بخاطري افضحها .. بس اخاف من ربي

[احلا المزايين]

الحل انج تقربن قصة ام بسمة لناعمة الهاشمي قصة لكل مرة خانها زوجها بتلقا الحل بهالقصة انصحج من كل قلبي اقريها
موجودة باكثر المنتديات لا اتطوفج

 

[احلا المزايين]

تعالي في خطة جهنمية شوفي هالخطة يبيلها عيارة وكيد ��
راح يكرهها زوجج دقي علا زوجج جنج خايفة ومخترعة
قولي سفا هالحقيرة اتقول والله لدز عليج شباب
وفعلا عقبها قامت اتدق علي ارقام غريبة. وابجي بجيت خوف
صدقيني بيصدقج وبيدق عليها يسفل فيها وماراح يعطيها مجال تتكلم
سوي الخطة ووافينا بالنتايج

 

[مــســك]

حبيبتي الله يكون بعونج .. آنا مادري شلون صابره .. اذا سكتي اكثر من جذي .. بآجر تآخذ ريلج عنج الله لا يقوله ..

اعرف وحده مثل حالتج .. صبرت وتحملت لما طفح الكيل .. وهددت البنت اذا ما وخرت عن زوجها بتفضحها عند اهلها عشان تبعد عنه ..


البنت طنشتها ..

و زوجها طنشها ..

راحت وعلمت اهل البنت .. وآمسكوو آختهم ولعنو خيرها ومنها تركت زوجها ..

وفوق هذا زوجته راحت وعلمت اهلها واهل زوجها .. وجو اهل زوجها وزوجها ورآضووهاا ..


آنا مابي اشيشج ..


لكن اذا انا ب محلج .. ما آخلي هالساقطه تغثني وتدز لي مسجات وتهدد .. يعني فوق شينها قوات عينها .. استغفرالله ياربي ..


خليج قويه .. زوجج حقير وما يستحي يتزوج ويظلم بنات الناس .. لو شاف عليج شي بسيط والله جان قلب الدنيا فووق وتحت ..


ليش آحنا نسكت .. خلاص ليمتى ..؟؟

آصحي وآنقذي بيتج من هالحشره هذي ...


والسالفه لازم توصلينها لآهلج ولأهل زوجج .. وآهل البنت الخايسه ,,,



والله يكون بعوونج ...://

 

[شقآوه أنثى]

حرقتي قلوبنا صرآحه

الله يصبرج ياربي وياخذ حقج منهم قولو آميــــن

هدي اللعب مع ريلج وحقرييييه ولا تدورين وراه ... وخلج بارده من ناحيه هالسالفه وبيني له انج مصدقته وان اهو تعدل وتغير وصاج
ومن جهة ثانيه ... ييبي ارقام اخوانها وقولي لهم السالفه كيت وكيت قضبوا بنيتكم لآ تفضحكم وتخرب بيوت الاوادم بس لآ يدرون انج زوجته

طبعا انتي الحين نفاس وبعد النفاس حاولي انج تندمجين مع البيبي وتنسين السالفه


ربي يمسح على قلبج ويصبرج ويقويج وياخذ حقج منهم
اللهم آميــن

 

[ككوته]

حسبي الله ونعم الوكيل عسى ربي ياخذ حقج منها ويبرد قلبج ويعوضج خيييييير يارب عسى ربي يوريج فيها يوم الهي امين

 

[دلوعة أبوهآ]

محد يقدر يلومك ..
بس العتب في الاول والاخير ع زوجك هو اللي معطيها المجال انها تستمر معاه ..

آدعي دايم الله يهديه ويسخر قلبه لكِ .. ويبعده عن بنآت الحرآم ..
وقولي حسبي الله ونعم الوكيل ..

,

 

[Smchoocha]

عفيه عليج متحمله كل هذا
الله يعينج حبيبتي

 

[امـ خــزامـى]

والله ياقلبي حاسه فيك

شوفي اذا تحسين ان زوجك متحسف ومتمسك فيك ويحبك
وطبعا مهما كان ومهما خان البنت تحس اذا زوجها مو عاجبته ولا ملت عينه
ولا هالمغازل متعود عليه ومبتلي من قبل الزواج

يااقلبي انت بلوتك ان زوجك طاح بوحده الظاهر ماتخاف وقوووووووويه وعندها اراده

انت خليك دبل هالصفات

تمسكي اكثر واكثر وزيدي على هذا روقان وهدوووووووووووووووووووء وشاعريه

اهتمي بنفسك وحبيها وتدلللللللللعي ودللي عمرك ولاتقصرين بشي

وقبل كل هذا لازم تشرطين شروط وتجلسون جلسة صراحه وتتناقشون وتقولين على كل اللي مضايق
وتكتبينها بورقه
طبعا مكان النقاش خليه بمكان عام عشان تضطرون ماترفعون اصواتكم

انت قولي اهم شي قررت اعطي طفلي فرصه وانت اذا تبيه يعيش مع امه وابوه تمسك ماتبي بيننا المحاكم

بنت اللي يخونك معها خليه يكلمها وقدامك وينهي كل شي

وبعدها عاد حطي شروووووووووووووووووووووطك ولا تعطينه فرصه يأثر عليك


وموفقه حبيبتي الله يسهلها عليييييييييييك
وحسبي الله على كل ظالم

 

[ديانا سبنسر]

قصص ناعمة الهاشمي راح تساعدج

 

[حبيبي مالكني]

الله يعنج
لا تفكرين تفضحينها الستر الله امر فيه
العيب فيها وبريلج
انتي عليج من ريلج اذا صج يبي يهدها مو كفو اهي تقدر عليه
ادعي ربج الله يهدي ريلج ويبعده عن بنت الحرام
الله يسخرلج ريلج يارب

 

[بنت النور 2010]

افضحيها عند اهلها وامسحي فيها البلاط
حسبي الله عليها اللي ماتخاف ربي:rgewrg:

 

[om Fouz]

اتقي الله


ش قاعده تقولين؟؟

مسلمين احنا وربي امرنا بالستر

من ستر ع مسلم ستر الله عليه يوم القياامه

اتقي اللله مالج بنات!؟ خوات!؟

ترا ربي قادر ع كل شي

والدنيا كلها دين وسلف!!

كما تدين تدان!؟


ماقوولج انتي الغلط وانتي الظالمه


لاحبيبتي انتي صاحبه حق وحقج ربج ياخذه

ماتاخذينه بالغلط والمكروه!؟

فكري مع نفسج

لوريلج يخليها اهي بتلزق فيه!؟. لا

لوريلج مايبيهاا اهي بتغصبه ع نفسها!؟. لاا

لو ريلج موميت عليهاا ويبيهاا راح يستمر وتستمر معاه كل هالفتره!؟. لااا

واصلا لوريلج ينغصب جان قدرتي تغصبينه

عليج!!

انه يحبج ومايخونج!

شفتي شلون!؟

ان ريلج اهوو اللي يركض وراها وان ريلج اهو اللي يبيها

فلاتقوولين اهي لازقه له اهي واهي!؟

اقل مافيها يغير خطه وكان الله غفور رحيم!؟

هذا لوووووووو اهي اللي قاطه عمرها!؟


لكن الحقيقه ريلج اهو اللي يبيها وفارضها

بحياتكم فررضض!؟

اللي حتا بالسفر يدورها ومخصص لها وقت

وعايف السفر والتمشي وموهامه الا انه يكلمها!؟

شتبين حبيبتي اكثر من هالحقااايق!؟

ريلج اهو اللي يبيها

ولازق فيها

وفارضهاا

لااااتقوولين اهي تغصبه

اذا انتي زوجته فبيت واحد ماقدرتي تغصبينه

اهي اللي فبيت اهلها بتقدر؟؟

انا اللي اشووفه

ان العللللله فبعلج

والخطا منه اهوو

والخيانه منه اهوو

واللي اهدر كرامتج اهوو


واللي موعامل لج حساب

اهوووو

موهي


اصحي الخمال من ريلج

اذا ايييج يدافع عنها ويطقج عشانها

يعني مجااهرر جدامج

يعني عينك عينك!؟

اهي تدق واهو اييي يداافع ومووراضي له!؟

امبيه

يداري احساسها وشعورها ويهممه خاطرها

وام عياله طقتها ببييززه!؟

صج وقحح وردي الله يواجرج

الحل


تلاحقي عمرج لايحطها فوق راسج!؟

اللي يحبها كلل هالحب ويركض بيدهاا

توقغي ياخذها عليج لان واضح مايقدر يعيش من دونها


اذا فيج تهييب وموااجهه ومجاابهه

عندج ايااه

لعني بوووخاامسسسه

هززيييه هززز

مووقاعده عنده ومجابلته

وهو يخونج وانتي قاعده عنده الريال

غاااطس بالخياانه

وانتي خليتي راس الحيه ريلج

ونشبتي للرفيجته!

من صجج قاعده عنده وعايشه عادي واهوو يخون

وانتي بس ماغرفتي تسوين الا انج تنبشين وراها!؟!

الغلط منج انتي اللي ماطلعت منج ردت فعل!؟

شافج قاعده وبس وتسالين واهو يجذب وانتي راضيه

ومجابلته خلاص بعد انتي رضيتي وتأقلمتي!؟

الزبده


ريلج ساس الغلط


وشغلج معاه اهو. اهي حالها حال غيرها سله مهملات

البلا بريلج

ولاتتهورين وتفضحينها

لايطلقج عشانها وياخذها!؟

اعرف وحده جذي صارلها

فضحت رفيجه ريلها جان يطلقها بنفس اللحظه اللي فضحتها فيها

ويتزروج رفيجته والله العظيم انا شاهدتها هالسالفه!؟

وريلج هذا لاتستغربين منه شي

الله يفرج كربتج حبيبتي وييسر امورج

اسمحي لي لا تركبينها الخطأ والذنب

والمفروض انها تفضح هالبنت تتصل باخوانها لأنها هي لو خايفه جان صانت نفسها او جان يوم درت ان زوجته درت تخاف وترتاع وتتأدب عالأقل ما تتصل بزوجته وتهددها،،،،،،،،،،، على شنو تزفط وتصرخ عليك فوق شينها قوات عينها

علاجها انها تفضحينها عن اهلها

وريلك قعديه وقولي له انا كرامتي فوق كل شي وبدالك الف ريال خل يعرف قيمتك اذا هي زباله انتي بنت ناس وان شاء الله منتي معتازه له ,,,,,,,الريال لي شاف مرته ضعيفه ومسكينه يركبها ويسترخصها ، الريال يحب المره القويه او اللي عندها كرامه


طيعيني كرامتك وشخصيتك فوق كل شي

وانتي تقولين لها خافي ربك لا تفضحينها!!!!!!!!!!!! والله ضحكتيني:bbbiu:

 

[لسووعه]

دقي على اهلها افضحيها ختولي چلبه تلحق رجال متزوج و مو راضيه تهده لا وتهدد زوجته والله طرطره ختولي لو بنت ابوها خل تتكلم اذا دقيتي على أهلها هذا اذذا خلوا معاها تلفون قطيعه تقطعهم بنات شوارع

 

[om deaj]

واهو بعد عصب وقال والله اعلم ابوج واهلنا قلتله علم انت الغلطان مو انا وما عاد يهمني شي

انتي شناطرة؟
علمي رياييل العايلة خل يوقفونه عند حده واهي كلمي اخوانها او خل امج تكلم امها ولا اخوانها يوقفونها عند حدها

ولا تنبشين ورا ريلج انتي بتتعبين

 

[بنت أبوي 1]

حسبيا الله ونعم الوكيل
ولا حول ولا قوة إلا بالله عليه العظيم
الله يفرج كربتك

 

[بنت أبوي 1]

مشكله هووهي غلطانه يمكن يتعرف على غيرها بعدين
فكري زين ودعي ربك

 

[flower._.girl]

ادعي وكثري من " اللهم اكفنيهم بما شئت وكيفما شئت " و " حسبنا الله سيؤتينا الله من فضله ورسوله إنا إلى الله راغبون"
وكثررري الاستغفار​

 

[*مطبخ الذواقة*]

الله يقوم بعونج

وأنا مع كلام الاخت كلي دلع فعلا ممكن تنقلب السالفه عليج

وزوجج الله يهديه هو له ثلثين الخاطر وﻻ يقدر يغير رقمه ويقطع علاقته فيها

بس الله يهديه

 

[طيبة83]

خل تولي

شيليها من راسج

 

[سمو النفس]

الله يهديه يارب بس حراام لاتفضحين البنت والغلط من زوجج