:( ببدي رجيييييييييييييم من باجر 17-5 الى 17 -6 منو تشاركنى( شهر من تاريخه)

[LUXURY]

قوه اشلونكم؟؟؟
ما بقى شئ 4 ايام ونشوف منو نزلت اكثر شدوا الهمه والله يوفقكم
متشوقه اشوف النتايج الحلوه

 

[baby johnson]

اي امبلىىىىىىىىى الرهااااااا مختفيه
يالله بعد كل وحده وظرووفها مو الكل فاضي مثلي ومثلج ام خلود لووووووووووووووول



مشكووره عالتشجيع luxury حبيبتي كفيتي ووفيتي
واي ان شاءالله مابقى شيييييييييييييييييي
وجك جك جك جك
وهيا هياااااااااااااااااااااا


يالله بنات وييييييييييييييييييييينكم
؟

 

[baby johnson]

الو الووووووو احنا هنا !!!!

 

[b6o6a]

هلوووو


محد يكتب يومياته ليش؟؟

انا اليوم كورن فليكس

 

[baby johnson]

هلا بطووووووووووطه
انا ليلحين على التمر واللبن
والحين ميته من اليووع بقوم اكل شريحة اناناس هذا اذا ماكليت الاناناسه بكبررررررررررها لوول

 

[baby johnson]

اي بنات وبعد شخبااااااااااااركم

 

[b6o6a]

بالعافيه الاناناس

 

[b6o6a]

بنات ماله داعي تجمع ثاني الصراحه محد متشجع نفس قبل بس اول جم يوم واختفيتو

جان التجمع الثاني ناس يدد يمكن

بس انتو خلاص اصلن ما تدشوون التجمع ولا تتحجون عن يومياتكم ولا شي ؟؟؟


الي ما تبي تكمل ختقوول خلاص انا هديت الرجيم ومابي استمر معاكم !!!

او تبلغنا انها مشغوله وماتقدر تدش !!!


والسمووحه

 

[baby johnson]

لا صج كلامج بطوووووطه محد قاعد يدش بس ظروف والله
يعني انا عن نفسي احاول اشووفلي فرصه بس عشان ادش اكتب بالتجمع
فترة امتحانات وتلقين باجي البنات لاهين بعيالهم
يالله ان شاء الله هانت كلها 3 ايام وينتهي التجمع ونسوي تجمع ثاني واللي بيدش حياه الله


انا عن نفسي كليت الاناااااااناس من شووي والحين بشرب جاي اخضر

وريوقي بيكون الساعه 10 جذي راح يكون روب خالي الدسم و3 تمرااات

 

[LUXURY]

صباح الخير
اشلونكم؟؟؟

بعد عمري مجابلين الريجيم الله يعطيكم الوزن اللي تحلمون فيه

بطيطه
للحين مالقيتيلج ريجيم؟؟؟
انا يايبتلج ريجيم النقاط حلو ليش ما تجربينه؟؟
احس كاسره خاطري اكلج قليل ومحتاره بالريجي
هذا لنك يفتحلج ردي على وحده حق ريجيم النقاط
واذا عجبج الله يوفقج
http://q8yat.net/showpost.php?p=9854055&postcount=14

وعلى فكره نسبة ان البنات اذا قربوا من الوزن اللي يبونه يخقون هذا عادي بس اذا ردت طلعت الكريشه ايون ركض
غير ان اذا سوو ريجيم قاااااااسي وحرمان علبن بيضعفون بسرعه يكسرونه ويهجمون عالاكل لان النظام غلط
انا باشترك معاكم بالتجمع اليديد
ويالله نشجع بعض


بيبي جونسون
اشلونج مع الامتحانات؟؟؟ شكله ذاك الامتحان عفس نومتج خخخخخ


الا كلوت وينها مو عوايدها تغيب عسى المانع خير


تكفون لاحظتوا انا مو معاكم بس ادش لقافه؟؟؟

 

[Dark_Rain]

شلونكم بنات..........
سوري هالايام مو قاعده اكتب كل يوم شنو آكل لان من عطلت انشغلت شوي......
وصار وزني 52 قاعده احاول اثبته يعني ورا ال7 ما آكل شي أو روب خالي الدسم..
ان شاءالله توصلون للوزن اللي تبونه انا شكلي ماراح اشترك معاكم بالتجمع الثاني بس اشجعكم

 

[oum 5ald]

قووه بنات

والله انا بلاعيمي ذابحتني

توني الحين بديت اشوف العافيه

والباجي فترت امتحانات

 

[baby johnson]

Luxury
هلا حبيبتي اشلوونج شخباارج واااااااي امبيه مولقافه حيااج الله نبي التشجييييييييييييييع نبي بالعمس
والله تفرحيني لما ادش اشوف مشاركاتج
وحياج الله لازم نسوي تجمع ثااااااني اافا عليج


ام خلووووود حياتي اسم الله عليج ماعليج الا العافيه


دارك رين حبيبتي الحمدلله وزنج حلووووووو ويارب تنزلين هالكيلوين وبسسسس تفتكيين
والله يوفقج


بنات وينكم
انا صج زعلانه شنوو هذا ؟؟ انا وبطوطه وام خالد كله مرتزين بالتجمع وينكم ؟؟؟؟

 

[oum 5ald]

مااعليه الغايب عذره معااااه

 

[baby johnson]

اييييييييي مو مابقى شي ياحبيبتي كلها يوومين ونخلص

 

[b6o6a]

اهلين شلونكم

Luxury

حبيبتي شلونه هلرجيم ؟

اكلي مثلا الريوق كورن فليكس او توست والعشا شوربه وتوسته اذا ما كليت بالريوق او روب

 

[b6o6a]

دارك رين اي مشاءالله الله يثبتج

ام خلود ما تشوفين شر

 

[LUXURY]

بطيطه
انتي جم وزنج؟؟؟
اذا مثلا وزنج مثلي 66
تشوفين وين وزنيج بالقائمه (69 فاقل) عدد النقاط اللي محتاجها (18-23)
من بين اكل وزعي النقاط على وجباتج
عاد كيفج تبين ريوق والا ماتبين لان ما تقومين الصبح
الغدا تبين خفيف والعشا ثقيل والا العكس
تحطين سناك بين الوجبات والا بتخلين الوجبات ثقيله
كيفج المهم ان ما يزيد عن النقاط اللي مسموحلج فيها
وبس
اذا ما فهمتي احطلج جدول انا سويته عشان باسويه اسبوعين
واللي استخدموه كلهم نزلوا مالا يقل عن 6 كيلو بالشهر في 7 وفي 8 و9 بعد
شدي حيلج حبيبتي تره حده حلو وممكن تاكلين كاكاو بكميه قليله جدا جدا بس عن خاطرج يعني

 

[b6o6a]

حطي الجدول شكله حلو هالنظام

وشكرا لاهتمامج

 

[LUXURY]

شوفي انا وزني يحتاج من18 - 23 نقطه في اليوم
وتره مو شويه تره الاكل يشبع ويكفي
هذا نظامي اسبوع:
الريوق:
صحن صغير كورنفليكس فيتنس (4نقاط) + كوب حليب كامل الدسم (نقطتين) + سكر تروبيكانا سليم (صفر) = 6 نقاط

سناك 1: 3حبات تمر (نقطه) +كوب كابتشينو (3نقاط) = 4نقاط

الغداء:
1) بطاطا مشويه (نقطتين) مع بهارات (صفر) ومع ملعقة جبن قليل الدسم (نقطه) +عصير برتقال (نقطه) + صحن سلطه (3 نقاط) = 7 نقاط
2) 10 ملاعق ارز (4 نقاط) + ملعقتين دقوس (نقطتين) + لبن كامل الدسم كوب (نقطتين) = 8 نقاط
3) 200غم تونه (4 نقاط) + سلطه (3 نقاط) + عصير برتقال (نقطه) = 8نقاط
4) 100 غم لحم او دجاج (5 نقاط) + لبن كامل الدسم (نقطتين) + 3 حبات تمر (نقطه) = 8 نقاط

سناك 2: حبة فاكهه (نقطه)

العشاء :
قطعتين شابوره (نقطه) + حليب كامل الدسم (نقطتين ) +سكر تروبيكانا سليم (صفر)= 3 نقاط


انا حطيت الغدا عدة اختيارات وممكن تسوين هالشئ بالريوق والعشا بعد باللي تحبينه بس انا يوميا اتريق كورنفليكس وماعندي مشكله اكل يوميا شابوره وحليب بليل (اغمسها بالحليب واكلها)
ولو جمعتي راح تلاقين التوتال اما 22 او 21 نقطه
يعني ترست يومي اكل وما رحت لدكتور ريجيم انا حطيتلي اللي ابيه وبالكميه اللي ابيها وباذن الله ينزلني
بس في شغلات استنتاجيه
مثلا الدقوس مكون من طماط وثوم وبهارات وزيت
اول ثلاثه ما عليهم نقاط بس الزيت نقطه لكل قفشه فحسبت ان لو حطيت قفشتين دقوس = نقطتين
وجذي
بس ماحطيتلي كاكاو لان ما انعطى ويه كللللللللش ان كليت قطعه راح انفجر عليه خخخخخخ

ان شاء الله عجبج وفهمتي طريقته
اذا تبين اسويلج جدول اسبوعي يوم بيوم عاللي تحبينه تره عادي احنا خوات مافي مشكله