بعد خساره 25 كيلو يومياتي لمده 4 شهور

[Ŝ3β_άηśαķ]

ريوقي اليوم كورن فليكس فيتنس و حليب قليل الدسم

سناك عصير اناناس

بالعافيه

 

[Ŝ3β_άηśαķ]

مشكوره Ŝ3β_άηśαķ انج عزمتيني على قروبكم

سجليني معاكم من الملتزمات

بس انا اقول تسوون موضوع ثاني احسن عشان يكون من البدايه صح

والله يقوينا انشالله ونذبح هالكالوريز اللي ذابحتنا

العفو حبيبتى.

وحياك الله


وعلى راحت البنات اذا يبون موضوع جديد ماعندي مانع. فديتني ديمقراطيه

 

[Ŝ3β_άηśαķ]

شنو يعني نشويات وكربوهيدرات؟؟

يعني خبز او رز او مكرونه أشياء زي كذا وهما نفس الشي إحنا العرب نقول نشويات والانجليز كربوهيدرات يعنى كربوهيدرات اسم علمي

 

[sindrella]

السلااام عليكم

شلونكم بنات اليوم ؟؟

منو اللي مخبصهههه و مخربههه رجييمهااا منووو

 

[~ كرز ~]

غداي اليوم
سمج مشوي و سلطة و شوربة عدس
عشاي
نص صمونة شورمة و سلطة

و رحت النادي
مشيت نص ساعة
و عشر دقايق قاري
و تمارين بطن و اثقال

الحمد الله

 

[majnoona]

اليوم كنت صايمة و فطرت 5 تمرات ولبن اكتيفيا لو فات
وبعدها كليت طاسة عيش ابيض وقطعة لحم مع شوية مرق
و الساعه 8 شربت كوفي مع قطعة كاكاو لان كنت حدي مصدعه و محتاجه شي حلو
والعشا بيكون شريحة اناناس و كيوي

الرياضة: مشيت نص ساعه و لعبت ع قرص التنحيف شوي وبعد العشا ان شاء الله بعد بسوي تمارين

 

[Ŝ3β_άηśαķ]

السلااام عليكم

شلونكم بنات اليوم ؟؟

منو اللي مخبصهههه و مخربههه رجييمهااا منووو

ماحدخبص الحمد لله :yaaaaaarb:


وين يومك :eh_s(10):

 

[Ŝ3β_άηśαķ]

كرز مجنونه


يومكم حلو بالعافيه

 

[~ كرز ~]

اليوم مسوية هوم سينما مع ريلي ففكرت بسناك مايمتن و صحي سويت هذا

و بوب كورن جبن حق ريلي ببوق منه شوي ههه

 

[Ŝ3β_άηśαķ]

كرز يجنن. بالعافيه

 

[Ŝ3β_άηśαķ]

يومي



أفطرت حبه توست ونص ملعقه جبن وعصير أناناس.

الغداء ماكان لى نفس اطبخ أخذت رمانه صغيره وموزه و زبادي أكتيفيا الصغير

سناك بين والوجبات. حبه تمر وفنجال قهوه


العشاء. ٣ حبات تمر وكوب لبن اكتيفيا قليل الدسم



الرياضه

مشى ساعه وربع

اوربتراك. ١٢ دقيقه

 

[~ كرز ~]

يعافيج حبي

و بالعافية يومج قمييل هيييل

 

[~ كرز ~]

وزني حده يستعبط الله يستر

ريوقي كورن فليكس فيتنس و حليب قليل الدسم

 

[Ŝ3β_άηśαķ]

كرز لاتقيسين كل يوم عشان مايجيك إحباط ترا الحاله النفسيه تأثر على النزول


وبالعافيه فطورك

 

[Ŝ3β_άηśαķ]

وين البنات اليوم محد طل علينا الله يستر لا يكون سر الاختفاء تخبيص

 

[Ŝ3β_άηśαķ]

كرز الصلصة البيضاء الى مسويتها وش مكوناتها الفكرة عجبتني تصلح للشفاحه اخر اليل

 

[sindrella]

السلام عليكم

أنا اليوم الصبح خذيت لي ريوق من دايت سنتر صمونة حلوم

و الغدا كليت شويه عيش مع زبادي أكتيفيا و رحت الممشى مدة ساعه و

توني شرت قهوه و بس


انا بعد قست وزني أول ما رجعت من الممشى كان ثابت :\

شرايكم نحدد يومين بالاسبوع نقيس فيهم ؟؟

 

[sindrella]

اي بناات تذكرت شي وصلني برودكاست عن توست بالطحالب و ينباع بمركز سلطان

و يقولون انه قطعة التوست الوحده تعادل ساعة ركض يعني يحرق السعرات الحرارية و

معظم الناس اللي جربوه قلت نسبة أكلهم بمقدار 200 سعره حراريه عن معدل أكلهم اليومي فنزل وزنهم

فحدديي تحمست حق الموضوع و شكلي برووح مركز سلطاان أدوره

سامعين عنه؟؟

 

[Ŝ3β_άηśαķ]

سندريلا يومك حلو



الخبز ما سمعت عنه. وما توقع عندنا بالسعوديه ودي اجيكم عشان اروح مركز السلطان احس دايم تتكلمون عنه.

على كلامك اتوقع فيه ألياف تحسس بالشبع وتملى البطن . اما انه يحرق احس. مبالغه ودعايات

 

[~ كرز ~]

اهلين صعب

الصلصة روب و قفشة رانش و ثوم مطحون و زنجبيل نتفة و اورغانو و سماك و قفشة صلصة ايطالية


اليوم كليت عيش يحليييلي كككك خدامتي مسوية برياني هندي لذيييييييذ ماتحملت و فوق هذا بنتي مريضة فماقدرت اروح النادي بس باجر بعوض عدل
المشكلة الحين انه ريلي يبيني اطلع معاه عالعشا بحاول بس اكل سلطة و شوربة و ربنا يستر