اهم الشغلات إلي تجهزينها حق البيبي والمستشفى خل نستفيد

[إستبرق]

واي جنان وربي تدرين من امس بس احس ودي اولد الله يسهل يارب وتعدي هالايام بسرعه بس بديت اتعب حيل وبدى يصير فيني حارج قوي ببجي من الحارج قبل مايصير فيني الى نادر واذا كليت علج الحارج يروح الحين عطوني حتى شراب للحارج ومايروح تعبت تعبت صج
وبعد الحين باقيلي 3 قمصان للولاده ومالقيت شي بروح افصل بس ما اعرف وين اروح وكان عندي سي دي فيه موديلات بس السي دي ضاع يربي والله تحطمت
الله كريم يارب

وبخصوص الاستقبال انا ودي اسويه بس اطلع من الاربعين بس والله ما ادري الحين زوجي يقولي لا ودي بس تطلعين الاربعين نسافر عاد يعتمد اذا سافرت ورى الاربعين سيده اسوي الاستقبال بعدين وانا ودي ياتايور استقبال يكون كشششششششششششخه او دراعه استقبال هم كششششخه والاثنين عندي موديلاتهم التايور شكله زوغه من موقع مصمم من زمان خاشه الموديل قلت اروح افصله عند ليليان الي بالاوقاف تفصالها يهبل او دراعه الاستقبال هم كلها شغل راقي وقلت بروح حنان دشتي اسوي تسريحه واحط مكياج عندها
عاد الله كريم مني لي اولد

 

[إستبرق]

اهلين هموسه زين والله بجم خذيتي الشكر من الجمعيه عاد انا امس بجمعيه الدعيه تذكرتج لما طلعت قلت لو شايفه اذا موجود الشكر ولا لا
وصح محل انار شغلاته حلوه زين يعني على البكره ارتحتي الحين من الجيس
وزين تسوي عيل اخذي من المستشفى بعد احسن لج بصراحه نصابين شكو لازم ثنتين تدرين ييبي خدامات اهلج وكشخيهم وخليهم يقدمون خخخخخخخخخخخخخخخخخ
الله حلو اي محل بالعربيد الي يسوي جذي؟ انا عاجبتني هالطريقه بس ما اعرف وين افصلهم
وتعالي ماتعرفين عيل خياط يفصل قمصان النفاس حدي توهقت باقي لي ثلاثه ومالقيت ابي دانتيلات وحراير وجذي

ويالله الحمدلله على الاقل انج خلصتي شغلج والله يسهل عليج يارب ويوفقج انتي متى اخر يوم عطوج للولاده انشاءالله ؟
وبخصوص شعرج تبين تقصينه الحين ولا ورى الاربعين اذا الحين قصيه على طوله بس سوي فيه حركه خفيفه وورى الاربعين غيري القصه وترى الريال اذا شاف شعرج حلو وتغير لوكج راح يستانس بس حجي لاتقصين وهالسوالف انا زوجي كل مره يقولي لا تقصين واقوله بس ودي بروح اعدله خخخخخخخخ لما ارد ولاقاصته ويعجبه ويسكت

 

[بنات حواء2]

هلا حبيبتي همسة ورد ما تشوفين شر الله يعينج و الله ثقل و صخونه و عفيسه يلخ انشاله ما بقى شي و تفتكون و الحمد لله انج خلصتي و افتكيتي خلاص بعد لا فرار ه و لا شي بس روحي امشي على تراب البحر عشان تولدين بسرعه و تفتكين خلاص

شلون صاير الشكر إلي خذيتيه و بجم لأني انا شايفه 60 حبه ب 6 دنانير انتي بجم و شلون صاير ؟؟

 

[بنات حواء2]

هلا مها امبي يعني يرجع الحارج انا ما صدقت شويه خفت علي اللوعه و الحارج و الله تعبت احس اني اكره نفسي و الحين الحمد لله ما قمت اشم ريحه في شغتي يعني كل شي اوكي بس لا يرجع الهم و الله ما لي خلق احس نفسي تعبت

و يله هانت ما بقى شي إكلوا عني انناس مشتهيته و ريلي مو مخليني آكل و الله ودي أنناسه فرش جذي من كارفور يقطعها لي و آكلها بروحي بس محرومه


و بنسبه لقمصان النوم اخذي جاهز احسن لج من الفراره و الخياط و خوفج يطلع مو زين و تعال عدل و الله انا ما اعرف خياط زين حق هسوالف بس بسألج انشاله و بقولج

بس انا برايي تاخذين جاهز احسن

و بنسبه حق الكفر شسويتي ؟؟؟؟؟

انا ما ادري ابي اشوف كذا محل لأنه المحل إلي في المحاميد حلو ما في شي بس المشكله انه كفراه عاديه و لا كأنج مفصله الحركات كلها في الخام مو في الموديل

بس وايد حلو و روعه بس خاماته كلها درجات الاوفوايت و البيج انا ما ابي جذي ابي ألوان غريبه و فناتق تدرون الحين هلألوان الكل يسويها انا قلت بطلع بشي مميز و حلو يعني شي محد مسزي من قبل

اذا تعرفون محلات بعد قولولي

المحل إلي بالفروانيه وايد مدحوه حقي بس لا انا و لا ريلي اندل الفروانيه احس انضيع لي دشيناها و نخور

 

[همسة ورد]

هلا استبرق شلووونج انا اخر موعد معطيني 25-11

وبالنسبة للشكر بجمعية القادسية السلفر يصير كل حبه قند مغلفه بروحها 200 حبه ب4د.ك
والذهبي قندتين مغلفين مثل الحلاوه الجاكليت 60 حبه ب3 ونص على ماعتقد ..

واذا تبين وحده تفصلج انا عندي رقم وحده بنت الامير بيتها بالجابريه عندها مشغل واهي تروح البلوكات وتشتريلج الخام اللي تبينه وتفصله لج .. انا بصراحه خيطت عندها بدلات العيد بصراحه شغلها روعه ومرتب وبأسعار معقووله وايد يعني ماتبالغ كلششششش واعطيج رقمها بعد شوي ايييبه ...

وبالنسبة للجياس اسم الخياط على ما اظن طائر السلام اهو بالعربيد واسم الخياط خالد ..

لا حواء مابي اولد الحين بنطر امي تيي من السفر يوم الاحد خخخخخخخ ..

بنات شرايكم بتفق مع مصور معرفي يي المستشفى يصور البيبي معاي ويا ابووه 36 صوره ب75د.ك ..

شرايكم يسوا ولا لا ؟؟

 

[إستبرق]

اهلين جنان انا قبل ماصار فيني حارج كلش بدى معاي الشهر الطاف شوي بس لي كليت ككاو ساده او توست او صمون مو محمص عرفتي بس كنت اكل علج الحارج سيده والله توني ماكلته يروح وبس قطعت عن التوست الي مو محمص مع الككاو الساده صار ماييني بس هالجم يوم واااااااااااااااااي عذاب عذاب عذاب تخيلي اقعد من النوم فيني حارج وحتى قلت للدكتوره وعطتني شراب وهم مايروح الله كريم
وتعالي ترى الاناناس عاديييييييييييييي انا حتى يوم صار فيني اسيتون طلعت من المستشفى رحت قعدت فبيت اهلي وابوي يعطيني اناناس قالولي لاتاكلينه وامي قالت لابوي لاتعطيها اناناس وانا مت مت ابي منه كان بارد ويهبل عاد ظل فبالي رحت حق الدكتور وسالته دكتور والاناناس صج مايصير جان يقعد يضحك وقال لا عادي الكل يسالني ما ادري منو قال هالمعلومه الغلط للناس ولا يقول لزوجي انا قعدت بدوله بافريقيا ثلاث سنين ما ادري جم قال هذي الدوله اصلن ماعندهم اكل غير الاناناس والجراد ويسوون طبخات بالاناناس وياكلون وقال الكل يحمل ويولد عادي وصج وراها طحت بالاناناس طيحه والحمدلله كل شي عال للحين

وبالنسبه للقمصان جان زين القى جاهز كلش مالي خلق الخياط والله بس ماكو كله اقطان وما احب الاقطان كلش الله كريم يارب
وبالنسبه للكفر للحين والله ما ادري امي تقولي منزلين كفرات حلوه امريكيه الي خامتها تيي شوي ثقيله تقول الكفر يهبل وب39 شايفتهم بالمعلم وبصراحه بيني وبينج مليييييييييت خلاص شكلي بروح اشوفهم واخذ منهم ما ادري عاد

 

[إستبرق]

هلا والله هوسه والله انا منيحه ويالله يعني باقيلج جم اسبوع سهالات يارب حبوبه امشي كل يوم بالممشى ساعه واذا تقدرين اكثر عشان البيبي ينزل وتسهل عليج الولاده انشاءالله

ووالله زين الشكر سعره زين يعني الكميه وايد مو شوي يالله تذوبونه بالعافيه


وجان زين حبوبه عطيني رقمها لو ماعليج امر بس بعرف هي عندها موديلات ولا لا لاني للحين مو محصله موديل وانا اعرف وحده بقرطبه وتسوي اشياء حلوه وهم تروح وتييب لي بس بصراحه اخر فتره ماعجبتني لاني انا ما اعرف اكاسر وجذي تخيلي تتفق معاي اول ما اروح على 50 يوم بروح ادفع لها تقولي طلع 80 وانا اعطيها وانا ساكته ما احب اكاسرها خصوصا ان انا افصل عندها وايد فماعجبني اسلوبها يعني تاكلني لاني خرسه خخخخخخخخ حبوبه زين تقريبا هذي جم اسعارها عشان اعرف يعني وياليت تعطيني رقمها

ومشكوره يقلبي على اسم المحل انشاءالله اروح اسوي عندهم
وبالنسبه للمصور انا بالنسبه لي ما ابي صور وايد من اول يوم لانه يكون توه بيبي وايد يعني الصور ماتصير تشوق وايد انا قلت اصور البيبيه بالمستشفى جم صوره يعني مو وايد ولي كبرت شوي انشاءالله عاد اكشخها والبسها واصورها لان اشوف صور اليهال لما ينولدون شوي لج عليها عاد انتي وراحتج حبوبه

 

[بنات حواء2]

لا حبايبي هلا و الله

اشلونج همسو ورد ترى ما بقالج شي هله هل ه بالمشي و انشاله سهالات و لا تنسينه عقب ما تطلعين من غرفة الولاده شبكي و قوليلنه شصار معاج

امبي انا لي صار التاسع مو بس امشي و الله اركض عشان اولد و افتك

بنسبه حق الشكر سعره وايد زين س اشلون صاير شكله حلو

انا انشاله بروح الجمعيه و بشوف المحل وين صاير بضبط فوق تحت ؟؟؟؟


و ياريت لو تعطينه رقم المره عشان اشوف ادق عليها قبل الشتى انا الموديل إلي في بالي و الله بسيط حده بس اخاف احطه بيد اي خياط و يلعب في ملابسي و انا بطلع بشكل حلو

و اما بنسبه حق التصوير انا ما انصح الصراحه صورو البيبي بروحكم و بعدين حطوهم في الالبوم انا اقول ما يحتاي و كل يوم صوره 4 صور يصير عنده 100 كتلوج صور خاصتن انه هو صغير و ياحرام توه طلع من بطنج احس البيبي اول ما يطلع من بطن امه تلقين وعليه متأذي بهتتفخ و بهلبصفار و عليه علينه و على عيالنه

 

[بنات حواء2]

هلا مها اشلونج شخبارج و شلون الحارج و الثقل معاج يله عاد بسج دلع قربتي تولدين و تفتكين و انشاله يارب الله يسهل عليج و نشوف بنتج عن قريب يارب

يله ميخالف شدي حيلج بعد شتسوين الله يعينج على الحارج

و بنسبه للأنناس خلاص عييل انا باجر الصبح رايحه ماخذتلي وحده انشاله امبي عاد انا ما اقاومه احبه من زمان انا اموت على الانناس و بدال ما اكرهه في حمالي حبيته اكثر و اله مشكله صج الشي إلي تنحرمين منه يصير حلو بنسبه لج و ودج ليل نهار عندج و تاكلين منه احنه مشكله

بنسبه حق الخياط و الله حتىانا ما ودي اخيط بس شنسوي ما كو شي حلو بسوق حق الشتى رحت اليوم مارينا و افتريت و الله ما عجبني شي كل الملابس يبيلها بطن سيده ما يبيلها كرشه ناطه

عاد انا بطني صايره بالعرض الكل يقولي بطن ما عندج انتي و لا كأنج حامل انا اقول يمكن الكرشه العدله تطلع بثامن و تذكرتج لمن قلتي بطني كل يوم بعد يوم تكبر شكلي انا بصير مثلج

خو انا و انتي بكل شي متفقين ما في بينه اختلاف

 

[Om eLkakawiya]

شلونكم حوامل صغار ؟

اهئ اهئ بنات بقو يقزوني ابرة ترفع الطلق عشان طلع التخطيط في طلق والله حدي مخترعه بس الحمدلله رحت مره ثانيه وقالو مافيج طلق مابقى الا اسبوعين على شهري شكلي بولد باول شهري وانا للحين ما خلصت أغراضي الله يسهل يااااارب ...مادري شفيها هالبنت مزهوقه على النفانيف اللي شريتها لها .. اسم الله عليها ..

وعلى طاري الاناناس حتى انا مريت بالتجربه بس ما رضو اهلي الحين لا اناناس ولا مشي طلقي شكله حار مثل ما قالت امي الله يعين .. الحين بس بقول حق الماما شنو ابي وتشتريلي كلشي يلا الحمدلله اني خلصت نص الاشياء الضرورية ..

الحمدلله على كل حااال .. بنااات ادعووووولييييي

 

[إستبرق]

اهلين جنان لا الحمدلله احس الحارج خف شوي الله كريم ويالله يارب تمر هالايام سهله يارب
وبخصوص الخياط عاد والله السوق الحين كله قصات حوامل رحت جويز منزل ملابس حلوه تشوق بس صيفيه وبعد شتسوين روحي خيطي حتى اختي الحامل تقول بروح اخذ مخامل وبخيط للعيد وللشتى وافتك
واي القهر اليوم اهلي قاعدين يتفقون على المخيم وطبعا انا وزوجي معاهم بس ابيه ما اقدر اركب بانشي وشلت هم الحمام تكرمين انا مستحيل اروح حمام مخيم مع انه يضبطونه ويعدلونه بس نو وي كله اذا ابي حمام ريلي يوديني بيتنا ولا بيت اهلي الاقرب على المخيم اروح الحمام وارد بس الحين كله دقيقه بروح شلون وبعد على الشهر الياي انشاءالله ولادتي يعني ماراح اقدر اروح الله كريم يارب ويسهل علينا يارب

 

[إستبرق]

الحامل يقلبي الله يسهل عليج يارب ويعينج يالله حبوبه على الاقل استانسي ان انشاءالله اول شهرج تولدين وبلا تعب بلا نيله بس الحين ديري بالج لاتتحركين وايد بس روحي الطبيبي عشان سبحان الله ماتدرين شنو يصير والله يسهل عليج يارب وماتولدين الى بشهرج يارب

 

[إستبرق]

هموسه وينج لايكون ولدتي

 

[Om eLkakawiya]

هلا والله استبرق والله حدي متوتره .. وبعدين ما تعرفين المستشفيات يخلونج تنامين عندهم حتى لو لي آخر شهرج وانا ما احب نومت المستشفيات ما ارتاح لها انا بغرفتي وياله انام .. لا الحمدلله انا الحين احسن .. يمكن اسوي فحص داخلي اتاكد اكثر بس اخاف يلعوزون البيبي .. الله يسهل على الجميع ان شاء الله .. شدراج يمكن انا وياج نولد بنفس اليوم ..

الا يقولون محل انار مسوي تنزيلات صج ؟

 

[همسة ورد]

هلا وغلاااااا لا لا بعدي ماولدت لوووووووووووول ...

اهي الخياطه ماتاخذ وايد وتتفق معاج بالبدايه يعني اسعارها من 12 دينار لي 50 تقريبا هذا بالنسبه للبدلات ..

واهي قالت لي اسوي نفانيف ولاده مع جيس بيبي بس بصراحه مادري جم ورقمها الحين مو يمي ..

بس احصله احطلكم اياه ..

والله انا كله عيزااااااانه ما امشي مالي خلق من الثقل

بنات اليوم رحت ماركس سبنسر شريت منهم سراويل 7 حبات ب3 دنانير ونص .. بصراحه خووش شي وقياساتهم كبيره ..

وعندهم خووش اندرويرات خامتهم قطن خفيف حيييل بس يدفي لا يطووووفكم وبقياسات كلها متوفره الحين لا تتأخرون لا يخلصون لا ما يطوفون ..

غير الاندرويات عندهم سراويل مثل الشورت بس خامته قطن خفيف يدفي ..

انا خذيت منهم والله ياينا البرد وبكون بالاربعين شيطلعني وبيخلصون القياسات
وبالنسبه للشكر موجود بالجمعيه على ارفف السكر تحت مو بمحل ..

وادعولي بسهاله انا خايفه ..

 

[همسة ورد]

انا رايحه انار قبل يومين شاريه منهم ماعندهم تنزيلات .. عاد اذا سوا بمووت قهر لووووول

 

[Om eLkakawiya]

مادري هموسه بس اليوم امي تقولي في وحده من اهلنا راحت شرت وفيه تنزيلات ..

الله حلوه فكرة اسم البيبي على الجيس اعجبتني بس انا ما بقى لي شي واولد اهئ اهئ انطر يابيبي خنكشخك لووول..

 

[إستبرق]

هلا فيج حامل اي امبلا اليوم خواتي يقولون لي على رفيجتهم هي بالسابع بس يالها الطلق مبجر تخيلي منومينها شهر اليوم منحاشه منهم خخخخخخخخخخخ واي كلش ولا نومه المستشفى تييب الضغط الله لايبلانا يارب لما قبل سويت تنظيفات تخيلي دافعه فلوس يوم كامل وربي سويلي التنظيفات الظهر طلعت المغرب خخخخخخخخخ مالي خلقهم ولما الاسيتون وترقدت بالمستشفى قالوا يمكن يوم بس مانزل الاسيتون لانه قوي ثالث يوم بس قالوا نزل سيده قلت بطلع زوجي قالي ظلي لي يخلص يومج قلت ما ابي الحين قايمه واي القعده تتعب الله لايبلانا فيها يارب
واحسن روحي باشري اول باول عشان تتاكدين وانشاءالله ماتشوفين الى الخير والعافيه
وتخيلي انا وياج بيوم واحد عاد نشوف منو دكتورتها احسن خخخخخخخخخ
الله يسهل يارب
وبخصوص انار والله ما ادري عنهم كلش انا بعد ما اروح محلات يهال لان لو شنو ودي اخذ منهم امس دخلت مذركير الي بشرق ابي منهم ستيانات الرضاعه وابي صندوق البيبي ولا اوقف عند ملابس اليهال زوجي قالي بس بس يبا فولت يوم تطلعين من الاربعين انشاءالله نيي نشتري قلت زين خخخخخخخخخخخخ

 

[إستبرق]

اهلين هموسه يعني للحينج صامده خخخخخخخخخ الله يعينج يارب
ووالله زينه اسعارها الخياطه يالله ناطرين الرقم
والله يعينج على الثقل حاسه فيج وربي واي خاصه اذا البطن صارت يابسه بعد هذا بصوب الله يسهل يارب وتولدين بالسلامه انشاءالله وترتاحين
وبخصوص الملابس الداخليه انا الحين تقريبا خلصت خذيت السراويل من دبنهامز وحتى يهبلون وقياسات اهم شي خخخخخخخخخخ وخذيت يمكن الاربعه على 3 ونص وخذيت الستيانات حتى من دبنهامز ومن مذركير وحتى يهبلووووووون مريحين واقطان تهبل
بس تعالي السراويل الي على شورت لو ماخذه نوع ثاني انا اختي قالت لي عليهم وخذيت منهم بصراحه مبينين روعه لانهم بنفس الوقت حق شد البطن هو يكون مثل الشورت بس ضيييييييييييييييييييج استرج ضيج وايد ولي تحت الصدر لما تلبسينه يشد جسمج عشان الكرش عرفتي انا حتى قلت بشتري انشاءالله المشد الاندونيسي والبسه والبس هذا فوقه
والله يعينا على البرد عاد العجيري يقول هالسنه برد وايد الله يستر يارب
والله يسهل عليج يارب وعلينا وتولدين بالعافيه يارب ويطلع الي فبطنج معافى ومثل القمر

 

[همسة ورد]

اي انشالله استبرق ... انا شريت مشد بعد ..

بس بسألكم شنو صندووق البيبي ؟؟؟ ترا ماشريت لوووووووول؟؟
الحامل انتي متى موعدج؟؟