اهم الشغلات إلي تجهزينها حق البيبي والمستشفى خل نستفيد

[بنات حواء2]

هلا فيج دقدوقه و انشاله تتزوجين و تحملين و تكرشين و نضحك عليج بعدين عادي تعالي اخذي معلومات و استفيدي
انتي بأي كليه ؟ لا يكون معاي

و على فكره ترى انا تزوجت اول ما تخرجت من الثنويه يوم إلي طلعت شهادتي كنت عند الملاج تحسين من امه متفقين

و بعدين قدمت على الآداب و التربيه الاساسيه و قبلوني في الاثنين و انا اخترت الاساسيه راح اخلص فيها بسرعه و بعدين دكاترتهم طيبين وايد و احسن من الآداب شرسين

 

[بنات حواء2]

وينج يا استبرق قولي لنه جم عمرج ؟؟؟؟؟؟؟؟؟؟؟؟

وناسه

 

[دقدوقه]

لوووووووووووول لا تو الناس يبيله جم سنه بعد

انا بالدراسات التجاريه وتخصصي محاسبه

مع ان نسبتي ادخلني تربيه بس ماادري احس انا مومالت تدريس:eh_s(3):

والله يهوون عليج ان شالله

 

[إستبرق]

اهلين جنان عاش من شافج
واي ابيه لويه العيد وربي الحين مافيني طاقه كلش حدي تعبت
والله اليوم بس ماراح اطلع بس انا كل يم اخلي البريك بين الطلعات اذا كنت فالبيت اشبك اشوف شنو في بالمنتدى دقايق واطلع وساعات اشبك بليل لما ارد لا وانا اول امس وامس هي طلعه عيد وهي تجهيز بنفس الوقت الحين الحمدلله خلصت تجهيز البنوته بس باقي لها دوى من الصيدليه وكريمات يعني الحمدلله خلص ماكو شي وبودي السرير لمحل عشان يلبسه حراير وجذي
وزين يبا صار نظري قبل يخلونا نطبخ بيض عيون خخخخخخخخ بس انا ولا مره طبخت واي الحمدلله على النعمه بس تحسين تصير عفيسه
وبخصوص الضعف زين عيل انشاءالله ماتمتنين وايد
انا بشتري قبل لا اولد انشاءالله الحزام الاندونيسي يمدحونه وايد مالنا خلق كروش
لوووووووووول جنان اي والله الذره وللحين مخترعين بعد
وانا الحمدلله الصالونات سوالف شيره وجذي شخباري من زمان ما اروح لهم مالي خلق النطره واللويه وخاصه لما الشيره احس عفيسه صرت اييب وحده فالبيت وافتك
صج جنان ابيه انا قريت هني مادحين محل لملابس النفاس بسرداب عيد ما ادري شنو فسوق المباركيه وانا ما اعرف ولا زوجي بسوق المباركيه ولااااااااااااشي غير سوق الذهب
عاد قلت لزوجي ولا يقول مبلا حتى مسؤولي بالدوام ( هو رفيج ريلي حيل ) قالي عنه وقال تلقى شغلات للياهل حلوه عاد صج رحنا ونفتر ساعه نبي ندل المكان ماكو خخخخخخخخخخخخخخخ اخر شي طلع السرداب ورانا وحنا مقفلين المهم نزلت ولا في محل لملابس النفاس بس صغير انا شفته انصدمت قلت معقوله هذا شنو مافيه شي حلو وقلت لزوجي خلاص بطلع ولا نشوف محل ثاني ولا المحل كبييييييييييييييير دخلت والله جنان شغلاتهم تهبل شغل دانتيلات وحراير ومشكوكه انا احترت شنو اخذ وشنو اخلي والستايل الي ابيه مو قطن لا كله شغلات راقيه وفوق كل هذا بعد مو صيفي وايد يعني الي تحت جم طويل ويدفي واي يهبلون من كثر ما احترت خذيت لي قطعتين وطلعت قلت لزوجي بييه وانا مو تعبانه عاد قلت اقولج عنه عشان وقت تجهيزج انشاءالله .

 

[إستبرق]

جنان ودقدوقه العمر كله يارب
احم احم يالله سمعوا كلامي انا اكبر منكم خخخخخخخخخخخخخخ
وانشاءالله نشوفج عروسه دقدوقه

 

[إستبرق]

انا قايله عمري لكم فوق خخخخخخخخخخخخخخخخ لبسوا نظارات
انا انشاءالله 2-11
ادخل فالاربعه وعشرين ابيه كبرت لما ملجت كان عمري 17 وشي وتزوجت عمري 18 وشي وزوجي 20 وشي اقوله كبرتك على ايدي خخخخخخخخخخخخ
ودقدوقه عاد زوجي خريج محاسبه ويموت على شي اسمه محاسبه والله يوفقكم حبوبات

 

[بنات حواء2]

خوش يعني في نقاط تشابه بينه احنه الثلاث اشوىمو مختلفين

الله يوفقج حبيبتي دقدوقه انشاله بس حسافه خليتي البكلريوس و رحتي حق الدبلوم

مها حبيبتي العمر كله وناسه انا و انتي تزوجنه بنفس العمر و الله انا شاكه اني قاعده اكلم اختي و الله حتى اختي ما تتفق معاي جذي اخاف انا قاعده اكلم نفسي و ارد على نفسي طول هلمده

و بخصوص المشد الاندونيسي حتى انا بشتريه يمدحونه البنات انتي شرايج فيه انا باخه من وحده في المنتدى تبيعه ب6 دنانير اعتقد بس ما ادري بضبط هي منو

و بنسبه للسرداب ليش ما قلتيلي انا ادله و ادري في سوالف حلوه وايد و راقيه و انشاله انا ناويه اروح بعد آخذلي من هناك و اذا تبين مكان يبيع دراريع لنفاس حلوين و كشخى و كلهم دانتيل روحي مجمع السندس تحت بالسرداب في محل عنده شغلات عجيبه و غريبه ما تدرين شتاخذين ما تدرين شتخلين

صج نسيت اقولج تعرفت على وحده بالكليه اسمها مها اول سؤال سألتها انتي تدشين منتديات كويتيات قالت لأ قلت عييل مو انتي

بقيت اسألج سؤال مها ما طلعلج حبوب في ويهج من الحمال انا طالعلي حبوب حمر ثلاثه بويهي ما ادري من شنو يعني تتوقعين لهم علاقه بالحمال ؟؟؟؟؟

و عندي سؤال محتاره فيه صج و الله ما ادري انتي اذا ولدتي انشاله بالسلامه في الاربعين بتيبين رداده و شنو تسوي الرداده ترى انا ما عندي خبره كلش في هسوالف اذا عندكم فيدوني و إلي يرحم والديكم

 

[إستبرق]

خخخخخخخخخخخ تخيلي انتي انا وانا انتي نطلع خخخخخخخخخ عاد فهميها
المشد حتى انا بشتريه انشاءالله من وحده بالمنتدى هي نفسها الي تبين انتي منها انا ياب المشد حماي ياب بضاعه من اندونيسيا بس بصراحه حماي هذا يغثني لووووووووووووووووووول --------------------- باعتها
لا يعني شوي لج عليه احس فيه نحاسه غير عن خوانه قلت قلعته والله اشتري من غيره لووووووووووووووووووووووول حدي نحيسه مو

والسرداب والله كنت ما اعرفه اقولج شغله حنا سوق الكويت مانعرف فيه شي حتى امي وابوي مايروحون تخيلي قبل لا اتزوج انا وخواتي نقول لابوي نبي نشوفه شنو هالسوق جان ابوي يودينا رحله استكشافيه هناك فر فينا سوق البشوت والحريم وما ادري شنو بس واي متنا من الضحك رحنا خواتي الاصغر مني ثنتين كانوا للحين مو متحجبين وانا مو لابسه طبعا عبايه وكلنا لابسين بنطلونات ابيه صار فلم هندي وربي ضحكنا ضحك ماظل احد ما طلع من محله وربي قلنا ابيه حنا مو بالكويت خخخخخخخخخخخخخ
عاد انا قريت عن السرداب هني ومسؤول زوجي قاله عليه ورحنا له بس صج عجبني محل ملابس النفاس وكبير وحلو وانشاءالله عيل زين قلتيلي بروح مجمع السندس بس وين مكانه بالضبط ؟ ترى انا وزوجي خوره بمجمعات الي مو معروفه
خخخخخخخخخخ ابيه تلقين البنيه تقول شفيها هذي على المنتدى وانا بالعكس بشرتي تعدلت بالحمال الدكتوره تقول في ناس تتعدل وناس تخرب عندي زوجه اخوي الكبير كانت بشرتها تهبل يوم حملت اختربت بشرتها حدها وهي ماعالجتها بعد والحين زوجه اخوي الثانيه حتى بشرتها كانت تهبل الحين حملت طالع لها حبوب انتي لي ولدتي انشاءالله روحي راجعي
وبخصوص الرداده اي انشاءالله بييب هي تسوي كاسات هوى على ما اعتقد وتدلك وجذي عشان يرد الرحم مكانه على ما اعتقد خخخخخخخخخخخ خو انا بعد ماجربتها هذا الي اسمعه الله يعين يارب بس خل نولد بالسلامه ابيه انا اليوم شاد علي ظهري وايد مو فوق لي تحت شكلي لاني فريت ايام العيد فر مو طبيعي وبعد البس كعب
كله ولا فره الافنيوز اول امس كنت اول شي رايحه السرداب الي قلت لج عنه بعدين مشينا رحنا سوق الذهب خذيتلي شغلات منه وخذيت لاستبرق انشاءالله تلبسهم بالعافيه وبعدين مشينا زوجي يبي مسباح وجذي جان زوجي يقول شرايج نروح فرايديز الي بالافنيوز لان المطاعم الحلوه زحمه ماكو حجز قلت اوكي بس نوقف عند باب ايكيا عشان فرايديز فوق قريب عند باب ايكيا قال اوكي ونروح نبي موقف ماكو جان نوقف الصوب الثاني الي يكون اول السوق وندخل السوق وااااااااااااااااااااااااي عذاااااااااااااب زحمه زحمه زحمه وربي على كبر المجمع تمشين تدعمين بالناس وكل شباب وارف ونمشي نمشي لي اخر السوق يوم وصلنا فرايديز بعد عناء خخخخخخخخخخ ولا مالج محط ريل ابيه الناس واقفين ينطرون وابي كوفي ولا مطعم فاضي اريح على الاقل فيه ماكو ولا نرد المشوار ثاني مره وربي طول السوق ادعي على الشباب خخخخخخخخخخخخخخخخخخخخخ رديت ريولي صايره شكبر الريل وامس رحت شرق وقنا عند دنبنهامز دخلت دبن هامز خذيت جم شغله ولا نطلع نروح الشايع ابي للبيبي مسك ابيض وعطر يهال هناك ولا يقول المسك الابيض بالشايع الي بدبنهامز وارد دبنهامز واشتري المسك ولا اروح مذركير بكمل الغراض اشتريت الغراض عاد وايد ومعانا واحد شايلهم طلعنا برى رحنا للسياره حطينا الغراض خخخخخخخخخخخخخخخخ تحسين قصه عاد الحين بنروح مركز سلطان نتعشى ولا نرد ندخل وزحممممممممممممممه ونمشي نمشي نمشي وريولي ورمت وامشي ونروح مركز سلطان ابيه يوم قعدت سيده قطيت جوتيي ريولي راحت فيها ومصممه على الكعب خلصنا ورديت البيت تعرفين ماكو لي اليوم ريولي وظهري يعوروني عاد ابي اطلع باجر الله يستر
---------------- قرقت وايد الله يعين من زمان ماتقرق

 

[الهما]

الله يعطييكم ألف عاااافية كلكم ويجزااكم خيير انا بجر و ضااايعة و الله ماسكة هالنوته و سجلت كل المحلالات و الملابس و الاشياء الضرورية
عساكم على القوة و مشكووووووووووووريييييييييييين

 

[إستبرق]

اهلين حبيبتي الهما يعني حالج من حالنا انا وجنان هم البجر وحايسين خخخخخخخخ الله يسهل عليج يارب وعلينا ونولد بالسلامه عاد انا الحمدلله البنوته خلصت لها الشغلات كلها الحمدلله باقي بس انا واشتريت لي جم شغله واي سؤال انا حاظره بخصوص تجهيز البيبي تعرفين صرت خبره

 

[بنات حواء2]

هلا فيج الهما و اذا حبيتي اي استفسار حياج الله

حرام عليج مها و الله اعلظيم حرام كل هذا ترى مو زين المشي وايد الحين و كعب ترى مو زين الله لا يقول تولدين و لاده مبكره ريحي و نامي على ظهرج خضيتي استبرق خض وعليه سويتي لها رجيم و هي في بطنج
و على طاري المطاعم في العيد الناس كأنهم ما ياكلون \غلا في العيد توني اكتشف ان اليوع كافر و الله العظيم مالج محط ريل و بعدين ترى صج ما في اماكن تنراح وين نروح و عليه علينه انا وريلي رحنه السينما بالتفق حصلنه تذكره فلم احمد حلمي اليديد هذا ثاني ايام العيد و اول ايام العيد زواره و خلص العيد على الزوارات و رحنه مطعم قيصر اليوم الثالث من العيد انا قيصر اموت على شوربة الدياي و الذره إلي عندهم و الله اموت فيها اروح بس اشرب شوربه و آكل سلطه احبها حتى ريلي يموت عليها

و على طاري الحبوب و الله انا مستقربه معنه بشرتي ما يطلع فيها حبوب جذي انشاله عقب ما اولد بروح حق دكتوري و بخلي يعطيني حبوب ريكوتين عجيبين حق البشره بس لازم ما احمل في فترتهم عاد انا ناويه ما احمل من بعد ولادتي إلا بعد 3 سنين على الاقل يمديني اربيه و يكبر و اخلص دراستي و بعدها انشاله كل شي يتيسر

و على طاري الرداده انا خايفه و الله بس بتوكل على الله بس عفيه قوليلي عن ردادتج بعدين شتسويلج و شلون اذا اوكي ابيج تعطيني رقمها عفيه لا تنسيني

امبي شيشتيني على البنات وناسه كلشي حلو حقهم تحتارين ما تدرين شنو تاخذين بس لصبيان ما ادري ما اعتقد في ملابس تشوق لهم كثر البنات عدل و لا انا غلطانه ؟؟؟

و بنسبه لمجمع السندس يصير يم مجمع الايوب اذا مو دالته قوليلي اقولج المحل يصير بسرداب و عنده شغلات حلوه و اسعاره من عشرين و تحت يعني اخذيلج 3 او 4 دراريع و اخذيلج بجامات الحرير ترى همن حلوين حق النفاس روحي ستي سنتر تلقين شغلات حلوه و بيني و بينج لا تتكشخين وايد اذا يولج ناس ترى يحطون عينهم عليج يقولون هذي توها والاده جذي متكشخه و الله اختي عطوها وحده مو طبيعيه

و بنسبه للرضاعه انشاله لا تنسين تشربين اعشاب عشان تدر الحليب و تفتكين مسكينه اختي صدرها ورم عليها و تحس بالحليب يطق بقلبها بس مو راضي يطلع و عوار و ثقل بصدرها مسكينه و الله بجي ليل ونهار و حاولت تطلع الحليب بس مو راضي يطلع خذت شفاطت الحليب الكهربائيه و الله انه م يطلع حليب اشوي قطر قطر و تبجي من العوار بعدين مسكينه نشفت الحليب إلي بصدرها ما قدرت بس بنتها شربت شوي مو وايد

عاد اول ما تولدين صوريها حقي خلأشوفها وناسه يله متى نولد
دقدوقه وينها اليوم مالها اثر

 

[إستبرق]

اهلين جنان واي لاتشوفيني اليوم وربي والله من العصاري متحنطه ظهري وريولي ذابحيني ما اقدر اتحرك عذاااااااااااااب بعد اليوم الصبح قعدت رحت سوق شرق نتريق وبعدين رحت دبنهامز ابي منهم شغله طلعت رحت مجمع السندس دلتني عليه رفيجتي ورحت للمحل الي تحت بس تدرين طلع فرع المحل الي بسرداب عيد النصار بس الي بعيد النصار وايد وايد احلى الي بالسندس صغير وقلت لها ابي الي قطعتين طلعت لي بس موديلين واحد الي انا ماخذته من عيد والثاني مال بنت خالتي بس خذيت منهم بجامه حرير عجبتني وايد موديلها حلو ويونس بس قلت بروح شكلي لعيد النصار باخذ الباقي وبعدين رحت لسرداب حولي الي يقولون عنه البنات واي واي جنان لايطوفج وربي تدوخين داخل انا وريلي ودنا ناخذ كل شي خخخخخخخخخخخ يهبل تدرين توزيعات اليهال الي يسوونهم الحريم كلهم مناك انا الحين قررت قرار وحده بالمنتدى ماتقصر قالت لي على مصنع ككاو هولندي بس بالكويت وتقول فيه انواع وايد وحلو قلت بروح اشوفه وباخذ منهم وبروح السرداب وابي اشتري وانا اتفنتك بالتوزيعات والله اليوم كل الافكار ياتلي جنان نصيحه قبل لا تطلبين التوزيعات من وحده ويطلع لج مبلغ خيالي روحي وشوفي السرداب وربي تنصدمين يهبل يهبل
عاد ورى السرداب رديت البيت خلاص متحنطه قلت شوي واصير زينه وربي للحين موليه اقعد على النت شويه وشوي انام على ظهري عذاب

وامبلا والله بالعيد المطاعم تسد النفس عاد فلم احمد حلمي رابع يوم العيد خواتي وبنات خالاتي راحوا له بسينما شرق وقالولي تعالي معانا بس بصراحه على لويه السوق قلت والله مااروح شله بنات بروحنا وبعد هم مالقوا حجز الى بقسم الشباب قلت لا حلو خخخخخخخخخ حتى يومها كنا بشرق قاعده اشوف الناس واقول ابيه بايعينها والله شلون بيدخلون السينما وقيصر امبلا انا احب التبوله والحمص خخخخخخخخخ زلمه حدي

وبخصوص الحبوب امبلا روكتان يهبل واي ميته باخذه بس كان موزين لي لاني ابي احمل عائلتنا الكريمه الكل خذاه خالاتي وخوالي وخواتي وخواني حتى نصهم بشرتهم مافيها شي بس خذوه وصارت بشرتهم احلى ولمعه مو طبيعيه بس يربي اخاف اخذه حتى لو اخذ حبوب منع حمل لان رفيجه خالتي كانت تاخذهم وتاخذ حبوب منع حمل وتاخرت الدوره ولا تطلع حامل والجنين متشوه الله لايبلانا يارب منها خفت وصرت ما افكر فيه
وحبوبه بالعكس ترى الرداده مافيها شي بالعكس زينه والكل يمدحها قبل لا احمل قالولي على وحده مصريه بالمنطقه العاشره وانها زحمه عليها تداوي بالاعشاب ورداده بعد وراحوا لها وايد وحملوا على ايدها سبحان الله عاد رحت قلت بشوف وسوت لي كاسات هوى ودلكت بطني وظهري واي واي شعور ممتع صج عورتني بالفرك بس وناسه وبنت عمي رددت عندها تمدحها وايد بس انا ما ابي اروح لها لانها بعيده علي وزوجه اخوي يابت وحده ايرانيه تمدح ترديدها وايد بس ما ادري تيي بيت اهلي ولا لا وانشاءالله والله بس اعرف رداده سنعه اقولج عليها
وبخصوص البنات الله يكتب لج الي فيه الخير والله البنات لبسهم يشوق خاصه النفانيف بس والله حتى في لبس صبيان حلو ويونس
وصج بخصوص المحل الي بالسندس وعيدالنصار انا خذيت منهم الي يكون قطعتين وحراير وستان وجذي اسعارهم على 28 بس عندهم القطن اقل من 20 بس انا ما احب القطن احس فيها قصر الحراير تيي طويله وحلوه وانا بصراحه باخذ لي 7 دراعات وجم بجامه لان ما احب اني اكرر الشغله وايد خخخخخخخخ اختي تقولي انتي عرض ازياء يربي ما احب اظل مو مهتمه يعني حتى شعري يوم قصيته قلت عشان الولاده يكون شكله حلو

واي جنان حدي خايفه ومتازمه من سالفه الرضاعه وبعد استحي اسال خواتي وجذي يربي وايد خايفه من هالسالفه الله كريم ويسهل علينا يارب
وانشاءالله بس اولد احط لج صورتها يارب حلوه عاد خخخخخخخخخ
ودقدوقه يمكن نايمه

 

[بنات حواء2]

هلا مها حبيبتي حرام عليج و الله عاد عوار الضهر مو طبيعي و تمشين كل هلمشي و بكعب و الله لا تمشين بس خلاص ريحي جم يوم
وزين قلتيلي عييل خلأروح السرداب في الديره احسن
و على طاري السرداب إلي في حولي وين صاير بالضبط و المصنع اذا عندج رقمهم و عنوانهم قوليلي عفيه عشان اذا اوكي بروح
و على طاري الككاو انا عندي فكره وايد حلوه شوفيها يمكن تعجبج وعطيني رايج و اذا عجبتج انتي بعد سويها و ترى بصور يله بدلعج اليوم

امي قالتلي بدامج بتولدين بسوي تجديدات عشان إلي يو حق اختج يتغير عليهم البيت قتلها ماشي حلو عاد الله يسلمج راحت خذت اثاث يديد و انا اخترت اللون برتقالي في بيج و في بني وايد حلو و تبي تصبغ الصاله و بتغير الديكور و الاكسسوارات يعني الصاله بتغير تغيير جذري و في الصاله الثانيه بحط كرفايتي و كرفايت البيبي العوده و باخذله كرفايه صغيره ناعمه حق الصاله إلي يصير فيه دانتيل و هسوالف ( على طاري الكرفايه خذيتي و لا بعدج و من وين خذيتي ؟؟؟؟ ) المهم فكرت بفكره روعه قلت آخذ شيره تكون بس قصون من غير ورق و اصبقها اللون البني الغامج على لون الاثاث و علق فيها هذي الشغله هذي فكره انا ماخذتها من المنتدى فلينه و توزعين عليها الككاو و تحطين فيها شريطه و تعلقينها في الشيره و بسوي منهم تقريبن 300 كره و اعلقها شرايج ؟؟؟؟؟؟؟؟؟؟
شوفي الصوره و قوليلي رايج طبعن هذي مجرد فكره و بعدي ما حددت شنو ابي اسوي بس هلفكره عاجبتني لأنها راح تتناسب مع الاثاث و الديكور اليديد عادي اذا مو حلو قولي
مافي احراج

المرحله الاولى :

المرحله الثانيه :

المرحله الثالثه و الاخيره :

تعلقين شريطه من فوق و يطلع الشكل هذا

بس طبعن انا راح اسويهم اصغر شوي بس ماني عارفه الفلين من وين احصله

و الككاو شفتيه بو قنبله يوم كنت اصغيره اموت فيه كل شي قديم حلو

و بنسبه حق الحبوب انا مافي بأذني ماي باخذهم عقب ما أولد و الله العظيم عجيبين بتوكل على الله و انشاله مافي إلا الخير

 

[بنات حواء2]

مها ليش خايفه من الرضاعه انا سألج و ما أسأل نفسي

و الله اليوم نمت الضهر و قمت من النوم و انا تعبانه نفسين اتخيل نفسي يايلي الطلق ما ادري شنو هلكوابيس من شنو خايفه و بشنو محتاره عادي سألي و انشاله بحاول اساعدج كثر ما اقدر

انا قاعده ليلحين الساعه خمس الفير و اني قادره انام و الله ودي اقعد سنه ما انام و ما عندي احد اسولف معاه غيرج قلت حق ريلي لا تنام و قعدت ابجي يقولي ما يصير باجر وراي دوام كسر خاطري و عصبت بنفس الوقت و انتي اكيد الحين نايمه يله قومي مقهوره ترى كل الناس نا يمين إلا انا و الينانوه

 

[دقدوقه]

قوووه بنوتات

شلوونكم شخبااركم

سامحوني لهيت بالكليه وقطعت عن المنتدى

 

[همسة ورد]

بنات شلونكم ؟ انا بعد اسبوع بدش شهري وماجهزت ولا شي

لا ككاو ولا كفر ولا استكانات ولا اي شي ..

تكفه بنات نصحوني .. وبالنسبه لنفانيف احس اذا لبستهم جني ام عيال مره كبيييره

ورحت حق المحل اللي بحولي وعيد النصار بس خذيت 2 ابي اشياء حلووه لان اول ولاده لي

 

[إستبرق]

اهلين جنان اي والله عوار الظهر يذبح بس شنو الي يقعدني ما اقدر اقعد اليوم قعدت ولا ظهري احسن جان اقول لزوجي امش بروح ايكيا خخخخخخخخخخ عاد اول شي رحت زعتر وزيتون الي بالافنيوز هو غدى وهو ريوق وبعدين نزلت ايكيا وربي بنصه خلاص كل شوي اقعد عاد قلت لزوجي بس بريح يومين وبعدين بروح اشتري تكرمين الجواتي الطبيه الي لهم كعب سيده خخخخخخ لازم كعب وبعدين بكمل فرارتي

وبخصوص السرداب شفتي مستشفى دار الشفا جدامه في محل بياع الورد هو بالعماره هذي تحت بالسرداب وبخصوص المصنع ادز لج رساله البنت الي دازتها لي فيها كل التفاصيل والفكره حلوه والله مالت التوزيعات بس حطي ببالج اذا ييون يهال ماتنفع انا ماتنفع لي هالطريقه لاني اعرف نظام زوجات خواني وبعض الحريم الي ييون تلقين عيالهم متعلقين بالشجره ومحد يكلمهم وبعدين وربي راح تروحين هناك راح تحتارين شنو تسوين من السرداب شغلاتهم زووووووغه وترى فكره الشجره انا شفت بمحل الدكان الي بالاوقاف مال الحلو مسويه صاحبه المحل شجره مو كبيره وايد لا وسط وتنحط على طاوله وفيها توزيعات حلوه طريقتها وايد وبعد شفتي السرداب الي قلت لج عنه في فوق محل توزيعات يهال والله فيه افكار حلوه بس انا قلت ابي انا اسوي واتفنن عاد انا احب هالسوالف وحتى زوجي يحب هالسوالف هو يوم شاف السرداب قال والله لنتفنن خخخخخخخخخخخ

وانا امي حتى هي توها معدله فالبيت يعني مايحتاج تعدل وبعدين انا ما اقعد بالصاله لا غرفه اختي كبيره وايد وامي قالت بتحط فيها طقم غنفات وجذي ونعدل فيها عشان تصير غرفتي طول الوقت وغراضي كلهم فيها وبخصوص الكرفايه انا خذيت كرفايه كبيره من مذركير وحلوه بس هذي احطها بعد جم شهر لان خواتي قالوا اول جم شهر تستخدمين الصغيره وخذيت الصغيره من مذركير الي تكون من قش وخذيت لها ستاند خشب وبوديها لمحل يلبسها لي دانتيلات وجذي انا اختي مدحت لي هالكرفايه وخذيتها
الحين بس بريح انشاءالله جم يوم وبرد اجهز لي وافتك بس للحيني ماسالت اختي شنو اخذ لي غير دراريع الاستقبال والله يسهل علينا يارب

 

[إستبرق]

واي بالنسبه للرضاعه والله حدي احاتي وخايفه لان يقولون ساعات تطيحين سخونه وجذي وسوالف ما اعرف لها وبعدين اشوف زوجه اخوي واختي يوم يرضعون يموتون يقولون وايد يعور فخايفه وبعدين انا ما ابي اظل ارضع يعني ابي جم يوم ولا اسبوع واقطع ما اعرف شلون يوقف الحليب وشالسالفه وانتي اقري المعوذات ونامي عاد تدرين ان صارلي هالجم يوم بس انام على الساعه 2 بليل ولا قبل سهاري بس قلت بس بنظم نومتي مو شي اليوم كله يطير كنت انام على الساعه 8 الصبح واقعد على الساعه 2 ولا 3 مو شي جذي الله يسهل علينا يارب

 

[إستبرق]

دقدوقه اهلين حبوبه والله حنا بخير دام شفناج والله يوفقج يارب وتخلصين عاد بنت خالتي ورفيجاتي معاج بالتجاري يتحلطمون يقولون الاساتذه غايبين وحنا مداومين قلت وانتوا شنو موديكم اشيشهم هههههههههههههههه

 

[إستبرق]

همسه ورد اهلين حبيبتي والله يسهل عليج وعلينا يارب وتولدين بالسلامه انشاءالله وبعدين بخصوص الككاو اذا تبين شغلات جاهزه عندج في بنات بالمنتدى يسوون جاهز وشغلاتهم حلوه وعندج في محل شفته بالمجمع الي قبال دار الشفا الي فيه محل بياع الورد في محل للتوزيعات وبصراحه لقيت شغلات حلوووه واسعارهم احس زينه عاد ما ادري وفي كل شي سكر التقديم وكل شي موجود عندهم وبعد شفت بمحل الدكان الي بمجمع الاوقاف كانوا مسويين توزيعات يهال حلوه
والاستكانات في وحده بالمنتدى تبيع اطقم على اسم العائله او اي اسم انتي تختارينه وفي نقشات ثانيه شغلاتها حلوه وتقدرين بعد انتي تشترين اطقم وقريت بالمنتدى عن محل تودين له الاطقم وتختارين نقشه شوارفسكي ويسوي لج عليهم وان شغله حلو
وبعدين بخصوص دراريع الاستقبال عاد المحل الكبير الي بسرداب عيد النصار شغلاتهم زوغه انا من جم يوم عندهم وقلت له ابي القطعتين الحراير والدانتيلات والله المحل ترس وشغلاته راقيه وحلوه وبعدين انتي لاتشوفين نفسج بالدراريع الحين اكيد بطنج تلعب دور انشاءالله لي ولدتي بيتغيرون عليج واذا مو عاجبينج في حريم يسوون لج دراريع استقبال للولاده وفي منهم بالمنتدى دخلي كويتيات مول وشوفي والله يسهل عليج يارب