اهم الشغلات إلي تجهزينها حق البيبي والمستشفى خل نستفيد

[إستبرق]

اهلين جنان وي الله يعينج بعد مابين ليش ؟ شسالفه الدكتور هذا على السونار يطلع روح الوحده الى يعلمها
وموعدج ورى عيد ميلادي بيوم يالله انشاءالله تعرفين عاد اذا قالج بعد مو مبين كفخيه باقرب ماعندج لووووووووووووووووول
والمحل الي قلتي عنه امبلا خذيت لعرسي منه كفر وصج كان حلو بروح اشوف يمكن القى بعد للولاده انشاءالله
والتوزيعات انشاءالله بسويها على هالاسابيع عاد عجبتني طريقه وحده بالمنتدى ودي اسويها الي مع الككاو حاطه حصن المسلم انا عاجبتني من قبل سوتها زوجه عمي دعوه ملجه بناتها مع حصن المسلم وحلوه منها اجر
وديري بالج حبوبه ترى موزين المشي وايد خاصه انتي توج اول اشهر والدنيا حر بعد وي الله يعينج يارب ويسهل عليج اتذكر بالاشهر الاولى بس انا كنت كلش موليه ما اقدر اتحرك وربي ان نسيت الطلعات بس اروح موعد مراجعتي وارد البيت الله يسهل عليج يارب وديري بالج انا قلت خلاص قرار نهائي انشاءالله بروح يوم السبت ولا الاحد لان اليوم يمكن اروح لخاتي توها والده وباجر دوامهم بس صبح ومالي خلق طلعه الصبح او يمكن اغير رايي اروح اتريق واروح للمراجعه خخخخخخخخخخخخ
لا وانا ناويه انشاءالله اروح اشوف الغرف عاد ماتدرين شكثر صار ودي اولد برويال حيات عند خالده ودي اروح اشوف شالسالفه هالدكتوره دخلت قلبي من لقائها بالتفزيون بس محتاره اقول دكتوري الحين عرفني عدل الله كريم يارب والغرفه الصغيره انا شايفتها لان امي ترقدت من فتره بالسلام واختي تقول انها نفس الغرفه الي امي كانت فيها لاني بصراحه اتحسف ساعات اخذ جناح وجذي لان محد يزور بالمستشفى الى خواتي وخواني الباقيين فالبيت ما ادري عاد بروح واقرر انشاءالله

 

[إستبرق]

وي احلى كويتيه يمحاسن الصدف انا داخله بقول عن المصنع
زوجي اليوم من الدوام طلع للمصنع قال خل اييب منه ككاو واشوفه وانتي متى ماتبين تروحين اوديج عاد يابلي الورقه الي فيها اصناف وياب لنا كيلوين ككاو بس وااااااااااااااااااااااااايد عجبني خاصه الويفر اموت على البسكوت انا وبعدين عجبني لون الوردي استانست قلت لان فيني بنوته حلو الوردي وياب 4 انواع الويفر وواحد بفستق وواحد بنفس خدود البنات ما ادري شنو اسمه وواحد كريمه بلوز تشبه الي بالماكنتوش الي لونها بنفسجي ويالي يقولي والله ماقدرت اجرب انواع وايد شنو اذوق وشنو اخلي خخخخخخخخخخخخخخخخخ عاد زوجي سائله شكثر اساله قايله انهم ييبون الكريمه من امريكا مايسوونها بالكويت والككاو حتى من سويسرا وبعد نسيت من وين وزوجي يقول بعد عندهم فازات وحلوه اشكالها ورخيصه يقول اغلى فازه ب25 اشوف زوجي وايد عاجبه المصنع عاد قلت له عيل يبيله نروح له بعد جم يوم واسعارهم والله زينه زوجي يايب كيلوين بس واااااااااااااااااااااااااااااايد على 10 دنانير والاهم ان الككاو حلووو وبعدين يكون فريش يعني ماتخافين منه والله صج يوم قاعده اشوفه قلت الله يجازيها خير الي دلتني على هالمصنع عاد قايل الي يبيع لزوجي ان بعد في مصنعين بالكويت لغيرهم وقايله اساميهم بس زوجي مو سائله عن مكانهم وزوجي يقولي مها تدخلين كله ريحه ككاو وكريمه وفستق خخخخخخخخخخخخخخخخخخخبس والله المحلات طلعوا ينصبون علينا يعني هذيج المره خذيت من محل كيلو ب14 دينار وشويه الككاو وبعدين يوم يبته البيت ولا يسد النفس الحمدلله على النعمه الككاو مو شي هذا لا حلو ويشوق
يالله متى ابدى اسوي توزيعات والله يسهل علينا يارب

 

[إستبرق]

احلى كويتيه انا اقول لاتاخذين الحين وسأليه متى بيزودون وجم ؟ وترى يمكن ينزل لج بالسعر بعدين بس تدرين شنو تسوين صيري زبونه خخخخخخخخخخ يعني لو تبين ككاو لاتشترين من محل روحي انتي او زوجج لو تاخذون كيلوا ولا ربع بس يحفظ شكلج مني لي الولاده خخخخخخخخخخخخخخخخخ لان خوفج تاخذينه الحين لي شهر 1 ولا صاير موحلو هو حلاته انه فرش دقي وسأليه والله يسهل عليج

 

[همسة ورد]

استبرق شوقتيني على سالفه المصنع .. اذا ماعليج كلافه ابي عنوانهم عشان اروح ..

واليوم شريت كفر من مجمع النقره وايد حلو ازرق فاتح بذهبي وسعره حلوو من 70 خذيته ب50 مع ان كان عاجبني كفر ب300 بس بعدين قلت حرام جنه وايد..

انصج يا استبرق بدكتوره خالده ترا تهبل تهبل روحي وشوفي طريقتها وراح ترتاحين نفسيا وتخصصها اهي الوحيده بالكويت بعلم امراض الام والجنين ..

انصحج فيها صراحه

 

[إستبرق]

همسه ورد اهلين حبوبه والله ان الككاو ماله حلوو صج صج وانا بصراحه الحين نويت انشاءالله توزيعاتي منه وعندي الورقه فيها انواع وايد واشكال وايد عجبتني طريقتهم وانشاءالله راح ادز لج مكانهم وانا وزوجي اول مره رحنا ضيعناه مشينى صوبه وخليناه لان الاسم مو واضح زوجي نزل سال واحد عنه ودلانا عليه الحين ادز لج رساله البنت الي علمتني عليه من عنوني
وزين يعني خلصتي من الكفر والله زين على 50 وحلو لون سماوي شنو فيج صبي ؟ وامبلا والله احس صج حرام نقط 300 على كفر يربي اخاف بعدين يوم الولاده الله يغضب علينا ومايسهل لنا والله انا احاتي من هالسالفه وبعدين بصراحه انا مافكرت اخذ الكفر بمبلغ جذي قلت كل الي فالمنتدى قاعدين يعرضون كفراتهم للبيع لانهم مو مستفيدين منهم وحتى يبونها باسعار غاليه احس ماتسوى كلها يومين يعني لو على شي ثاني اوكي والله يهنيج بكفرج اليديد وتفرشينه بالعافيه يارب

وبالنسبه للدكتوره خالده اي انا قبل لا ياخذونها مستشفى رويل حياه شفت لها لقاء على الكويت وايد عجبتني بس كانت بمستشفى الفروانيه فهونت قلت ما ابي حكومي
زين حبوبه بجم الولاده برويال ماتدرين ؟

 

[همسة ورد]

شوفي دكتوره خالده تاخذ 250د.ك
والمستشفى اقل غرفه اللي اهي العاديه ب350 عرفتتي
وعندهم الغرفه اللي بعدها جنه 750 واللي بعدها 1150 اللي انا ماخذتها اسمها الياسمين وطبعا فيه خصم 10% على نهايه فاتوره الولاده اذا انتي او زوجج تشتغلون بالحكومه والسعر لايشمل الادويه والخياط التجميلي والشفط وابره الظهر ..
والدكتوره موجوده هم بالصباح بس ماتستقبل الا الحالات الصعبه جدا والخطره ..
وانشالله اكون فدتج بش اهي رووووووووعه

 

[إستبرق]

وي احس انهم نصابين بصراحه يعني اذا رحت ولا سبحان الله اطلع قيصريه يبيله بروحها ميزانيه ثانيه
ما ادري والله محتاره اظل عند دكتوري ولا اروح لهم شكلي بستخير واشوف والله كريم ويسهل علينا يارب

 

[بنات حواء2]

هلا بنات اشلونكم شخباركم

اشلونج همسة ورد عسى لقيتي إلي الكفر إلي تبينه حطي لنه صورته خنشوفه انا شفت واحد عسلي عنده روعه وايد عجبني عل العموم عليج بالعافيه
و انا انصحج تاخذين الككاو من المصنع احسنلج عشان يصير فريش مو محزر حاله حال المحلات إلي يلوعون الجبن و يقصون الوي لا و ينصبونج نصب مو طبيعي و الله

هلا حبيبتي احلى كويتيه انا اقولج نصيحه اخذي الككاو قبل لا تسوين توزيعتج بفتره بسيطه عشان لا يقدم الككاو ترى حلاته فرش

 

[بنات حواء2]

هلا مهل اشلونج شخبارج وناسه ورانه سوالف وايد و ادري صايره كلش ما تصادفيني لأنه نومي مخترب و حالتي حاله و تخيلي نمت من اربع العصر قمت الساعه 6 الصبح من التعب و الارهاق و ريلي يقولي نامي ارتاحي و الله التلفون يدق ريلي يقعد فيني ما ارد عليه من التعب و الله حسيت نفسي مرتاحه و شبعانه نوم و ضهري اشويه اوكي مافي عوار

بالنسبه حق التوزيعات وناسه ياحظج انا احب هلسوالف و الله روعه احب اقعد و اسوي حتى ريلي يحب يسوي معاي

بالنسبه حق حصن المسلم اي انا شفت الموضوع وايد حلوه الفكره و انا بعد فكرت اسويها فكره حلوه ترى روعه وانا بطلع افكار يديده بحطهم انشاله بس بسأل و من سأل ما ضاع
مثلي لمن سالتج عن المصنع ما ضعت

بنسبه حق دكتوري الله يسلمج انا بروحي مقهوره منه لا تزيدينيي و الله اروح اطقه بالملف على راسه اخلي قرعته تزبد تصير لي أفاه لا انا المره اليايه اذا ما قالي بغيره و بروح حق دكتورج احس انه دكتورج احسن منه بس ما سألتي عن دكتورج اشلون ولادته اشلون خياطه ما قالولج ؟؟؟؟؟؟؟؟؟؟؟؟؟

و بنسبه حق محل الكفرات ترى عنده شغلات روعه بين كل فتره و فتره ينزل روحي شوفي

 

[b6o6a]

بنات قولولي شنو سالفه المصنع علموني ماعرف شي ضايعه

وقوليلي من وين اخذ الكفر واخذ معاه اغراض البيبي وجيسه عشان يصير طقم ولا عادي غير ؟

اليوم بروح السوق ببدي اشتري هدوم حق البيبي اسهل شي

وعلموني شنو اشتري بعد

 

[إستبرق]

اهلين جنان اي انا قلت شكلها تعبانه تطلع حرتها خخخخخخخخخ سكتي انا الحين قاعده اكتب واحس بنام على الاب توب اليوم مانمت اليوم الى ساعتين وحدي تعبانه حتى كنت بروح السوق الحين بطلت قلت لزوجي لا خلها باجر
ويالله عيل اذا عرفتي افكار قوليلي انا عجبتني فكره حصن المسلم منها اجر اذا الواحد قرى ومنه شي يديد ومنها دعاء للبنوته قلت لزوجي ووريته الصوره وقلت له روح اسال وين بجم يسوونه
وي الله يعينج انا رفع ضغطي دكتورج شكله هذي سوالف ليش نفس الكلام الي قاله لزوجه اخوي غريبه والله ودكتوري والله ماسألت شلون على الولاده لاني ما اعرف اسال منو بس يربي شكله يوحي انه شاطر يعني لما يتكلم وجذي يعرف لكل شي ماشاءالله عليه

وبخصوص الكفر انشاءالله بروح له واشوف انشاءالله القى

 

[رقي]

بنات امير الامراء
يبيع بساكيت صغيره موت
تنحط يم الاستكانه ورخيص
شي بالزعتر وشي لونه خضر
واشكال والوان

 

[رقي]

استبرق واللي عافي شوفيلي معاج
انا عجبتني فكرتها مالت حصن المسلم

 

[رقي]

هلا بطاطا يلله خلصي شغلج
الثامن والتاسع ثقل موووت

 

[رقي]

اي مصتع كاكاو

 

[إستبرق]

اهلين رقي حبوبه وين مكانه امير الامراء لو ماعليج امر

 

[رقي]

كاني كاني:eh_s(3):

عاد تدرين بنات حواء انا امووت على سوالف الفناتق وتجهيز الاستقبالات

قبل جم يوم خالتي والده واخذنا لها ككاو من محل يديد بالسالميه جنه اسمه choco
بس طعم الككاو نفسه رووعه وحشواتهم حلوه بعد


وعندج محل بالسالميه بعد هذا رقمهم5752664

اهو صااير يم السجاد الايراني هم ككاواتهم وايد حلووه
محشينها بشعر بنات وخدود البنات ورهش ولايطووفج بعد عندهم ككاو محشينا براوني كييك رووعه

وهذيل بعد ارقام بنات يسوون ككاو
شكونال 9772785
شكونانا 6818786
واي خدمه انا موجوده

اسمه سلفرينا انا طالبة منه حق ولادتي
بس ماعجبني الاوريو
عجبني شيز كيك وشعر البنات بالكاكاو

 

[إستبرق]

من عيوني رقي بس زوجي يسال لي اقولكم انشاءالله والمصنع وحده بالمنتدى جزاها الله خير دلتني عليه ادز لج الرساله الي دزتها لي من عنوني

 

[رقي]

اذا قلتيلي وين مصنع الكاكاو
بزنس از بزنس
خخخخخخخخخخ

شفتي حولي
وين الجمعيه ولابجيت
اتلاقينه مناك بهالسطره قبال
حولي بارك

 

[رقي]

استبرق من وين كاكاوج
واذا تبين توزيعات عندج قوديفا
انا ودي اسوي توزيعات بس متعيزه حدي
بشتري كاكاو من باتشي وبس