بخاطري افضحها .. بس اخاف من ربي

[أم معاذ الكندري]

الله يريح قلبج يارب
اختي قطي حملج وهمج ع رب الكون واهو الي بياخذ لج حقج
ولا تفضحين احد
واختي ترا ساس البلا ريلج
مافي بنت تقصب ريال عليها لا اهو زوجج الي معجعج فيها
عليج اختي بصلاة الليل وكثرة الدعاء ان الله يصلح ريلج ويهديه عليج وبتعد عن البنات لان ترا هم اهم ضحايا
وكثري استغفار يا اختي
وحطي كل هتمامج في بيتج وولدج ودوامج وعاملي ريلج بما يرضي الله
والله يوسع صدرج يارب

 

[dalalkh]

حالتج صعبه الله يعينج بس العيب من زوجج مو منها و ابتعدي عنه و لا يهمج و لا تقطين نفسج عليه لانه هذا الشي اهوا الي يبيه اهوا الي يبيج تشكين بنفسج العيب منه اهوا اهوا الي ناقص و ماكففته وحده الله يسهل عليج ويهديه

 

[وردالربيع]

شوفي ابوك خليه يكلمه ويوقفه عند حده ياانتي ياهي لاتسكتين تمشي حياتك كلها قهر .

 

[وردة الدوحه]

ايه اقعدي متردده ليما ياخذها عليج
اصلا هي ذكيه قاست نبضج وحست انج مسالمه
عشان جذي تتطاول عليج ومصره انها تكمل على ريلج
أنا لو منج أوصل لها لي البيت
واذا خايفه تروحين بروحج اخذي خواتج معاج
وادخلي بيتها وكلمي امها وابوها قددامها
عشان تحسب لج الف حساب وتترك زوجج

 

[granted]

خل يدق على رقمها اخوج او حد موثوق ويقول وصلتنا من هالرقم شكوى ازعاج وتحرش ومطلوب ولي امرج اخوج او ابوج خل يشخلها شوي وعقب يهددها لو وصلت شكوى بيظطر يستدعي احد من عايلتها
على بونه مباحث الاداب
مشكله الي مايخاف من ربه الي فوق كل شي يخاف من العبيد

 

[live life]

حبيبتي علمي اهلها محد قالها تمشي بهالطريج

لا ويعد وقاحه تدزلج وتهاوشج وتغلط عليج ليش ان شاءالله صج لا تبوق لا تخاف

 

[مشتطـه]

يغير رقمه وافتكووووووووووو

 

[Tulips]

الغلط اولا واخيرا على زوجج

اذا فضحتي البنت _ مع انها تستاهل _ بس اذا فضحتتيها شنو راح تستفيدين .. ؟
عبالج ريلج بيرجع لج خلاص !
اذا هذي راحت في غيرها الف .. الغلط اساسا من زوجج لو صج يبي يفتك منها في مليون طريقة وطريقة

بس اهو مو مشتهي يهدها

 

[مشتطـه]

والله تبون الصج اانا لو مكان صاحبة الموضوع

لافضحها عند اهلها


هالاشكال ماتدور الستر

 

[! بــدويه وآآيــد !]

،


الفضيحه لما تكتبين اسمها ورقمها بالمنتدى وبالنت وتنشرين صورها هذي الفضيحه

لكن لما تروحين لاهلها وتقولين لهم بالعكس خليتيهم يربون بنتهم ويعرفون انها موقد الثقه ويتصرفون معاها وافتكيتي من شرها وانتي بردتي حرتج ووخرتيها عن زوجج مع ان الي يخون مايتعطل تروح منه هذي يجيب مليون وراها

زوجج صج يبيها ومايبي يتركها بس عالاقل حري قلبه مثل ماحر قلبج وقلعته خل يسوي الي يبي

واذا قالج بقول لاهلج قولي حياك تعال قول لهم وناد اهلك خل يعرفون تربية ولدهم

خلج حازمه وانتي خوفيه مو هو يخوفج

انتي نفاس قوليله عندي مليون دليل انك تكلم اقدر اودي دليل واحد المحكمه واتطلق منك واشفط معاشك ويكتبون يم اسمك غير مؤهل للتربيه تعرف شنو غير مؤهل لتربيه يعني مايسمحون له يشوف ضناه ولادقيقه بالسنه وحتى لو بنته ملجت مايطلبون حضوره لانه شخص غير مؤهل للتربيه

وقوليله مو انا الي اخاف واستحي انت الي المفروض تخاف ولو هالبنت وراها رجال وصج دروا اخوانها مثل ماتقول ان ذبحوها وذبحوك معاه بس شكلها بنت شوارع تكلمك وتكلم الف غيرك ( اتوقع زوجج جذاب اخوانها مايدرون والا منو يتهاوش مع رفيج اخته وين قاعدين!! بس يبي يبين لج ان اهلها يدرون شبتسوين؟

انا اقول قولي لاهلها ودشي دوانيتهم بعد ولو انا والله والله حتى صورها اوريهم اهلها واقولهم هذا رقم زوجي وحيلهم بينهم عساهم يدخلونه الرازي انا شق عجان ونفسية نفاس وكآبه وجايبه له ضنى ويحرني ويقهرني ويدزني وانا حامل واحن عليه ليش احن عليه لا والله اخليه ينطق طقة الجلب واذا انطق وخلص اقول لاهله ليش انطق واقول لاهلي واخليه حشره مايرفع عينه بعين احد

سوري لاتزعلين بس شخصيتج ضعيفه والدليل انتي الي بالنور وهي الي بالظلمه ومستقويه عليج اهي وياه هي تسبج وهو يدزج عشانها والله والله لو انا اخذ حقي منهم اثنينهم ابرد حرتي انا جم مره بعيش؟؟ يا اعيش بكرامتي يا اموت احسن لي

بس من الحين اقولج اخاف زوجج متعلق فيها حيل ويعشقها واذا درو اهلها ومسكوه قال خلاص بتزوجها وحطها على راسج ترى كل شي جايز

بس نصيحه لاتسكتين وقوي شخصيتج واذا قلتي لاهل البنت موفضيحه وزوجج لاتحنين عليه خلج قويه وحازمه وجاده ووريه الوجه الثاني

 

[الجمال العربي]

تدرين انج غبيه ويمكن الله يلوم اللي يلومج المفروض بهالموقف تمسكين نفسج ولا تبينين انج تددرين عن اي شي

اي موتدورين وراه ليش هذا اللي حصلتيه قهر ولا فيه حل


انتي خايفه منها ومومتوكله على الله عشان جذي الله بلاج فيها لزقه عنزروت واهو يعتذر ويرد لها ليش ؟؟


لانه حاس انج مهمتمه بالانسانه هالادميه شاغله بالج فهوه يسال نفسه ليش فلانه شاغله نفسها برفيجتي اجل بلزق فيها بشوف شنو يصير

لا انتي اللي مستانسه بحياتج بروحج ومطنشته ومخليته مصيره راجع لج ولا انتي قادره تسوون شي ولانها عرض حرام ماتقدرين تفضحين


الحل هو انج تدعين بدعاء واحد حسبي الله ونعم الوكيل فقط

واللهم استودعتك زوجي وقلبه وفرجه ولسانه وتوكلي على الله واتركي الرجال وادعيله بالهدايه


لانه ماله حل من طرفج حله من رب العالمين

 

[جمالي (مستحيل)]

قولي حق اهلها خل يعرفون سوالفها ولاتخافين من شيء اهي اللي مقوي باسها انج مسالمه
من جذي تمادت معاج خلج قويه ودافعي عن بيتج
وريلج وقفيه عند حده. بس لو كنتي خايفه منه لاتقولين لاهلها شيء عنج ولا عن زوجج عشان لاتوصل له رفيجته
بس أنا أقولج بصراحه. يمكن اللي مخلي ريلج. متمسك بعلاقته فيها. ان لقى فيها شيء ما حسه معاج
يعني لا يحبها ولا هم يحزنون لو يحبها خذاها وتزوجها
وانتي بشطارتج تقدرين تملين عينه وتخلينه مايفكر يرد لها خير شر

 

[فديت قلوبكم]

ي قلبي انتي
اولا
انتي حلاله غصب عنه رضا ولابالطوفه اهي مجرد لعبه يلعب فيها
حطي ببالج شي اللي تسوينه بيردلج بيوم من الايام انتي بغنى عن الفضايح والسوالف صج بتفضحينها بس بتفضحين نفسج معاها من كلام الناس اللي بينقالج صج بيمسح بكرامتج الارض بالعكس زوجج بفترة حملج حب يقزر عليها يطقطق بس تطلعين من الانفاس ع خير ان شاءالله بيتغير وانتي غيريه تدلعي عليه اكثر حسسيه انج تفقدينه بثانيه خلج معاه بالفون اغلبيه الاوقات لو كان برا غيري معاملتج معاه وحاولي تعودينه انه اذا عندج مايجيس تلفونه خير شر والبنت هذي وربي ماتحرك شعره مو معتبرها شي لو حاس انها شي ماقعد يسب ويغلط عليهاويبين الواحد اذا صج خاطره فيها المشكله مو اذا كلمته ولا لا
المشكله لو يطلع معاها عشان جذي اقولج خلج اغلبيه الوقت معاه بالفون
وتلفونه لاتفتشينه ولاتحسسينه انج فاهمه استغبي كم يوم ليما يعتمد انج مراح تفتشين تلفونه وبس تحسين الوضع اوك ووثق فتشيه بيبين شنو يمكن اهي اللي لاصقه فيه


والله يوفقج ويسهل عليج

 

[قَلبڪْ صًخرْ]

حبيبتي اي ستر وهي يوم ورا يوم ادمرج
وربي لفضحها واخليها علج بحلوج الناس
هي الي جابته لنفسها الواطيه


الله يرد لج زوجج ردا جميلا
وهي ياعلها الفضيحه الي تنذكر بالديره
وتصير عبره لبنات التلفونات

 

[dectora 7elwa]

الله يعينج
الصراحه قريت كل الردود وما عرفت شانصحج فيه
لي حطيت نفسي مكانج اقول افضحها
ولي فكرت بعقل اقول لا
لاتخلين الدعاء لكن ضروري اهلج واهله يعرفون
باجر الله لايقوله لي خذاها حط فيج 60 عله والناس مسرع ما تصدق

 

[aysha19901]

حبيبتي انا من نظرتي انج ما تفضحينها وبس ادعي :اللهم اشغلها في نفسها… وادعي لزوجج وماتدرين في بعض الرياجيل يموت علي زوجته بس بتاع نسوان يموت ع الحريم و اغلبهم مع الوقت يعقلون ويهدون …و ذكريه قوليله يسألك حبيبي اذا مرة شفتني وانا اكلم واحد ترضاها.؟! أنزين اذا مت وانت تكلمها شنو بيصير لك… حبيبتي ماتدرين يمكن هالبنت تتزوج والله يرزقها في زوج يكلم حريم فيصير ينقلب السحر علي الساحر…وكما تدين تدان فأنتي حطي عقله برايي تعرفين خلاصج قعدي في بيتج معززة مكرمة وادعي لزوجج ومثل ما قالوا هالنوع من الحريم يأخذونهم لعبة فقط لاغير بس فأنتي وكلي امرج لله وما عليج من اللي تقولج افضحيها ومادري شنو عيب ترا انتي بتحملين والله بيرزقج بنات أرضين يصير فيهم يجيج خبر ان بنتج فيها وفيها انتي خليها لوجه الله وان شاء الله اكون افدتج والله يصلح بينكم

 

[SoOso انا]

الله يفرج همك ويبعد عنك بنات الحرام وانا من رأي ان المشكله فيه هو لو بعد عنها ماراح توصله اقلها يغير خط تلفونه لازم تحلين مشكلتك معه واهم عليك نفسك حبيبتي طمنينا عليك واكثري من حسبي الله ونعم الوكيل

 

[سمراء كالخمري]

وااااي قهر اصلا لو انا مكانج اروح ادق على اخوانها واقولهم انه اختكم ماتهد ريلي ولازقه فيه
ومسكوها عنه لانه اذا مامسكتوها بيني وبينها محاكم ارفع عليها قضيه تحرش بزوجي وتبي تخرب بيتي بس لا تخلين احد يدري من اهلج بالسالفه لانه راح يصغر بعينهم وايد وراح يقولون لج تطلقي منه وهذا مو من صالحج ريلج زين بس بنت بليس حسبي الله ونعم الوكيل فيها شي يقهر بهذليها عدل جبح بنات يبطون الجبد وايد يمرون علي يحبوون الريل المتزوج حق الخراب زاهبين حسبي الله عليهم 7 تحاسيب

 

[انثى عاشقة]

الحل تعطين اسماء اخوانها لاخوانج
هما يتصرفون معاهم
ويخلوهم يجودون بنتهم ​

 

[فجر النصر]

الدعاء اختي