:( ببدي رجيييييييييييييم من باجر 17-5 الى 17 -6 منو تشاركنى( شهر من تاريخه)

[oum 5ald]

قوه بنات

انا لاحظت شغله
ماكو صداقات هني

خنصير ربع مايصير جذي ترى انا اتعرف عليكم ونقعد نسولف مو بس اكلت واكلت وخلاص

ولا شرايكم ...؟

انا امس بليل اكلت كشري وعليه
وضاق خلقي حده حده بس اشوه مازاد وزني

 

[Dark_Rain]

مو مشكله شكلنا ناطرين منو تبدي اول من جذي كل وحده تسولف عن رجيمها...

 

[oum 5ald]

عيل خل ابدي اول لوووووووووول

شلونج شخبارج لووووول

شلون نتعرف شنقول يعني ..؟ لووووووول

 

[Dark_Rain]

لوووووول
مادري..
انا اشتركت بهالتجمع ودي يصير وزني 50.اول ما اشتركت كان وزني 54 و ان شاء الله الاحد متل ما قالت كلوت بقيس وزني...
فبديت معاكم مو قاعده اسوي رياضة لان فترة امتحانات الفاينل ووراها افتك من الدراسه و ان شاء الله اتوظف بسرعه.. ف بس اخلص امتحانات يعني ان شاء الله الثلاثا أبدي أسوي رياضة مع الرجيم اللي اسوي......
انا من زمان ماعرف اكل يعني الكميه و جذي فيني هوس رجيم :x حتى من ايام الثنويه تعودت على جاي رويال بس قررت ان اوقفه لان موزين ف آخر مره شربته امس......
يلا دورج ام خالد.. انتي من زمان كنتي متينه و بتضعفين؟ او يتلج فتره متنتي فيها؟ واول ماشتركتي بالتجمع جم وزنج.. و جم ودج يصير وزنج؟

 

[الرها]

شخباركم حبايبي
انا اليوم تغديت تبوله وقطع لحم بالفرن

ومشيت نص ساعه
والحين اشتغل بالبيت

أم خالد ووdark_rain

شخباركم

 

[b6o6a]

شلونكم بنات


اليوم ماتريقت

وغذاي كان جاي وحليب + توست وجبن

وصورت بس ريلي خذه الكاميرا واستحيت يشوفهم جان امسحهم

وهذيل صور من النت

 

[J.e.N.a.A.a.N]

هلوووووو بنات شلونكم اخباركم اييييه
ام خالد فكرتج تهبل ويشرفنا كلنا انه نكون ربع
المهم بعد شوي بروح امشي على البحر صوب المرينا كريسنت
عاد تصدقون اليوم اخوي قالي ابيج تيبين لي كنافة من الكنافاني خشنة بالجبنة اخخخخخخخخخ بس افا عليكم مسكت روحي وقلت كلا والف كلا
لا متن وكرش بعد اليوم
على فكرة في عندهم كنافة حق الدايت باشراف دكتور بدر نصر الله بس تو الناس على الحلو عقب ما نضعف يصير خير ان شاء الله

 

[b6o6a]

:dddds:

قوه بنات

انا لاحظت شغله
ماكو صداقات هني

خنصير ربع مايصير جذي ترى انا اتعرف عليكم ونقعد نسولف مو بس اكلت واكلت وخلاص

ولا شرايكم ...؟

انا امس بليل اكلت كشري وعليه
وضاق خلقي حده حده بس اشوه مازاد وزني

لييييش حسافه :eh_s(14):


تذكري كل ما بغيتي تاكلين انج تبين تضعفين وتبين جسمج يتغير :tek:


انا زايده 10 كيلو بسبة ولادتين وره بعض :eh_s(1):

كل ولاده خمسه كيلو :dddds:

وناويه انزلهم انشاءالله بس يبيلنااا اراده قووووويه

 

[b6o6a]

انا سناكي راح يكون فواكه

وعشاي مادري للحين


وانتوووووووو ؟؟

 

[**روان**]

سلااام بناات :eh_s(8):

اليوم ماتغديت :ggdw:

والحين تعشيت خبزه دائريه << عرفتوها نفس ملوت ماكدونالز :eh_s(6):

وحطيت داخلها جبن ... وشربت عصير سانكيست

وبس ماراح آكل شي ليما انام :ggdw:

وبعد شوي بمشي نص ساعه

وانشااءلله نضعف :yaaaaaarb::yaaaaaarb:

 

[J.e.N.a.A.a.N]

يلا بنات عقب ما ارد من المشي اكمل لكم
سي يو سوون

 

[J.e.N.a.A.a.N]

جني بديت ايوووع
اي صج ما قلت لكم
انا اليوم لالعصر خذيت كوب ماي وحطيت فيه قفشة اكل خل تفاح وخلطتهم وشربته
اول ما شربته احسه يحر البلعوم على الخفيف وهالطريقة يقولون زينه حق حرق الشحم
وشريت اليوم جبن لو فات فريكو وعصير اناناس حق خلطة الكيوي والاناناس

 

[b6o6a]

بنات شسوي ماقدر اطلع كل يوم امشي وماعندي جهاز بالبيت ما شريت

جنى ودي اجرب خلطة الخل بس ماتوقع بتقبل طعمها مابي اجازف لوول

 

[J.e.N.a.A.a.N]

هلا بطوطة لا عادي طعمه مو سيئ
بس اقولج اذا بتشربينه بس مرة عقب الغدا هذه نصيحة ابوي لانه كثرته مو زينه ولانه فيه احماض عرفتي
وبالنسبة لعشاي تبولة الخالدية اللذيذة وروب اكتيفيا وبث

 

[مهموومه]

قوة بنات شلونكم
سمعو ياحلواات
بعلمكم طرييقه رووووووووعه حق خل التفاح ماتحسون بطعمها
شفتي ريطة حبوب البندول او اي حبوب فضيهم من لحبوب وغسليها وعبيها خل بالدوائر الفاضية وحطيها بلفريزن لي ثاني يوم وكل يوم اخذي حبتين وماي وماراح تحسين بطعمها بس المفعول واحد
قعدت من النوم شربت حبوب الخل الي من اعدادي:ggdw:
وشاي اخضر
وقعدت لي الساعه 3 العصر اكلت بعدها سلطة وجبن ونص خبزة
والساعه 5مشيت عند النادي العلمي ساعه وطبعا لابسة لبس السونا فضيع
وعلا فكره بنات ترا بدينار350بالرياضي الي بالسالمية رووعه شوي عليه
وقبل كنت بممشى مشرف بس بطلت وهذا الحين فضيع مال السالمية مع اخوي
وعليها ماكليت شي بس من شوي السكر نزل علي ورحت شربت نتفه عصير
حلوة فكرت نصير ربع وانا بعد وياكم:klhfl::klhfl::klhfl::klhfl:
ا

 

[J.e.N.a.A.a.N]

مهمومة مشكورة يا حياتي على طريقة خل التفاح
بس الحبوب كل يوم اخذ ثنتين مرة باليوم وقبل الوجبة ولا عقب الوجبة ؟

 

[J.e.N.a.A.a.N]

بنوتات بقولكم عن اكلي باجر من الالف الى الياء
الريوق
توست اسمر بالصويا مع جبن ومرتديلا وعصير برتقال فرش

الغدا
تكا دياي صنعة اديا وحياة عنيا _03ba:
سلطة خس طماط خيار نعناع مع صلصة الروب >>>> لا تخافون مو ثقيلة

العشا
عصير الكيوي بالاناناس

وعقب الغدا خل تفاح مخفف بماي

 

[baby johnson]

ام خااااااااااااااااالد
واااااااااي بعدعمري والله احسج امنااا _03BA: عااد مو تزفين حتى لو صغييره
بس احسج حنوووووونه :tek:
لووووول يالله يالله سووووولفي سئلينا عشاان نرد علييييييييج انتي فتحي موااضيع واحنا نرد عليج


شوفي اليوم الله يسلمج قلتلج تريقت روب صغير خالي الدسم
ورحنا فلم عمر وسلمى بالسينما بس اشمشم ريحة البوب كووووورن كفخت رااااااسي والله بس قلت والله والله ماراح احط بحلجي حتى وحده موعشان احرم نفسي
عشان اتعلم اشلووون موكل شي اشتهيه لازم اجربه:krkrkr:
المهم طلعنا 3ونص من الفلم
انا كليت خضاار من الصيني اللي بالمرينا فوووق بس خضار وسلطة ودايت وماي ماي ماي لي ال9 عاد كليتلي روب خالي الدسم هم صغيررر وبسسسسسسسسسسسسسسسس انشاءالله لي باجر وبوقف :ada:

الله وكيلكم بناااااااااات تدرون اهلي اشقاعد ياكلووووووون :eh_s(14):
بيتزااااا قيصر من القادسيه وسمبووسه وهالسواالف هم من القادسيه الشييين اللي مااقاومهم وورق عنب بعد بس والله لهيت روووووووووحي ليما خلصوا تعشووا وقاامواا جان اصفق حق رووحي :ggdw:

لانهم ماهزوووووووولي شعررره
انتووا بنات اشلون تقاوموون امانه؟؟
انا الصرااحه اقول بقلبي ليش اكل واحس بتأنيب الضمير طوول الليل لاآاكل احسسسسسسن

وبس :tek:

 

[مهموومه]

مهمومة مشكورة يا حياتي على طريقة خل التفاح
بس الحبوب كل يوم اخذ ثنتين مرة باليوم وقبل الوجبة ولا عقب الوجبة ؟

شوفي يعمري
انا سويتهم وصرت اخذهم عالريق مع ماي بارد وبعدها قلاص شاي اخضر

 

[baby johnson]

مشكووره مهمووومه على الطرييقه
بقووم الحين اسويهم ومن باجر باذن الله الواحد الاحد عالرييج اخذ 2
ها بنااااااات بشرووا اشلوونكم مع الرجيم

وبنات تكفوون بسئلكم سؤال اخذوني على قد عقلي لوووووووول
يعني تهقووون لي 10-6 اكون نازله 5 عالاقل او 7 عشان يبين علي ؟؟؟
لان العرررس ولد خالتي 11-6
وبنت خالي 27-6 قووولوا هذا باذن الله انشاءالله انززززززل
بس اول عرس قبله باسبووعين يعني انززززل ؟؟
مابقى شي