اهم الشغلات إلي تجهزينها حق البيبي والمستشفى خل نستفيد

[بنات حواء2]

هلا مها اشلونج

بنسبه حق الزلال ترى مشكله عسى الله يبعدنه عنه يارب و يخفف علينه

اما مشكلتج مع البر تضحك مثل مشكلتي بس انا لي احتجت الحمام اقول حق ريلي تعال معاي هذا احسن حل مالج غيره

و الله انا الحين لاهيه مع الامتحانات حتى قلت اليوم اذا خلصت بروح فتر بسوق اشوي اطالع و تطمش و اشتري بس و الله انه ما عندي وقت و امس صار فيني صداع مو طبيعي و الله اشوي و ينفجر راسي صداع ماسكني من الصبح لي المغرب احس انه راسي بينفجر بعدين نسدحت شوي خف و رد مره ثانيه و الله خفت عاد انا مشكلتي انه الصداع إلي يحوشني دايمن صداع نصفي

قلت انشاله اول ما اخلص شوي متحانات بروح تسوق

 

[بنات حواء2]

صج بنات خلأقولكم عن شغله يمكن تكونون سامعين فيها انا عن نفسي مو سامعه فها و هذي اول مره اعرفه رفيجتي بالكليه قالتلي لمن تولدين بالنفاس قالتلي عشان لا تأذين من الخياط لأنه الخياط تقول هي ما كانت تعرف تقعد مع الناس تقول احس يحكني و مضايجني لأنه شاد و خاصتن انه ينشف قالتلي ديري بالج لا تغسلين بجفت و هسوالف قالتلي ترى يذبح قالتلي جربي هشغله و ما تندمين

قالتلي اخذي من الحواي شي اسمه (خوجو ) و قالتلي حطي بطل زيت زيتون على النار و حطي في الخو جو و حطي معاه بصله و قصيها 4 قطع و خليه عنار لين يطبخ الزيت بعدين طفي و صفي الزيت من البصل و الخوجو و حطي الزيت بغرشه و كل ما ييتي تبدلين او تغسلين حطي منه على الخياط و قالتلي و انتو بكرامه حطي على الكتكسه نفسها و لبسيها قالتلي و الله ما تحسين بالخياط و لا كأنج مخيطه و راح يطيح بسرعه ما يطول

قالتلي انه وايد بنات يعرفون شمعنه انا ما اعرفه قلت اسألكم و اشوف شنو رايكم ؟؟؟؟؟؟؟؟؟؟؟؟

اذا سامعين في ترى وايد زين مدحتلياه و قالتلي اذا ما سويتي ترى راح تتأذين من الخياط

 

[احلى كويتيه]

صباح الخير
شخباركم

بنات حواء 2 .........
اسمه خوا جوا وحده من صديقاتي المقربات تسويه وتمدحه حيل بس انا الي اعرفه ان الوحد تتبخر فيه هذا الي امي تسويه وعلى الجرح نستخدم مرهم ميبو وايد زين يعتبر مضاد حيوي وتجميلي للجرح بنفس الوقت انا مسويته بس الطريقه الي قلتي عنه صديقتي تمدحه حيل جربي ليش لا

 

[إستبرق]

اهلين بنات بالعكس ترى بالنفاس اشوف اختي تقول الوحده تزهق هي تبي ناس يزورونها تقول انا اليوم الي مايزوروني فيه اقعد متضايقه لانها ماتقدر تطلع تتمشى وماتبي تقعد بروحها عاد ما ادري والله بس الاغلبيه جذي يقولون حتى زوجه اخوي تقول ولادتي الي قبل زهقت لان كان برمضان والناس مو فاضيه مازاروني وايد واقعد زهقانه

 

[إستبرق]

اهلين جنان اي الزلال الحمدلله الله لابلاني فيه
وحتى لو زوجي معاي ماينفع خخخخخخخخخخ انا حدي خوافه من الحشرات اموت تصير فيني حاله هستيريه خخخخخخخخخخخخ

والله يعينج يارب عاد عوار الراس حده يضايق الله كريم

وبالنسبه لرفيجتج لا والله انا ما ابي احط اشياء جذي خواتي يقولون لما تبين تطلعين من المستشفى تعطيج الدكتوره كريم وغسول يقولون لاتلعبين ضلي على شغلاتها احسن لج لان هالمكان حساس واذا التهب الخياط عذاااااااااب فقلت ما ابي اغامر كلش مو ناقصين بعد واذا حطيتي الكريم واهتميتي بالخياط ماراح يصير الى الخير انشاءالله انا عندي والله ما ابي استخدم شي ويمكن ينقلب ضدي الله يعين يارب
وترى جنان حتى لو تعبانه شدي على عمرج وروحي جهزي ترى والله راح تعتفسين بعدين

 

[بنات حواء2]

هلا حبيبتي الحامل الحزين يمكن يستخدمونه كذا استخدام انا عن نفسي و اله توني ادري عنه يمكن يتبخرون فيه و يسوونه جذي بس هذي اول مره اسمع عنه و الله الناس فناتق و كل يوم يطلع شي يديد و يجوز شي قديم و احنه ما نعرفه ضايعين في الطوشه عمومن حبيبتي يعطيج العافيه على الملاحظه

 

[بنات حواء2]

هلا مها

و الله حتى انا مثلج ماني حاطه شي اتحسف عليه بحط بس إلي يقول عنه الدكتور و غير جذي ما ابي اجرب نفسي خو انا بروحي مجربه الالتهاب بعد إلتهاب و خياط بلوه لا يحوشك

انا بعتمد على إلي يعطينياه الدكتور و غير جذي اخاف اجرب و الله

و بنسبه حق عوار الراس و الله مو طبيعي هليومين و ما ابي آخذ بندول معنه عادي بس اخاف آخذ وايد خذيت مره وحده من حملت و من بعده خفت معني سألت الدكتور قالي عادي بس انا الوسواس اشتغل فيني



و بنسبه لسوق انشاله اليوم بروح بتسوق و الله حتى ما ادري وين اروح بس بنطلع و وين ما تودينه السياره تودينه الحمد لله درست حق امتحاني امبجر معني مو فاهمه شي بس اهم شي اني درست عشان اريح ضميري لي يبت درجه مو زينه اقول درست بس هذا إلي طلع مني اقص على نفسي

 

[بنات حواء2]

و بنسبه حق ملل الانفاس انا بعد سمعت وايد ناس يقولون انهم يملون في النفاس من الحكره يبون يطلعون او احد ييهم و في ناس يقولون انهم طول الانفاس تعبانين و بنفس الوقت مالين من القعده الفاضيه و الضاهر اني بصير منهم في النفاس

 

[إستبرق]

اهلين جنان اي احسن والله ما ابي العب بعمري واستخدم اشاياء على الخياط وانا لا الحمدلله ماجربت الالتهابات وانشاءالله ما اجربها

ومن صجج ترى البندول عادي موشي راسج يظل يعورج اخذي بندول بس لاتكثرين يعني بالعقل

والله يعينج والله وابدي اشتري الغراض يعني الي مو شرط لون التبانات واللفات ترى اللفات والمهاد الاغلبيه ابيض وبيج واوف وايت واخذي السرير والصندوق وهالاشياء المشتركه والله يعينج ويسهل عليج يارب وعلينا
وبخصوص النفاس الوحده يمكن اول جم اسبوع تزهق وماتقدر تطلع عشان جذي تبي ناس بس وراها بجم اسبوع تطلع على الخفايف ويبدى تجهيز طلعه الاربعين الله يسهل علينا يارب

 

[بنات حواء2]

هلا مها عسى انشاله عمرج ما تشوفين الالتهابات خير شر انا و الله شفت الموت و السبه الالتهابات و الله كنت لي درجة ابجي بالحمام من الحرقه و المشكله انها حرقه قويه لي درجة اني طحة غشيانه من العوار و طبعن دار الشفا و الحكومه إلعبوا فيني لعب و اللح حسيتانه حياتي صارت جحيم كرهت الحمام تخيلي ما اقدر ادش تييني البجيه و تخيلي كل 10 دقايق احس اني ابي حمام و اروح و ماكو شي بس حرقه واااااااااااااااااي و الله نفسيتي تعبت و كله نايمه لين عرفت دكتور لطفي في عيادة بو حمره إلي رحم حالي و عطاني ابر و الله لو مو معطيني ابر ما كنت اعتقد انه يفك لأنه كان قوي وايد حتى الادويه و الحبوب و الغسول و الكريمات ما فادت معاه


اعوذ بالله من الالتهابا عسى الله ما ييبها لنه

عشان جذي انا بدير بالي على نفسي ماني حاطه اي شي بجر يأذيني و ديري بالج لاتحطين عطور او لوشنات فيها عطور وهسوالف اول ما تولدين على اساس انه الناس بييونج ديري بالج ترى موزين حق الخياط مو تنسين ترى يسوي إلتهاب ديري بالج

و بنسبه للنفاس اكيد يعني تخيلي شهر و عشرة ايام اكيد المره تمل من القعده بس انا ليش قول مو ش عشان لخياط في ناس ما يعرفون يقعدون من كثر ما الخياط شاد وناشف

يله يا معود الله يسهل علينه ونولد بسلامهو بعدها يصير خير اهم شي نولد بعدين يصير خير

و بنسبه حق بعد النفاس انشاله ناويه اتغير 180 درجه ودي اصير وحده ثانيه بقص شعري و بسوي تنظيف بشره و حمام مغربي كل هسوالف انشاله بسويهم بس انشاله يارب بذن الله اولد و افتك و قلت بضعف بصير عصله انشالله ماني ماكله و لا شي عاد انا الاكل مو مهم عندي عادي ما آكل شهر المهم اضعف

صج مها تصدقين انا البيبي مالي ما احس بحركته على طول احس حركته خفت وايد اليوم ما حسيت بالحركه كلش بس شي بسيط كلش عادي و لا في شي ؟؟؟؟؟؟؟؟؟؟؟ قاعده احاتي

و بنسبه للتجهيز اليوم رحت سرداب عيد المهنا عجبتني وايد شغلات بس ما خذيت شي قلت بعرف الاسبوع الياي شنو في بطني يعدين بروح آخذ بس الحين بروح سنتر بوينتو مذركير باخذ منهم التبنات و اللفات و هسوالف و انتي صاجه خلأخلص و افتك

 

[إستبرق]

هلا والله جنان وي الله لطف معاج زين الحمدلله راحت الالتهابات وانشاءالله بعد ماتشوفينها امبلا اختي يصير فيها على طول والحين لازم كله تستخدم غسول معين وتقول انها تذبح من العوار الله لايبلانا

وامبلا اكيد يبيلج نيو لوك ورى الاربعين انا بعد ناويه انشاءالله اتغير عاد والله الحمدلله كل ما اشوف الوالدات الي عندنا ارتاح من جم يوم رحت زرت بنت حماي صارلها بو اسبوع وشي والده عاد اخر الاشهر انتفخت حييييييييييييييييييييل انا قلت غريبه انتفخت جذي لان اول شي مامتنت ماشاءالله عاد يوم زرتها ولا ضعيفه مافيها شي ماشاءالله يعني متروسه يبيلها بو 5 ولا جم كيلو بس قلت لها زين والله ماشاءالله ضعفتي قالت اي مع ان اخر جم شهر حتى خواتمي ماتقيس لي قلت لها شنو زلال قالت لا انا ماصار فيني زلال بس اخر شهر انتفخت جذي قالت وترى الوالده تضعف بو 9 كيلوات وفي ناس اكثر بعد انا استانست خخخخخخخخخخ وقلت انشاءالله الحين بس ادخل التاسع مو اروح امشي بالممشى قلت بعد بخفف اكلي عشان انزل جم كيلوا انشاءالله قبل الولاده
ولا انا زوجي مايحب العصله كلش يحب شوي فيها لحم مايحب العصله كلش كلش واحسن بعد عشان ما احاتي خخخخخخخخخخخخخخ
ويالله انشاءالله تعرفين شنو الي فبطنج وتجهيز على راحتج انشاءالله
وبخصوص حركه البيبي لاحبوبه عادي انا اول شي كانت الحركه خفيفه ومثل النغزات بس تقريبا من اخر السادس او اول السابع لا الحركه صارت ماشاءالله قويه ومن الثامن بعد ويييييييييييي ماشاءالله عليها بس تتحرك وتصيرين تحسين فيها لان تثقل ومو بس النغزات تحسين فيها لا حتى لما تتحرك عادي وانشاءالله ماكو الى العافيه يارب

 

[همسة ورد]

بنات شلوونكم ؟؟

عفيه ادعولي نفسيتي تعبانه وايد وقاعده احاتي عندي موعد باجر فخص ولاده + توسييييييع

 

[إستبرق]

اهلين هموسه يالله يارب يسهل عليج وتولدين بالسلامه ويبعد عنج الوساوس يارب
وانشاءالله مافيج الى العافيه يارب وربي انج على البال
وشنو يعني توسيع ؟
وحبوبه بشرينا شنو يصير معاج وانشاءالله السهاله من الله

 

[احلى كويتيه]

همس الورد الله يهون عليج بالسلامه وديري بالج لا تحاتين ترى موزين

 

[بنات حواء2]

هلا حبيبتي مها على طاري الاتهابات مسكينه الله لا وينه و يعينها هي تصير حق اهل ريلي تقولي هي من الو ما تزوجت ما احملت من بعد 7 سنين و السبه الالتهابات و سوت تلقيح صناعي و ما صار بسبب الاتهاب تقول قامت تاخذ حبوب تقول هذي الحبوب لازم ما قطعهم و لا انسى ما آخذهم تقول اذا نسيت يوم واحد شصير فيني اموت من الالتهاب امبي هذ حالتها مستعصيه يعني طول عمرها تعيش تاخذ هلحبوب و اول ما مشى هلحبوب عليها حملت و الحين عندها و الله جم ياهل وايد ما شاء الله لا اله الا الله يعني سبحام الله ترى الالتهابات تكون اول شي بسيط ما ينحس فيها و بعدين تزيد يوم بعد يوم و اذا ما عالجتها المره ما تحمل بذات البنات إلي توهم متزوجين يعني ما يعرفون هشغلات من قبل


و بنسبه حق عقب الولاده و الضعف انا خالتي كانت متينه و حملت انتفخت بس اول ما اولدت صارت ضعيفه و الله بروحها بروحها و لي يومج هي ضعيفه


سبحان الله في ناس اضاهر يتعقدون من المتن و التفخه مالت الحمال و الضاهر اني انا و انتي منهم \ك9 انا ناويه مثل نيتج الله يستر

ترى حتى رياييلنه متفقين لأ،ه ريلي ما يحب العصله يبيني شوي في لحم

و بنسبه حق البيبي انشاله اعرف المره اليايه و اذا ما عرفت بعصب وب قول حق الدكتور حتى لو شاف شنو لا يقولي لأني بس مليت من كثر ما روح و اندقر

 

[بنات حواء2]

هلا حبيبتي همسة ورد اللله يسهل عليج حبيبتي و شنو تقصدين بتوسيع سامحينه ترى بجر و ما نفهم شوي

و لا تحاتين و لا تخافين في الولاده خليج عادي ترى الخوف يصعب المسأله سمعي كلامي و شربي دارسين و انتي رايحه المستشفى بالطريج و اقري الآيات و الادعيه الخاصه حق الولاده و انشاله سهالات و لا تنسين تطمنينه عليج ترى احنه في انتظارج انشاله و قلبنه عليج و انشاله تولدين و تفتكين و انشوف البيبي

لا تحاتين الولاده حاتي تربية الياهل على قولت وحده اعرفها تقول الولاده عورا مؤقت و يروح و نتيجته تكون نتيجه سعيده و حلوه بس التربيه هي إلي شويه إتعب و اذا بنيه فكري بنصيبها وين بصير مع اي ريال و شلون بنتعيش معا ووووووووووووووووووووووووووووووووووووووووووووووووووووووووووووو

و اذا صبي منو بياخذ و شلون بتصير زينه طيبه شلون مواصفاتها و وووووووووووووووووووووووووووووووووووووووووووووووووووووووووووووووو



فكري اشلون شكل البيبي صاير و الله انا هذا اكثر شي ودي اشوفه و اعرفه اشلون شكل البيبي إلي في بطني ابيض علي و لا اسمراني على ريلي

و إلي يي من الله حياه الله

اتوكلي على الله و لا تنسينه بدعاء و إلي يعافيج يقولون دعاء الوالده مقبول لا تنسينه عفيه امنتج فيها هذي تدعيلي انه الله يسهل علي و لا تنسين اول شي تدعين حق نفسج انه الله يسهل عليج و بعدين الحامل الحزين و مها و انا

 

[بنات حواء2]

مها بسألج سؤال بنسبه حق حركة البيبي انا الحين استانس حق حركة البيبي و اقول الف الحمدلله كل ما يتحرك

بس بعدين اذا كبر طبيعي تزيد الحركه بس بليل و انتي نايمه الحركه ما تقعدج من النوم عاد انا من حملت صاير نومي خفيف و كله اتقلب من عوار الضهر

 

[همسة ورد]

بنات شلونكم ؟؟

مشكورين بعد قلبي قاعدين تحاتوني ..

والله اليوم رحت موعد وسوت لي سونار جان تقوولي الماي حوالين البيبي صاير شويه ولازم اولدج لوول طبعا انا طلعت عيوني ماني مستوعبه ..
عقبها قالت رفعي ريلج .. يمااااا اقولها شوي شوي جان تحط جلي باصابعها وتدخل ايدها وانا اسكر واهي تقوول فتحي لووول يننتها اخر شي هدتني جان تقوول انتي شلون تبين تولدين لوووول انتي لازم ابره ظهر على طووول ..

المهم قالت لازم اولدج يوم الخميس لان مو زين .. قلنا لها يالطيبه تكفه اخري شوي مارضت جان تقوول انا راح اسويلج كل يوم تخطيط واذا كل شي اوكي راح اولدج يوم السبت واذا مو اوكي الخميس والده والده وطبعا مو مفتوحه حضرتي جان تقوول راح اركب لج مثل بالونه من تحت وفيها واير وراح توسعج ونفس اليوم تولدين ..

بنات انا خايفه عفيه ادعولي مادري شلون البالون مثل كره صغيره بتحطها يمااااااااا لحقوو علي

 

[إستبرق]

هلا والله جنان اي امبلا ادري ان الاتهابات ماتخلي الوحده تحمل الله لايبلانا فيها والله يعين الي قلتي عنها وربي معاناه الله يهون عليها يارب

ويالله جان زين بس نولد نضعف

والله يعينج عاد اذا ماعرفتي بعد شنو لاي فبطنج عاد غريبه انا دكتوري كانت اول شي مسكره ريولها لما كنت اول الرابع بس عرف من شكلها قالي شوفي هي مسكره ريولها بس انا اقولج من شكلها 65% بنوته وصج سويت وراها سونار قال قلت لج بنوته انتي اذا قالج مسكره ريولها وما ادري شنو قوليله زين ماتعرف تقريبا من الشكل شنو يعني على الاقل عشان تعرفينا تقريبا شنو الله يهون عليج يارب ويالله الي يي من الله حياه الله المهم معافى

وبالنسبه لحركه البيبي لا ما اقعد منها بس اقعد من كثر ما ابي اروح تكرمين الحمام واذا ييت بنام ما اقدر انام بسرعه من حركه البيبي ماشاءالله تبارك الحمن حركتها وايد موشوي وقويه والجنب الي بنام عليه تقعد ترفس فيه الله يسهل علينا يارب
عاد امس رحت السوق وجذي وبعدين طلعت على بيت اهلي امي شافتني قالت مها بدى ويهج ينتفخ دخلوا خواتي قالوا لي مها ويهج بدى ينتفخ ابيه يالله راح تولدين خخخخخخخخخخخخخخخخ
الله يعين ما ابي انتفخ يربي بس يالله السهاله من الله انشاءالله

 

[إستبرق]

وي هموسه يقلبي تعالي انتي طايفه شهرج يعني ولا للحين مايه وقت ولادتج عطينا خبره خخخخخخخ
الله يعينج يارب ويسهل عليج انشاءالله ابيه ذكرتيني بنفسي لما السونار الداخلي تقولي قبل لا احمل الدكتوره انتي شلون تبين تحملين خخخخخخخخخخخخخخ بس اصارخ ابيه نفشل
الله يهون علينا يارب وشنو هالبالون واي الله يسهل عليج يارب وييج الطلق وماتحط لج البالون ولا غيره والله يكتب لج الي فيه العافيه يارب ولاتعاندين حبوبه اذا قالت لج الحين تدخلين شوفي دخلي لا يصير سبحان الله شي موزين لج ولا للبيبي ويالله سهالات من الله ولاتنسينا طمنينا عليج واذا ماقدرتي تشبكين قولي لوحده من خواتج ولا اي احد ناطرين الخبر

تعالي وصج شكو لازم ابره ظهر خو انتي وقت الولاده راح تنامين من الكمام واي حبوبه ديري بالج من ابره الظهر ترى اذا طقوها غلط موزين الله يعينج وبالنسبه للعوار اذا زودوا الكمام عليج راح تنامين كلهم قالولي جذي عاد الله كريم