باريس اب عيد الاضحى .. ابي خبرتكم يا جميلات ;)

[aLreeeM]

وايي ضيقتو خلقي في وايد ما امدحوووها اي انا ادري انها وايد غاليه !!

عيل وين اروووح ابي مكان يونس حقي وحق اليهال !!

 

[Om_Ksha]

انا بالاساس موحابه هالديره من قبل لا اشوفها !!

 

[حضاره]

تونى يايه من باريس الاسم كشخه والديره ووصخه

اقول حق الى معاى كنى رايحه مصر ماااااااااافيها شي من الزود بايخه وحررررررر وزحمه ونفوسهم خايسه قطع هلفرنسين ولايساعدون

ودزنى تلوع الجبد العاب ماكو كم لبعه ومنثرين والشو خايس يفشل مادرى بالنسبه لى مالت امريكا وايد احلى اصلا ماتتقارن


وماراح اروح باريس مره ثانيه ........ وعلى فكره الكويتيه ماتروح دايركت تطب روما انا حجزت فيها على اساس دايركت واندقت وها ترانزيت 3ساعات بطياره ماتنزليييييييييين

ههههههههههههه00ابيه عيش ومرق

طيحتي سوقها مرررررررررررررره وحده!!!

قريت عيالي ردج عشان يقتنعون00والله جنهم خقوا هههههههههه

 

[حضاره]

الرييييييييييييم 00

ليش ماتروحين لندن 00تهبل حق العيال وحق الكبار وامان وونييييييييييييييييسه روعه شويه عليها!

 

[دروبك يالسهر]

والله حبيبتي اللي احلى منهم كلهم امررريكا وبس اذا تبين وناسه وجو مناسب واسعار مناسبه وناااسه لعيالج روحي امررريكا
على فكرة انا ما رحت لها بس ان شاء الله ناويه على الصيف الياي من كثر المدح فيها والله شوقوني اروح لها ومافي احد راح لها وذمها كلن يمدحها وخصوصا لليهال

 

[خشف الشمال]

إنزين ليش ماتروحين ماليزيا..

يمكن الجو يكون حلو ولاتنسين هالديرة رخيصة..

 

[مناوى 99]

رد : باريس اب عيد الاضحى .. ابي خبرتكم يا جميلات

شوفى حبيبتى اذا انتى مصممه تروحين باريس بهالفتره انصحج

خلى باريس يوم واحد عشان المطار وثانى يوم روحى للديزنى وتكونون حاجزين من هنى شقه فندقيه طالما معاج عيالج
وقعدوا فيها 3 ايام لان تذكرة الديزنى ل 3 ايام اكو خصم عليها ومنها تونسين عيالج وتشبعون من ديزنى وترا المنطقه هناك كلللها منتجعات
وفيها الاوت لت ما راح يضيق خلقكم حتى اليورومارشيه ( سوبر ماركت ) جريبه من الاوت لت يعنى مو مثل باريس تموتون من اليوع وغاااليه ع الفاضى بس قهاوى ومطاعم غاليه

عقب ال3 ايام نصيحه قضى الباجى بمدينه شامونيه روووعه خيال قعدو فيها ليما يصير سفركم باجر عقب ردوا لباريس ليله وللمطار طوااالى
ترا هالمدينه روعه والفرنسيين يموتون عليها وخاصه الويك اند
فيها جبال الالب وزحلاقيه وشى بالخيال
احنا بغيناها هالصيف بس سالنا الفندق ما نصحنا يقول بالشتا احلى

 

[aLreeeM]

لندن رايحتلها وايد وايد وماليزيا بعد ابي ديره مو شايفتها صراحه اونس

وامريكا حدا ودي طبعا اهيا التوب بس 10 ايام كلش ماراح يمديني اشوف شي !!

مناوي 99 حلوه فكرتج بس بسالج شامونيه اشكثر تبعد عن باريس ؟؟ الوقت اشكثر ؟؟

انا قلت ودي ما اقعد اب باريس صاجه من اللي اسمعه وايد اونس

يعني يصير اروح وارجع اب نفس اليوم ؟؟

 

[مناوى 99]

رد : باريس اب عيد الاضحى .. ابي خبرتكم يا جميلات

حبيبتى شامونيه تبعد عن باريس 560 كيلو شوى بعيده اذا بسياره 5 ساعات واذا قطار اتوقع 3 ساعات
وشى اهيا جريبه من النمسا وفيها جبال الالب المشتركه بين زلمسى من جذيه خذت حلاها
اذا ما يازت لج نصيحه من وحده مسافره لباريس اكثر من 5 مرات لا تقضون السفره بباريس خاصه اذا معاج يهال
شوفى لج مدينه جريبه منها
باريس تصلح حق عرسان توهم اونس بس حق يهال ما انصحج يدوب ايفل اهواا اللى بيستانسون عنده لان توهم فاجين جم لعبه حق عمرهم
يا انج تقضين الوقت بال فالي دو يورب او انج تقسمين الرحله بين مكانين مدينه ..........+ الفالى دى يورب

احنا قضيناها كلللها بكان اتهبل بالصيف وماكو خليجيين وايد الا ال vip

 

[White Musk]

السلام عليكم
ان شاء الله اختياركم موفق
انا تودني رادة باريس 4 ايام وديزني 6 ايام
نصيحتي
روحي باريس وروحي بالتاكسي من المطار ( عندي رقم السايق خوووش واحد) على طول ديزني سكني بفندق
new port bay club
غرفتين خمس ليالي مع تذاكر مفتوحة ل6 ايام ولست اشخاص ب 920 دينار مع الريوق
وهناك دفعت 300 يورو بدلت الغرف اخذت غرفتبن مع بلكونه وعالبحيرة
الغرف كانت واسعة وغرفتين كونكتيد بينهم باب كل غرفة فيها سريرين يكفون 4 اشخاص
وايد كان حلو الستايل يونس تحسين انج رايحة ديزني راح احط بتقريري تفاصيل عن الفندق
وكل يوم الصبح تقريبا الساعة 9ونص تحضر شخصية من الشخصيات واليهال يصفون دور للتصوير
سكني فيه وعقب ما تاخلصون وتشبعون من ديزني اخذي القطار ونزلي باريس يوم واحد زوري متحف اللوفر وبرج ايفل اعتقد كافي
بديزني ماراح تصرفين لأن هالفنادق توصلج مجانا وترجعج مجانا وممكن تتمشين من الفندق
وماراح تدفعين تذاكر رحلات عليج بس الريوق والعشا والقهوة والشاي
وكنا نشرب قهوة ونشتري نفيش وشعر بنات تقريبا احنا ال6 باليوم ما نصرف 200 يورو
الغدا مرات ناخذ من ماكدونالدز برة الحديقة وجبات فيش فيليه يطلع حسابنا 24 يورو ونتعشا بمطعم بيتزا تقريبا 30 يورو
حسبي الماي كنا نشتريه من بقاله بمحطة القطار يم مدينة الألعاب آخذ بطلين كبار اقطهم بعريانة ولدي ومعاي قلاسات للشرب لأن الماي غالي
البطل العائلي تقريبا 2 يورو وحسبي شعر البنات ب4 يورو والنفيش اعتقد 5 بعد والايس كريم كل واحد على 2 يورو والقهوة والشاي اذا بغيتي تقريبا 3 يورو حسب المطعم
ولا تشترين من اول يوم اغراض ديزني خليها حق آخر يوم لأن بكل مكان بوتيك ثبتي بس الي تبينه وعشان ما تشيلين اغراض انا شريت من محل ديزني الي بفندقنا بآخر يوم عيالي دخلوا وشروا الي يبونه اقلام واكسسوارات واجناط وتيشيرتات
ودي احط تقرير الله يسهل انشاء الله خلال شهر اخلص من تقرير باريس وديزني
لأن الصور تاخذ وقت
ولا تحاتين المشتريات الحمد لله ماله داعي كل شي تشترينه ترا هناك تشوفين الشي حلو بس لي رجعتي تشوفينه عادي
راح تشوفين اليهال لابسين لبس الشخصيات ويلعبون يونسون
حجزي وتوكلي على الله
ترا باريس حااارة بالصيف بس الحمد لله بديزني الجو قلب مطر وغيم وبراد وانا واليهال وايد استانسنا فرنسا من الدول الي لازم الواحد يزورها لأن فيها برج ايفيل وفيها متحف اللوفر وممكن تروحين متحف الشمع وقصر فيرساي بس انا ما زرت قصر فيرساي
ما كان لي خلق والشانز كلش ما عجبني عادي قهاوي ويمعة خليجيين
يم ديزني في مجمع كبير ويمه مجمع اوت لت رحت له بس ما شدني لأني ما كنت بضيع وقتي بالسوق
صدقوني 6 ايام واحنا نتقل ما بين الاستوديو والبارك ونقعد بالكافيهات ونريح وقت الشو الشو عندهم العصر والمغرب وبالليل ما حسينا بالملل حسيت ان اليهال شبعو عدل من ديزني لعبو كل شي وشافو كل العروض
بس شوفو تجنبو السبت والأحد لأنه زحمة بديزني و حتى في باريس ترا انا انبقت في باريس وكان يوم سبت الحمدلله شي اهون من شي
و اهي اصغر من مالت امريكا بس لازم تودون عيالكم انا لعبت واستانست وايد مع عيالي
ادعو بس الله يسهل واحط لكم التقرير
ولأي استفسار انا حاضرة عالخاص

 

[White Musk]

بقولج على شغلة حطي في بالج انج احتمال ما ترجعين لديزني فخلي عيالج يشبعون ويستانسون واحتمال ما يرجعون لها مرة ثانية
شوفي روحي على طول من المطار لي ديزني
زعقب ردي باريس سكني ليلتين وردي الكويت
انا سكنت بمريديان اتوال مقابل الكونكورد لا فاييت الغرف اوسع من كونكورد
وبعدين اخذت غرفتين كل غرفة بسرير لشخصين مع سرير اضافي لأن عددنا 6 كانت واسعة وكافية وطلعت الغرفة ب48 بس ما كان فيه غرف بينهم باب
جم اعمار عيالج ؟

 

[White Musk]

انا رايحة ديزني امريكا لمن كنت صغيرة بس اورلاندو وايد حارة بالصيف
فترة عيد الأضحى وايد مناسبة والجو حلو انا وايد اشوف ناس تسافر لديزني بشهر واحد علشان تتجنب الحر
بس الحمدلله على حظنا الجو وايد حلو الجاكيتات معانا بالعربانة طول الوقت
ولأني انا وعيالي استانسنا اتمنى انج تروحين وتونسين عيالج

 

[قـہۈه فـرنسيـہ™]

وااايت مسك حبيبتي الحمدلله على السلاامه متى رديتي ..؟؟ ان شاء الله استمتعتي انتي والعيال في باريس ؟

وعلى فكره ترى المشااكل اللي تحصل تعووومس الواحد وتخليه يكره الديييره بكبرهاا ....

ميريان ايتوال غرفتين مفصولتين عن بعض ولا شلوون ؟

 

[White Musk]

هلا حبيبتي قهوة فرنسية
كل ما رحت مكان اتذكرج
الحمدلله السفرة حلوة بس انا اقول لج للي مثلي معاها عيال السهر والقهاوي والشانز ما ينفع لأنج تكونين مضطرة ترجعين مبجر وتنومينهم
بكل شبر تطرين على بالي
رحنا اول ما وصلنا يوم اليمعه مشي من المريديان لي قوس النصر وكملنا بعد مشينا ولفينا وردينا تقريبا عالساعة 1 بالليل مع ان كنا مسافرين من الكويت عالإمارتية من الساعة 5 الفجر واحنا نتجهز للمطار والسفر بس مادري ما شفنا شي والجو كان حاااااار ذكرنا بأيام ماليزيا
ثاني يوم رحنا اللوفرمن الساعة 9 لي الساعة 2 عقب تغدينا ور حنا برج ايفيل الدور تقريبا اخذ ساعتين ونص وبعدها كملنا لي الليل بساحة اللاديفانز وتعشينا فيش فيليه من الماكدونالدز
ثالث يوم رحنا متحف الشمع وطلعنا رحلة بالمركب بالنهر الي يم برج ايفيل لمدة ساعة ونص تقريبا كان الجو مشمس بس استانسنا وبعدها رحنا مونامارت كان يوم الأحد وزحمة وصعدنا بالتلفريك للكنيسة وقعدنا على السلالم نتطمش على اللي يغنون ويرقصون عقب اجرنا القطار المفتوح الصغير وخذينا جولة في مونامارت ومرينا على محلات الخبري خبرج بس الحمدلله البنات كانوا دايخين وتعابة من الرحلة نامو ما شافوا الفترينات عقب رجعنا ولقينا معاريس صورناهم ولقينا الطراراة أم كشة عجيبة بحط لكم الصور بالتقرير وبعدها رجعنا الأوتيل وبطريجنا كان في واحد بيبوق بوك زوجي بس مسك ايده وانحاش ورجعنا الأوتيل وقعدنا اليوم الرابع على صوت المطر قلنا مانبي رحلات نبي نتمشى في باريس ونستمتع بالجو بس تمشينا يم النهر ورحنا كنيسة نوتردام وتميشينا قال زوجي خلونا نروح جاليري لافاييت وانباق بوكي من جنطتي عيني عينك وطلعنا من الجالاري ودقيت عالبنك وتنكدت قال زوجي امشو نرجع لساحة اللاديفانس تسوقنا بالسوق وانا كنت متضايقة مو عالبوك بس على مواقف السرقات الي تعرضنا لها وسهرنا لي الليل وعقب رجعنا الاوتيل جهزنا اغراضنا حق رحلتنا لديزني
طبعا هناك النهار طويل فكان في وقت نرجع عالساعة 3 لي الأربع ونص نريح ونغسل ونرجع نكمل رحلاتنا
انشاء الله راح احط تقرير مفصل
الي عندها بهال تروح برج ايفل واللوفر وتتمشى بالمراكب بس اعتقد كافي يوم في باريس وتقضي وقتها بيورو ديزني الجو والوضع هناك كان وااايد حلو واحلى لليهال
المريديان ايتوال ما حصلنا غرف متصلة الغرف كانت منفصلة بس يم بعض وانا اكبر عيالي 14 سنة فكنت ما احاتيهم بالغرفة
والحمد لله

 

[aLreeeM]

حيااتي والله ما قصرتو

وايت مسك حدج شوفتيني بس خلاص قررت بروح سالت على القطريه حدها رخيصه الكبير 205 و الصغير 170 ديناااار وناسه والله زين

وايت مسك عيالي اعمارهم 5 سنين و سنتين الله يحفظهم

بس وايد على ديزني 6 ايام بروح 3 ايام زين .. انزين المريديان شلونه نظيف ؟؟ انا مادحيلي الماريوت شرايكم
وناطره تقريرج حدي

 

[3-suns]

رد : باريس اب عيد الاضحى .. ابي خبرتكم يا جميلات

الله يوفجك يا حبيبتي

 

[aLreeeM]

مشكوووره بعد قلبي :*

 

[Love \ Hate]

مشكوره صاحبه الموضوع

ووايت مسك داااايما سباقه وتبردين الجبد وتعطين المعلومات بالتفصيل وتهونين على الواحد فديتج مشكوره وايييد

والله يوفقج

 

[قدسـاويهـ خطيرهـ]

رد : باريس اب عيد الاضحى .. ابي خبرتكم يا جميلات

لا صج أخترتي والله أصراحه


أنا تعجبني


أصلااا أهم شي الوناسه والجمعه


وترى أذا ماركبتي برج أيفل بتحسفين


وتروحين وترجعين بالسلامه

 

[نونه الزعفرانه]

اذا بتروحين باريس او اي دوله اوربيه من الكويت ...... ماكو على طيران لوفتهانزا تروحين من الكويت لي المانيا وبعدها من المانيا لي فرنسا ترانزيت صج انها ترانزيت بس عشان طيران لوفتهانزا يهووووووووووووووووون يازين هالطيران والله استانست بالطياره اكثر من باريس ههههههههه