اهم الشغلات إلي تجهزينها حق البيبي والمستشفى خل نستفيد

[بنات حواء2]

صج مها كل مره اقول ابس اسألج و انسى في البجايم حق البيبي إلي تصير مثل الدشداشه ما تتصكر من تحت حتى في وحده تبيعهم في المنتدى يكونون قطن و طوال بس اعتقد تبيعهم ب 20 او 18 حلوين يينون ما شفتي مثلهم في افرارتج ؟

انتي من وين خذيتي التبانات ؟
و من وين خذيتي البجايم ؟

انا سمعت انه البجايم الزينه و القطن الوين تحصلينهم عند مذركير و التبانات قالتلياختي اخذي من سنتر بوينت او مارك سبنسر بس انا شكلي باخذ من سنتر بوينت لأنه يقولون ماركسبنسر صاحبه يهودي على الاقل اعطي افلوسي حق مسلم و لا اعطي فلوسي حق يهودي اليوم ياخذ فلوسي و باجر يحاربني حسبي الله عليهم

 

[بنات حواء2]

خلاص اليوم شكلي بروح حق الدكتور جهزي أسألتج اذا عندج شي خلأسئله حقج اوكي ؟؟؟؟؟؟؟؟

 

[إستبرق]

وي الله يعينج روحي الدكتور احسن لج وي فيج قولون الله يشافيج يارب والي سامعته ان القولون يسوي كرش شوي صح ولا لا انا اختي الكبيره فيها قولون عصبي وتشتكي منه الله يعينكم وبعدين روحي الدكتور احسن لج لاتقعدين وتطنشين بالعوار والحمال بالثامن ثقل وعوار ظهر وصج صار فيني احس مو انا الي قبل احس اني ثقيله خاصه اذا كليت لو شوي الله يسهل يارب

 

[إستبرق]

وي حبوبه انشاءالله تعرفين شنو الي فبطنج وتبشرينا وتفرحين فيه انتي مثل زوجه اخوي مسكينه ميته تبي تعرف وكل ماتروح مايقولون لي اخر مره راحت للشاذلي وحتى ماقالها قال المره اليايه اقولكم ما ادري ليش

وماعرفت الي تقصدينهم شنو من دشاديش مو منتبهه يمكن شايفتهم بالمنتدى بس ناسيه
وانا خذيت التبانات من مذركير وخذيت بجايم من مذركير ومن عيد النصار سنتر بوينت كنت ناويه اروح له لانه مدحوه لي وانه زين بس خلصت الغراض خخخخخخخخخخ تليقفت شوي ما استحملت كل ما اشوف شي حلو اخذه يوم رديت البيت واحسب ولا انا ماخذه فوق الكميه الي كاتبتها
لي اخر مره هذيج المره لما رحت مذركير على ثالث يوم العيد وشفت بجامه على تبان شكل ارنوب ما ادري قطو وخذيتها وانتي مثل زوجي يموت واطفارته ماركس سبنسر من هالشغله لان صاحبه يهودي يقول قوليلي اي مكان بس هذا لا ما ارتاح له ادفع فلوسي فيه واتحسف خخخخخخخخخ

وانا يمكن باجر ولا عقبه بروح الدكتور لان دقينا عليه امس عشان ظهري وقالي اسم كريم بس قال خل تييني احسن عاد بروح له وي مالي خلق روحه الطبيب احسها تييب الهم النطره مو شي الله يستر يارب وانشاءالله تعرفين الي فبطنج بس واي الله يعينج مو نايمه وتروحين الكليه لي الساعه 5 بعد تبين تروحين الطبيب احس ارهاق موشي الله يسهل عليج

 

[بنات حواء2]

هلا مها لا ويت ما داومت المحاضره الاخيره من 3 حتى 5 ما قدرت عاد مو مداومتها من اول الكورس و احس بتعب شكلي خلاص بسحبها لأنها متأخره و انا ما اقدر اتعب اذا في اليوم 3 محاضرات اموت عاد يقولون خوش دكتوره و مفيده هلماده كلها عن الحمال و الرضاعه و الجنين يعني شي مفيد بس متأخره ما اقدر عليها خاصتن و انه في نفس ليوم عندي محاضرتين قبلها يله الله يسهل

و طبعن اليوم مارحت الدكتور رديت من الدوام و سيده نمت حتى ماقدرت اروح المحاضره من التعب و ما قمت إلا الساعه9 بعد ما اتوقع راح ألحق على الدكتور انشاله باجر بروح بذن الله

 

[بنات حواء2]

انا كان فيني غولون بس راح وايد ما قمت احس فيه بس طبعن قبل كنت احس فيه اذا كليت سبايسي او عصبت او انقهرت حتى لمن ادرس او افكر تنتفخ بطني و تعورني احس انها ثقيله بس اذا نمت و ريحت بالي يفش و الغولون يختلف من حاله لي حاله لازم الانسان ما يعصب على اقل شي عشان لايصير فيه هلغولون البلوه عاد انا قبل لا ازوج كنت 24 ساعه معصبه بس الحين لا هديت بروحي بروحي طخيت

 

[بنات حواء2]

و على طاري سنتر بوينت ترى عندهم شغلات روعه بس بدامج خلصتي تمام عييل لا تروحين عشان تحافظون على الميزانيه

 

[إستبرق]

وي جنج زوجه اخوي تدرين حتى هذيج المره تقول عندها ماده ماحظرت لها ولا محاظره هذيج المره رايحه للدكتوره قايله لها انتي ساقطه ساقطه ماعندج حظور عاد قالت بسحبها هي تدرس اداب انجليزي
وبعدين واي اكيد الله يعينج من الصبح لي 5 المغرب حتى يومج كله ضايع لي رديتي اكيد ان سيده تبين تريحين فالبيت من التعب وبعد على هالحر والرطوبه مو شي حده
والله يبعد عنج القولون انشاءالله عاد انتي ديري بالج مو ناقصته هو بعد
وسنتر بوينت قالولي فيه شغلات حلوه بس اذا ابي اروح له ورى الاربعين انشاءالله واي لبس اليهال ماتقدرين تمسكين نفسج اليوم رحت السوق ابي اشتري ملابس داخليه وجذي ولا بدله نفنوف حلو وناعم جان اقول لزوجي شوفه قالي خل ناخذه وخذيته خخخخخخخخخخخ ما استحمل ولا القى كبابيس حلوين جان اخذ بعد ماتقدرين تمسكين نفسج يربي والله حلو خاصه اذا لون وردي يشدني غصب عني اخذه وزوجي نفس الشي
عاد واي اليوم شريت تكرمين جوتي طبي وكعب الي يكون الكعب سيده من كثر مااستانست انه مريح بدلت فيه سيده بالمحل واحس ان صج صج صج غير اثاري الكعب هذاك عافسني وشريت الكريم الي قالي عنه الدكتور مع حبوب مثل البندول بس اخف للظهر واي حطيت الكريم تعرفين لما حار شوي احس انه سحر ريح ظهري والله استانست عليه اذا عورج ظهرج سيده ابدي حطي منه

 

[إستبرق]

صج تذكرت اليوم رحت سوق النقره ما اعرف اي واحد يمكن الجنوبي لان مدحولي محلين لقمصان النفاس عاد يوم رحت ولا ادخل اول محل جان اوقف قلت لزوجي شنو هذا نفس الي بعيد النصار سالناه الي يبيع قلنا لكم فرع ثاني بعيد النصار قال لا مو نفس الفرع بس نفس البضاعه قاله زوجي ليش ولا يقول الموزع علينا واحد طلعت منه لان الي بعيد النصار اكثر من بضاعته جان ادخل المحل الثاني الي قالولي عنه ولا هم نفس البضاعه سألتها انتوا نفس المحل قالت لا الموزع واحد وهم الي بعيد النصار احلى جان اطلع الحين سمعت عن محل بجمعيه الدعيه فوق اخاف هم اروح وتطلع نفس البضاعه خخخخخخخخخخخخخخخخخخخ زوجي يقول هذولي شسالفتهم ماعندهم غير هالموديلات بس المحل الي بالنقره الاول واحد انا ماخذه من عيد النصار موديل ب28 او 29 هناك قال اعطيجياه ب22 مع ان الي بعيد اسعاره ثابته ما ادري ليش هالنصب

 

[بنات حواء2]

وناسه صح انا سامعه عن هلكريم يكون حار بس وايد زين يله غدا شرج

و ديري بالج على نفسج شوي شوي و انا اقول لاتلبسين عالي كلش بس ليلولاده يله ما بقى شي

و بسج ملابس ترى حرام عقب ما تطلع استبرق من الاربعين راح تتبتب و راح يضيجون عليها بس عقب ما تطلعين من الاربعين روحي سنتر بوينت ترى شغلاته حلوه

و انا اقول انتي لا تطلعين من البيت عشان لا تاخذين شي بعد

عييل انا راح اصير مثلج و خوفج اكثر منج عاد انا اموت على هسوالف

صج مها ليش الدكتور معطيج حبوب حق شنو ؟

منو دكتورج شنو اسمه نسيت اسمه ؟

 

[إستبرق]

اي واي الكريم يهبل خخخخخخخخخخخ اقول لزوجي الله سحر وما اقدر ما البس كعب بس ترى مو كعب عالي لا عادي صغطوط وطبي الي كون سيده يهبل مريح
خخخخخخخخخخ ما اقدر ما اطلع والله اليوم كلش ما ابي اطلع بس زوجي قال يبي يروح حولي لمكتب الخدم يبون بطاقته جان اقوله يالله انا معاك
وشكلج مثلي ماتقدرين تتحملين بس تقشين خخخخخخخخخخ
عطاني الحبوب عشان ظهري اخذ حبه باليوم مسكن ودكتوري عمرو عصام

 

[بنات حواء2]

خلاص قررتي الحين تبين تولدين عنده اوكي و له تبين تغيرين ؟؟؟

انا ما انصحج تغيرينه اذا انتي مرتاحه عنده و بعدين هو يعرف حالتج اكثر من غيره و الله على حسب كلامج شكله وايد زين خليج عليه و انشاله ما في إلا كل خير

 

[بنات حواء2]

انا دكتوري احمد الشاذلي لو اقولج عليه بتموتين من الضحك هو زين مافي شي معاملته وايد زينه و اي شي ابيه يصرفلياه بس عسى ما اقوله ظهري او اي شي فيني سيده كتب دوه ما يفسرلي الشي يعني تحسين بس يبيني آخذ أدويه لأنه يصير له نيبه من الفلوس فبديت احس انه طماع معنه ممتاز و كل البنات في المنتدى مدحوه و قالولي لا تغيرين خليج عنده وايد زين

بس انا هذي الشغله فيه تقهرني بس هو زين ممتاز ما في اي شي اقوله عندي كالسيوم و حديد يكتبلي في الوصف نفس الكالسيوم و الحديد إلي عندي و الله يقهر

 

[إستبرق]

والله بخصوص الدكتور اولد عنده ولا لا يتحدد من الزياره اليايه لان انا مو شايله هم الولاده شايله هم الفحص قبل الولاده وهم الزياره الي ورى الولاده فقالت لي اختي ترى في دكاتره عادي مو الى يفحصونج قبل الولاده هم انتي خلي زوجج يسأله اذا الفحص عادي دكتوره وانت تولدها لانها تستحي اذا قال اي خليج عنده عاد قلت لزوجي وقال خلاص المره اليايه انتي طلعي قبلي منه وانا اساله عاد يارب يقول عادي لان وايد مرتاحه عنده

ودكتورج تدرين انا قلت لزوجه اخوي انه يمدحونه وجذي وبرمضان راحت له هي واخوي طلعوا منه اخوي يقول لو شنو ما اروح له غاثهم خخخخخخخخخخخخخخ اول مو داخلين عنده سائل زوجه اخوي شنو تبين زوجه اخوي قايله بنت عشان ان اذا السونار بنت مو تكسر خاطره وعلى باله تبي ولد عرفتي يعني عشان يقول فلما مسوي السونار اخوي ساله ها شنو قاله ما ادري المره اليايه ويوم اخوي يصد بصوب يقول بصوت واطي لزوجته صبي صبي لي ماطلعوا يقولها صبي واذا لف اخوي يقول مو مبين وبعدين غاث اخوي يقول يستظرف دمه وايد خخخخخخخخخخخخخخخخخ وبخصوص الادويه واي عاد طفارتي الي جذي هذا الي عجبني بدكتوري انه يعطيني الادويه المهم وينصح بس بالزين تدرين لما كريم الي للبطن عطاني نوع ومالقيته اشتريت غيره يوم رحت له قلت له مالقيت هذاك واشتريت غيره قالي اقولج الي زين ومافي احسن منه وماتقطين فلوس ولا تتعبين والله انا جربت مع الي يجون كل نوع يقولونه لي مالقيت غير هالكريم زين قلت شنو قالي فازلين انا انصدمت وانا ما احب الفازلين قلت له فازلين قالي اي وترسي كل بطنج منه يعني شبعي البطن خلي طبقه والمره الطافت لما رحت له واقوله خلاص قال خلاص انا ادويه ما اغير ولا ازيد انا معطيج كل شي زين ولي تولدين تكونين بعافيه انشاءالله حتى لما عطاني ابره الترجيع تكرمين قالي اذا تبين عادي حتى مستوصف حكومه طقيها بس انا طقيتها عندهم وانا ما كنت اعرف الحامل شنو تاخذ ما اطلب منه كلش هو يعطيني الزين وبعد اذا عطاني اي شي يقعد يقولي ويفهمني لشنو وليش عرفتي يعني يعطيني وقتي عشان جذي ارتحت له وااااااااااايد الله كريم يارب ودي اولد عنده بس استحي اذا هو يفحص

 

[بنات حواء2]

و الله ما ادري يمكن اغير دكتوري و اروح حق دكتورج ليش لأنه كثرت الادويه مو زينه حق الحامل تأثر على الجنين هو كل ما اروحله يكتبلي ادوي جنه ناطرني اروحله حق الادويه و السونار بس عشان فلوس بس ما يفكر في مصلحتي

 

[بنات حواء2]

ببو قدكتورج منج

 

[بنات حواء2]

ما ادري و الله بسوي خيره و بشوف وين الاحسن بروح عليه و الله محتاره بهدكتور إلي يموت على الادويه

 

[بنات حواء2]

ما ادري شتقولين انتي ؟

 

[بنات حواء2]

اما بنسبه حق الدكتور هو بس على الفحص اصلن حزت الولاده راح يشوف يعني راح يشوف هو صج فشله و ما ادري اشلون حتى انا و الله استحي امبي و الله اموت من الخجل بس شنسوي شلون نولد ؟؟

 

[إستبرق]

سوري حبوبه الله ياخذ الوطنيه علق الموقع عندي
وبخصوص دكتوري انتي روحي المره اليايه ودخلي عنده اذا عجبج ضلي عنده واذا ماعجبج غيريه وردي لدكتورج عاد تدرين انصدمت تدرين وربي دكتوري مادفعنا له سونار الى مرتين :eh_s(12): عيل انا على بالي كل الدكاتره الي هناك جذي كل مانروح مايدفعنا فلوس سونار غريبه والله :eh_s(10): وبخصوص الولاده لا انا صار عادي دكتور لان كلهم يقولون بالوالده ماتدرين عن ولااااااااااشي بس نايمه بس اختي قالت اذا رضى يفحص لج غيره وتولدين اوكي ولا تقول بس الموعد الي ورى الولاده يشوف الخياط تقدرين هني تغيرين تروحين عند دكتوره قلت اذا جذي بجرب واشوف والله كريم يارب والله عفيسه