخليني اطلع لابسه نعال و انتي بكرامه زين ما يطلعني حافيه

و ياحظج و الله ما تحبين القهوه و لا الجاي انا مدمنه اناالحين اشرب استكانه وحده في اليوم جاي و القهوه محرمه علي و انشاله قبل ولادتي بشهر بقطع الجاي اخاف ما يأثر معاي البنج مثل ما قلتي لأني سامعه من دكتور مره المعلومه هذي

و بنسبه حق المره إلي خذيت منها الدراعه وحده تبيع بضاعه وايد حلوه روعه اذا تبين اصورلج دراعتي و احطلجياها و اذا عجبتج احجزلج عاد انشاله ما خلصو انا خذيتها منها قبل العيد بشهر و خشيتها حق العيد ما لبستها بس روعه و بعدين شكلها مالت حوامل لأنه القطعه إلي تحت صايره نفس قصت الحوامل

و المحل إلي قتلج عنه يصير مجمع في آخر السالميه القديمه لقيت عنده قطع جلوه مجمع قديم ز الله داخله محلات يبيعون ملافع حلوه على دينار و على نص و الله انا انصدمت اول ما دشيت قلت مو معقوله المم خذيتلي ملفع وايد حلو قلت مع الدراعه و قبل اسبوع دشيت نوران شفته يبيعه ب 10 دنانير و انا ما خذته بدينار تدرين شنو قمت اضحك جان اطلع و قلت حق ريلي يا معود كل شي طلع بوطقه

و بنسبه للعبايه احسنلج و اسرعلج ا بنفس الوقت انا و الله قليل ما البس عبايه اصلن ما عندي إلا عبايه وحده انا االبس بنطرونات حق الكليه لأنها عمليه اكثر و البس العبايه قليل و البس بدلات على طول اذا بطلع اوشي و اذا بدش بيت اهل ريلي البس دراريع آخذهم من الرمه عندها دراريعع على ثلاثين على عشرين أخذ و ألبس و الله حتىاهل ريلي ايمن يقولون عني كشخه و لبيسه حتى لمن حملت اتلبس و احط مكياج عكس مرت حماي لمن حملت ما كانت تتكشخ و لا تتلبس فقاموا يقولون عنها صارت جنه عيوزه بس انا دايمن يمدحوني و يمدحون ذوقي في اللبس و بالالوان و كل ما البس شي يسألوني من وين ماخذته من وين شريتيه و الله انا استانس لمن يمدحوني حتى ريلي على طول ابخره و ارشرشه بعطور دهن العود و البخور عشان لي شموه يقولون صج وراه مره  مهتمه فيه و اذا تبين ادليج على عطور و بخور حلو قوليلي ترى انا آخذهم من الشايع اذا تبين قوليلي خلأقولج اساميهم على طاري العبي ذاك اليوم شفت وحده بالكليه لابسه عبايه موديلها وايد حلو و الله روعه بسوي نفسها بس ما تنفع حقنه و عليه علينه

و بنسبه حق الخدامه انا بعدي ما طلبت بس بطلب عقب ولادتي لأنه شقتي صغيره و انا انظفها اول بأول يعني ما اتعب فيها و ريلي دايمن يساعدني و ما يقصر معاي اذا يبتها بعطيها معاش على الفاضي بس باجر لي يبت الياهل طبعن ضروريه الخدامه عشان لي رحت الدوام آخذها مع البيبي و احطها عند امي او خالتي اخاف انها تسوي في شي خو الخدم صايرين يخرعون و الله كثر ما اسمع من قصص تعقدت و الله بذات الاندونيسيات مجرمين و الل حتى الفلبينيات مجرمين و الله ينخاف منهم حتى لو بطلب ما ادري شنو اطلب امي تقولي طلبي اثيوبيا و المشكله النيباليات زينين بس ما في مسلمين و مايصير اييب وحده مو مسلمه تنيسنه و الله محتاره بس انشاله بتوكل على الله في اختياري و يصير خير بعدين بس بطلبه قبل ولادتي على ما ييبونها بروحها المكاتب تماطل يقولولج تيي بعد 20 يوم تييج بعد سنه

انتي شكثر قالولج تيي ؟ وشكثر الدفعه الاولى مالتها ؟ اعتقد 300 ولا غلطانه و الله صاير لمن بتيبين خدامه جنج بتشترين شبكه و المشكله انه الخدم على الحظ يا يصيب يا يخيب و ماتدرين حظج وين و الله انا صايره اخاف قلبي يعورني لمن اسمع الخدم شسوون باليهال و اله سوالف تشيب الراس ياربي اشلون يقدرون يسوون جذي في البيبي اشلون قلبهم يطاوعهم شنو ذوله ما عندهم رحمه عاد انا يوم كنت صغيره امي كانت يايبه خدامه ما ادري ياهنديه يا سيلانيه كانت تقرصني حيل بس كان عمري 9 اشهر او اقل امي شافت البقع بجسمي و ما ادري شسوت فيها بس اتوقع طقتها الصراحه انا لو اشوف الخدامه مسويه في ضناي جذي و الله اذبحها مو بس اطقها عاد انا طيبه طيبه و زينه بس لا اتنرفز عليهم اقلب 300 درجه و الله اصير شي ثاني عاد انا طبعي من زمان من بيت اهلي مالي شغل في الخدم حتى امي دايمن تقولي زفيهم عشان يخافون منج يسوون شغلج عدل بس انا ما اقدر يعورون قلبي و ما احب ازفهم حتى لو غلطوا بس لمن يوصل العداد و يصير احمر ينصدمن مني حتى اهلي ينصدمون يقولون كل هذا وين مخشوش

انا قرقيه صح اذا تعبتي اقري نص و باجر النص الثاني 

 

[إستبرق]

اهلين حبوبه انا انشاءالله 2-11 راح اصير ادخل بال24 اليوم عاد انا وزوجي نتناقش وهو يقولي ربيتج على ايدي خخخخخخخخخخ وانا اقوله وانا بعد ربيتك وكبرتك خخخخخخخ لان لما ملجت كنت بو 17 وشي يوم تزوجت كنت بو 18 وشي وهو كان بو 20 وشي والله كبرنا

وبخصوص القهوه ولاجاي اي والله الحمدلله ما احبهم اشوف الي يشربهم يدمن عليهم حده مع انها مضره حتى زوجي الجاي مايحبه والقهوه عادي عنده


وبخصوص الشيلات وي من زمان صدت لونار انهم نصابين من بطل سوق السالميه الاحمر كنت ماخذه شيله منهم ب16 ولا اختي لابسه نفسها لون ثاني لما سالتها قالت من السالميه ب2 ونص انا انصدمت ومنها عرفتهم بس شيلات ملونه من لبست عبايه صرت معاهم مو وايد اشتري لان العبايه احب معاها شيله نفسها وباليمعات طبعا كله بدون شيله
بس شهر 1 كنت بسافر تايلند عاد رحت سوق السالميه بشتري شيلات ملونه عشان التايورات يوم اسافر وصج اشتريت بو 5 شيلات مناك من محل واحد يوم لبستهم ولا كلهم مشققين من الاطراف شوي قلت يالله تقزوره ومايبين بس يوم رحت رحله لجزيره هناك ومن الصبح لي الساعه 4 واغلبها باليخت وهوى قوي والشيله تطير والله انها صارت شيله طراره خخخخخخخخخخ تشققت كلهاااااااااااااااااااااااا الاطراف كلها تشققت لاعت جبدي طول الرحله ادعي عليهم عاد رحت هناك مجمع بتايلند وحاطين شيلات خذيت منهم يهبلوووووووووووووون والله شي مو طبيعي خامتهم حلوه وايد وقزرتها عليهم هناك

وبخصوص الدراعه ياليت تحطين صورتها يمكن اذا في اخذ منها مع اني فولت الحين ملابس خخخخخخخ مو اروح ادور جنطه اشتري بعد ملابس والله السوق توه هالايام الى نزلوا شغلات حلوه رحت اول امس المهلب بطلع بلوزتي ولا المحل منزل ملابس حلووووه جان اخذ لي جم شغله رحت امس سوق السالميه ولا منزلين بلايز حلوه جان اخذ لي جم وحده اليوم رحت الافنيوز ولا هم ملابس حلوه جان اخذ جم وحده عاد واي اليوم بغيت اروح فيها بالافنيوز رحت وانا ما اتفطر عدل عرفتي ماكله 4 سمبوسات مع دايت بيبسي بس ونسيت اني مو ماكله ماحسيت اني يوعانه والسوق كبير والاضائه وانا قاعده افتر اخر شي والله زوجي ماسكني غصب وميت من الخرعه خلاص رحت فيها بطيح ولازوجي يقول امشي فرايديز الي هناك وقعدت بس كليت جان اصحصح خخخخخخخخخخخخ


والعبايه وربي ذكرتيني بنفسي كانت ماعندي ولا نتفه عبايه نتفه منها ماعندي خخخخخخخخخخخ عندي بس عبايه وحده مالت حفلات واعراس اذا لبست نفنوف حفله وماعليه شي البسه ولا اذا رايحه بدراعه استقبال خو فشله طالعه بدراعه خخخخخخخخخ البس العبايه بس عبايه عاديه ماعندي عاد شوفي الموقف الي صار طاحت عمتي ام زوجي الله يرحمها بالمستشفى بعيد الشر عنج فيها جلطه بالمخ والكل طبعا معفوس وبجي وزوجي نفسيته تعبانه لانها ثاني جلطه لها عاد الحين الكل بالمستشفى يوم ييت بروح فشله اروح بتايور وضليت افتر ادور عبايه ماعندي وفشله اروح بعبايه حفلات
جان اقول وي خل البس بلوزه وبنطلون لونهم بيج عندي قلت شسوي والله الكل لما شايفني بالمستشفى لابسه جذي مو من اهلنا حيل كلهم يقولون شفيها عمتها غيبوبه وزوجها زعلان وهي لابسه جذي وراها بجم يوم عطتج عمرها والحين عزاا ابيه ماعندي عبايه شسوي دقيت على امي اقولها ما اقدر انزل توهقت يحليلها امي وبسرعه تييب لي عبايه وتيي وترقع الموقف بعدين ماتبت هم مافصلت ووراها هم حرب العراق وزوجي خاف علي قال نروح السعوديه لي تهدى الاوضاع قلت اصلن ماعندي عبايه وصج مارحت لان السعوديه لازم عبايه وانا ماعندي خخخخخخخخخخخ
وحتى مافصلت عبايه لي زوجي التزم الى رحت افصل خخخخخخخخخخخخخخخخخخ وبخصوص الكشخه اي والله في حريم اي شي احس يعجزون عمرهم حده انا وخواتي اقولج الصج وربي نمووووووت باللبس والمكياج يعني ما اعتقد اني اروح مكان ويمعه ولا فالبيت ومو لابسه ولا كاشخه وخواتي حتى وخوالي حتى كل الحلو فيكم على طول كاشخين خاصه يقارنون لان عندنا بنات خالتي ثنتين وحده اكبر مني باشهر والثانيه اصغر مني بسنه من تزوجوا بدوا يمتنون ومايهتمون بعدين يوم حملوا بعد كلللللللللش ويوم ولدوا خلاص بعد ماكو اهتام تخيلي نروح يمعه ولا هم لابسين اي شي ورافعين شعرهم وماكو مكياج انا لو اموت ما اصير جذي حتى اختهم الاصغر منهم مع اختي حيل يوم تشوفني تقول لاختي مها شكلها حلو يوم حملت وعلى طول كاشخه حتى وهي حامل اقول لاختي شكلها المسكينه تعقدت من خواتها خخخخخخخخخ واصلن استغرب من الي يقولون وي منو لها خلق حامل وتلبس وتحط مكياج بالعكس لانج تزهقين لازم تكشخين خخخخخخخ ترفعين معنوياتج


وبخصو الخدامه انا مثلج شقتي صغيره وايد ومايبت خدامه اول اشهر لاني انا وزوجي ننظف ونسوي فعادي وجودها مايفرق وحتى زوجي مو اكيل يعني مو كله المطبخ لويه لا عادي وين ووين الى ياكل وكله خفايفي وانا نفس طقته او كله طالعين وطبعا الطلعه ماتحلى بدون مطعم بس الحين طلبتها لاني ابيها قبل لاتولد عندي عشان اشوفها زينه ولا لا وبعدين عشان تتعود قبل لايكون في ياهل والكل يقول ان اذا الخدامه موجوده من اول ماينولد الياهل تصير تحن عليه عشان جذي طلبتها الحين ابيها تهتم على الاقل فيه وانا مثلج ميته من الخرعه من سوالف بس شنسوي انا قلت ما اييب فلبينيه بس يربي النيباليات يلعون الجبد بس صيااااااااااعه يموتون على الرياييل والاندنسييات نفس الشي وبعد ابلى سوالف سحر والله خالتي مرتين صاده خدامات يبون يسحرونها والهنديه طبعا نو ويييييييي ابو القذراه والحقاره والسيلانيات جذابين خخخخخخخخخخخخخ وشكلهم الحمدلله ياربي وسخ عاد اختي عندها ثلاث فلبينايت والله يهبلون مع عيالها وانا طلبت وحده مو مشتغله عشان تتعلم عندي والله يسهل وترى بعدين لج كفاله 6 اشهر اذا فيها شي تقدرين تردينها وتاخذين فلوسج او تطلبين غيرها وانا والله ما ادري جم بالضبط زوجي دفع بس جنه الطلب بس ياخذون 10 دنانير ولما توصل ياخذون الباقي وجنه الفلبينيه ب380 اي على ما اعتقد جذي سعرها ومعاشها صار 50 والله كريم يارب

 

[إستبرق]

لا وزين احنا نعرف صاحب المكتب هو هندي ما ادري شنو بس يعرفنا عدل يعرف العائله الكريمه كلها خخخخخخخخخ فييب لنا بسرعه قال هو 45 يوم بس هي قبلها انشاءالله توصل فبشوف عاد متى تشرف
والله ياجنان ان انتي نفسي بالضبط بس انا الحين بديت اتعلم انا كلش مو مالت زف وهاللويه حدي يكسرون خاطري واختي الاكبر مني كله تقولي والله ماتعيشين جذي

عاد صج هذيج المره حدي مت من القهر انا خدامات اهلي مثل ماقلتي مالي شغل فيهم حده والله كلش كلش ولا اعرف ازفهم مع ان هالثنتين يدد ويبون لهم قص راااااااااااس والله تطلع روحي منهم بس اسكت وكله يقولون لامي وخواتي هذي ماما مها وايد زين وطيبه مو مثل الباقي عاد انا من فتره فبيت اهلي تولتني خدامه منهم بوق فبوق والله مايمديني اقط جنطتي نتفه انساها لما ايي ولا بايقين مني باقوا من سنه سبحه ذهب ووراها استلموني ب20 و30 دينار مره بطلت بوكي ولا قاشين كل شي مو مخلين لي ولا نتفه وكل ما اقول لامي امي حتى ماتسوي شي للخدم وهي مستانسه حنا ندري منو هي بس امي ماتواجها عدل عاد هذيج المره زوجي من جم شهر ياب لي ساعه الماس ب250 دينار ورى الخصم هذا وانا حاطتها بجنطتي هي لونها ذهبي كلها حتى المينى ذهبي والذهبي الي فيه لمعه مثل الذهب عاد عطيت جنطتي لاختي قلت لها خشيها اختي ناسيه وقاطتها على السرير والله دقايق وقاعدين انا وخالاتي وامي وخواتي تحت ولا اختي تييب جنطتي قالت لقيتها على السرير مو خاشينها عاد كان فيها ذهب ومبلغ من الفلوس والساعه بس الساعه مقطوطه اول شي الذهب فالجيوب بطلت ادور الساعه ماكوووووووووووو وانا كنت قبلها بنتفه شايفتها داخل امي واختي راحوا فوق للخدامه قالوا لها ساعه مها ضايعه دوريها مو هي البواقه افضحت نفسها جان تصارخ انا ماياخذ شي زين منو قال انج خذيتي وتصارخ وبس امي واختي داخلين الغرفه هي سيده نزلت تحت وبايديها جيس امي سيده نزلت قالت وينها قلت راحت مني ولا تقول مالت عليها عيل الحين الساعه خشتها اكيد لاني نحاشت يوم دخلنا الغرفه والخايسه بطت جبدي لانها قايله لامي مها يجذب يقول مره 5 مره 10 مره 20 الحين ساعه مها يجذب انا ارتفع ضغطي من كلمتها هذي قلت الخايسه اجذب ليش فوق ما انها تبوق فوق هالسالفه اختي قالت لي لانج ماتزفينها كلش تبوق منج وانتي ساكته اشوف حنا ماتبوق منا لانها تخاف روحي زفيها انتي وامي قالت لي روحي انا رحت لها ولا تقب بويهي هني طلعت شخصيتي الثانيه خخخخخخخخخخخخخخخ والله من كثر ما انقهرت بغيت اعطيها سطاااااااار على ويها وهي يوم شافتني اصارخ وعصبت انصدمت قلت قطيعه مايمشي معاهم الى جذي تخيلي وتزعل وتروح فوق امي قالت بس ماتقعد عندي هذي ثانيه يوم الصبح امي تخانقت معاها وطردتها من البيت عاد هذيج المره راده لامي تبجي تقول بشتغل بس 6 اشهر واسافر وتبجي عند ابوي طاردينها من البيت واي حدي انقهرت منها صج المشكله الساعه هذي امووووووووووت عليها وتوها جم شهر عندي مامليت منها يوم قلت لزوجي انها نباقت قالي يبا فدوه اقوله لا احبها قالي يبا فدوه اييب لج غيرها وصج ثاني يوم ياب لي غيرها وهذيج المره من المهلب هم شريت وحده بس للحينها هذيج بقلبي الله لايوفقها انشاءالله الخايسه

وبخصوص القرقه عندنا وعندج خير خخخخخخخخخخخخخخخخخخخخ

 

[إستبرق]

صج نسيت بخصوص البخور واي انا وزوجي غرامنا البخور والله احس اني اتشبع فيه خخخخخخ خل اقولج طريقتي شلون ابخر الملابس والله لي سويتيها تمشي والخور وراج وربي ان الكل يسألني شنو بخورج شنو خلطاتج مع اني كل مره اغير البخور حتى اخواني يقولون انتي جم نوع تحطين بالمره الوحده خخخخخخخخخخخخ وزوجي كله يقولون له انت شنو بخورك شلون تبخر حتى مره بيمعه فبيت اخوي وقاط غترته يبي يتوظى وعنده رياييل فمو حرك غترته سا~لينه سيده شنو هذا شلون جذي ظال البخور وزوجي مستانس خخخخخخخخخخخخخخ
شوفي انا اقلب طاوله الاوتي قبل كنت اشيل الجام الي على طاوله الصاله بس الحين اقلب طاوله الاوتي وهي مبطله واحط اول شي عبايتي وهي مبطله وارش عليها مثبت البخور وارش خلطات كل الي عندي يعني 4 ولا 5 انواع وبعدين احط الملابس قطعه قطعه وارش عليها مثبت والمعطرات وبعدين احط البخور على الفحم واحطه على خشبه طاوله الاوتي تحت الملابس يعني واظل كل مايخلص بخور احط مره ثانيه يعني 4 مرات او 5 والله ان يظل لي تغسلين ملابسج
وبخصوص انواع البخور انا الله يسلمج قشيت قش بخور من تايلند يوم سافرت احلى بخور بتايلند يهبل والله خاصه في نوع اسمه الهندي وفي نوع اسمه بورمي شي خياااااااال حتى وحده بالمنتدى قريت انها تبيعه والله صج يهبل واحب بعد بخور القرشي

 

[بنات حواء2]

واي مت من القهر من خدامتكم وينها ابي اذبحها حسبي الله عليها بوق اشكره انا إلي اعرفه إلي يبوق يبوق خشاشي هاذي ما تستحي اشكره جذي و ليش ما فتشتوها قبل لا يطردونها قبل لا اتزوج يبنه خدامه ماخلت علي شي ارد من الثنويه يكون في عندي فلوس اقطهم بالحصاله مو جنان ام هباش و الله كانوا يعيبون علي اقولهم شسوي فيهم اخشهم حق يوم الضيق و يعني يمعتلي مبلق حلو المهم ذاك اليوم بطلت الحصاله و لا مافيها إلا دنارين يعني كاسره خاطرها خشتلي دينارين اهني صرت وحش صرت شي يخرع رحتلها بغرفتها و ما تسمعين إلا تلعلع و امي اسمعت صوتي اصعدت فوق تقولي شفيج و قتلها السالفه المهم امي قالت ليش اخليها تخش لفلوس مني و لا مني بالبيت بعدين ما ندري وين خاشتهم قالت لها تعللي و صكرت الباب و قالت لها فصخي ملابسج جنها حاسه انها خاشه لفلوس بجسمها جان تقول حق امي حرام قالتلها امي حرام يعني مو حران تبوقين و انا طلعت جنطته و اغراضها كلهم و اشوف مكياجي و مكياج اختي و علب عصير و ككاو و بطاط و قواطي سفن و انتي بكرامه لو اقولج شنو شفت بطقين على راسج شفت و انتي بكرامه كوتكسه مكتوب عليها كلام يخرع بدم و الله ان لاعت جبدي من الريحه رجعت بجنطته حسبي الله عليها و على الوصخ و انتي بكرامه شفت صراويل كلهم دم امي تقولها انتي مسلمه انتي انتي يهوديه المهم لمن فصخت شافت امي سحر حاطته بستيانها و افلوسي حبايبي خاشتهم بستيانها و طبعن طلعت سوار امي ذهب و كحلي ضايع شفته يعني نص اغراضنا عنده عقب ما طلعنه اغراضنا وو وصخه دقينا على المكتب يا خذاها و الله ان ليليوم ما انسى ذاك اليوم حسبي الله عليهم صج ناس وصخين كانت هنديه

الله يلوع جبدهم

و بنسبه للبخور ترى فكرتج عجيبه بجربها بس ماني قايله حق احد عشان اصير بس انا وريلي اما بنسبه للبخور انا آخذه من الشايع علبته عنابيه في بيج و آخذ سطور و حروف ترى عجيبين كل ما احط منهم يسألوني عنهم بس ما جربت بخور القرشي بس يمدحونه تصدقين بروح آخذ اليوم امبي اشوى انتي مثلي كوبي عني اشوى انلوق على بعض نفس السوالف عاد تصدقين في بنات لمن اقولهم بخور ما بخور يقولون ويع احنه ما نحب هسوالف بخور و دهن عود انا اتعجب منهم اصلن لبنيه لازم تصير سنعه عند ريلها و اهل ريلها و بعدين انا استانس من إلي تمر يمي حاطه بخور و الله ما ادري ليش او شنو العلاقه بس احس انه ريحة البخور له هيبته و بعدين ريحه مميزه عن عطور هلأيام صايره تلوع الجبد خو انا من حملت كرهت كل العطور في عطر اسمه قيرلاند رجالي و نسائي انا وريلي نحبه وذاك اليوم قبل لا ادري اني حامل رحت دبنهامز و خذيتله العطر هديه و ما خذيتله العادي خذيتله لمركز إلي على بعد 70 متر ينشم و بعدين عقب حمالي اقول حق ريلي اشم فيك ريحة زواع و انتي بكرامه يقولي لا تشككيني بنفسي مو مزوع و رحت بشمه يعني بتأكد بنفسي جان اقولب و اتكود بالحمام و عقب ما خلصت قتله افصخ ملابسك خلاغسلهم لاعت جبدي و دش تسبح المهم هو عشان انا لا احس يرش رشه بس واي اشمه عدل و اتعب قلتله ما كو فايده فيك ذاك اليوم خذيتالعطر و خشيته و الله لو يدور كل مكان ما يلقاه و كل يوم يسألني وينه قلتله عقب ما اولد اعطيكياه عقب الاربعين
جان يبرطم

على فكره اذا تبين محل يبيع ساعات ألماص روعه رجالي و نسائي روحي جوفييل إلي بالمهلب خذيت حق ريلي منه ساعه ألماص ب 900 دك بس روعه الكل يسأله عنه و فخمه يعني لي لبسه يصير حده كشخه و الله العظيم عنده ساعات روعه روعه و اكثر من روعه

 

[إستبرق]

واااااااااااي تراج يننتيني احس انج انا وربي والله تراني مصدومه خاصه امس بعد دخلت موضوع بهالقسم عن الاسامي ولا كاتبه انتي فيج لدغه بالراء تدرين ان انا فيني لدغه بعد خخخخخخخخخخخخخخخخخخخ والله قريتها بطلت عيوني انا اللدغه مو الي ما اعرف اقول الحرف لا الراء ما ادري شلون يطلع وعائلتنا الكريمه ماسكه علي هالمسكه والله هذيج المره اقول لاخواني عن مطعم ميس الغانم وانه فيه صرصور اخوي يقولي يحلات الصروصور اذا جذي اكله واكل ابوه خخخخخخخخخخخخخخخخ

وبخصوص خدامتنا امي كلش مو جذي والله ساعات تطلع روحنا ماتعرف تسوي شي لهم وبعدين مانقدر نفتش الغراض لان فوق جناح كامل للخدم يعني غرفتهم وطبعا غرفتهم فيها كباته وبلاوي وفي غرفه غسيل وفي غرفه كبييييييييره كلها كباته وملابس وغراض يعني اذا خشتها لو نموت ما نطلعها وقطيعه ابيه زين على الاقل مو ساحرتكم لو ساحرتكم جان ماقدرتوا تطردونها واي الخدم مصايب امي يوم ضاعت ساعتي مو صعدت بتفتش الغرفه جان تلقاها بايقه حتى الاكننكس من غرفه امي خخخخخخخخخخخخخخخخخخخخخخ ابيه هذا وبيت اهلي سبيل الي تبيه تاخذه مايحاسبونها وبعد تبوق



والبخور ودهن العود بالعكس امووووووووت عليهم واي الفحم مايظل عندنا بسرعه يخلص وحروف وسطور اي اعرفهم زووووووووغه من اول مانزل حروف واشتريت منه الكل سألني عليه وصج صج حلوين وانصحج روحي جربي القرشي واخذي معمول القرشي والله يهبل حتى هم كله اذا اشتريتي علبتين يعطونج الثالثه هديه

وانا الي حتى صارت معاي كرهت عطره اشتراه من جنيد بالبحرين مو كنت اتنسى واااااااااي اموت منه وهو صار مايحط منه يدري اني اكرهه لي يومج هذا ما احبه


ويربي انتي شنو مو قلت لج اشتريت ساعه من المهلب انا خذيتها من جوفيال وصج عجبتني وايد حلوه وساعاته حلوه جوفيال والله انج انا خخخخخخخخخخخخخخخخخخخ

 

[بنات حواء2]

امبي انتي استنساخي انا جذي بعد الراء تطلع خفيفه من حلجي و اهلي و ريلي و اهل ريلي مستانسين منها بس انا اضايق لمن اتكلم لأنه في ناس عبالهم اني اتصنع و بعض المرات احس في احراج طبعن اهلي عارفين ان هذي اللدغه عندي من قبل و ريلي بعد يدري و اهله بس ما ادرس و الله استحي اتحجى في بيت يد ريلي او بيت عماته و خالاته دايمن ساكته معني احب اسولف و لي سولفت استحي منها وناسه انا و انتي نفس الشي و زياده على هذا عندي لدغه ثانيه بس خفيفه عندي السين بعض المرات تطلع ث من حلجي امبي ترى زبدة الحجي انا ما اعرف اتحجى ما انصح ادرس لغة عربيه جان كل لحروف غلط

عاد انا تخصصي اقتصاد منزلي ماله علاقه بالاحرف

و بنسبه حق بخور القرشي انشاله بعد العيد بشتريه

و عيدج مبارك و عساج من عواده انا كنت متوقعه يوم السبت فجأه قالوا يوم الجمعه

و على طاري الساعه ترى و الله احنه قلبنه على قلب بعض بكل شي متفقين و الله حتى بالقرقه

عاد توني مخلصه منالشيره و الحف واي الصالونات زحمه مو طبيعيه مالج محط ريل دقيت على وحده اعرفها من قبل يومين و اتفقت معاها تييني يوم الخميس و يتني شلت شيره و حفيت و سويت بدكير منكير زين لحقت وهي عندي يدقون عليها يقولون لها تقدرين تيين اليوم تقول ما اقدر ايي انا من الحين لي الساعه 3 الفير في شغل امبي منو إلي تقعد لي الفير عشان شيره و حف
و بلاوي الخدم ترى ماتخلص ينخاف منهم انا ليش الحين محتاره لأني خايفه ما ادري شييب و اصلن انا ما ابيها اصلن عند البيبي اخاف منهم و الله كل يوم بلوى من البلاوي لهم انا ابيها حق التنظيف حق اذا وديت البيبي عند امي او خالتي تدرين حريم كبار مو كل شوي بيركضون وراه او وراها فتكون هذي يمهم بس انها تقعد بروحها مع البيبي مستحيل

شنو ودي اعرف شنو إلي في بطني بنت او ولد صج ودي

انتي متى عرفتي بأي شهر قالولج ؟؟؟

 

[إستبرق]

خخخخخخخخخخخ وربي مثلي بالضبط انا جذي ساعات لما اكلم وحده ماتعرفني اقول الحين على بالها اغلد حليمه بولند خخخخخخخخخخخخخخخخخخخ مو من طلعت حليمه البنات صاروا طقتها وانا زوجي يقولي انا حبيتج زياده لانج دلوعه :eh_s(22): والله ميننيني صج بس يالله شنسوي خخخخخخخخ


وانتي للطباخ والبلعه خخخخخخخخخخ اخاف باجر لي خلصتي تنتفخين :eh_s(13):


اي انصحج ببخور القرشي والله خوش شي



وكل عام انتي بخير بعد وعساج من العايدين الفايزين لا والله عاد انا كنت ما ادري ليش حاسه انه باجر

واي والله صاجه قلبنا على قلب بعض والله حتى خواتي مو مثلج اخاف انتي اختي وما ادري تخيلي نطلع توام صج تعالي انتي جم عمرج ؟


والشيره لا وي انا من اسبوع مخلصه خخخخخخخخ وانا من النوع مايطلع لي شعر وايد ويطول على مايطلع حتى ويهي ما احفه بس حواجبي لان مايطلع بويهي بس انا اليوم رحت قصيت شعري والله ماكنت ناويه سبحان الله فجاه كنت ناويه اروح حنان دشتي واسوي تسريحه وجذي اول يوم وثاني يوم العيد وقلت القص بخليه ورى طلعتي من الاربعين يعني نيو لوك وشعري اساسا لي جتفي عاد امس اختي رايحه حنان دشتي تقول ولا عفسه قاعده تعدل ديكورات الصالون وبعدين هم الي هناك يعرفونا عدل عاد اختي سائلتها زحمه اول وثاني يوم العيد قايله لها وايد تقول شوي وتدخل المسؤوله وتقول ترى محد ياخذ اجازه اول وثاني يوم العيد عندنا زحمه وااااااااااااااااااااايد فماكو اجازه عاد انا قلت وي وشعري صاير مافيه قصه واذا زحمه مالي خلق النطره جان اقول خل اروح ادرجه على طوله عاد صج اليوم قعدت من الصبح ولا ادق على جاك لاني كله اقص عندهم سالتها زحمه قالت اي زحمه وايد قلت وي مالي خلق نطره بعد وبصراحه كنت خايفه لايقصرون لي شعري ما ابيه يقصر عاد دخلت المنتدى ولا اقرى الاسطوريه على ما اتوقع كاتبه عن وحده بالجابريه تقص حلو وماتقصره دقيت عليها ولاتقول مانسكر وتقدرين حجز صج انطلقت لها وقصيته صج وايد ارتحت معاها تهبل نفسيتها عسل وبعدين قصته قصه حلوه وايد وماقصرته
وامبلا الخدامات يخرعون انا مثلج بس شنسوي لازم نييبهم انا بعد جذي الياهل مو وايد بخليه معاها بس ساعات الوحده تضطر والله كريم ويكتب الي فيه الخير انشاءالله
وانا عرفت شنو فيني من اول مادخلت الرابع بس كانت مسكره ريولها قالي 60% بنوته وراها باسبوعين رحت قالي بنوته يالله انشاءالله تعرفين ورى العيد والله يكتب لج الي فيه الخير انشاءالله عاد اذا بنوته انا اقولج من وين جهزت خخخخخ صرت خبره

 

[دقدوقه]

قوووه بنوتات
هم انا فيني لدغه بالراء نفسكم

وخواتي لصغار يقوولولي بسج دلع
مع انه جد ساعات احس مااقدر اسووولف والسبه هالدغه

لوول بس يلا دلعنا طبيعي احسن من الي يتصنعون

 

[إستبرق]

اهلين دغدوغه خخخخخخخخخخخ يالله نظمت للشله وحده زياده لا انا بخصوص اهلي وقرايبنا لا الحمدلله كلهم يدرون ان ما اتصنع حتى زوجه عمي هذيج المره تقولي انتي من انتي صغيره جذي ووناسه بنتي طلعت مثلج صارت وناسه بعد خخخخخخخخخخخ والي يقعد معاج فتره يدري بس خوفج من الي اول مره يقعد معاج مو شي على باله تتصنعين وحياج الله حبوبه

 

[دقدوقه]

لووووول انا الكبار يدروون ان فيني لدغه وعاجبتهم

بس اليهالوا اذبحووني يالدلووعه يالدلووعه شيفهمهم عاد

 

[إستبرق]

خخخخخخخخخخخ اي هم حتى الي يدرون يقولون عنج دلوعه شي طبيعي عيل لو شايفه خواني والله كل ما اتكلم يقعدون يغلدون والله ساعات انحرج واصير ما احب اتكلم

 

[بنات حواء2]

هلا فيكم دقدوقه و استبرق سامحوني على الغيبه
استبرق اكيد افتقدتيني تدرون بعد زوارة العيد و التعب مال العيد و الله ما عندي وقت احك شعري ما صدقت قعدت بالبيت قلت خلأشبك اكيد الحي افتقدتوني

و اذا على اللدغه ترى عندنا و عندكم غيره
و لا تحاتيني استبرق ترى انا مينونة رجيم انشاله ما آكل دهر بس اهم شي اضعف و على طاري الاقتصاد ترى غيروا صار كله نظري يعني ما في طباخ و عوار قلب و خياط يعني بس نقرق الحمد لله عاد انا ما احب لا لخياط و لا الطباخ

اصلن انا ما احب المطبخ وايد

دقدوقه انتي حامل و بأي شهر قوليلنه يمكن نفيدج انا و استبرق ترى صارلنه شهرين نخترع الذره هني حياج الله معانه

و على طار الصالونات مو بس زحمه حرب حرب و الله و انا بروحي عصبيه و ما تحمل الحر و القمته دقيت على وحده اعرفها سوتلي شمع و حف و شيره و كل شي و انا في بيتي الحمد لله لا زحمه و لا عوار قلب

انا عمري 18

و انتو ؟؟؟؟؟؟؟؟؟؟؟

 

[دقدوقه]

هلا والله بنات حواء
هم انا عمري 18 واول سنه بالكليه


بس توني مومتزوجه <<<<<<<<لقافه:eh_s(3):