بنات منو مثلي ما تحب الرجيم و تبي تاكل كل شي ؟ حياج معاي تجمع رجيم بالكالوريز

[um_yoyo]

2 توست ب 84 او الوحده ؟

 

[DenTisT]

نصايح اليوم
التوست دايما اكليه محمص .. اسهل بالهضم
الماي دايما شربيه دافي ...يعني مو مثلج .. ما يطلع كرش
ابتعدو عن المشروبات الغازيه تمااااااااماااااا حتى الدايت .. ترى صدقوني عواقبه وايد
شربو لترين ماي يوميا و صدقوني بتشوفون وزنكم بنزل بسررررررررررعه .. انا قبل كنت ما احب اشرب ماي وايد لانه لما اوقف على الميزان اشوف زايد ... بس اذا شربتي بالضبط لترين .. تكرمون الحمام راح تستخدمونه وايد و راح تشوفون وزنكم اقل من اي وقت
الوزن دايما تشوفونه الصبح قبل الاكل بدون هدوم
لازم تحرصون على منتجات الالبان .. خصوصا اللي عمرها تحت ال 35 سنه .. لانه الكولا و غيرها بسوون هشاشه و احنا محتاجين كالسيوم

حبيباتي ترى هالمعلومات مو ماخذتها من مكان ... هذي من التجربه و دراستي انشالله تستفيدون​

 

[DenTisT]

ام يويو : اي 84 كالوري 2 توست مو وحده
الوحده اب 42
لانه مو بالكويت .. بالكويت 130 كالوري
احنا اهني عندنا انواع الشرايح و انا اخذ اخفففففف شييييييي

 

[مسس كارميلا]

حياتوو dentist
انا ماشيه اليوم تمام
الصبح توست تيركي امريكانا مو عارفه احسب له الكلوري بس اتوقع 250
وشاي بدون سكر 1

سناك :
تفاحه 81
ونسكفي 3 في واحد 90
وبسكوت مالح دوائر صغار 4 ماردي جم احط له بس بقول 86

الغدا ماكوو =0

ستاك المغرب كتكات107

والعشا مكرونه من دايت سنتر 300 + سلطه جرجير 25
المجموع 945


(( بغيت اسالج التوست حسبته صح ولا لا الاني اشوف بدايت سنتر التوسوت عندهم 255 بس امريكانا كاتبين 147 مادريي احترت بس خذيت على الاكثر ))

وتتوقعين 950 زيين ولا اقلل ترا كل يوم اكل اقل بس يعت بدوامت وخرتها بنسكفي والبسكوت

 

[DenTisT]

حبيبتي مس كارميلا
توست امريكانا يمكن قصدهم الشريحه الوحده 147 كالوري
لانهم يستخدمون مايونيز وايد و توستهم حجمه وايد كبير
بدايت كير صمون عنوووووونووو اللي بوقرمتين فيه 180 كالوري .. شلون امريكانا شكبره 147 ؟

و البسكوت المالح المدور " ريتز " ترى مترووووس دهن
الحبه الوحده يمكن فيها 30 كالوري
و الباجي كله زين
بس حبيبتي انا ما اقدر اقولج 950 زين و لا لأ
اذا تبين اسويلج الحسبه
قوليلي وزنج و طولج و عمرج و شكثر تبين تنزلين​

 

[طيب القلب]

شلوونكم بنات عساكم بخير:eh_s(6):
ريوقي كان اربع crackers من Carr's كل بسكوتة فيها 21 كالوري مع جبن قليل الدسم و كوفي:nbptr:
و غداي ربيان 11 قطعة مشوية بالفرن 150 كالوي و عيش بسمتي ابيض مسلوق اربع قفاش 260 كالوري و سلطة خرشوف (أرضي شوكي) 60 كالوري
و عقب الغدا حليت بالشوكليت سيريال بار من كيلوقز اللي قالت عنه دنتست ما قصرت فيه 82 سعرة
و بخلي الآرو موس 98 سعرة حق باجر
دنتست حبيبتي check out the ingredients of Health Watchers deserts. They contain pork gelatine
و سبراي الزيت contains alcohol آنا متأكدة انج مجيكة بس سبحان الله يمكن ما انتبهتي

و بالعافية عالجميع:wqedqw:

 

[yummy]

يلا بناااااااات هما هماااااااااااااا لاتخربطون عشان نضعف ونكون رشيقات وكافي هالنظام واييد حلو ومايتعب وناكل اللي نبيه
ف خلكم حريصين ولاتخربطون وامشوا على السعرات الحرارية المطلوبه

 

[مسس كارميلا]

حبيبتي مس كارميلا
توست امريكانا يمكن قصدهم الشريحه الوحده 147 كالوري
لانهم يستخدمون مايونيز وايد و توستهم حجمه وايد كبير
بدايت كير صمون عنوووووونووو اللي بوقرمتين فيه 180 كالوري .. شلون امريكانا شكبره 147 ؟

و البسكوت المالح المدور " ريتز " ترى مترووووس دهن
الحبه الوحده يمكن فيها 30 كالوري
و الباجي كله زين
بس حبيبتي انا ما اقدر اقولج 950 زين و لا لأ
اذا تبين اسويلج الحسبه
قوليلي وزنج و طولج و عمرج و شكثر تبين تنزلين​

اخيييييييييي اهي اهي ضاق خلقيي :0bee2e8d89:
بس باجر احسبها صح ان شاء الله
اسوي توست من البيت وايد احسن ليي
والبسكوت حده ماااتوقعت اهي اهي راح اتوب واشتري كل شي لايت

ياريت حبيبتي تسوين لي اكون شاكره لج
طولي 154
وزني 77
وعمري 24
وابي يكون وزني 55
خلال 3 شهور
ماتقصريين حياتووو
انزين انتي من وين تعرفين سعرات الاشيائيشن
عشان ابي احسب كل شي صح
ويسلموووووووو يا عسل تعبتج باسالتيي بس والله بتاخذين اجر فيني :dddds:

 

[مسس كارميلا]

يلا بناااااااات هما هماااااااااااااا لاتخربطون عشان نضعف ونكون رشيقات وكافي هالنظام واييد حلو ومايتعب وناكل اللي نبيه
ف خلكم حريصين ولاتخربطون وامشوا على السعرات الحرارية المطلوبه

يميي اسمج ايوع هههههه
امبي انا ماشيه على الوحده واخر شي انصدمت نص شغلي غلط اهي اهي
بس لاااااااااااااااا ولن اضيع التعب باذن الله
الله وكيلج كل ما ييت ابي اخربط اطالع بالي حوالي اشوف وحده جسمها حلوو واقول ليييش يعني اهي احسن منيي انا اقدر بذان الله
<< هوس رشاقه ربي يضعفنا بصحه وعافيه اجمعيين يارب
والله دوم ادعو يارب تضعفني بصحه وعافيه
جربتها بدون عافيه والله لا لها فرحه ولاا سعاده سبحان الله

 

[فووشي]

هااي بنات ..
ممكن انظم معكم ..؟
اسبوعين قبل العيد وبعدها رجيم دشتي ^_^ ,,

 

[DenTisT]

طيب الفلب: اي صح توني اشوف السبراي
بس مكتوب انه كميته قليله و لازم تحطينه بمقلى حاره و الكحول راح يتبخر لانه بس ماده حافظه " مكتوب على العلبه"
تتوقعين عادي و لا لأ ؟؟
و الروب حبيبتي من وايت واجرز و مصنوع من شركة يالبوت و مافي جيلاتين خنزير و اصلا ممنوع اهني عندنا اي جيلاتين حيواني " قانون الدوله "
مشكوره على التنبيه حبيبتي
و بالعافيه

يمي : اي اي صح كلامج و بشجع:ggdw:

مس كارميلا: المعلومات من مجلات و نت و العلب نفسها و كتيب من مستشفى الصباح قسم التغذيه
حبيبتي ما يصير تنزلين هالكثر اب 3 اشهر لانه هذا نظام حق الحياة كلها و ما تمنعين نفسج و اهو مو رجيم
المهم انا سويتلج 7 كيلوات حق شهرين لانه ما يصير اقل

الاسبوع الكالوريز الوزن المتوقع
1 930 76.18
2 921 75.37
3 912 74.55
4 902 73.73
5 893 72.92
6 884 72.1
7 875 71.28
8 866 70.47


و انشالله ما تخربطين


فوشي : حياج حبيبتي

 

[طيب القلب]

مشكورة Dentist حبيبتي:eh_s(6):
ما اقدر افتي بالنسبة للزيت البخاخ بس بامكانج استخدام ال grapeseed oil و sunflower oil من الزيوت الخفيفة يعني بال 15 مل يوجد 124 كالوري و زيت الزيتون 119 كالوري
أما الweight watchers اعتقدت انج تاكلين الdeserts اللي بالفراولة و الكرز و الليمون تشيز كيك هم محطوطين يم الروب و الرابع مادري شنو اما الروب ما شفت محتوياته. و تمام اذا الpork gelatine ممنوع في ايرلندا يعني غير عن بريطانيا جان زين بريطانيا يسوون جذي. جني مخربطة انا اللي متأكدة منه شفت الكادبوري موس فيه جيلاتين خنزير
المهم عليج بالعافية و ان شاء الله كلنا ينزل وزننا:eh_s(6):

 

[شيخه***البنات]

دينتست ..

شيخة البنات : اذا انتي ساكنه بشقتج بروحج جذي تقدرين تتحكمين بأكلج و تدرين بكل شي تحطينه بالاكل
يعني العيش بدون دهن و البرجر اول شي تفوحينه و تطلعين الدهن بعدين تشوينه بالفرن
والجبن شكثر تحطينه بالتوست
عن نفسي بالغربه هالشي وايد سهل علي لانه ادري شقاعده اسوي
بس بالكويت ماكو جذي فكنت اغلب الوقت اشتري وجبات دايت كير خصوصا عقب ما خلص اشتراكي
بس ترى اكلهم لذيذ و بشبع جربيه

اي صح اذا بروحي اقدر اتحكم باالاكل كله .. شكلج تدرسين بره موفقه ان شاء الله والله يعينج على الغربه ..

وبالنسب لشركات الدايت جربت دايت سنتر جم مره اروح اكل منه واايد حلوو بس دايت كير ماجربته

وايد يمدحونه بس الحين الكل قام يقول ان اكل هالشركات مو نظيف مايندرى خلينا على اكل البيت وايد

انظف و اظمن لنا ..

بسإلج عن الموقع اللي حطيتيه بأول الصفحه انتي مشيتي نفس ماحط لج الجدول بالسعرات وصج ضعفتي خلال المده

اللي انتي حطيتيها يعني مشيتي عالجدول وضعفتي عليه ولا طولتي شوي ؟


*
*
*

واليوم ان شاءالله أول يوم لي وراح ابدى أول اسبوع 900 سعره حراريه وهذا كله من الموقع اللي حطيتيه

وان شاء الله على شهرين اوصل حق هدفي أو 3 اشهر ..

تريقت ..

كوب حليب خالي الدسم = 92.5 كالوري مع قفشتين نسكافيه مادري جم كالوري ..

و 2 توست اسمـر = 122 كالوري ..

و 2 تيركي =82 كالوري + جبن سلايز = 31 كالوري ..

المجموع = 327.5 كالوري ..

 

[مسس كارميلا]

حياتوو دانتس مشكووووووره وما تقصريين
بس جنه حده مده شويه 7 كيلو بشهرين
يعني الشهر 3 ونص تعب والله
بس ماعلي الحمد لله على كل حاال

الموهم تعشيت مكرونه فوتشيني نص الصحن من دايت سنتر حدي انقثيت
وسلطه وحبتين شيش طاوق فجأه لقيت نفسي مزرقتهم بس من باجر
غييير باذن الله بالتزم عدل مدل باذن الله

 

[DenTisT]

طيب القلب: انا سألت بالموضوع و قالولي وخري عن السبراي احسن
و الحمدلله اني ما استخدمته الا مره وحده كان حق قلي البيض ... بس خلاص قطيته
و انا ما اخذ الديزر لالا اخذ الروب اللي على هالطعم .. و عموما اي جيلاتين حيواني ممنوع بايرلندا مو بس البورك
و مشكوره مره ثانيه حبيبتي لانج نبهتيني

شيخه البنات : اي صح كلامج اكل البيت احسن الف مره و صج انا بادرس بره ادعيلي اخلص مليت 5 سنين و انا بالغربه
تقدرين توصين الخدامه مثلا تطبخلج بروحج عيش مشخول بدون اضافات .. و كل يوم سئليهم عن غداكم باجر علشان تقررين و تنظمين اكلج " انا جذي اسوي مستحيل انام بدون ما ادري شكثر راح اكل و جم كالوري"
و انا مشيت عالجدول بالضبط مع تخربط شوي و نزلت اكثر من اللي مكتوب يعني اول اسبوع كنت 60 اول ما بديت و مكتوب اول اسبوع راح انزل كيلو .. بس انا نزلت كيلوين مع اني شكثر مخربطه.. يعني راح تنزلين اكثر من المكتوب


مس كارميلا: اي حبيبتي زين 3 ونص بالشهر ... بس صدقيني اذا مشيتي عليه بالضبط راح تنزلين اكثر .. انا نزلت اكثر من اللي كاتبينه و بالعافيه عليج​

 

[شيخه***البنات]

دينتست ..

شيخه البنات : اي صح كلامج اكل البيت احسن الف مره و صج انا بادرس بره ادعيلي اخلص مليت 5 سنين و انا بالغربه
تقدرين توصين الخدامه مثلا تطبخلج بروحج عيش مشخول بدون اضافات .. و كل يوم سئليهم عن غداكم باجر علشان تقررين و تنظمين اكلج " انا جذي اسوي مستحيل انام بدون ما ادري شكثر راح اكل و جم كالوري"
و انا مشيت عالجدول بالضبط مع تخربط شوي و نزلت اكثر من اللي مكتوب يعني اول اسبوع كنت 60 اول ما بديت و مكتوب اول اسبوع راح انزل كيلو .. بس انا نزلت كيلوين مع اني شكثر مخربطه.. يعني راح تنزلين اكثر من المكتوب

بعد عمرري يعطيج العافيه و عسى ربي يوفقج ويعينج ان شاء الله بدراستج ..

توكلي على الله وان شاء الله سهالات بغمضه عين الا انتي متخرجه ان شاء الله فديتج ..

ماشاءالله نزوولج حلوو الله يوفقج ان شاءالله .. وان شاء الله انا انزل بعد ليلحين الحمدلله ماشيه تمام

*
*
*

اكمل يومياتي ..

سناك : كادبوري على كريمه سائل = 49 كالوري

العشا : كلوب ساندويتش من صنع ايديا و حياة عينيا << مادري شمسويه عاد لول

2 توست اسمر 122 + 2 جبن سلايز 62 + 1 تيركي41 +2بيض مسلوق 162 =387كالوري ..

مجموع اليوم كله = الريوق 327.5+ السناك 49+ العشا 387 = 763.5 كالوووري

والمفروض اكل 900 بس الحمدلله شبعت لاني ترست التوسته بيض وجبن ..

 

[بنت أبو اليتامى]

مشكوووووووووووووره

 

[مسس كارميلا]

حياتي مشكوووره دانتس ربي يرزقج كل ما تتمنين
ان شاء الله ربي يقدرني وامشي علي
اليوم فطوري ستيك وخضار مسلوقه 350
وسناك شاي اخضر 1
وكتكات 107

 

[DenTisT]

شيخه البنات : الله يسمع منج و تمر هالسنتين و ارد بين اهلي
و بالعافيه حبيبتي .. صج ساعات تشبغين و انتي مو مكمله كل الكالوريز.. بس احسن لج و الله

بنت ابو اليتامى: حياج


مس كارميلا: بالعاااافيه,,, بس لا تخربطين باجي اليوم ديري بالج .. و اذا ما عرفتي الكالوريز بشغله سإلينا او دوري


غداي اليوم
باستا تورتلليني 255 كالوري
دولميو سوس 130 كالوري
روب بالليمون 65 كالوري


و بالعافيه على الكل​

 

[DenTisT]

نصايح اليوم
الماي اللي تشربينه حطي فيه قطعه زنجبيل فرش و خليه يوم بالثلاجه و شربيه اليوم اللي بعده " بدولكه و لا بطل ماي" .. ماله طعم و بالعكس الزنجبيل يحرق الدهون بسرررررررررعه .. انا اسوي جذي اي و ما في كالوري
و اذا رحتو مطاعم قولولهم تبون ماي في قطعه ليمون و عصري جم نقطه منه لانه هم يحرق
لا تحرمون نفسكم من المطاعم ... بس دايما اختارو المشوي بدون جبن او كريمه .. اذكر لما كنت بالكويت كنت لما اروح جيليز و لا فرايديز عادييي اطلب صدر دياي مشوي مع خضار و عيش .. بس الكميه واااااايده .. فكنت اقولهم اييبون لي صحن صغير و اقص نص الديايه و اغرفلي 3 قفاش عيش و الحمدلله اشبع
المهم ما تحرمين نفسج من شي
حتى المولتن كيك كنت اكل قفشه و احسبها 80 كالوري .. بس المهم ما حطيت بخاطري
بوب كورن السينما متروووووس دهن .. اشترو من الجمعيه اللي بالمايكرويف و لايت في وايد اقل دهن

واهم شي لا تقولون حق احد انكم ماشين على هالرجيم صدقوني .. اذا تكلمتو ما راح تكملون
انا مشيت عليه شهرين و محد يدري غير خواتي و امي و ابوي .. و لما اروح بيت يدتي كنت اكل من كل شي جدامهم و مو حاطين ببالهم اني قاعده احسب .. و لما صار عيد الفطر الكل استغرب و يقول شلون ضعفتي جذي مع انه كل اسبوع يشوفوني

لا تاكلين مجامله حق الناس .. يعني اذا رحتي بيت الناس و قلتي فشله ما اكل .. اخذي و حطي جدامج بس لا تجيسينه و اذا قالولج ليش ما اكلتي او ليش ما شربتي قولي توني ماكله او شاربه او اي شي .. بس لا تجبرين نفسج على شي انتي ما تبينه و تضيعين الكالوريز على الفاضي

لما تبون تروحون مطعم تيك اواي .. دايما جيكي على الكالوريز قبل ما تطلبين.. لانه في ساندويشز فيهم 1500 كالوري مثل دبل وابر من برجر كنج و بيج تيستي من ماكدونالدز

اذا بتطلعون مكان مع الاهل مثل سينما او حديقة الشعب .. اللي اقصده يعني الغدا او العشا مو بالبيت .. انا كنت اخذ اكلي معاي و احطه بالتبروير لا تستحون من هالحركه و الله عادي و وايد سويتها " اهني انا احط باستا و السوس بالتبروير و اخذ معاي شوكه و اروح السينما" .. و بالسينما كنت اشتري ساندويش من دايت كير و اقعد اكلها و اهمه ياكلون بوب كورن

بس هذا اللي اتذكره و انشالله اذا عرفت بعد اقولكم​