اهم الشغلات إلي تجهزينها حق البيبي والمستشفى خل نستفيد

[Om eLkakawiya]

أقول بنات خلو الكاكاو آخر شي أحسن .. بس شوفيبه واشتريله التلبيسه حقه وبعدين اشتريه على شهرج أحسن يصير فرش ..

هموسه أنا للحين قاعده أدور على صالون كويس بس ابيه اييه البيت لأنه بالنفاس مالي خلق اطلع ابيه يسوي كلشي حق ويهي وبدكير منكير خوغرامي انا لووول .. يعني مو اول اسبوع الثاني .. ان شاء الله اقولج اذا شفت واحد زين ..

بنات حواء تصدقين المجمعات تحطيييييم للحوامل بس عشان ما اكسر بخاطري شريت بدله مو حق الحوامل بس مديل الحوامل هم باسي قوي لوووول .. تصدقون بنات عاد الحين كله مديل الحوامل .. شكلي بروح الرايه بشتري التوب اللي نفس مال الحوامل ومع بنطرون حق العيد وخلاص .. بس اخاف يبين بطني خو الحريم بس خز شكبر بطنج واصغره ....

اقول استبرق هذا الاسباني حلو بس يعني مافيهم سوالف دانتيل وهالشغلات كلها ناعمه حيل ..

 

[Om eLkakawiya]

عادي لازم اعودج على الاسم عشان تتأقلمين معاه لوووول .. اذا صار عندج وقت دشي النت عشان تعلميني شلون الولاده بس لا تخرعين فيني .. بروحي مخترعه .. الله يسهل ..
وعلى اغراض الجمعية انا خلصتهم .. انتي شنو قصدج باغراض الجمعيه حفاضات البيبي والشامبو وجذي ؟
لا بالنفاس لازم تاكلين كلشي مفيد لج وللبيبي اذا بترضعينه .. الله يعينه عالروائح والزيوت لووول .. الله يسهل ..

 

[إستبرق]

الحامل اي امبلا انا معاج الككاو اخر شي بس الحين بروح احدد الي ابيه عشان اعرف الشكل والحجم عشان اشتري غراض التوزيعات على حسب حجمه واجهزهم بعدين بس احط الككاو احلى لما يكون فرش عاد تدرين الحين تقريبا صار شهر يمكن اول شهر الى شي من راح زوجي وياب منهم الككاو بس وربي للحين عندي منه نفس الطعم ماتغير مني ارتحت زياده قلت يعني اشوه مايخرب


وبخصوص السوق امبلا الحين الحامل تلقى وعلى كيف كيفها لان المحلات كلها قصات حوامل على الموضه انا هذيج المره رحت نكست استانست خخخخخخخخخخخ لقيت لي جم بلوزه كله قصات حوامل خذيت منهم سيده وفي محل بالمهلب فوق اسمه باي حتى ملابسه كلهم قصات حوامل حتى اليوم انشاءالله ناويه اروح له ابي ملابس عاد يارب القى
وصح تقدرين تشترين الحين ملابس مومالات حوامل بس هي قصات ووي على الحريم اعوذ بالله من سوالفهم انا بالعيد الطاف كنت توني داخله الثامن او بدخل الثامن وكنت اشوف بطني احس كبييييييير يوم شافوني يقولون انتي بالثامن بطنج صغير قلت ابيه كل هذا صغير قالوا اي شوفينا بالثامن بطونا شلون رازه جدامنا بس الحين بطني وااااااااااااااااايد كبر مو شوي
وصج على الملابس ترى مذركير الافنيوز منزل ملابس حلوه بس صيفيه ماتنفع للعيد


والاسباني اي كله ناعم مو دانتيلات وجذي لا حلو وناعم انا الدانتيلات والحراير وجذي خذيتهم من محل بالنقره الشمالي تحت جياسهم للبنات زووووووووووووغه يهبلون حتى بدل الاستقبال تهبل وتلقين كل شي تبينه انتي تختارين شنو تبين بس بغيت للمستشفى جيس الزياره الي لما نطلع لان موشي ماخذتها بدانتيل وجذي لازم شي ناعم خذيت لها من الاسباني شغله ماركات وحلوه

 

[إستبرق]

هههههههههههههه حلوه تعوديني لوووووووووول شدعوه بينادوني ام استبرق وانشاءالله اذا ولدت ادخل اعلمج واخرعج نياهاهاهاهاهاي خخخخخخخخخخخخخخخخخخخ لا والله ماراح اخرعج صج انتي وين انشاءالله ناويه تولدين ؟
وغراض الجمعيه اي هالسوالف بامبرز مع الشامبو والكريمات لان قالولي اخذ بيبي سيباميل احس شي فقلت بعدين اروح اخذ
ومن صجج نو وي اكل عصيده وهالسوالف اصلن تراها بس تتفخ وما احبها كللللللللللش ترى انا الاكل ما احب اشياء وايد ما احب لحم ولا سمج ولادياي والعيش ما احبه حيل يعني اذا كليت اكل نتفه احب الاجبان وهالسوالف وناويه انشاءالله اسوبع ورى الولاده بروح دكتور تغذيه يعطيني رجيم للنفاس ابي اضعف بسرعه ما ابي اخش الكيلوات الله يسهل علينا يارب

 

[بنات حواء2]

خلا ص بعد من يوم رايح تعودي ام استبرق ما فيها روح تعال بعدين و ناسه لأنه اسم غريب انا ودي تطلع إلي في بطني ابنيه عشان الاسم وناسه

و بنسبه على محل الشكر انا و انتي دايمن متفقين في كل شي حتى في المحلات

 

[Om eLkakawiya]

ايي الكاكاو ان شاء الله باخذه اول شهري .. بس مادري جم حبه آخذ ؟

المشكله الحين ماشاء الله علينا كل يوم يكبر البطن فما اعتقد راح يصيرون قياسنا اللي مو ملوت الحوامل .. ايي وخاصه لما تلبسين بنطرون يبين فيثبتون على الكبر موزين .. ومذركير نزل شتوي بس مو كله بروح اشوفه ومره وحده بروي بعد ..

ايي انا بعد ابي ناعم بروح اشتري منه وجناطهم تهبل .. وفي جنطه حق اغراض البيبي عقب النفاس حيل اعجبتني وان شاء الله بشتريها من ماماز و باباز ..

لا تلقين نفسيتج النفاسيه مالج خلق احد ومكتئبه يمممه خنخرعج لووول .. لا لا الله يقومج بالسلامه وتحطيلنا صورت استبرق .. انا ان شاء الله اذا الله كتب بولد بمستشفى لندن هادي وماكو زحمه مثل الهادي انا خايفه من الزحمه بالشارع الله يعين اللي بيولدون بالشفا بحولي زحمممه .. شكلي بأجر سستر بشهري عشان متى ما اييني الطلق اهي تتصرف لووول ... الله يسهل علينا يااارب ..

ايي اذا تبين اعطيج شنو اللي تشترينهم حق البيبي لاني خلصت شريت وصح من سيباميل وجونسون وبعد بيقون عجيب بس مو كلشي كل واحد منه شغله زينه .. شريتهم من مركز سلطان ..
يحليلج ما تاكلين شي عيل بيبيج منقرض مسكين اشوه انه في ألبان والحليب تحبينه ؟ ..

انا يمكن ادش نادي عشان اشد جسمي مثل قبل ..

 

[بنات حواء2]

حبيبتي الحامل الحزين انا رايي مثل رايج في الككاو انجهز تلبيسه و بعدين عتاسع نعبيه بالككاو و هذا إلي قاعده اسويه لأني بعدي في السادس يمكن لي مزاج و خفيفه بعدين اثقل و مالي خلق اسوي شي فمن من الحين بدام مزاجي اوكي و كل شي اوكي

و بنسبه حق تحبيط الحوامل هذا شي يضيق الخلق و الله و ياربي اقول حق ريلي هسوالف ما كانت موجوده قبل لا احمل ليش الحين صارت موجوده شنو عناد

ريلي يموت من الضحك علي يقولي موجوده بس ما صارت حلوه إلا لين حملتي و الله احنه فلم مع كروشنه


و حبيبت يم مها لازم تاكلين هسوالف ترى انا انصحج و انا ما احبهم خير شر و لا اقرب منهم بس هذا ينضف الرحم و يطلع الوص كله من الرحم ميخالف تعني شوي عشان صحتج و بخصوص البطن و الله انا ليلحين احس بطني مو مبينه يعني عادي محد يلاحظ بس وايد ناس يقولون البطن تكب من بعد السابع و الله اعلم شبصير معاي

و صاجه مها في محل في الشمالي عنده سوالف روعه حق المواليد و اتوقع انه في الدور الي فوق روحيله حبيبتي الحامل الحزين لأني شايفه الشغلات إلي عنده روعه

و لا تنسينه يا مها قوليلنه اشلون ولادتج بس لا تخرعينه حرام عليج اد انا موناقصه تخرع بروحي خايفه ذاتي
و بنسبه حق الخياط لأ ما بي حق العيد يمكن بعد العيد احسن عشان اتخف الزحمه قلت بروح بفتر عند الكلف و باخذ منهم سوالف الليرات و بسوي فيهم حركات على المخمل و بدخل الدانتيل بسوي حركات قصات هسوالف عاد انا احب الكشخه و في بالي مديل قلت بسوي منه لوينين قلت بسوي لون احمر لأنه لون شتوي او يمكن اسود و بني حلوه يمكن تركواز او تايقر و الله ما ادري محتاره بس ودي بهسوالف انتو شتنصحوني بأي لون ابي ألوان حلوه حق المكياج و هسوالف ؟؟؟؟؟؟؟؟؟؟؟؟؟؟؟؟؟؟؟؟؟

و ابي محلات يبيعون جاكيتات شتويه حق الحوامل من وين آخذ انا قبل دايمن آخذ من زارا بس الحين مالي امل اصلن ما ادش زاره عشان لا يضيق خلقي عقب ما اولد لي زياره هناك بس الحين و الله اخاف ابجي ان دشيت و يضيق خلقي عاد انا حساسه

على فكره ترى انا احب الكشخه بشتى بس هسنه كشختي تكسر الخاطر و تضيق الخلق و الله امبي بس ايست بس ما ني طالعه 3 شهور لين يروح البرد و تفك العقده

و بخصوص نوعية الحفاات انصحكم في حفاضات ليبرو ممتازين و اكثر من ممتازين و روعه و مايسوون حساسيه


و انا انشاله ناويه اشتري ماي زمزم من السابع و اغلفه و اخلصه لأنه ماي زمزم ما يحزر و لا ينتهي اقدر اشتري و اغلفه و اخلص منه اي وقت يعجبني و لا راح يأثر نعاي هو اهم شي الككاو

و بنسبه حق اغراض الجمعيه انا ريضه عليهم ناويه آخذهم في الشهر التاسع آخر سبوع

صج مها شصار على مرت اخوج عند اي دكتور هي الحين اذا مو مرتاحه عند الشاذلي ختطلع ختنحاش ختروح عند جمال ترى اكثر من ممتاز على ضمانتي و راه ترتاح عنده لمن كنت عند الدكتور قالي انه ييوله بنات يكونون حمل في البجر يقولي تخيلي انهم حزت الولاده اقولهم تبون تخدير تبون ازيد الكمام يقولون له لأ ما نبي بس اهم شي انك تكون موجود يمنه على قولته اهم شي الراحه النفسيه اذا كنتي مرتاحه نفسين و مو خايفه بسرعه راح تولدين و مار اح تحسين بالعوار وايد بس اذا كنتي خايفه تصعب عمليت الولاده و قريت موضوع عن الخوف في الولاده فديروا بالكم لا تخافون جنه بيدكم

و الله الخوف مشكله امبي بس خلاص ماني خايفه بس بولد
حبيبتي الحامل الحزين ما قلتي لنه بأي مستشى بتولدين ؟ انشاله بسلامه

مها شكثر صارلج على الولاده باقيلج شكثر بضبط ؟

 

[بنات حواء2]

حبيبتي الحامل الحزين فكرت النادي روعه انشاله انا بعد بدش اي نادي المهم اختفي ابي اختفي ما ابين ابي اصير عود اسنان من كثر التعقد

و الله مسألت الككاو حتى انا ما ني عارفه اشكثر آخذ اهلنه وايد و إلي يون في المستشفى ييون في البيت يعني كله واحد مني و لا مني و ماني عارفه شكثر اسوي



و بنسبه حق مستشفى الهادي لا يحوشك يحطون خياط بلايلون يسوي التهاب امبي ما بي لو شنو يصير

 

[Om eLkakawiya]

بنات حواء ايي احسن لج من الحين زهبي بس انا كانت شوي ظروفي ما تساعد ولا جان خلصت لانه بالثامن مالج خلق بس بتريحين مع انه المشي زين لنا بهالفترة ..

لا لازم نسوالف معاناتنا حق بيبياتنا عشان يعرفون شكثر تعبنا عشانهم .. سبحان الله اللي خلا منزلة الأم عظيمه .. صج كلشي له حكمه من ربنا ..

وان شاء الله بروح حق المحل اللي قلتولي عنه بالنقرة ..

بنات حواء شرايج باللون العنابي والذهبي ترى حلو كتييير .. بس ملابس الحوامل للحين ما شفت شتوي الا بمذركير .. وتقول استبرق في اببروي .. مااالي خللللق حق العييييييد .. ..

والنادي انصحوني فيه بس أحاتي البيبي اذا ارضعه طبيعي اخاف حوسه .. لووول عاد مو عود اسنان يعني نحمدربنا اذا صرنا مثل قبل شوي ..

انا ماراح اسوي استقبال في المستشفى .. وشكلي بتفق مع راعي الكاكاو كل مره آخذ منه كميه بس التلبيس مشكله ..

والهادي راحت ايامه وع حتى دخلته تلوع الجبد .. عسانا ما نولد فيه ..

انزين بنات شريتو ألبوم حق صور البيبي ؟ أنا شفت في بروي حلوين ..

 

[بنات حواء2]

بنسبه حق الالبوم وناسه خوش فكره ريلي ناوي يدخل الكاميرا معاي في الولاده امبي عرس مو و لاده و عذا ب

انا ميته من الخوف و هو بصور الاخ

انا بجو و هو بجو ثاني

بس صج وناسه لمن تولدين و تفتكين

و بنسبه حق استقبال المستشفى سويت و لا ما سويت راح ييون راح ييون يعني ما كو فايده و كله واحد

انا قلت بحط نافورة ككاو بالمستشفى راح يستانسون عليها وايد

 

[بنات حواء2]

شرايكم في فكرة نافورة الككاو

 

[إستبرق]

الحامل انا باخذ انشاءالله يمكن ميه حبه ككاو او اكثر شوي بعد عاد اليوم رحت جمعيه الدعيه فوق محل بوابه الهدايه واااااااااااااااااااااااااي مسويين فناتق للتقديم الككاو تهبل ستاندات وصناديق حتى زوجي قالي تدرين خل نييب لهم الككاو وهم يسوونه وشكلي يمكن اسوي جذي عجبني وااااااايد فنتق فضيع صج ومرتب يهبل ولقيت لون وردي يهبل عاد الحين شكلي بسوي عندهم خخخخخخخخخخخ

وبخصوص الملابس اليوم رحت المهلب والله جويز منزلين شغلات حلوه خذيت منهم جم بلوزه وبعد في محل تحت ما اعرف اسمه هم منزلين شغلات حلوه خذيت منهم بلوزه بس باجر تطلع بس محل باي الي قلت عنه مو منزلين شي يديد بضاعتهم مالت العيد

وامبلا مذر كير منزلين شوي شتوي بس مو حلوين بلايز عاديه الصيفي حلوين

وامبلا مستشفى لندن مدحوه لي رفيجاتي هو ويا طيبه والله يسهل عليج لووووووووول عاد سستر عندنا فالبيت سستر تعالي عندنا خخخخخخخخخخخخخخ عندنا سستر حق اخت زوجي الصغيره لان على طول تبدل دم وجذي فيايبين لها سستر


والغراض اختي كاتبه لي كل شي بورقه وهم قالت لي اخذيهم من مركز سلطان

وبخصوص النادي اي امبلا انا مفكره يا ادخل نادي يا امشي كل يوم وبصراحه اكثر شي ودي امشي كل يوم اخاف ادخل نادي وازهق قبل دخلت حسيت ملل خخخخخخخخخخخخخ بس الممشى وبعدين صج صج شي يشد كل الجسم والله عندي زوجه اخوي الكبير كانت متروسه مو ضعيفه وماشاءالله تموت على الاكل واكيله بمعنى الدرجه صارت كل يوم تمشي بالممشى وربي والله ماشاءالله جسمها صار يهبل مشدوووووووووووود وانا خاصه بعد متني صوب الفخوذ يعني تلقين خصري عادي ومالي كرش بس صوب الفخوذ امتن فالمشي حلو لي بس ما ادري هم اقول ودي ادخل نادي سباحه وسويدي لما اولد اقرر انشاءالله

 

[إستبرق]

جنان وي كلش ما اتوقع اني اكل من هالسوالف ما استحملهم كلش والبيبي يغذيه الشي المفيد وانشاءالله بروح دكتور تغذيه ويعطيني المفيد


ولا جنان المحل الي فوق مسكر الي بالنقره صار ما ادري شنو بداله الحين بس في محل واحد تحت بالسرداب وصج حلوووووووووووووووووو للبنات

وبخصوص الملابس صح حلو المخامل الالوان الي قلتي عنها وترى حتى الوان مكياجهم حلوه


وبعدين من صجج شكو تبجين بالعكس شوفي بطنج وضحكي وحمدي ربج ترى هذي فتره وحلو انج تستمتعين فيها صج متن وجذي بس ترى الحامل اذا كاشخه حلو شكلها والله ان بنات خالتي كله يقولون لاختي ماشاءالله مها شكلها حلو وهي حامل لاني عادي البس واهتم وترى ملابس الحوامل حلوه والله
وبخصوص الكوتات روحي محل بيج اند الجنت الي بالربيع يمكن تحصلين عنده اشياء وبعد ترى تلقين بدبنهامز وزارا ومانجو في موديلات تكون قصاتها حلوه ووسيعه شوي وتقدرين تفصلين شفتي الخياط الي قلت لج عنه وربي وديت له خامه كوتات شريتها من البلوكات شريت خامتين وحده سوده ووحده مثل الحياكه وعنده كاتلوجات كلها كوتات فصلياهم وربي والله والله ان مثل الجاهز بالضبط خواتي شافوهم يقولون مستحيل تفصال حتى مبطنهم وجذي وشغلهم حلو ونظيف روحي فصلي عنده

وانا قلت لج حبوبه قالولي من 1-12 انطر ولادتي لي 15-12 والله يسهل علينا يارب

 

[إستبرق]

انتي مثلي حامل انا ما اسوي استقبال بالمستشفى واهلنا يزوروني فالبيت يعني شوي الي يييون المستشفى عشان جذي بعد ما افكر اني اعفس عمري وسويت وجذي لان بس خواني وهالسوالف هم الي يزورون بالمستشفى الاستقبال انشاءالله ورى الاربعين
والهادي اعووووووووذ بالله انا اكرهه من الله ما احبه لا انا ولا زوجي وبعد من الي اعرفهم من اهلنا اخر فتره كله مصايب الهادي الله لايبلانا فيهم


والبوم الصور واي بروي شغلاته تهبل والله فناتك لليهال بس للحين ماخذيت قلت لما اصوره وجذي اخذ له البوم واضبطه



جنان ابيه زوجج مثل زوجي يوم سويت تنظيفات ويابوني الغرفه وانا خدرانه واخربط وهو يصورني خخخخخخخخخخخخ وانا ما ادري عن شي بس اخربط ودايخه خخخخخخخخخخخخخخخخخخخ
وحتى لما ترقدت من الاسيتون بالمستشفى لما طلعت من المستشفى ولا الحبيبي مصورني بالتلفون وانا ما ادري خخخخخخخخخخخخخخخخخخخخخ لا ويعلق هذي مها المسكينه التعبانه خخخخخخخخخخ

 

[إستبرق]

جنان الي اعرفه ان نافوره الككاو تكون مع البوفيه يعني حتى لو بوفيه موالح وجذي انتي بتحطين بالمستشفى بوفيه ؟
انا كنت ناويه اخذ نافوره الككاو والعصير خاصه العصير عجبتني قلت فبيت اهلي بس بعدين دريت انه مع البوفيه قلت لا انا ابي البوفيه فاستقبالي مو الحين
عاد انتي شوفي شنو الي يناسبج

 

[بنات حواء2]

هلا مها امبي وناسه بروح افتر ما ابي اخلي مكان ماني رايحتله كل مكان بروح

و امبي انتي قربت ولادتج شنو شعورج ؟؟؟؟؟؟؟؟؟؟؟؟؟؟

خلاص ترى ما بقى شي على الولاده و تفتكين راح الكثر و مابقى إلا القليل يله شدي حيلج


و بنسبه لنافورة الككاو انا بالمستشفى بييب معجنات و حلو و نافورة الككاو يعني ماني مسويه بوفيه بس ممكن اكنسلها و اخليها حق حفلت الاستقبال احسن مثل ما قلتي

بنسبه حق حفلت الاستقبال شنو مفكره تلبسين ؟؟؟

 

[بنات حواء2]

انا بنسبه لي ودي اتكشخ في الاستقبال ودي اصير شي ثاني

انتي بعد شكثر من ولادتج بتسوين استقبال يعني بعد شهرين او ثلاث

 

[بنات حواء2]

هاي بنات صج بقيت البجامات إلي تصير مثل الدشداشه حق البيبي

انا حاطه صوره منهم اول صفحه من الموضوع ابي منهم

ما شفتوا نفس طريقتهم و انتو تتسوقون انا هاذول وايد عاجبيني بس ما شفت منهم ليلحين

 

[بنات حواء2]

و ينكم ؟

لا يكون و لدتوا و خليتوني و الله انقهر و اولد في السابع

 

[همسة ورد]

بنات لقيت الشكر المغلف بجمعيه القادسيه شريته افتكيت ولقيت جيس البيبي من محل اناااار واايد حلووه عنده شغلات اسبانيه وانجليزيه وامريكيه وشريت صواني للشاي ..

ورحت مجمع المثنى حق السيرفس قالو مايصير تاخذين وحده لازم ثنتين ب50 د.ك ... صراحه وايد مايسوا ..


انا راح اطلب من المستشفى قالولي 4 ساعات ب13 د.ك امري لله ..

وبنات فصلت لي جياس مطرز عليهم اسم البيبي من مجمع العربيد بالفروانيه .. اهو محل دراريع بس انا اقترحت عليه الفكره واهو سوالي اياها ..

الجياس عشان ازهب فيهم ملابس البيبي حق كل يوم حق المستشفى ..

تقريبا خلصت شغلي بس باقي احمس القهوه واطحنها وازهب الجنطه ...

بنات ادعولي بالسهاله ترا مريضه سخونه

بنات بقص شعري بس ريلي مو راضي كلش شرايكم اسويله مفاجأه ولا اخاف يزعل ؟؟