تجربتي مع خسارة الوزن بهذا الصيف

[sweet_fatooma]

شلونكم بنات شخباركم حبيت اشاركم بتجربتي في انزال وزني اللي موراضي ينزل ذبحني بهذا الصيف شجعوني راح اقولكم شنو قاعدة اسوي وشنو النتايج معاي بس ابي تشجيكم​

اول شي طبعا اعمالي الممتازة ومعاشي كلهم راحوا على اللي قاعدة اسوييه اهيء اهيء بس في سبيل الرشاقة نتحمل والله يعوض ان شاء الله
انا طولي 164 ووزني 101 مقاسي 18 :050103nbh_prv:
الهدف وزن 80 مقاس 14
ادري وايد بس شسوي بس اهم شي عندي المقاس لأن انا عظمي عريض وثقيل كلام الدكاترة ​

اشتركت ب جود سبا عندهم جهاز يديد اسمه exl لنحت الجسم يوم رحت لهم قالتلي الدكتورة هناك اني احتاج نوعين واحد حق تذويب الدهون والثاني حق الشد اهي راح تشتغل علىمنطقة وحدة بس اهي فخوذي تبي تنحتهم وتدورهم وتخلي فتحة بسينهم ما ادري تمثال لوول 5 جلسات نحت 10 جلسات شد طلعوا 620 دينار بس حست في فرق من اول مرة بدت اليوم بجرب الجلسة الثالثة امي تقول في فرق ترى شكل فخوذج وانا احس ان البنطرون شوي وسع


ثاني شي اهي الدكتورة قالت احسن شي مع هذا المساج ابطل فاست فود ومقالي جان اقول فرصة خل اشترك مع لوفات يوم رحت لوفات قتلها ابي رجيم اللي ما تيبون ويك اند ابي اتعلم شلون انا اقدر اسوي كنترول خذت طولي وزني ونصحتني بالمشي والرياضة لمدة 30 ساعة قالتلي احتمال تنزيل من 5 إلى 10 بالشهر قلت حلو بس ترى وزني ما ينزل بسرعة قالت احاول والله عجبني المنيو واممس كانت اول وجبة حسيتها شوي قحط بس صبرت بس اليوم لأ كانت وحبتهم وايد حلوة بيغل الريوق والغداء صدر دجاج والعشا برجر باجر راح تكون اول تجربه لي بالويك اند تتوقعون اصمد بالزوارة ان شاء الله

ابغلكم شنو سويت بالويك اند يوم الاحد ادعولي اضعف :wqedqw:

منو سمع عن جود سبا والجهاز ومجربة ومنو جرب لوفات قلولي شنو رايكم​

 

[أم حمد 4]

رررفع

 

[miss angel]

يارب تضعفين بصحة وعافية حبيبتي

وبالنسبة للجهاز مو سامعة عنه ل اب لعيونج

 

[sweet_fatooma]

بما اأن المنتدى اليومين اللي فاتوا تاخرت بالكتاية
خلونا نرد حق اليوميات​

بالويك اند شوي خرتها لأني لحد الحين معدتي ما تعودت على الاكل القليل بس قلت خلاص ما راح اخربط نفس اول تدرون لما خربطت بالويك اند معدتي قامت تعورني عشان جذي قلت خلاص

يوم الاحد كان الاكل وايد وصج عجبني
يابولي على الريوق فول وخبز وانا احب الفول يمي يمي
والغداء معكرونة خضار مع جبن لذيذة
السناك براوني مو ذاك الزود
والعشاء كساديا خضار كانت عجيبة عموما انا احب المكسيكي

بالنسبة حق الجلسات الجود خذيت الجلسة الثانية تبون الصج بديت احس بالفرق الصراحة شوي في اماكن شدت كانت فيها وايد تعرجات بدت تخف شوي بس لازم الماي وايد اشرب طول اليوم ماي

ولزيادة الخير قلت خل ادور على تمارين خفيفة يمدني اسويها باي حزة حتا لو ماعندي وقت ولقيت خوش موقع عجيب حاط تمارين حق كل جزء بالجسم وايد حلو الموقع
http://www.fitnessmagazine.com/
دشوا على قسم الوركاوت وايد حلو

ام اليوم الاثنين كان الريوق بيغل مع جبنة ومربى حلوين بس الغداء والعشاء مماداني اشوف شنو اليوم ان شاء الله ناوية اجرب التمارين البسيطة واذا عندى وقت العب زومبا او بلاتيس ان شاء الله باجر ابلغكم شنو صار :n2006107:

 

[بنت بن فهد]

ماشاء الله عليج بالعافيه حبيبتى
وان شاء الله اتشوفين الفايده
واذا اضبطت سالفه الجهاز معاج صج ان شاء الله بحاول اسوى نفسج لانى احتاج حق الارداف وايد

بالتوفيق حبيبتى وناطرين اخبارج ​

 

[sweet_fatooma]

ان شاء الله ابلغج اول بالاول شنو نتايج الجهاز

 

[Baby^Bop]

موفقه حبيبتي ان شاء الله تصيرين مانيكان بالصخة والعافية طبعا

وياريت اليوميان اول باول عشان نتشجع

وجم رقم لوفات وين مكانهم واكلهم شلونه ؟؟؟؟؟؟

 

[Q8stylle]

ماشاء الله عليج بالعافيه حبيبتى
يارب تضعفين بصحة وعافية حبيبتي

 

[حجيه هيونه]

يالله حبيبتي بالتوفيق وشدي حيلج ولا تخربطين حرام تقطين فلوس واخر شي تخربينه عشان وجبه

 

[bint_q8]

موفقه يارب

وان شاءالله تضعفين بصحه وعافيه

 

[sweet_fatooma]

شلونكم بنات شخباركم
رديت لكم مرة ثانية

ماكملتكم شنو صار امس

الغذاء كان دجاج مع مشروم بس تدرون شنو المشكلة انا ما احب الدجاج انا عموما نباتية بس مرات اكل دياي اهو حلو كان طعمه بس انا مو ذاك الزود مع الدجاج عشان جذي اتغصبه بس العشاء كان حلو خضرا مع جبن شدير حاطيلي زهرة وبروكلي وجزر مع بطاطا مهروسه وراشين عليه شوي شيدر كان حلو وامس الحلو كانت بسبوسة حيليوة

امس بعد كان عندي جلسة شد لمدة نص ساعة هذه المرة حسيت بالفرق لأن ما قام يعور نفس اول مرة قل العوار تقول لأن بدا الجسم يشد بس حسيت بفرق قولو ماشاء الله وذكرو الله بدا جسمي يلم شوي قلت لازم العب رياضية شوي لأن الايام اللي فاتت ماكان عندي وقت كان عندي وايد اشغال بخلصها ولعب زومبا امبي هذه الرياضة تخلي جسمج نفس شكيرا بس تهد الحيل

اما اليوم الثلاثاء انا غلطت غلطة كبيرة بعد طالبة دجاج ونسيت ابلغهم انا ما ابيه ابي اغيره
الريوق يابولي بانيني حلوم حلوة
والغذاء دجاج مع سبانخ ومع حبتين كوسا
والعشاء معكرونه خضار مع مشروم وجزر وبروكلي وزهرة وصلصلة بيضة شكلها حلو
والحلو اليوم أم علي يميميميمي عاد اموت عليها

بالنسبة حق اكل لوفات طعمه حلو مو بطال على رجيم ريلي يقول ماصخ بس عموما انا ماحط ملح بالأكل عشان جذي متعودة على الاكل الماصخ
كميتها معقولها مرات احسها وايد
بس اهم شي عندهم انج تشربين وايد ماي وما تشربين اي شي ثاني غير قلاص عصير او حبتين فاكه عند الغداء ويكون ما فيه شكر

هذا رقهم ومكانهم ببنيد القار يم مستوصف نسيت شنو اسمه عمراة صفره بازرق
22250650
تروحين عندهم ويدخلونج على دكتورة تغذية تحدد لج شنو نوع اكل شكثر لازم تنزلين وبعدين تعطيج منيو وتنقين لمده اسبوع شنو اكلج
بعدين اهي تحدد الكمية وانتي تحددين متى يوصل الاكل
وشنو نوع الاشتراك عندهم وايد انواع اشتراكات

 

[Baby^Bop]

تسلمين حبيبتي وعسى ربي يحفظج من العين وينولج الي ابالج ياارب

 

[وردة النرجس]

رد : تجربتي مع خسارة الوزن بهذا الصيف

الله يوفقج يارب وتنزلين وتحققين الهدف

بس بصراحة انا لوفات ماجربته الا أوردر توصيل وطلبت بيتزا وماعجبتني موهالكثر

بس انصحج تجربين دايت كير وايد حلو أكلهم لذيذ

 

[ii DareeN ii]

رد : تجربتي مع خسارة الوزن بهذا الصيف

بالتوفيق ان شاء الله

 

[sweet_fatooma]

السلام عليكم شلونكم

اليوم الاربعاء صارلي 7 ايام اليوم ان شاء الله موعدي مع التغذية ادعولي ان شاء الله ضعفت ونزل وزني

اليوم على الريوق بسكوت مالح اللي على زعتر مع لبنة شكل حلو
والغداء حطولي لازانيا خضار
والعشاء خضار مع جبنة نفس اول امس
والسناك كيكة جزر
ان شاء الله يكون حلوين

امس لعبت شوية بلاتيس اعور وايد تشوفون الحركات بسيطة بس تذبح وايد تشد لعبت الشريط اللي ياي مع فتنس الكورن فليكس وايد حلو الشريط ومدته 20 دقيقة يعني ما يعطل

تتوقعون ضعفت اليوم ولا لأ

امس وحده ما كانت شافتني اسبوع يوم شافتني امس تقولي لامة وشوي ضاعفة ان شاء الله الله يسمع منها

راح ارفق لكم برنامج الاسبوع اللي فات شنو يابولي حق اللي تبي تسوي رجيم شراكم
كل اسبوع احط لكم الجدول بس برنامجي يصلح اكثر شيء النباتيين لان ما احب اللحومات مثل ما تدرون يادوب دجاج ولا راح اشيله الاسبوع الياي ان شاء الله
هذا الفايل

 

[sweet_fatooma]

شفيكم ليش محد رد اليوم

 

[sweet_fatooma]

شلونكم شخباركم
امس كانت اول مراجعة لي والحمد الله عدت على خير الحمد الله نزلت 2 ما شاء الله وغيرت برنامجي خليته كله نباتي وايد احلى شراكم بالفايل اللي ذيك المرة حطيته جنه محد شافه

خلونا من الفايل اليوم كان ريوقي توست مع باذنجان وجبنه وطماط حلوة
والغذاء بف باستري مع خضار
والعشاء برجر خضار مع شبيس
والحلو حبتين كاكاو مع فستق

بديت اتعود على كمية الاكل الي تنحطلي صار عندي عادي
بس المراجعة اكدت لي لازم اشرب وايد ماي عشان اطرد السموم واضعف
ادعولي الاسبوع الياي اكون ضعفت اكثر

وان شاء الله الاسبوع الياي بالعب رياضة اكثر
ما يندرا شلون نتايج النحت اليوم تتوقعون ضعف سانتيات او لأ
اقولكم ان شاء الله المرة الياية

 

[^^DADDIES GIRL^^]

مشكوره على موضوعج بصراحه حده مفيد كملي

 

[مساء مونترو]

موفقة حبيبتي...

 

[Miss sensitive]

عليج بالعافية
الى الاماام باذن الله