بسرعة دشو ابي نظرتكم حق هالزواج

[tbola]

مممم لو انا اب مكانها اررفض ابروحه الاغاني حرام شنو بعيشني طول عمري اب هل اغاني وبعاد اهيا اكبر منه بسنتين لااا اختج توه العمر جدامها وماشاءالله مواصفاتها زينه ف خل تنطر

 

[احساس الغلا]

اكيد لا !!!



حلوه هذي انا ماكملت دراستي عشان السمرات ؟
بذمتكم شنو تترجون من رجال يقول هالكلمه
باجر يقول انا ماقدر اقعد بالبيت عشان السمرات
ماقدر اوديج ل مكان معين عشان السمرات
بتولدين باجر ويقولج ماقدر اوديج الطبيب عشان عندي سمره ؟
توقعي كل شي والله من وراه


مبين ماوراه خير من اولها

 

[بطوووطة$بيضة]

خل يولي ويع مايصلح حق اختج كلش

 

[فنونه التميمي]

انا لو مكانها ارفض رفضا تام
لان ابدا مافيه اي صفه حسنه يعني بمواصفات اختك مايستاهلها وبتندم
وباسلوبه هذا وجراته اهو حاسب حساب كل كلمه قالها يعني ناوي بعد الزواج يضغط عليها بحجة انها موافقه من البدايه
يعني اذا ما صرف عليها او طول قعداته وسهراته او او او او

 

[دلوعة أبوهآ]

صراحه من كلامك عنه وكلامه هو حسيته مو سيده أبد ..
انا مابي احط بذمتي بس الانسان عنده عقل ويفهم

يعني في موضوع طلاقه كل مره يطلع سبب .!!
وبعدين ماعمري شفت واحد من اول يوم يقول هالكلام
شنو ماخذ قرض وماقدر اسوي لك عرس
واحب الحداق والطلعات والسهرات


دامها حلوه مثل ماتقولين لاتستعجل
نصيبها راح يجيها ..
خليها تستخير كم مره
وخلي ابوكِ واخوانك يسألوا عنه وعن سبب طلاقه


لاتستعجلوووا هذي زواجه
والمسكينه راح تتعقد لو طلع مو زين او فيه شي .. ولاقدر الله تتطلق للمره الثانيه ..


اهم شي الاستخاره

والله يكتب لها الخير

 

[خوخة سمسم]

الله يرزقها باحسن منه وعليها تستخير بس لومنها ماوافقت

 

[Princess^Mom]

انا من رايي انكم ما توافقون ليش تاخذه اصغر منها واهي جامعيه ومهندسه واهو متوسط يعني فاشل وحتى تفكيرها غير عن تفكيره نصحيها لا تستعيل ومواصفاتها كل من يتمناها ليش تاخذ هذا

 

[لاحزن مع القرآن]

راي مع البنات لو أنا ماأوافق وتوها صغيرة

 

[بنت البحراني]

بنات لا تتكلمون عن الريال وانتو ماتدرون شنو اهوا
ترى ذنوبه كلها عندكم

بس راايي من راي بعض البنات
الحيين يه دووور ابوج وخوالج وعمامجوحتى اخوانج لو يسالون الشباب الي بعمره مو الشيااااب لااا الشباب الي يقربونله والي بعمره يكون احسن ..... ترى هذ كل الي تقدرون عليه لازم يطلعون ماضيه كلله عشان تعرفون اهو شنو بالضبط

 

[وردة^الكويت]

انصحها ماتوافق
ماخذ قرض يعني اصرفي عليه
سهر و دقدقه يعني بعيد عن ربه
مطلق و السبب مووووووووووو? واضح مليون بالمية يشرب
عمرة 23يعني حتاحيت مراهقه للحين مووووووووووو? مسئول

 

[عذبـة الاطبآع]

حبيبتي خليها تستغفر وايد وربج يسهلها والخيره فيما اختاره الله
واسالو عن الولد اكثر قبل اي قرار وكلن نصيبه بياخذه لوو شنوو
يكون والله يوفقها ويرزقها ويرزقنآ جميعا َ الزوج الصآلح والقاريء يقول
آمـــــــــــــــــــين

 

[موت وميلاد]

الصراحه اهم شي الدين واهوا شكله راعي سمرات وغناوي .. واالشباب دايما يقولون ماكو سمرات تخلى من شرب وبنات الا نادر

الله يكتب لها الي فيه الخير ويرزقها الزوج الصالح

 

[hbenc]

خل يولي ويع مايصلح حق اختج كلش

ههههههه فديتج ضحكتيني احسيتج زايعته اكثر منا احنا:krkrkr: ابشرج رفضناه وربي يهديه ويرزقه بالبنت الي تناسبه ويعوض اختي

 

[hbenc]

الصراحه اهم شي الدين واهوا شكله راعي سمرات وغناوي .. واالشباب دايما يقولون ماكو سمرات تخلى من شرب وبنات الا نادر

الله يكتب لها الي فيه الخير ويرزقها الزوج الصالح

اي والله صح كلامج والحمدلله على كل حال وربي يرزقها ويرزق بنات المنتدى بإذن الله ويجبر خوطرهم

 

[hbenc]

الله يرزقها الزوج الصالح اللي احسن منه
اللهم امين
وقولي لها تستغفر بعد كل صلاه 100 مره
انا كنت نفس حالتها وبديت بالاستغفار والله العظيم شهر وملكت والحمد لله
اللهم لك الحمد يارب

اي ياقلبي فديتج صح بالاستغفار تفتح الاقفال

 

[hbenc]

توني اقر ردك ان مسافر معاها 12 يوم مو بالبدايه كانت بس ملجه شكلهم نصابين عاد الا الزواج حلاته الواحد يكون صريح وانتي ياام المعرس ماعندج بنات ماتخافين ربج يبيلج بناس يكذبون علييج


شي يقهر وخيره حق اختج الله يرزقها الزوج الصالح وشنو تقولين فرصتها قليله ليش عمرها 55 توها عز الشباب

الله يرزقها الاحسن يارب والله لايبلانااا مسكين شكل العرس الاول هد حيله

اي والله اول مرة يقولون ما دخل عليها بعدين قالو حق امي انها تروح وترد عليه بعدين اهوا قال حق اختي ان سافر معاها 12 يوم ولي الحين ماعرفنا سبب الطلاق كل مانسئلهم يتكتمون عالموضوع ويغيرونه ويلفونه لف حدهم مو واضحين والحمدلله رفضناهم

 

[yam_yam]

خل تستخير و اهلج يسالون عنه

 

[*يارا*]

الصراحه مافي مميزات شنو ميزته ماكو شي
أول شي لا شهاده – ثاني شي سمرات وسهرات (نشكره على صراحته )
ثالث شي قالها بصريح العباره إذا تأخرت أو نمت بره لا تفتحين حلجج أنا ريال صاحب حداق وسمرات
رابع شي ماكو سبب واضح لطلاقه
خامس شي القرض >> يعني بتصرف على روحها وعلى عيالها ويمكن عليه إذا احتاج تصرف عليه بعد
سادس شي اهوا مو عارف مصلحة روحه هد الدراسه والعذر سخيف (عشان يحب السمرات)
ترى أغلب إلي مو مكملين ما يشجعون حريمهم ولايساعدونهم يرتقون
وبعدين صغير الصراحه انا ما أحب الريال أصغر من المره وتجاربه بالحياه أقل منها

لا تستعيل اييها نصيبها أن شاء الله توها صغيره – والزواج مو كل شي

وأهم شي ----> المفروض الزوج يكون إضافه جميله وسند للحياه مو كل الحياه وعله على الحياة

وبالتوفيق إن شاء الله

 

[hbenc]

الصراحه مافي مميزات شنو ميزته ماكو شي
أول شي لا شهاده – ثاني شي سمرات وسهرات (نشكره على صراحته )
ثالث شي قالها بصريح العباره إذا تأخرت أو نمت بره لا تفتحين حلجج أنا ريال صاحب حداق وسمرات
رابع شي ماكو سبب واضح لطلاقه
خامس شي القرض >> يعني بتصرف على روحها وعلى عيالها ويمكن عليه إذا احتاج تصرف عليه بعد
سادس شي اهوا مو عارف مصلحة روحه هد الدراسه والعذر سخيف (عشان يحب السمرات)
ترى أغلب إلي مو مكملين ما يشجعون حريمهم ولايساعدونهم يرتقون
وبعدين صغير الصراحه انا ما أحب الريال أصغر من المره وتجاربه بالحياه أقل منها

لا تستعيل اييها نصيبها أن شاء الله توها صغيره – والزواج مو كل شي

وأهم شي ----> المفروض الزوج يكون إضافه جميله وسند للحياه مو كل الحياه وعله على الحياة

وبالتوفيق إن شاء الله

اي والله صدقتي حبيبتي اهم شي ان الريال يكون اضافة جميلة وسند للحياة

 

[tolay]

الصراحه اهم شي الدين واهوا شكله راعي سمرات وغناوي .. واالشباب دايما يقولون ماكو سمرات تخلى من شرب وبنات الا نادر

الله يكتب لها الي فيه الخير ويرزقها الزوج الصالح

لا حبيبتي منو قالج اغلب السمرات بنات !!!

لاتظلمين اللي يسون سمرات بين شباب بس