بتزيدون وزنكم؟ تعالوا عيل هلتجمع الي مدته 3 اشهر ويمكن يتجدد :p

[Gatwa DaloO3a]

انا معاااكم بنااات

حدي عصللللله

44 وزني .. وطولي 158 ... ابي اوصل 49 عادي مابي 50 قااابله .. لول


فصيلة دمي o ,حتى انا الرز ما يسمني ابداااااا

 

[ورده-بنفسجيه]

ولكمووووو قطووه دلوووعه معانا

دام انتيي o خلاص جربي كل الي جربته وان شاءالله ينفع معاج

خصوصا الحليب ومشروب غزاله

 

[**روان**]

السلام عليكم

انا وزني 43 تقريبا ً و طولي 157 تقريبا ً كذلك
احتاج اوصل لـ 50 هذا إللي مقتنعه فيه و يكفيني ,
و اكيد انا وياكم , و اتمنى يوصل الجميع للوزن اللي يرضيه و يريحه و يخليه احلى ,

بالتوفيق .

 

[أم بطي]

سلام عليكم
أنا بعد مليت من الضعف واللي قاهرني اني متنت عقب معاناه ماخليت شي ماجربته سنين وانا احاول
وفي الاخير ضااع كل اللي سويته ورديت ضعفت والحين وزني ثابت ما يزيد
وحتى لو زدت كيلو في اسبوعين اذا يوم واحد ما كلت عدل يرد ينزل :rgewrg:
المهم ممكن اعرف شو هذا مشروب غزاله

 

[ورده-بنفسجيه]

ولكم ام بطيي ازيييك

كلنا جذيي مثل البورصه نصعد وننزل <----------مقولة مأثوره ترى ان ماسجلتوها بلتاريخ باسمي ترا برفع عليكم قضيه وانا عند كلمتي

بلنسبه لمشروب غزاله
3قفاش انشور او سوستاجين ماكو مشكل
3 قفاش هيرولكس
2او3 قفاش نسكويك او حسب الرغبه ودمتم سالمين

 

[أم بطي]

مشكوووورة يا أحلى وردة بنفسجية
من باجر ان شاء الله بجرب هالمشروب
على فكرة لاحظت اني يوم اغصب عمري عالاكل ييني مغص وانتفاخ وغازات
احس كانه جسمي يسوي مظاهرات ضد الاكل

 

[Gatwa DaloO3a]

يااااربي , بنااات انا صايرررر تجيني حالات غريييبه ماكانت تجينيييي

اذا كثررت شوي بالاكل تلووع كبدي ومرات ابي استفرغ اهـئئئئئئ والله بصيححح ,

كيييف اقدررر اكثر اكل بس من غير ما احس بلوعه !؟؟! !!!

 

[أنوثهـ حتى الثمالهـ]

انا هالايام دوام صبح ودراسه معهد بالليل والنفسيه بخشمي والاكل استغفرالله الصبح قهوتي تبرد مااشربتها من حنة مديري اللي ماتخلص شلون عاد الفطور ارجع البيت مالي نفس شي اتغدا غصب والمغرب اطلع المعهد ارجع بالليل دايخه انام ماكلت شي الا قطعة كاكاو عن الدوخه واقعد الفجر كني جنيه عشان اقابلكم
تعالوا كفخوني شاسوي انا مع الضغط مااكل افكر اشترك بدايت سنتر مع انه غالي بس االشكوى لله بامووت جوع ماحسيت بعمري
أريدوو حلا

 

[سبحان الله وبحمده]

مشروب (غــزالـة) السحري لزيادة الوزن:
3ملاعق سوستاجين
3ملاعق اوفالتين
ملعقتين شوكولاته نسكويك
ملعقتين حليب بودره
توضع في كوب كبير ثم يضاف عليها الماء المغلي او البارد حسب الرغبة
((وبإمكانك وضع ملعقة واحدة من كل نوع ))

سمسم يحمس ويوضع بالخلاط مع سكر ثم يخلط بالعسل ويوضع بعلبه وتاكلين 6 ملاعق إلى 10 ملاعق مع كاس حليب

فنجال قهوة من كل من حمص مطحون+ حلبه مطحونة+كاجو مطحون+زبيب عادي+حلاوة طحينية سايله+كاكاو بودر+ ثفا بدون طحن+سمسم أبيض وأسمر+1م ص غذا ملكات نحل+عسل اللي يمزج المكونات ونحطها بعلبه بالثلاجه وتوكل 3مرات بعد الوجبات ومعها كوب حليب أوعصير
خلطة ( للنعومه)
كاس حلبه كاس ماش نص كاس سكر نبات نص كاس يانسون طبعا كلها تطحن وتخلط تؤخذ مع كوب حليب ساخن بإضافه ملعقتين للحليب(هذي شكلها الخلطات اللي يبيعونها علينا الحريم بعشرين وانتي صاعده)


للامانه منقول من وحده اسمها غاده محمد حنفي الابهى ابندي رادو تويا شوفوا الحلوين تويا

 

[سفيرة الامارات]

هلالالا بنات

تعبت وانا احاول في وزني.. بس امرض يروح كل شي

و مع الامتحانات انفشششش خخخخخ

 

[أم بطي]

صباح الخير
بنات في طريقة حلوة فريتها بس بصراحة ما أذكر وين قريتها جربتها قبل واحس كانت تنفع
لازم يكون عندج ميزان الكتروني وكل ما تاكلين شي على طول تشوفين وزنج مثلا كلتي موزة تروحين تشوفين وزنج تلقينه 50.2 اوكي ترجعين تشربين حليب بتشوفينه صار مثلا 50.5 وهكذا
صدقوني هالطريقة وايد سريعة بس يبالها استمرار يعني تكونين فايجه انج كل شوي تشوفين وزنج
حاليا ابتديت فيها وبشوف ان شاء الله

 

[Gatwa DaloO3a]

ام بطي .. من جددد اللي قلتيه رووووعه ,, انا مجربته مرره ,, وبالاسبووع تزيدين كيلووووو ,, بس زهقت وماصرت اسوي , وخسرت الوزن كله

انااا بس اكح اخسر وزني لول

 

[**روان**]

السلام عليكم مرة ً اخرى ,
انا فصيلة دمي AB+ شنو الاكل اللي يسمني و اللي ما منه فايده ؟! علشان ما اعور معدتي و حلجي وانا اكله ,

قطوة انتي تكحين تضعفين , طيب وش رايك فيني اعطس و اضغف 3 كيلو خخخ لا امزح ,

طيب ابي نظام غذائي ينمشي عليه ؟
انا اللي بعتمد عليه بودرة هيروليكس+نسكويك+حليب كامل الدسم , مع حبوب الخميرة و حبوب اسمها سنتروم باقي عليها اقل من 10 ايام و اخلصها و ببدى حبوب زيت السمك ,

المهم شنو النظام الغذائي و لو سمحتوا راعوا جبدنا لا تنقلب نبي اكل سهل و سريع البلع و يفضل ما اعض وايد مالي خلق خخخ ,

 

[أم بطي]

والله صح كلامج قطوة
هاي مشكلتنا بسرعة نضعف
أحس احنا الضعاف اذا تضايقنا ما نشتهي الاكل والمتان اذا تضايقوا العكس يحطون حرتهم في الاكل
وبعدين اللي مستغربه منه انهم يسوون ريجيم ورياضه وبالكثير ينزلون كيلوين والا ثلاثة انزين شو السر

 

[Gatwa DaloO3a]

لوووول روان انتبهي لا تعطسين ,

ام بطي

اييي نفس تفكيري ! يسون ريجيمات وحالتهم حاله مساكين وبالاخخير كيلو ولا اثنين , واحنا من غير شي ينزل وزناااا

ليتني اقدر اكل زي الناس والعالم وتصير عندي شهيه مفتوحه واحب الاكل

 

[**روان**]

طيب شنو اكلتم اليوم لحد هاللحظه ؟

انا توست و جبن مع عصير جوافة ،
بعدها مشروب هيروليكس ٣ ملاعق مع ملعقة نسكويك و حليب كامل الدسم ،
تالي حبة خميرة
بعدها بساعة كيت كات ،

و بس !

لا احد يهزئني ترى جذي يعني مسويه انجاااااااااااااااااااااااااااااز .

 

[أم بطي]

روان
حرام عليج وبعد تبين تمتنين !!!!
هالاكل اللي كلتيه مال وحدة تسوي رجيم
حاولي تاكلين عيش مكرونه برجر بطاط هالاشياء مب توست وجبن
أنا الحمدالله اليوم أحس شهيتي أحسن عن أمس يعني تغديت كشري والعصر كلت شبس وشوكلت
وشربت انشور مع نسكويك ثلاث مرات وشربت لبن
والعشاء أفكر أطلب من ماكدونالدز

 

[**روان**]

ام بطي , الله يسلمج اي حيلج فيني علشان اتسنع :d
طلبت من مطعم بلاك اند وايت وجبة برجر بوستن ( هذا يعتبر غداي اليوم ! اي اي هالساعه 9و ثلث :d ) , و ان شاء الله بعدها ارد اشرب كوب هيروليكس مع النسكويك و حليب كامل الدسم , و تالي اخذ حبة خميرة مع حبة سنتروم .

وشكرا ً لكم مع تحياتي السمينه الممتلئه .

 

[سفيرة الامارات]

روان

ام بطي

هالحركه انا جربتها

تحبطني

 

[شوقني ياشوق]

بنات انا نفسكم بعد اذا تضايقت او زعلت ينزل كل وزني الي كسبته /انا امس تريقت صمونه بيض مسلوق وعصير برتقال والظهر صمونتين شاورما وعصير وسلطه وعالعشا اكلت مقالي شبس وناقيتس\ اليوم قعدت عالغدا اكلت عيش ودجاج والمغرب كاكاو وماتعشيت متضايقه حدي