اهم الشغلات إلي تجهزينها حق البيبي والمستشفى خل نستفيد

[همسة ورد]

بنات عادي استقبال المستشفى يوم واحد ولا لازم يومين ؟؟

 

[إستبرق]

اي زين عشان الكركوشه تروح باذت الله
الصندوق مال البيبي هو الي يحطون فيه غراض البيبي مالات الشور والادويه وهالخرابيط عشان كل ماتاخذين له شور تعرفين غراضه وين وجذي تلقينه بمذركير انا شريته مناك

وبخصوص الاستقبال على حسب يعني اذا تبين راحتج تحددينه بيومين ويكون الوقت قصير او انج تخلين اليوم الاول لناس واليوم الاول لناس ثانيين عاد ما ادري
انا اهلي الاغلبيه ييون البيت مو المستشفى

 

[بنات حواء2]

هلا حبايبي شلونكم

حبيبتي الحامل الحزين عادي هذي تجاذيب حق الطلق الله انشاله يسهل عليج بس ديي بالج على نفسج امبي و الله خرعه انطر متى ييني الطلق و ينبط الماي انزين بله انا بسوق شسوي عبالهم بايله بنفسي

و الله مشكله

و بنسبه حق اقطان مارك سبنسر انا سامعه عنهم وايد يمدحونهم

حتى مذركير عندهم ملابس داخليه للأستعمال مره وحده يعني حق المستشفى ترى يفديون

 

[بنات حواء2]

حبيبتي همسة ورد بنسبه حق الاستقبال خلي على يومين احسنلج لأنه اذا صار كله بيوم واحد راح يصير ضغط عليكم و زجمه اذا كلهم بيون بنفس اليوم انا اقول خلي على يومين اريحلج عشان على الاقل تقدرين ترتاحين شوي و يهدالج بال ترى صج م ادري شلون صير استقبال المستشفى احسه متعب يعني اليوم اطلع من الولاده الناس باجر و عقب باجر ييوني عييل مى يمديني ارتاح لا و في ناس ييون من اول يوم ولاده

 

[بنات حواء2]

هلا حبيبتي مها اشلونج

يله انتي خلصتي و فتكيتي و انشاله ما بقالج شي

انا الحين جذي ريلي مخصص مبلغ بس حق ملابس البيبي عاد قالي الشهر الياي نبلش نروح نشتري ملابس و اتفقت معاه على هذا الاساس عشان الشهر الياي انشاله نعرف إلي في بطني شنو على الاقل و ناخذله او نا خذلها شي مناسب

بس ما كو فيده كل ما روح مكان اشتري اي مكان اشتري اي اشوفه آخذ وردي ازرق احمر اخضر ما يهمني و الله احس نفسي مليت من الانتضار بعرف شنو إلي داخل يله

و بنسبه حق الصندوق عرفته زين سويتي شريتيه ترى زين و يلم الاغراض

و اله انا حاسه اني ليلحين مو مسويه شي تتوقعين يمديني اسوي شي احي انه الحوسه وايد و التعب و المشي لويه



عاد تصدقين احس بعوار بسيط و بسرعه يروح نفس نغزه و طبعن احس بثق في بطني

 

[بنات حواء2]

و على طاري الولاده و هسوالف ما خذه ما ده عندنه في الكليه اسمها صحة الام و الطفل و هي تتكلم عن الولاده و الحامل و هسوالف و طبعنالماده لويه و دكتورتنه ضايعه و مضيعتنه يعني شوي الوضع كسيف و باجر عندي متحان لا تنسون تدعولي و لي يرحم و الديكم ترى احس نفسي اول مره ادرس جذي و انا مو فاهمه و الله قلبي يعورني على نفسي مع انه الماده سخيفه بس ما ادري شلون

المهم انهالماده فيها شغلات عن الولاده و شلون يصير قيصريه و شنو هي الاخطار مالت المشيمه و هسوالف و الله سوالف تخرع من كثر ما تعقدت قلت بكتب أسأله و بقولهم حق الدكتور عاد الدكتور بينصدم من وين يبتي هلمعلومات

و الله احس نفسي كل ما ادرس هلماده اخاف من الولاده و الطلق

و بس ادش اهني و سولف معاكم تهون علي المسأله

انا باقيلي 3 شهر على الولاده و اقول جذي عييل انتو وعليه شتقولن ؟

 

[بنات حواء2]

و ي صج مها ذاك اليوم ييتي على بالي على طاري البر عاد قاده اقول مسكينه مها ماراح تقدر تروح البر إلا عقب ما تولدين بس ديري بالج على البيبي ترى حرام يصير برد عليها و البرد مو زين لها و عليه بعد تمرض و هي توها طالعه من بطم امها مشكله

اما سالفت الحمام ترى مشكله حتى انا بس امسك نفسي لين ارجع البيت ما احب حمام البر لو شنو يصير بس بعض المرات تصير الحاله مستعصيه فمالي غير حمام البر


بس حاولي تروحينالبر جم مره تحللين الشتى لا يضيع عليج بس ديري بالج على بنتج حرام لا تستمرض مسكينه و الهه اليهال يعورون قلب صغار و ان راحو البر مرضوا و امهات يعورون القلب بعد وعليه يضطرون ينحكرون معاهم


يله ياينه الدور

 

[إستبرق]

اهلين جنان اي حبوبه ترى احسن لج من الحين تبدين تشترين على الاقل لانج ماعرفتي شنو الي فبطنج خلصي الاشياء المشتركه مثل السرير والصندوق وهالغراض مو الملابس لان والله والله والله انا بديت اجهز بس عرفت شنو فيني تقريبا على اخر الرابع وربي للحين محيسوه شوي وصج مالي خلق اليوم اقول لزوجي بس مليت بخلص الحين الحمدلله طلعت سرير البنوته من جم يوم وديته عشان يلبسونه وسويت معاه الكفر مالها واليوم طلع وحلو وناعم واشتريت لها غراض الصيدليه بس انا للحين مو لاقيه قمصان بروح اخيط خلاص ما ابي اطول بعد زهقت
وبخصوص الماده بس والله حلوه على الاقل تعرفين اتذكر درسونا برابعه ثانوي اقتصاد عن الحمل وهالسوالف
والله يوفقج ويسهل عليج يارب
وبخصوص البر لا اليوم زوجي يقول بسوي الحمام مال البر جنه حمام بيت خخخخخخخخخخخ حتى قال لاخواني لان مها تظل توديني البيت وتردني والحين هي حامل لازم شي قريب قال بسويه كبير واسويه كله برسلان وافرنجي وعربي يعني يبي يضبطه بس قلت له لا ما ابي حط فيه دوى للحشارت ما ابي فيه حشرات خخخخخخخخخخخخخخخ
ولا من صجج لما اولد ما اودي البيبيه ولا انا اروح البر برد ولويه مو زين لاعليها ولا علي الله كريم يارب ويسهل علينا انشاءالله

 

[بنات حواء2]

هلا مها اشلونج شخبارج ؟ و اشلون استبرق ؟


يله الحمد لله افتكيتي من وين خذيتي السرير ؟؟؟؟

انا اختي خذت سرير بنته من مذركير وايد حلو و عود


و بخصوص الماده الحمد لله افتكيت سهله و البنات ما قصروا


و بخصوص البر ترى وناسه امبي ما اتخيل يطوف شتى من غير بر

و بنسبه لج ضروري حمام خاثتن انج في الفتره الاخيره من حملج و راح يضغط الرحم على المثانه فراح تروحين حمام كل ربع ساعه و مو معقوله تردون البيت

ريلج عطاج خوش حل يسويلج حمام دلكس و لا رجعت البيت

 

[Om eLkakawiya]

هلا حوامل صغار شلونكم ؟ ولهت على سوالفكم ؟

واااي استبرق ما تحسين انه الثقل زاد وريلج كل مالها وتورم زياده .. الله يعين ويسهل علينا يا رب ..
ايي شفتي هذي خلوها شهر مسكينه انا امي ما رضت ولا ابوي لانه ندري بالمستشفيات وحوستهم فنحشت لما الدكتوره راحت لوووول .. لازم فيها نحشه .. ياحبيبتي انتي مسويه تنظيفات يااااارب يعوضج بهالبيبي ..
وعلى الدكتوره والله السهاله من رب العالمين حتى لو ولدت بالصباح .. لووول ايي على ملابس البيبي ابوي يقول بس طفحتوا وي اسم الله عليها بنيتي .. للحين ما شريت لها نفنوف الاستقبال بشوف محل النقره ..

ايي والملابس الداخليه ملوت مذركير مريحين لا يعلى عليهم .. بس بنات لا مو زين الشورتات الضيجه مو زينه على الرحم والحوض بس حاولو تحطون المشد ويدتي تقول الصخره الحاره داخل المشد وما تمشين فيها لانه مو زين بس كلما انسدحتي تحطينها على بطنج بعدين عقب الاربعين كيفج لبسي كورسيه .. ترى بعد يرهل الكرشه .. ديروا بالكم ..

 

[Om eLkakawiya]

هلا هموسه انا موعدي 22/12 بس شكل البيبي مزهوق ع الطلعه والصراحه انا ما اهتميت بعمري قاعده اسوق سياره وامشي بسرعه جني مو حامل وحتى ما اكل عدل لأنه شوي النفسيه مش اوكي .. بس الحمدلله على كل حال .. اشوه مثل ما قالت بنات حواء تجاديم ووايد قالولي جذي والله العالم ..

وعلى صندوق البيبي مثل ما قالت استبرق حق اغراض الشوار والادويه ..

واااي انتوا الله يعينكم على ييت الاوادم المستشفى حده مو وقته احنا ما ندري شلون بتصير حالتنا عقب الولاده وياالله السهاله .. انا قايله حق اهلي اول ما اولد لا تقولون حق احد ثاني يوم وقت الطلعه ان شاء الله بشروا اللي تبيون والحمدلله اهلي متفاهمين خايفين علي .. والله الناس حتى لو يات المستشفى هم ماراح تخلصين راح اييون البيت وراح اييون استقبال عقب الاربعين .. والله يعينكم

بنات حواء مشكوره حبيبتي ويسهل علينا كلنا يااارب .. بس ترى مرات ما ينبط الماي والدكتوره تبطه لج .. بس انصحج لا تحوسين بكل المجمعات روحي بس المحلات اللي تبينها وبس لا تدورين وايد ..

ايي وفي بمذركير حلو حق المستشفى لبسه وحده وتقطينه .. انزين بنات تعرفون وين ألقى تكرمون سراويل اللي ملوت العاده انا شريت شورتات بس هذول احسن عشان ما ندمر ؟!

 

[إستبرق]

جنان اهلين حبوبه
السرير خذيته انا من شهر تقريبا من مذركير عندي الكبير بس فبيت اهلي بعدين اخذه حتى من مذركير وشريت سله موسى مع الستاند الخشب من مذركير حق اول جم شهر لان البيبي صغير وهالسرير احسن له بس ما كنت ابي تلبسياتهم ابي تلبيسه سرير دانتيلات وجذي فخذيت منهم تلبيسه ناعمه بيضه ووديت السرير لسرداب عيد النصار في محل يفصل هالسوالف وفصلت التلبيسه وخليته يسوي لي بطانه مثله للبيبي وطلع حلو وناعم
والله كريم من صجج والله كل جم دقيقه اروح الحمام مو كل ربع ساعه اصلن تطلع روحي كل شوي رايحه الله كريم بقى شوي والله يسهل يارب
وزين الحمدلله افتكيتي من الماده سهالات انشاءالله وامبلا المخيم حلو بس احلى لما البانشيات وجذي صج يصير تقزيره بس الحين ما اقدر اركب طبعا
والله يستر والله لو شنو يسوون حمام المخيم ويضبطونه اظل اخاف واكرهه

 

[إستبرق]

اهلين الحامل وي انتي فيج زلال حبوبه ؟
لا انا الحمدلله ماحاشني زلال ولا تتفخت الحمدلله يعني اذا انتفخت ريلي تنتفخ نتفه حيل مو وايد عاد طول حمالي كنت خايفه لا يصير فيني زلال لان اختي من اول شهر سيده تنتفخ بس انا الحمدلله لا ماحاشني
واكيد والله السهاله من رب العالمين والله يسهل علينا يارب ولا في ناس هم تولد باحسن مستفى وتتعذب الله كريم
واي حبوبه انا قبل حملت بس البيبي ماله نبضات والحمدلله الحين انشاءالله الله يعوضني خير يارب
وملابس مذر كير امبلا مريحه وترى دبنهامز بعد عنده انواع مريحه وحلوه انا كله اشتري منهم

 

[إستبرق]

الحامل لا الحمدلله انا اهلي الاغلبيه يزوروني فالبيت يعني المستشفى بس خواني وزوجاتهم وخوان زوجي وجذي مو كلهم الباقيين كلهم ييون البيت وحتى خالاتي يتفقون على يوم واحد كلهم ييون ويتيمعون يعني مو لويه وجذي


وسراويل الدوره والله ما ادري من وين بس انا اختي قالت لي اخذي قطن ويكون لي البطن احسن عاد خذيت لي مجموعه

 

[Om eLkakawiya]

هلا فيج استبرق لا اسم الله علي مافيني زلال اعرف شلون الزلال يصير شايفه وحده تصير لنا كان فيها .. بس تورم الريل كلما مشيتي وايد ولا انتي لي هالدرجه بطنج صغير لي درجه ما يثقل على ريلج .. انا تصير زرقه من المشي !

ايي والله زين يسوون اهلج احسن من اللويه كل يوم .. ولو ينطرون استقبال ورا الاربعين بعد احسن بس منو ينطر لووووول

انزين اغراضج ملوت الجمعيه شريتيهم ؟ وشنو راح تشترين ذكريني عفيه لاني للحين ما خلصتهم ؟

 

[إستبرق]

اهلين الحامل زين يعني مافيج زلال واي الله لايبلانا الي يصير فيهم مساكين والله
لا حبوبه والله بطني كبير وصايره ثقيله بس من فتره رحت السوق يوم رديت ولا ريلي متفوخه مورمه رايحه فيها انا خفت قلت لايكون بديت انتفخ وشلت هم شكبره خخخخخخخخخخخخ بس والله من وراها ما ادري شلون اروح افتر فر الدنيا وعادي الحمدلله ماتنتفخ بس نتفه مو وايد ما ادري ليش يمكن لاني غيرت الجوتي خخخخخخخخخخخخخخخخخخخخخخ
وغراض الجمعيه لا والله للحين الحين خلصت الي من الصيدليه الجمعيه قلت هالجم يوم بروح مركز سلطان ويمكن باجر بعد انشاءالله ووالله انا مو حافظه الغراض كاتبتهم بورقه والورقه بالسياره عشان ما انساها فالبيت

 

[الزين كويتي والدلع جهراوي]

مرحبااااااا

يعطيكم العافيه ومشكورين موضوع رووعه


ابي اسأل عن

ماماز و باباز وين صاير ؟؟

 

[إستبرق]

اهلين حبوبه الزين محل ماما وبيبيز بالافنيوز حبوبه بالافنيوز فوق وموفقه يقلبي

 

[بنات حواء2]

حبيبتي الزين المحل إلي تبينه موجود في الافنيوز

 

[بنات حواء2]

هلا حبيبتي الحامل الحزين و الله انا رايي مثل رايج لو ييون بعد الانفاس احسن احس انهالمره بالنفاس بس تبي تنام و تبي ترتاح اشوي بعدين تهون مسألة الاستقبال و هسوالف و الله بذات اول عشرين يوم من الاربعين احس انه المره تعبانه و ما لها خلق شي بس ناطره يطيح الخياط و هو بس يطيح الخياط كل شي تمام اشوي على الاقل تعرف تقعد معاهم و الله مشكله احس لو ييون بعد الاربعين وايد احسن بس على قولتكم منو ينطر