بخاطري افضحها .. بس اخاف من ربي

[اللّہ معي ، ♡]

ااااااه ياعمري انتي كل هذا متحملته والله واضح من اسلوووبج بالكتابه انج شايله بداخلج كثير ،، تبين نصيحه تحسبي عليها باليوم الف مره الين تلاقين النتيجه حسبي الله عليها يعني متقصده تخرب حياتكم



شوفي انا اقول لاتفضحينها عند الناس بس افضحيها عند اهلها امها وابوها


خل تذوووق من الكاس اللي سقتج منه وتجرعتيه


هذي مو انسانه حسبي الله عليها هذي خرابة بيوت وشيطانه


ولاتغثين عمرج علشان رجال والله انه مرده لج بس هي داويها وعقب تفرغي له



ازعلي ولاتردين له خليه يجي يراضيج خل يعرف انج مو رخيصه لهالدرجه عشان يغربلج ويااذيج

 

[Geisha]

المشكله العوده والمصيبه في ريلج مو البنت اول اهوا خلي اخوانج او احد من اهلج يوقفه عند حده ويكلمونه بنات الناس مو لعبه عنده هذا واهو صار ابو !!!! ليش ماخذاها دام موقادر شوفي حبيبتي ريلج من النوع اللي يخاف ومايستحي فوقفيه عند حده اما اهي فهذي مبين وقحة وموهامها احد وتبي تخرب بيتج وقفي اتصاللت لها ومسجات شيليها من راسج وعالجي المشكلة الاساسية واهوا ريلج

 

[كل مانسنس]

انتي هددتي صح!!

فاد ولالا!!


قلتيلهااا صح انج بتفضحينها صحح!!


خافت!!

تابت!!


طبعاااا لا!!


عيل فضحييييها لانها مصممممه تبي رييييلج انتي حذرتيها ولا فاااد هنييي الصجججج عشان انج ماظلمتيها لانها ماتفهم الخبله

 

[تبيني آرضى عليك]

الجئي لربك
ولاتفضحينها ولاشي فوضي امرك للي عينه ماتنام وعالم بامور الخلق وصلي الوتر وادعي ربك بكل اللي بنفسك عن هالموووضوع وان الله يهدي ريلج ويبعد عنه بنات الحرام
استغفررررررري طوال الووووووقت
الله يريح بالك وييسر امووورك

 

[معي احلى]

العلة بزوجك يااختي ..


لو تقراي بالقسم مشاكل كثير بنات كانوا يحبوا شباب او يتواصلوا معاهم ..وبعدين يجوا هنا يشتكوا انهم قطعوا منهم بعد الزواج ..


يعني زوجك مش قانع من عدم التواصل معاها .. وقد تكوني انتي السبب .. هي يحصل عندها شيء مفتقده عندك ..



والا لو يحبها من صدق ماكان اتزوجك كان اتزوجها .. بس هي بالنسبة له .. مثل الترانزيت ..

 

[Bloom]

الله المستعان

 

[virgo88]

حسبي الله عليها ربي ينتقم منها انشالله ويبرد جبدج

 

[тεķάηαн]

رأيي أنج تواجهين ريلج , إنتي مو رخيصه !!!
إذا شفتيها داقه أو شي مسكي الفون و قوليله شنو هذآ !!
روحي بيت أهلج و قوليله أنا ماعندي حجي وياك , عندك أبوي و أخواني خل يخاف منج خل يدري إن عندج سند عندج عزوة
حبيبتي الريال لازم تقرصينه عشان يتوب خرعيه من ردة فعلج خليه يدري إن عندج كرامه
و بيني له إن بنت الحرام هاذي إذا كلمته أكيد مكلمه غيره : )
أما أهي صكيها بالطوفة لا تكلمينها لا تسوين لها شي , لا تدري إنج تدرين عنهم لانها تقدر تحرش ريلج عليج !!
نصيحتي إنج تخرعينه بأهلج , إذ اهو ما صانج و احترمج عيل اهو مو كفو تعيشين معاه : )
سوري تفاعلت معاج وحيل قهرتني السالفه , الله يكون بعونج و يرد ريلج لج <3

 

[Vanilia]

والله سالفتج تعور القلب ..... بس اختي بسألج أنتي لما جكيتيه يكلمها طول هالوقت ماجربتي تزعلين عليه وتروحين بيت اهلج وتعلمينه ان يعيش حياته مع وحده مو ثنتين ، واذا ما حس قومي دقي عليه ويخليه يجي لبيت اهلج على اساس تبينه ضروري وقعدي وياج اخوج الي تثقين برايه وتكلمي بموضوعه قدام اخوج ومدي ارقام وهميه لاخوج وقوليله هذي الارقام دبر نفسك فيها لان رجلي صار عنده شي عادي انه يكلم غيري وابي حل نهائي للموضوع

انا مابيلج خراب البيوت بس لازم تحطين حد للموضوع ولو انتي صابره احتسبي واستغفري بنية الله يفرجها عليج ويارب يهدي رجلج لج واسفه على الاطالة

 

[اتقي الله لتنجي]

بسم الله الرحمن الرحيم

اختي ثقي بالله سبحانه ان ربنا بينصرك لو تركتي ضحها لوجه الله سبحانه
وعد الله سبحانه حق
ومن يتق الله يجعل له مخرجا

الذنوب اختي تارها تغير الزوج
اتركي النمص الاغاني الغيبه الحسد عدم الصلاه بوقتها الخروج بتبرجج بدون نقاب
تقربي لله سبحانه اكثر
وادعي بقيام الليل وانتي واثقه ان الله سبحانه يبعدها عنج وعن ريلج
وصبريييييييييييييييييييييييييييييييي
عاملي زوجك بدون عصبيه
واكثري استغار وصلاه على النبي وطهري بيتكم من الاغاني والمسلسلات وصور ذات الأرواح
وصلي للتقوى واستعيني بالله سبحانه وثقي به سبحانه ولن يخذل الله سبحانه من صدق معاه
وي احد الاخوات العن من زوجك
رجع لها احسن من قبل سبحان الله
مافي شي مستحيل على الله سبحانه
بالتقوى كل خير

 

[بافيووه]

الله يصبرج والله انا حالي من حالج

 

[انا لها شمس]

افضحها بكل هدوووووء ووانا اضحك بعد
واوصل لاخوانها واذاااا كانت صج متزوجه
واعلمهم لانها موووراضيه تستر ع روحها اروح انت استر عليها!!!! واهيا تخوني مع زوجي
لا والله عندج اياها طيحي حظها

 

[بنت جابر27]

بصراحه ماكو رجال مايكلم او انه يخون زوجته اكيد كل وحده بتقول انا وانا

يبا اغلب الرياييل يقطون فونات بدون بيانات خطوط بدروج سيارتهم متى ما طلع مسكه وسوالف يوطلع من وراج وانتي تتصلين عليه ماتدرين شنو الطبخه

خاصتن اذا لقيتيه طالع كاشخ وفرحان حده اهني اعرفي انه مواعد ولا طالع يغازل ويقولج حبيبتي الدوام والله الديوانيه عن الربع

والله رايح عرس والله رايح عند ابو فلان وكله حجي بحجي

 

[eman el.roo7]

استغفر الله العظيم من كل ذنب ..
عليج بالدعـاء .. و حل الموضوع مع ريلج بالتفــاهم ..
لكن انج تفضحينهـا ما انصحــــــــــــج و ابتغي وجه الله بالستر ..
ترا الفضيحة مب زينـة .. و الستر زين يـا حبيبتي ..
صدقيني اخر شي كله بيطيـــح فـوق راســـــــــج و بتكبر في عين ريـلج ..
وبتنقلب السالفـة عليــج ..
حلي الموضوع بعقلانية اكــثــر ..
و الله يوفقج و يهدي زوجج ..

 

[oorccia]

حبيبتي اتصلي على ام البنيه و قولي لها السالفه وخليه تربي بنته صح طبعا با اسلوب وهيك تعرفين من غير سب ولا شي

ولا خلي اخوك يكلم واحد من اخوان ها البنت ويقوله كل شي بينه وبينه وبعده راح تنقطع حتى هو زوجك راح ينساه

وحسبي الله ونعم الوكيل

 

[Nanoosa]

ويعه تويعها عساها تنفضح

اكره ما عندي بنات الشوارع اللي ما عندهم اهل و يركضون ورا الرياييل المتزوجين!!!

 

[سميتكـ _ غلاي]

الله يفرج همك ويهدي زوجك
اكثري من الدعاء والصدقه والإستغفار

 

[يرخصلك كل غالي]

هذي ماتبي الستر لنفسها ادخل ابوي او اخوي

يحل الموضوع ويخافون

حرام تهدمين بيتج عشانها

كلمي اهلها

 

[انسام الكويت]

الله يكون بعونج نصيحه لا تدزين لها مسجات او تهددين او غيره اهي خليها بصوب

الخلل بالزوج اذا اهو صاج بيهدها يغير رقمه ويسحب عليها سيفون لانه البنات اللي مثل طقتها

ينقال عنهم زباله وانتي مفروض ماتنزلين مستواج للاشكال هاذي واذا فضحتيها وعلمتي اخوانها

السالفه بتنقلب ضد ريلج لانه اخوانها بيتلون اختهم ويبون يعرفون منو هاللي تكلمه واخرتها يعرفون ريلج واسمه

وبتصير مشاكل مو غريبه توصل للذبح بالوقت هاذا كل شي جايز هل انتي مستعده انج تحطين ريلج بموقف خايس راح يكرهج

طول عمره وتالي بيقصر معاج وبيصير حاله معاج للاسوء نصيحه البنت قولي حسبي الله عليها عساها تذوق مر الخيانه وطيح بشر اعمالها ويبعده

عنكم وريلج بيدج انتي تغيرينه وتلينه لصوبج وان شاء الله مع المولود اليديد بتغير وبيهد هالسوالف ودايمن ادعي انه الله يهديه ويخليه لكم وعساه

مايشووووف غيرج

 

[بكيزة هانم]

أنا مع اللي تقول كلمي أم البنت
بس الخوف يكون متزوجها وساعتها يحطج امام الامر الواقع
أو انه يخاف عليها ويتزوجها
والله مدري شقول
الله يكتبلج الخيره