اهم الشغلات إلي تجهزينها حق البيبي والمستشفى خل نستفيد

[بنات حواء2]

و على فكره ترى انا امي يايبتلي الاطقمن من ايران و انا كنت ناويه اروح ايران قبل لا احمل بس حملت و قلت يله خلي عقب الولاده احنه في كل شي متفقين

 

[بنات حواء2]

هلا حبيبتي مها ترى على الوصف وناسه بس ترى الصور مو طالعين

 

[إستبرق]

خخخخخخخخخخخ اي ماكو شغل ثنتينا انا قاعده انزل الصور الحين

 

[إستبرق]

لوووووووووووووول كل شي متفقين عليه سبحان الله يالله الله يسهل عليج وتروحين ايران انشاءالله

وبعدين الصور طالعين عندي انتي قاعده تضغطين على الرابط ولا لا لان انا مو مخليتهم بالصفحه لا بالرابط يربي لايكون كل هالتعب وموطالعين عاد انا قاعد اضغط على الرابط ويطلعون

 

[بنات حواء2]

شغتي اشلون احنه متفقين بكل شي يا حظج باجر بتنامين بس انا اداوم من الثمان لي الخمس العصر

 

[بنات حواء2]

مها خلاص اطلعوا لا ما ضاع تعبج هدر كسرتي خاطري

 

[بنات حواء2]

ليحد الحين شفت النفنوف الاول وايد حلو روعه جان خذيتيلج نفس طريقتهم دراعة عشان تصيرون مثل بعض بس وايد روعه عليج بالعافيه خلأشوف إلي بعده و اقولج رايي

 

[إستبرق]

خخخخخخخخخخخ اي والله متفقين على كل شي وسكتي انا باجر راح اداوم اول يوم مسائي زوجي قالي روحي بس شوفي شنو الوضع باجر وبعدين اخذي طبيه خخخخخخخخخخخخخخخخ عاد بروحي مافيني شده صج على الدوام

واي زين طلعوا الصور ماتدرين شكثر غثني التحميل احمل وساعات يعلق الموقع عاد الحين قاعده احمل صور البجايم
وعيونج الروعه حبيبتي ومالقيت بالمحل هذا الي ثلاث دراريع ويسدون النفس تعرفين قطعه وحده وخياط سيده ماكو موديل فماخذيت نفسه

 

[بنات حواء2]

النفنوف الثاني وايد روعه عجبني وايد من وين ماخذته ؟؟؟

النفنوف مع الشال فكرته وايد حلوه و لونه روعه انا احب الاخضر على البيبي

النفنوف الرابع يونس

و الاخير يونس اموت على الوردي

شوقتيني حق لبس البنات وناسه يينون

ما شاء الله ذوقج حلو

و زين سويتي ما خذيتي وايد كافي عليها بعدينراح يضيجون عليها حبيبتي
خلأشوف الباحي و ارجعلج

 

[بنات حواء2]

هلا حبيبتي مها ليش ما تحملين على العملاق اسرع وايد سريع

 

[بنات حواء2]

لا تنسين تصوريلي دراريعج اذا قدرتي وناسه يله متى اروح اشتري انا قلت انشاله من الشهر الياي باخذ خفايف بجامات و هسوالف و اشوي اشوي آخذ الكرفايه و البدالت و وووووووووووووووووووووو الله يعين

 

[إستبرق]

الحين البجايم

اول شي هذا طقم بجامه وبجامه على تبان وتبان وفي معاها كبوسه وصدريه بس ماصورتهم نسيتهم بعد

الطقم

وهذا طقم ثاني لفه وبجامه وكبوسه وصدريه

الطقم الثاني


وهذي بجامه ثالثه


البجامه


هذي الرابعه


الرابعه


واي ساعه قاعده احمل البجايم الباقيين وماكو فايده يعلق الموقع انشاءالله باجر اكمل الباقيين على خير

 

[إستبرق]

النفنوف الثاني طحت عليه طيحه خخخخخخخخ لقيته بسرداب عيد النصار بس هو الي عجبني من النفانيف الباقيين مو حلوين والنفانيف الثانيه قلت ابيهم ناعمين شوي لان ساعات البيبي يتضايق من الملابس الوايد

ويالله انشاءالله يوم جهازج وانا قصب ماسكه نفسي ما اخذ لها وايد والله كل ما اشوف شي باخذه بس اقول حسافه اذا صج يصغرون فقلت اطلع حرتي ورى الاربعين انشاءالله
وانا احمل من العملاق بس ما ادري شفيه اليوم مليييييييغ ويعلق ويطلع خطا بالصفحه

 

[إستبرق]

انشاءالله بس اخلص بعد دراريعي احطهم عاد شيصورهم لووووووول انا ملابس الياهل ولعبت لعب ما ادري شلون اصورهم خخخخخخخخخخ
وامبلا والله بس تعرفين شنو فيج ابدي جهزي شوي شوي وربي انا من الخامس بديت اجهز وللحين ماخلصت لان ما ابي كل شي بسرعه بسرعه لا اروح واشوف شنو يعجبني واخذ طبعا لاتنسين الورقه الي مسجله فيها خخخخخخ والله من غير ورقه تضيعين والله يسهل عليج يارب

 

[بنات حواء2]

الله يكون بعونج و الله حاسه فيج و انشاله انا بعد بلش من الحين باخذ تبانات باخذ بجامات بس تدرين انا واقفه على السونار الياي عاد انشاله يبين اذا ولد و لا بنت عاد امس سويت في الابره طلع صبي عاد ما يندرى السونار شيقول ادعيلي انشاله يبين يار ب و الله محتاره

و بنسبه للورقه اتصدقين صارلي يومين ادورها ضايعه و الله برد اكتب من يده و يديد و انتي زين سويتي ما خذيتي وايد خليه عقب الاربعين راح تتربرب من الحليب و تتغير بعد الياهل يتغير ويه عقب الارعين يصير احلى واي يله متى تولدين خنشوفها الخايسه طلعت روحنه

اما انا احس نفسي ريضه عفيه لا تولدين و تكشتين فيني واسيني و إلي يرحم والديج لا تخليني

 

[بنات حواء2]

البجامت يونسون كلهم حلوين اشوى طلع ذوقج مثل ذوقي

الله يعينج على التصوير علي

يالله يايني الدور

 

[بنات حواء2]

يله خلأقوم احاول انام معني متاكده اني ماراح انام قاعده الساعه ثمان بليل ويني و وين النوم الله يعيني باجر ما ادري شلون بداوم ليلخمس ادعيلي ارجع انشاهل من الدوام و الاقيج يله تصبحين على خير

 

[إستبرق]

يالله انشاءالله تعرفين بالسونار الياي وترتاحين عاد اذا صبي مايبيلج لويه وعفسه واي ماتدرين شكثر صار ودي اولد من التعب الي الحين قبل يقولون لي بالثامن تعب ما اصدق الحين صدقت الله يسهل علينا يارب وردي كتبي ورقتج لاتضيعين من غيرها وافا عليج لا والله ما انساج انشاءالله اذا ولدت ادخل اواسيج خخخخخخخخخخخخ انشاءالله واهون عليج وعاد تورينا شنو اشتريتي
ويالله روحي نامي والله يعينج خو الافكار كلها تطلع يوم الواحد يحط راسه على المخده ونوم العوافي حبوبه

 

[بنات حواء2]

لا يا مها ما نمت ما قدرت انام تخيلي بروح الدوام من غير نوم مو بس من الافكار ياني عوار مو طبيعي في بطني و حرقه قويه و حسيت بلوعه قويه و انتي بكرامه لي درجت اني ما ني قادره اوقف او اتحرك عوار قوي مثل عوار الغالون

انا كان معاي غولون عصبي و من اول ما تزوجت خف لين اختفى و ما قمت احس فيه مثل قبل بس الحين ياربي ياني عوار قوي بقيت اطيح غشيانه منه كأنه حاطين 3 طابوقات في بطني و الله ما قدرت امشي غصب رحت انسدحت على ظهري اشويه خف العوار و الحمدلله الحين ما فيني شي

يله راح الكثير و مابقى إلا القليل كله شهر انشاله و تولدين و تفتكين يارب

الشقى لي الطريج طويل جدامي يا مها جدامي 5 شهور و اشوفه او اشوفها

يعني الثامن يتعب اكثر من الرابع ؟

 

[بنات حواء2]

ادعيلي بس اعرف السونار الياي شنو في بطني و الله ودي اعرف الحين لو يحصلي

ما ادري شكلي بروح اليوم و بشوف ماني قادره اتحمل بشوف و مره وحده اسال الدكتور عن الي فيني