اهم الشغلات إلي تجهزينها حق البيبي والمستشفى خل نستفيد

[همسة ورد]

بنات شلونكم ؟؟

انا اليوم رحت فررت على محلات وبيوت لبيع الكفرات بصراحه ماعجبني شي الا من وحده اسمها ام ديانا شغلها حييل راقي وايطالي وشي شي بصراحه..
الحين بشووف سرير للبيبي ..

اي ورحت روشيه عنده توزيعات على لعبة شكله غريب اتفقت معاهم على 100 حبه .

وعندهم بعد بسكوت صغاار على زعتر حق الشااي شكله ذرب والكيلو ب5 د.ك

وهدوم البيبي خلصتهم ماعدا باقي بدله المستشفى شرايكم اخذ بربري ولا ماراح يبين بدلته ومايسوا السعر ؟؟ ب66د.ك البدله

 

[بنات حواء2]

مها صج عفيسه بس ما ادري اشلون كل هلويه هو يخيط غيره يفحص واااااااااااااااي
صج احنه مشكله و الله ما ادري انا محتاره
و بنسبه للسونار على حسب الدكتور وايد دكاتره يراعون و ما يخذون فلوس الونار بس هذا كل ما اروح ياخذ 7 دنانير على السونار كل مره تخيلي بس نجمه ما تاخذ كلش و الله ما ادري عن خرابيطهم بيني و بينج مصري يحب لفلوس

 

[بنات حواء2]

هلا حبيبتي همسة ورد قبل لا تاخذين الكفر و تستعيلين روحي المجمع الشمالي في محل اول ما تدشين تمشين سيده ييلج محل على اليمينج يبيع كفرات عنده كفرات روعه و اسعارهم معقوله و مع الكفر تغليف كلنكس و انتي بكرامه تغليف لزباله ونعال و شغلات حلوه انا انصحج تروحين و تشوفين بعدين عاد حددي إلي يعجبج

و بنسبه حق هدوم البيب ما انصحج لأنه كل نتفه وعليه و تاخذيله شي بسعر بدلاتنه ما ينفع و بعدين راح يكبر و يضيج عليه همن حرام الواحد يلعب بلفلوس على اساس الكشخه و بس شي بينشاف و ينتهي موضوعه

روحي سرداب عيد النصار تحصلين شغلات حلوه

و اذا خلصتي يعني فتكيتي من اللويه و الكرفايه من وين مفكره تاخذين ؟؟؟؟

و بنسبه حق روشيه قايلي وايد انه عنده شغلات حلوه

 

[b6o6a]

السلام عليكم

وااي بنات للحين ما جهزت شي مادري بشنو ابدي ضايق خلقي

 

[إستبرق]

همسه ورد اهلين حبوبه روشيه امبلا قالوا انه حلو واذا على تقديم الحلو تبين روحي بعد الدكان بالاوقاف وشوفي الحلو مالهم والله صج شغلات حلوه وغريبه وذربه وجم خذى منج روشيه للتوزيعات البيبي ؟ عاد لا يسوونها فيج ويوم الولاده ولا ككاوهم بايت وناشف ترى ساعات المحلات نجلات الله يعين يارب
وبخصوص بدله البيبي انتي بنوته ؟ اذا بنوته انا عندي كشخيها والله حتى البدل مع اللفه وهالسوالف اذا استقبال تطلع لج مبلغ انا خذيت لها النفنوف مع اللفه والكبوسه والجوتي والمهاد الي تحت اللفه والجيس طلع لي بالثمانينات على ما اعتقد لاني ابيها للاستقبال وودي اكشخها واذا صبي ما ادري والله الصبيان يحيرون ماادري شنو نلبسهم
بس انا ما ادري بدله الاستقبال البسها بالمستشفى ولا فالبيت لان ماسألت اختي للحين لان الي يزوروني اغلبهم ييون البيت مو المستشفى فبشوف اختي وبعدين اقرر
وانتي متى ولادتج انشاءالله ووين تولدين ؟

 

[إستبرق]

وبخصوص الكفر والله بصراحه انا ما ابي سعر خيالي وبعدين ينقط ومانستخدمه خاصه ان سريري الي فالبيت نفرين وكنك والي فبيت اهلي نفر ونص فحدي ماراح استفيد منه يعني بس حزه الاستقبال انا قلت بروح المحلات واشوف الشغلات الي تكون دانتيلات وهالسوالف ترى والله تلقين شغلات حلوه واسعارها زينه مو طاقه فوق وايد اتذكر بعرسي امي يابت لي كفر يهبل دانتيلات وقصات وصج حلووووووو ومعاه قطع وايد طلع عليها ب45 والكل يسأل عنه عاد قلت بروح واشوف

 

[إستبرق]

جنان اهلين حبوبه اي والله حنا لويه حدنا ياربي والله امس اسأل اختي الخياط يعور ولا لا ولا تقول من صجج لازم تهتمين فيه وايد هم قبل لاتطلعين يعطونج غسول وكريمات لان اذا صار شي بالخياط تموتين من العوار جان قلبي يوقف من الخرعه وبعدين على الرضاعه قلت لها انا ما ابي اظل ارضع بس شوي قالت شوفي انا عادي يعني اسبوع واقطع ما ارضعه يورم صدري شوي واحس صخر بس جم يوم وبعدين عادي بس في ناس لا بجي من العوار عاد ما ادري انتي منهم ولا لا والله شوي وابجي حدي خايفه الله يعين يارب

 

[إستبرق]

بطوطه ابي من صجج لحين ماجهزتي والله موشي تخلينه كله مع بعض انا من الخامس اجهز وللحيني ماخلصت حبوبه توكلي على الله وعن العيز وروحي جهزي لان شوي شوي بتتعبين وابدي بالملابس مالات البيبي وخلصيهم ابدي بالسراير مالات البيبي وغراض الحمام مالاته والكريمات وهالسوالف وبعدين ابدي لج انتي الملابس وهالسوالف بعدين عاد تبدين بالتوزيعات والكفر وجذي والله يسهل عليج يارب

 

[إستبرق]

صج اليوم رحت للمصنع وصلنا هناك على الساعه 5 وعشر ولا يطلعون توهم مسكرين طلعوا يفتحن من الساعه 8 ونص الصبح لي الساعه 5 العصر عاد قلت خلاص اروح لهم يوم ثاني

 

[همسة ورد]

اي والله يابنات صاجين غاليه البدله وماراح تبين ..

والكفر هم بروح اشووف مع اني فتريت وايد وايد وايد مالقيت نواعم دانتيلات

وبعدين اهو مو كفر انا اخترت ثروو ينحط فووق الكفر وراح استخدمه بعدين حق سريري لانه قياس نفرين ..

وتوزيعات قالت لي روشيه بدينار ونص وكاسرتها عشان كميه راح تحسب لي دينار وربع اهو لعبه على بنت او ولد يعلقون فيه ككاو .. انا عجبتني الفكره لان مابي لما ياكلون الككاو ينقط القوطي فاخترت لعبه احسن ..

وبعد 4 ايام ادش شهري وراح اولد انشالله عند د. خالده برويال حياه غرفه الياسمين انشالله اذا الله سهل ادعولي حدي حدي حدي حدي خاايفه لانه اول ياهل

 

[بنات حواء2]

الله يسهل عليج حبيبتي همسة ورد و لاتنسينى بعد الولاده مرينه وقوليلنه شصار معاج

 

[بنات حواء2]

يا هلا فيج حبيبتي بطوطه لازم تبلشين عشان تفتكين و ترتاحين و يمديج تخلصين شغلج لا تستهينين في الموضوع

 

[بنات حواء2]

هلا حبيبتي مها زين قلتيلي عن المصنع عشان ما اروح و القى متصكر

و اليوم ترى ما رحت الطبيب النوم ذابحني مو حاسه في وقت كلش بس باجر بطلع من الدوام الساعه خمس و بروح سيده حق الطبيب

و بنسبه حق الكفر روحي المحل إلي في مجمع النقره الشمالي و الله عنده شغلات روعه و ارخاص مو غاليين و معاهم عدتهم الكامله و دانتيلات روعه و الله حرام تغلين بلميات على كفر تحطينه جدام الناس و بعدين خلاص ينتهي موضوعه

و بنسبه حق بنوتج عدل كلامج راح تلبسينها و تكشخينها حق الاستقبال بس الصبي صعبه شوي

و على طاري الكفرات ترى في بالمحل ألوان روعه وحلوه مثل العسلي و لاوفوايت و البيج و الابيض كل الالوان إلي عنده روعه و بين فتره و فتره ينزل موديلات حلوه انا ما خذيت منه بعد بس ناويه آخذ منه انشاله ذاك اليوم سمت وحد عنده كان ب 45 و من غير ما اكاسره لي كاسرته بصير اقل اكيد

 

[بنات حواء2]

صج مها على طاري لخياط على حسب خياط الدكتور اذا زين راح تردين و تصيرين جنج بنت طبيعي و عادي و اكيد لازم تهتمين و بعدين في تحاميل و الله نسيت اسمهم لازم تقولين حق الدكتور يصرفلج و هو انشاله بيعطيج اكيد ما راح يقصر و انا ليش ما ودي اغير احمد الشاذلي لأنه الكل يمدح خياطه من غير استثناء عشان جذي بتم عنده

و بنسبه حق الرضاعه لا تحاتين سألت انا بعد قالولي اول مره شوي راح يعور لانه البيبي ما يعرف يمص في البدايه و بعدين يصير عادي بس لازم ترضعين عشان يطلع الحليب من صدرج إلا اذا تحبين ترضعينها فتره بعدين تاخذين حبوب تنشيف الحليب تاخذين الحبوب و ينشف الحليب الي في صدرج كله

بس انا انصحج ترضعينه فتره اشوي حرام عشان صحتها تتحسن حتى انتي صحتج راح تتحسن مع الرضاعه الطبيعيه

 

[بنات حواء2]

و بنسبه حق نجلات محلات الككاو عاد صج فشله اذا صار الككاو منتهي ترى مشكله و الله

 

[إستبرق]

اهلين همسه ورد وبخصوص البدله في ناس يخشون الملابس يستخدمونهم للبيبي الثاني بعد عاد انتي اذا عاجبتج ومالقيتي شي ثاني يعجبج اخذيها وبخصوص الكفر والله ما ادري امي هذيج المره قالت لي على محل بس نسيت وين قلت لما بروح اشتري اسألها عنه وحلو الثرو وحلو ان نفرين يعني مايروح هدر والله يسهل عليج يارب يالله مابقى لج شي زين متى عطوج موعد الولاده والدكتوره خالده واي صار ودي اروح اولد عندها عاد اختي تراجع عندها والله يسهل عليج يارب وعلينا

 

[إستبرق]

اهلين جنان اي انا قلت اقولكم على المصنع عشان ماتروحون وبعدين روحتكم مامنها فايده


ويالله انشاءالله تروحين الدكتور وتعرفين شنو فيج انا بعد كل يوم اقول باجر بروح الحين انشاءالله باجر اروح له والله كريم يارب
والمحل الي بالنقره قصدج الي لما تدخلين مجمع النقره تكملين سيده ويي على ايدج اليمين ؟ ولا في محل ثاني ؟ عشان اروح له لان النقره مو وايد اروح لها وين ووين الى ادخل له احس المجمع قمته وييب الهم
وانا ودي الكفر لونه ابيض او اوف وايت او بيج لان الوان الغرفه احمر فابيض فخشبي فاتح الي على بيج

 

[إستبرق]

اي امبلا الخياط اكيد على الدكتور وانا مرتاحه للسلام ان خياطهم حلو بس مهم يكون اول مره لازم تحاتين لان يبيله اهتام والله كريم يارب وبخصوص الرضاعه ما ادري ليش خااااااااااااااايفه من هالسالفه لو شنو بهونها ما اعرف يربي الله يستر يارب ويكون فعونا
واكيد فشله بالنسبه للكاو لي طلع مو شي عشان جذي انا قلت بروح المصنع وبشوف الككاو وبسأل متى ينتهي وجذي وقبل لا ادخل شهري الى اسوي التوزيعات عشان ما يصير فيني مقلب

 

[بنات حواء2]

هلا مها اشلونج
رحت حق الدكتور سوالي السونار بس مابين يقول المره اليايه يبين

انشاله يبين عطاني موعد 3 - 11

و بنسبه حق مجمع النقره و الله انه حتى انا ماادخله وايد لانه يقمت قلبي وايد بس اروح حق شغل امي و المحل الي قلتي عنه بضبط هذا الي اقصده ترى عنده شغلات روعه روحي و الله ما تتحسفين
و بخصوص الككاو احسن طريقه سويتيها انج بتاخذينه من المصنع عن النجلات و عشان يصير فرش حتى طعمه يصير احله

و بعدين خلصي التغليفات و هسوالف الحين عشان تفتكين منالتاسع ما عندج شي

نسيت اقولج شنو صار فيني امس في الكليه كان عندي ماده كيمياء و كان عملي قاعدين نسوي تجارب فجأه حسيت جسمي يرجف بشكل مو طبيعي و بعدين حسيت بلوعه وقاعده اتعرق جان يغمى علي و البنات مسكوني و الله حسيت اني بموت من التعب و الارهاق عاد قلت حق الدكتور قالي هذا من الاجهاد اكيد انتي جاهده نفسج

قلت يمكن لأنه نومي صاير كلش ما يسوى و اروح الدوام مواصله و امشي مشي مو طبيعي يعني تعب من امه

الله يعيني

متى يخلص ككاوج عشان تغلفينه و تخلصين

يله شعليج ما بقى شي و تولدين و تفتكين

صج ما شفتي غرف السلام روحي شوفي اخذي فكره و الله انا ماشفت الغرفه لصغيره شفت الملكي كان حلو ما في شي جربي انتي شوفي

و بنسبه حق كل يوم باجر كل يوم باجر انا جذي غصب ريلي زخاني و وداني و لا انا مالي خلق اروح رديت من الدوام خمس ما صدقت على الله شفت لفراش

 

[احلى كويتيه]

شخباااااااااااااركم حوامل
اليوم رحت مصنع الكوكاو
واليكم التقرير
رحت الساعه 11 الظهر والله يعينكم على الدري يعطيكم ورقه منيو وفيها اشكال الكوكاو نوع الحشوه ولون التغليف ويوصلون اذا 3كيلوا يعني 15 دينار ذقت الويفر واللوز والساده عجبني صراحه حلو
ونبهني عن شغله ان احتمال يرفعون سعره لان الحليب والطحين بيرتفع سعره
فنسيت اسال متى ينتهي فتعتقدون اذا اخذته الحين ما يحزر او يبين قديم لي شهر واحد شرايكم