اهم الشغلات إلي تجهزينها حق البيبي والمستشفى خل نستفيد

[بنات حواء2]

هلا فيج حبيبتي دقدوقه الله يعينج و بالتوفيق انشاله افتقدانج

و هلا فيج حبيبتي همسة ورد انشاله تقدرين تخلصين شغلج الحين حاولي و انشاله بتلحقين ابدي في ملابس البيبي خلصيهم و لا تنسين الاغراض المهمه له و اغراض المستشفى انشاله بحط مستلزمات المستشقى المهمه بلسته باجر لأنه لورقه مو عندي الحين و انشاله تستفيدين اما بنسبه لدراريع لنفاس ترى حلوين إلي في عيد النصار روعه روحي و جهزي من هناك و طبيعي انج تشوفينهم مو حلوين عليج لأنه في بطنج بيبي اول ما يطلع انشاله بتفشين اكيد و بيتغيرون عليج و ترى انتي إلي تحلينهم مو اهمه يحلونج اكيد و اخذيلج البجامات الحرير تحصلينهم في عيد النصار بعد و انشاله تخلصين يارب و تفتكين و لا تنسين تقولين لنه من وين جهزتي و حياج الله اذا عندج اي استفسار اما بنسبه حق الككاو اذا حبيتي جاهز تحصلن بس انا اقول انتي سوي بنفسج احسن عشان يكون شي مميز بما انج البجر فخليج اسبيشل

هلا مها عرفته المحل إلي تقولين عنه بروح عاد انا احب الفناتق وناسه و الله اموت على هشغلات احبهم

اليوم موعدي فيالسلام رحت و ماشفت احد و لا مافي عيادات حوامل سألت الريسبشن مال الاستقبال قالولي يوم الخميس عيادات الحوامل تكون الضهر مافي المغرب و الله صكت فيني الدنيا كنت رايحه متشوقه بشوف البيبي قلت يمكن يبين ولد او بنيه و الله ضاق خلقي صكت فيني الدنيا قلت بروح يوم السبت الياي و الله يعيني على الزحمه

و بنسبه لترتيب غرفتج يعني جاهزه يله انشاله ما بقالج شي و تخلصين

 

[إستبرق]

وي جنان امبلا ادري بس الظهر يوم الخميس انا برمضان حتى رحت بليل وننطر وفاضي ولايقولون لنا بس الظهر
ويالله انشاءالله تروحين السبت وتبشرينا بنوته ولا صبي والله يسهل عليج حبيبتي
والغرفه اي امبلا الحمدلله جاهزه وموشايله همها والله يسهل يارب

 

[بنات حواء2]

تعالي صج مها نسيت اقولج دشيت اكبر غرفه في السلام مو ذاك الزود الملكي وايد احلى و ارتب انا انشاله ناويه على الملكي خلاص ما فيها روح تعال

عاد و الله ما تخخيلين شكثر مشتاقه اني اشوف البيبي اليوم بس ما صار صج ضاق خلقي عاد شصبرني من الحين لي يوم السبت

صج مها بقيت اقولج بشنو ابلش اجهزله ابلش في الملابس انتي شتقولين ؟؟؟؟
شنو خذيتي المقاس نيو بورن و لا من صفر لي ثلاثه ناس يقولن اخذي من صفر لي ثلاثه احسن و ناس يقولون اخذي نيو بورن انتي شلون جهزتي ؟؟؟

مرت اخوي تقولي اخذي من صفر لي ثلاثه تقول نيو بورن حق إلي تولد في السابع و انتي شتقولين ترى انا كلش ميح


صج مها نسيتي تدزيلي رقم المصنع مال الككاو

 

[بنات حواء2]

صج استبرق نسيت اقولج ودي اقول حق المصنع يسويلي ككاو على شكل مصاصه و الله حلمانه جني مسويه الككاو شكله على مصاصه يعني تتوقعين اقدر اسوي الحلم حقيقه ؟؟؟؟ ترى انا اضحك

 

[بنات حواء2]

دقدوقه وينج اذا عندج افكار مو تنسينه

 

[دقدوقه]

كاني كاني:eh_s(3):

عاد تدرين بنات حواء انا امووت على سوالف الفناتق وتجهيز الاستقبالات

قبل جم يوم خالتي والده واخذنا لها ككاو من محل يديد بالسالميه جنه اسمه choco
بس طعم الككاو نفسه رووعه وحشواتهم حلوه بعد


وعندج محل بالسالميه بعد هذا رقمهم5752664

اهو صااير يم السجاد الايراني هم ككاواتهم وايد حلووه
محشينها بشعر بنات وخدود البنات ورهش ولايطووفج بعد عندهم ككاو محشينا براوني كييك رووعه

وهذيل بعد ارقام بنات يسوون ككاو
شكونال 9772785
شكونانا 6818786
واي خدمه انا موجوده

 

[إستبرق]

اهلين جنان سوري توني دخلت المنتدى واي وربي حدي حدي حدي منتهيه من ظهري لي ريولي والله عذااااااب واليوم زوجي يدق على الدكتور مايرد شكله لانه عطله ابي باجر يصير انشاءالله عشان ادق عليهم
والملكي بالسلام ماتدرين بجم ؟ انا بصراحه ماشفت الغرف للحين كل مره اقول المره اليايه وبعدين مالي خلق انشاءالله لي رحت المره اليايه اروح اشوفهم
وبخصوص التجهيز والله انا بديت بالملابس قلت بخلص منهم لان فرتهم هم اكثر شي وانا خذيت من 0-3 قالولي اخذي هالقياس احسن شي بس جم شغله يمكن شغلتين نيو بورن لان عجبوني وخذيتهم بس الباقي من 0-3 الكل قالولي جذي عاد انتي اذا صبي سهالات لان مو نفانيف وحراير وجذي بس اذا بنوته لا تحتارين لان تبين لفات حلوه ونفانيف انا بصراحه ضليت افتر ويربي كل ما اشوف شي اتشوق اني اخذه قصب امسك نفسي لان خواتي يقولون حسافه تكثرين واااااااااايد لان بسرعه يكبر البيبي وانشاءالله راح احط الي اشتريتهم على هالايام بس ابي ظهري يهدى شوي علي
وبخصوص المصنع حلوه فكره المصاصه بس ماتدرين يسوون لج ولا لا انشاءالله يصير الحلم حقيقه ودزيت لج رقم المصنع والله نسيت ادزه امس وانتي روحي وشوفي السرداب الي قلت لج عنه وربي راح تحتارين شنو تسوين من توزيعات انا قلت بسوي شكلي نوعين نوع بمثل الصينيه اكشخها هذا للمستشفى لان اغلبيه اهلنا يزورونا فالبيت والستايل الثاني بسويه للبيت هذا يكون غير شكله مو صينيه عاد بروح انشاءالله هالايام المصنع واشوف الككاو وبعدين اروح السرداب واحدد شغلي والله كريم يارب

 

[دقدوقه]

قووه استبرررق

شخبارج وين هالغيبه؟

 

[همسة ورد]

بنات شلونكم ؟
اليوم خذيت فره مع زوجي رحنا اروسا وروشيه واوبرا
بصراحه عجبني حلوو موجود بروشيه على رهش فظيييييييييييييع واوبرا خذيت موعد عشان اشووف الحلويات السبشل اللي مو معروضه ..
وتوزيعات اروسا حلوين بس هم بروح مجمع منيره اللي بحولي ..
بنات عاجبيني استكانات بالشلاحي بس شرايكم اخذ من كل شي درزن ولا 6 حبات

لان اذا درزن يصير 380 د.ك مو جنه غاليين ؟؟

 

[احلى كويتيه]

همسه ورد اخذي درزن 6 استكانات منو تكفي ولا سمح الله انكسرت وحده بتتوهقين وروحي الا متياز الي بالفروانيه هو محل شعبي بس دايم تحصلين عنده شغل استكانا ت الشلاحي والصقر ولا تصيرين نفس امي شرت منهم والا تلاقيهم في الامتياز انصدمت

 

[احلى كويتيه]

استبرق دزيلي رقم المصنع وعنوانه وكم الكيلو عنده

 

[بنات حواء2]

هلا فيج هلا و الله دقدوقه مشكوره ما قصرتي على المعلومات القيمه
هلا فيج حبيبتي همسة ورد انا برايي اخذي درزن مثل ما قالتلج احلى كويتيه عشان لا تتوهقين و بعدين خوفج يونج وايد في وقت واحد فلا تتوهقين
و مشكوره حبيبتي احلى كويتيه على المعلومات ما قصرتي و انشاله بشوف شنو يصير معاي

 

[بنات حواء2]

هلا مها ادري تأخرت عليج بس امس ما قدرت ادخل نومي مخترب و حالتي حاله اليوم قعدت من الساعه 9 الصبح و ماراح انام لي بليل باجر وراي محاضرات

الله يهداج انتي ضهرج يعورج من المشي انتي سويتي المرثون على خفيف حرام عليج ترى الله ما يرضى رحمي نفسج عاد انا ضهري بدون مشي يعورني احسه بينقص و الله انام بليل فتره على ضهري و بعدين اتقلب افز من النوم على عوار فضيع اشلون بعد لو امشي

و مشكوره حبيبتي مها ما قصرتي شفت الرساله و انشاله اذا راحت بقولج

و بخصوص الدكتور دقي عليه خيقولج شتسوين الله يعينج
انا اقول خلاص لاتلبسين شي عالي عشان يخف العوار
انا بطلت ماني رايحه اليوم بروح يوم الاثنين او الثلاثاء اتوقع اليوم زحمه وايد لأنه اول يوم بعد الاجازه

و بخصوص الاستكانات امي لمن سافرت يابتلي استكانات حلوه نقش ايد جذي اكون خلصت من الاستكانات

بس انا بشهر العسل رحت مع ريلي مصر و شفت استكانت روعه كلها كرستالات ملونه و تكون مجموعه كامله استكانات وقلا صات ماي و قلاصات عصير و فناجين قهوه و صحون كيك و صحون مكسرات و دولكت الماي و الله روعه ليليوم و انا متحسفه ليش ما خذيت انا ما ادري ليش ما خذيت صج حسافه

 

[إستبرق]

دقدوقه اهلين حبوبه والله موجوده انتي الغايبه بس انا ادخل شوي شوي لاني صايره اتعب من قعده النت
وبعدين تعالي محل الككاو الي بالسالميه مو هو choco palace هذا اشتريت منه من حولي فمجمع بياع الورد والصراحه الككاو ماله حلو بس الي فبسكوت ماعجبني لان احس البسكوت الي داخله قديم بس شفت عندهم ستاندات وتوزيعات حلوه

 

[إستبرق]

همسه ورد روحي بعد محل الدكان الي بالاوقاف ترى عندهم حلو تقديم صج حلوو وعلى الطلب يعني ماتلقينه قديم وشغلهم يعجبني وااااااااااايد والموالح عندج لاباريس الي بقرطبه والله الموالح فناتك وحتى كله فريش مو قديم وبخصوص الاطقم لا اخذي درزن احسن لج ماتدرين شيصير معاج وبعدين قبل لاتاخذين روحي فري على المحلات اختي توها مشتريه من المثنى على ما اعتقد الاطقم الي على العائله والي كرستال وهالسوالف وتقول حلوين وايد

 

[إستبرق]

احلى كويتيه اهلين حبوبه وانشاءالله راح ادز لج الرساله مالت البنت الي قالت لي عن المصنع وكل التفاصيل فيه وحبوبه وين مكان المحل الي بالفروانيه وبجم اسعاره تقريبا ؟

 

[إستبرق]

جنان وي انا كانت نومتي مختربه تحسين يومج كله يضيع بس هالايام متعدله شوي احسن من قبل لاني زهقت قبل من نمط حياتي خخخخخخخخخخخخ
والله يعينج يعني بدى عوار الظهر عندج لا انا مصيبه امس رحت بيت اهلي وحتى لابسه واطي بس ما اقدر متشجنه امي قالت اخاف فيج التهاب بالعصعص واختي قالت كلمي الدكتور قبل انا عطوني كريم على نعناع تقول وايد حلو ويهدي عاد المغرب بندق على الدكتور والله ترى السلام صاير على طول زحمه انتي اذا تبين روحي اول مايقصون الارقام انا كنت اروح مع زوجي على الساعه 4 وربع لان اربعه ونص يقصون الارقام فاول مايدخل الدكتور اكون انا عنده
وبخصوص الاطقم والاستكانات لا انا بعد امي وابوي راحوا ايران وامي يات تقول الي تبي هالسوالف تقول يهبلوووووووون وفناتق وبلاش وحتى خالي وزوجته صارلهم شهر رادين من ايران وزوجه خالي حامل مشتريه كل هالسوالف مناك تقول والله اطقم روعه وشغل ايد وبلاش عاد انا انشاءالله يمكن ورى ولادتي اروح ايران كنى ناويين نروح لها بس حملت ومارحنا وزين قلتيلي على مصر عشان اذا دوره زوجي صارت قبل لا اولد اقوله ييب لي مناك ولاعفو حبوبه وانشاءالله اذا رحت قبلج حتى اقولج شنو يصير معاي

 

[إستبرق]

هاي رديت لكم خخخخخخخخخخخ اليوم قعدت وصورت الملابس الي اشتريتهم لاستبرق انشاءالله بس بقى جم شغله ماصورتهم بصراحه تعبت فانشاءالله الحين انزل هالشغلات والباقيين اشوف باجر ولا عقبه والحين نبدى بس ترى الصور وايد كبار فراح احط الروابط للصور عشان ماتكبر الصفحه لان الفوتوشوب للحين مانزلته بعد الفورمات

1- هذا نفنوف الاستقبال ومعاه الجيس ماله واللفه القطن واللفه الفوق وكبوسه وجيس المميه والجوتي والصدريه والجنطه

النفنوف


اللفات


الجيس



الجنطه


الصدريه والجوتي والكبوسه وجيس المميه


والحين النفنوف الثاني ومعاه لفته وكبوسه وجوتي وصدريه وجيس المميه وبجامه مع دشداشه النوم بس نسيت ماصورت الكبوسه والصدريه
النفنوف


اللفه والجوتي وجيس المميه


البجامه مع دشداشه النوم




يتبع

 

[إستبرق]

الحين هذا النفنوف الثالث وبما ان خخخخخخخ حلوه بما أن ولادتي بالشتا انشاءالله فهذا شتوي نفنوف وفوقه مثل الشال ما ادري وشاح ما ادري شنو اقول

النفنوف مع الشال


والحين النفنوف الثاني وفوقه بلوزه

النفنوف مع البلوزه


والحين النفنوف الاخير لان قالولي اخذي الحين بس 5 نفانيف وورى ماتطلعين الاربعين روحي اشتري لانها تكبر


النفنوف الاخير


والحين صوره دراعه استقبال خخخخخخخخ لا والله وانا امشي بسرداب عيد النصار عجبتني جان اخذها ماكو شغل خخخخخخخ

دراعه


يتبع

 

[بنات حواء2]

هلا حبيبتي مها اول مره نتصادف شابكين