تجربتي مع خسارة الوزن بهذا الصيف

[sweet_fatooma]

شلونكم بنات وين التشجيع مو مشكلة الحين الكل لا عي يحضر حق رمضان نفسي امس الصراحة بسوق الديرة بغيت انهار على سمبوسك سكة الدعي احبها وايد بس صبرت واستحملت وقاومت الحمد الله قلت يالله انتحمل لي يوم الجمعة
اليوم يابولي على الريوق صمون حلوم يعني انا مو ذاك الزود مع حلومهم بس تغير
والغدا كشري بنجربه مالهم عاد امي تسويه يهبل ما يندرا عن شغلهم
والعشاء تورتيلا 3 اجبان والسناك ام علي ذيك المرة كانت حلوة ما يندرا عن هذه المرة
اليوم بعد بروح سوق الديرة يعني ما في رياضة بس شنو قمت اسوي قبل ما اروح على الدوام اقعد على كرسي اللي شريته من تلي سين 10 دقايق 5 على البطن 3 حق الريل 2 حق الايد قبل ما اروح الدوام وايد يسد النفس حتا ما تشتهين تاكلين عقبه يخض الجبد
نشوفكم ان شاء الله باجر

 

[لانويت اقسى ازيد بحناني]

السلام عليكم ورحمة الله وبركاته

مرحبا

شلوونج سويت فطومه ؟؟

الله يقوي ارادتج وتضعفين على صحه وعافيه وخير أجمعين يااااااااارب

انا متاااابعتج ومعاااج

شدي حيلج يابنت مافي مثل الضعف وررررربي حلووووو


بس سويت بصراااحه ودي أسوي رياضة زومبا وبلايتس اللي تقوولين عنها

بس ما أعرفها ماعليه تقولينها لي أو تشرحينها بلييييييييز وأكووون ممنووونه لج


الله يجمعنا معاكم بالفردووووس الأعلى يااارب

أنا عرسي بالعيد وباقيلي 8كيلو ياادوووب يمديني

ومااسكه نفسي عن الاكل حييييييييل

الكل لاااحظ علي ضعفت كثيييييير

بس بعد يبيلي

الله يضعفني ويضعفج على خير وصحه وسعاده يااااارب

أختج

لانويت أقسى أزيد بحناااني

 

[Mona Lisa]

موفقه يا رب

 

[sweet_fatooma]

مشكورة على التشجيع
حبيبتي لانويت اقسى ازيد بحناني اذا تبين تلعبين زومبا اهو في حلين في وحده تدرب كويتية بجمعية الثقافة النسائية بالخالدية اسمها رنا العماني اشتركي معاها او اذا ماعندج وقت وما تقدرين شوفي اشرطة زومبا ما تنباع بالكويت يعني لازم طلب من اميركا بس في حل حلو اللي انا سويته اذا عندج بنامج التورنت اللي ينزل افلام دخلي الموقع وكتبي ZUMBA تتطلعج وايد اشياء انا احب العب ZUMBA LIVE بس هذا شوي متقدم في حق المبتدئين ZUMBA BIGGNER ZUMBE CARDIO PARTY همن عجبين ومدتهم اقصر اهم ترى نفس الحركات بس زومبا لايف مدته ساعة والباجي 30 دقيقة واذا كلش كلش ما عندج تورنت روحي يوتيوب حطي ZUMBAويطلعج تمارين لما تملين من عددهم اما البلاتيس انا ماخذته من علبة فتنيس الكورن فليكس قبل شهر نزلوه بالجمعية سهل وحلو وما يتعب ومدته 20 دقيقة بس همن ما ليقته الحين ينباع نفس الشي روحي التورنت ونزليه كتبي pilates biggner او اليوتيوب وايد ترى فيه اذا تحبين الرقص لعبي زومبا كل يوم وشوفي جسمج شلون راح يتخصر نفس شاكيرا بس تحذير لازم تشربين ماي وايد لأن ترى تعرقين وايد واحلى شي فيها ما تحتاج لبس معين اي شي لابسته حتا لو مو لابسة جوتي رياضة ان شاء الله اكون فدتج

 

[sweet_fatooma]

شلونكم بنات ونستوني على التشجيع نكمل حلقات فطومة للضعف امس همن كنت بالمباركية انا مبدعة بس قلت بخلص سوالف القرقيعان ما لي خق بعدين والله رحت وعندهم شغلات حلوة بس تخسين من الحر ما شاء الله الدنيا حارة
هذه المرة سويت نفسي جني ما اشوف سمبوسك سكة الدعي امش واغمض جني هبلة
المهم اليوم ودي اروح التغذية ما ادري ادق عليهم لأن باجر شوي مشغولة ما يمديني اروح شكلي ابي ادق اروح اشوف وزني واغير جم شي
تبون الصج اشتقت حق اكل البيت بصراحة يملل كل يوم اكل غير عن البيت بس احسن شي بتجربة لوفات ان عرفت مقدار الاكل اللي اكله اكتشفت اني اخربط عصاير اجبان خبز مرات صلصات كل هذه كنت حسبالي ما يمتن طلع اهو سبب متني الحين اكل عادي يبونه بس شنو عصير واحد باليوم صلصات قفشة وحدة اول انا اغرق الشي صلصة ان شاء الله ما اعيد اغلاطي اللي فاتت
لوفات اكلهم حلو الحين عرفت اذا ابي اطلب اكل دايت راح اخذ منهم دايت كير ما عجبني خذيت من الجمعية لوفات طعمه احلى دايت سنتر استغفر الله كلش مو حلو
اليوم يابو حقي على الرويق تورتيلا مع بيض وسبانخ حلوة
الغدا لازانيا خضار
العشا خضار مع الجبنة ما حبيتها وايد ذيك المرة اليوم ان شاء الله اذا رحت ابي اغيرها اذا موجودة الاسبوع الياي
السناك كيكة جزر نجربها اليوم
اطالع اذا رحت ان شاء الله اليوم باجر اقولكم شنو صار مع الميزان
_shh_:

 

[لانويت اقسى ازيد بحناني]

تسلمين ياقلبي سويت فطومه

بالتوفيق ياااارب

وأنا معااااج دايما

أشجعج وأشجع كل أنثى تهتم بنفسها

وإن شاااءالله أشوف قصة هالتمارين

ويااااارب نضعف على صحه وعافيه

وبعدين صح سويت فطومه في شغلات كثيره غلط بأكلنا وتونا نكتشف الأخطاء

يلا درووووس لنا لبعدين

بالتوفيق ياقلبي

ولاتنسين احنا معاج ~_^

 

[Blonde B]

فطووووووووووووووم
كملي كملي
يا رب مايجي العيد الا وانتي نازله 15 كيلووووووو
قولي اميييييييييييييييييييييييييييين
=)

 

[مخروووشة]

عفيه عليج

ماشاء الله

كملي تتعبين الشوي بس النتيجه تسوى

 

[sweet_fatooma]

شلونكم بنات شخباركم مشكورين وايد على التشجيع
امس اخ من امس امس كان يوم غريب عجيب
شوفو شنو صار معاي

امس وقفت على ميزان اخوي قلت خل اطالع وزني قبل باججر يعني اليوم اذا زايدة او لأ او ناقصة المهم وقفت ولا يحطني 99 صكت فيني الدنيا رديت نزلت وقفت ولا 99 بعدين مرة ثالثة ولا 98 .9 :eh_s(16):قلت في شي جان احط بنتي ولا وزنها صح مضبوط قمت ابي قلت اكيد من بابا جونز اللي كليتها السبت اهي السبب سويته فلم هندي:eh_s(16): بالبيت انا ما كنت ادري ان ميزان اخوي على المزاج يطلع الوزن المهم رحت دقيت على لوفات قتلهم ضروري ابي موعد اليوم جان تقولي اوكي في مجال وركضة اروح العصر المركز بس شنو الغلطة اللي سويتها ان يوم رحت كنت توني مخلصة غدا ما صارلي نص ساعة يوم وقفت على الميزان لا نفس وزني الاسبوع اللي فات 97 جان تقولي انتي متى ماكله قتلها توني جان تقول غلط كان لازم تكونين ما اكله قبل ساعتين على الاقل عشان جذي ما ادري اذا نازلة او لأ بس احتمال كبير كيلو نازلة قالتلي تدرين شلون انتي باقيلج اسبوع واحد بتين تخسرين فيه صح قتهل اكيد قالتلي تستحملين قتلها كله اسبوع اتحمل قالت راح اقلل الكمية النص نقي تبين الغدا او العشا قتلها الغدا بليز جان تقول اوكي راح تصير 1000 كالوري باليوم بس موتقولين تعب قتلها عادي اتحمل كل اللي باقي اربع ايام نتحمل قالت اوكي يعني من يوم الاحد ان شاء الله راح تقلل نسبة الاكل اوكي عاد ان شاء اكون نازلة جم كيلو على القحط اللي راح يصير :botetoo: عندي الحين موعد ان شاء الله يوم الاربعاء اذا رمضان ان شاء قالت راح يكون فطور سناك وسحور واذا لا نفس كل يوم الله العالم شنو راح يصير بس ان شاء الله هذا الويك اند خلاص راح اكون حازمة مع عمري نو خرابيط وايد

امس صار مستيك بعد رحت معرض الغذاء واحوس واحوس ولا يعطيني واحد بسكوته خذيتها واكنت اكبر غلطة بس شوفو شنو سويت بعدها كليت بسكوته واحدة وشربت فنجانين عصير برتقال وعرموط وكليت سمبوسك وحدة وكاكاوة وحدة صغير واربع حلاوات جلي صغار حيل وخذيت عشاي وعطيته ريلي قتلها اكله انا خلاص تعشيت مشيت وايد عشان احرق اللي كليتها بس لحين احس بتأنيب الضمير على اللي كليته بالمعرض

اليوم يابولي توست مع بيديان يمي يمي :eh_s(9):
الغدا بف باستري مع خضرا
العشا برجر خضار يمي يمي حلوة مالتهم ذيك المرة اعجبتني
ان شاء الله نبلغكم يوم الاحد شنو صار معاي بالويك اند
نشوفكم على خير

 

[maryam22]

بالتوفيق وان شاءالله تلتزمين اكثر

 

[sweet_fatooma]

شلونكم بنات شخباركم شسموين ما بقالي شي اخلص الاشتراك بس اخر ثلاث ايام واكمل شهر واحطلكم نتايج المقاسات هذا الويك اند كان بخاطري سمبوسك وجباتي مو تدرون صارلي جم يوم اشهاهم ورحط ولا خليت بخاطري شريت وكليت
اخر ثلاث ايام اشتراك راح يبولي نص الكمية لأنها مالت التغذية على قولتها ابيج تضعفين اسرع يعني اليوم
الريوق كانو يابيلي خبز توتيلا مع جبن وبيض وخس نفس حجم اول بس الغدا يابين نص الازانيا ونص حجم الكنافة وحبتين ارضي شوكي مع جبن حق العشا اوكي نتحمل هل جم يوم ان شاء الله اكون نزلت فيهم واطلع نيو لوك حق رمضان قولو آمين واطلع بعد نيولوك حق العيد
ادعولي ان شاء الله

 

[missnohaa]

بعد قلبى ادعيلج بالصحه والعافيه وان شاء الله توصلين حق الوزن اللى تبينه
وواصلى ولا تياسين حتى اذا تقدرين تمشين :ada: امشى
قولى انا ارادتى قويه وياجبل لا يهزك ريح
روحى كملى وتوكلى على الله وانا بشجعج :ggdw::ggdw::ggdw:

بالتوفيق ان شاء الله​

 

[ميوما]

شدي حيلج وناطرينج

 

[sweet_fatooma]

مشكورين بنات
امس اول يوم بنص الكمية كان اوكي شبعت بس اشوي العصر حسيت بيوع جان اشرب سفن اب دايت لأن ما في سعرات حرارية مع اني مع احب الغازات بس شسوي ابي شي ما في سعرات غير الماي وطمعه حالي بديت احس بثقاة بلبس مع ان ما نزلت كيليوات وايد بس احساس يمكن من تشجيع البنات لي بدوام
اليوم يابولي خبزة صاج مع لبنة وزعتر وخيار وطماط
الغدا معكرونة مع جبنه
العشا 2 فاهيتا مع صلصة مكسيكية
باجر اخر يوم لي مع لو فات
بس تدرون ما راح اروح موعد التغذية يوم الاربعاء لان ما عندي وقت بروح الصديلية واطالع وزني احسن واسرع

 

[missnohaa]

موفقه ياقلبى وان شاء الله اتبشرينا بالنزول

 

[sweet_fatooma]

واي بنات ماشاء الله صارلي شهر على الرجيم اليوم كملت 31 يوم من اشتراكي بلوفات وباقيلي جلسة واحدة تذويب حراري وجلستين شد واخلص المرحلة الاولي ونبدا عاد بالمرحلة الثانية اللي اهي شهر رمضان المبارك برمضان ما راح اشترك شركات التغذية بحاول اني اعتمد على عمري واغير من عاداتي بالأكل وخاصة ان رمضان وجبة وحدة امس ما كان في شي يديد بس اللهم اني كليت حلاوة بغلط من بنتي بس ما اتوقع تأثر وخاصة بأن حجمها حيل صغير
اليوم يابولي على الريوق تورتيلا البيض
الغدا بطاطا باشميل
السناك ابل باي
العشا تورتيلا خضار
الحين راح احطلكم كل اللي البرنامج الشهر اللي فات

الأسبوع الأول
الوزن :101كيلو
اليوم الوجبات
الأربعاء
14/7/2010 الفطور : 2 فاهيتا صغيرة الحجم بيض مع سبانخ
الغداء : رفيلوي مع جبنه مع عصير برتقال مقدار نصف صحن الشركة 6 حبات
السناك : كب كيك موز مع تفاح عدد واحد
العشاء قطعة صغيرة بيتزا ( حجم بيتزا الفيصل بالكيس)

الخميس
15/7/2010 الفطور : بيقل متوسطة الحجم محشية بكريمة حامضة مع خس وطماطم وخيار
الغداء: صدر دجاج مشوي مغطاة بصلصة بيضاء مع ملعقة بطاطا مهروسة وحبتين بروكلي مع عصير برتقال
السناك:كيكة صغير تمر
العشاء:همبرجر دجاج داخل خبز مدر نخالة مع خس وطماطم وملعقة صغيرة مايونيز

الاحد
18/7/2010 الفطور: فول مدمس مقدار 3 ملاعق مع خبز واحد اسمر المطاحن وقطعتين خيار وطماطم
الغداء: معكرونة حلزونية بمقدار الصحن مع فلفل اخضر واحمر وملعقة صغيرة برمزيان
السناك: قطعة صغيرة بمقدار الابهام براوني
العشاء:3 قطع تورتيلا محشاة بقليل من جبنه الشيدر والخضار

الاثنين
19/7/2010 الفطور : بيقل مع ملعقة مربى وقطعة جبن كيري قليل الدسم وحبتين عنب
الغداء:قطعة صدر دجاج مشوية محشية بالمشروم مع صلصة ليمون وملعقة بطاطا مهروسة وحبتين صغار جزر
السناك:قطعة صغيرة بسبوسة
العشاء:خضار بالجبنة زهرة وبروكلي وجزر مغطاة ببطاطا مهروسة ورشة جبنة شيدر

الثلاثاء
20/7/2010 الفطور: بانيني بالحلوم جرجير وملعقة بستو وزيتون مقطع
الغداء:صدر دجاج مغطاة بصلصة السبانخ وحبتين كوسا
السناك:3 ملاعق أم على
العشاء:معكرونة فراشة بالخضار والصلصة البيضة مشروم جزر بروكلي زهرة

الاربعاء
21/7/2010
مراجعة
الساعة 4:30 الفطور:قبضة يد من اصابع بسكوت الزعتر اليابس الطوال مع لبنة مقدار ملعقتين
الغداء:قطعة لازانيا خضار كبر لازانيا بيتزا هت بصلصة الحمراء
السناك:قطعة ضغيرة كيكة جزر
العشاء: خضار بالجبنة زهرة وبروكلي وجزر مغطاة ببطاطا مهروسة ورشة جبنة شيدر


























الأسبوع الثاني
الوزن :99كيلو
اليوم الوجبات
الخميس
22/7/2010 الفطور : قطعة توست اسمر محشاه بجبنة شيدر وطماطم شرائح وجرجير وباذنجان مشوي بالفرن
الغداء : فطعة بف باستري الحجم المتوسط محشاة بالخضرة ومغطاة بقليل من الجبنة
السناك : حبتين شوكولاته مغطاة بالفستق كور
العشاء : برجر خضار مع 5 حبات بطاطس مقلية وملعقتين صلصة مايونيز

الأحد
25/7/2010 الفطور : خبزة صاج واحدة مقسمة إلى قسمين فيها جبن فلادلفيا وخيار وطماطم وزيتون
الغداء: نودلز خضار مقدارة بادية الكورن فليكس المتوسطة
السناك: حلو الاريو مقدار 4 ملاعق
العشاء:بريشتا ارضي شوكي 3 حبات

الاثنين
26/7/2010 الفطور: خبزة صاج مع جبنه سلايت مع طماط وخيار
الغداء: معكرونة وجبن مقدار صحن الكورن فليكس المتوسط
السناك: حبتين كبار كاكاو هرشيس كسس
العشاء: فاهيتا 2 مع خضار 2 ملعقة عيش ابيض

الثلاثاء
27/7/2010 الفطور : 1 بانكيك مع ملعقة سيرب قليل الدسم
الغداء: بطاط مع باشميل مع مشروم قطعة نفس حجم لازانيا بيتزا هت
السناك: كيك هش بالجوز والكريمة خفيفة
العشاء: 2 كاسديا خضار حجم متوسط

الاربعاء
28/7/2010 الفطور: 2 فاهيتا بيض مع سبانخ
الغداء: رافيولي جبن 6 حبات مع صلصلة بيضة
السناك: مافن موز
العشاء: توست اسمر مع باذنجان بالخضار عدد واحد

الخميس
29/7/2010
مراجعة
الساعة 5:30 الفطور:بيقل مع كريمة حامضة وخيار
الغداء:برياني خضار حجم صحن البادية
السناك:كيكة تمر
العشاء: توستة واحدة اسمر مع بيديان وجبن وجرجير وطماط



الأسبوع الثالث
الوزن :97 كيلو
اليوم الوجبات
الخميس
22/7/2010 الفطور : بيقل مع كريمة حامضة وخيار
الغداء : برياني خضار حجم بادية الكورن فليكس
السناك : كيكة التمر
العشاء : ساندويش باديان مع جبن وطماط وجرجير

الأحد
1/8/2010 الفطور : 3 ملاعق فول وخبز واحد اسمر وخيار
الغداء: معكرونة حلزوينة مع صلصة بيضة وبازيلاء حجم صحن الكورن فليكس
السناك: براوني
العشاء:كاساديا خضار حجم وسك حبتين داخلهم فاصوليا وصلصة حمراء وجبن

الاثنين
2/8/2010 الفطور: بيقل مع ثلاث حبات عنب احمر كبار وع واحد جبن كيري و2 ملعقة مربى
الغداء: معكرونة رافويلي جبن 8 حبات مع صلصة بيضة
السناك: بسبوسة
العشاء: بيتزا جبن حجم بيتزا الفيصل واحدة

الثلاثاء
3/8/2010 الفطور : بانيني حلوم مع جرجير
الغداء: كشري مع جقوس حجم الصحن الكورن فليكس
السناك: ام علي 4 ملاعق
العشاء: تورتيلا 3 اجبان جحم وسط حبتين

الاربعاء
4/8/2010 الفطور: توتيرلا مع بيض وسبانخ حبتين متوسطتين
الغداء: لازانيا خضار حجم بيتزا هت
السناك: كيكة الجزر
العشاء: خضرا مع جبن حجم لازانيا بيتزا هت







الأسبوع الرابع
الوزن :97 كيلو
اليوم الوجبات
الخميس
5/8/2010 الفطور : توست مع باذنجان وطماط وجرجير وجبن
الغداء : بف باتسري واحدة خضار حجم متوسط
السناك : حبتين كاكاو
العشاء : برجر خضار مع 6 حبات بطاطا شبيس

الأحد
8/8/2010 الفطور : 2 خبز تروتيلا مع بيض وجبن وخس
الغداء: نص قطعة لازانيا خضار
السناك: قطعة صغيرة كنافة
العشاء:حبتين خبز فرنسي مغطاة بارضي شوكي وجبنة

الاثنين
9/8/2010 الفطور: صاج واحد مع لبنة وزعتر وطماط وخيار
الغداء: معكرونة جبن حجم الصحن مال المورن فليكس
السناك:شيز كيك فراولة حجم قطعة صغيرة كبر الابهام
العشاء: 2 فاهيتا متوسطة خضار مع صلصة مكسيكية

الثلاثاء
10/8/2010 الفطور : 2 تورتيلا مع بيض
الغداء: نص مقدار اللزانيا مالت بيتزا هت بطاط مع باشاميل
السناك: ابل باي صغيرة
العشاء: تورتيلا 4 حبات صغار خضار

ها شرايكم حلو حق اللي تبي تاخذ افكار

 

[sweet_fatooma]

سؤال ليش ما يطلع توقيعي الصراحة ملاقة كل مرة ما يطلع
المهم ببرنامج رمضان راح يكون من ي انا يعني انا احط المقادير واسوي الأكلات واشوف وان شاء الله انزل برمضان حوالي بعد 5 كيلو
ان شاء الله راح يكون يوميا اقولكم شنو فطوري سحوري وشنو الحلو اللي كليته وشنو لعبت رياضة وسويت شرايكم
معي ان شاء الله

 

[sun_kisses]

عساج على القوة

وان شاءالله توصلين حق هدفج باقرب وقت

Good Luck :eh_s(9):

 

[sweet_fatooma]

مشكورين وايد وايد انكم ساعدتوني هذا الشهر والله ايام بغيت انهار بس من اتذكر المنتدى اقول لأ في بنات يتابعون يومياتي اللي راح ابين لهم ان في ارادة والإرادة تسوي شغل وتنزل الوزن
مشكورين

 

[وحش الريم]

تونني اشوف موضوعج ووايد استانست علييج بالف عافيه..........بس شدي حيلك وكملي مو تخورينها برمضان
كل الاطباء يقولون انه اول 3 كيلوات اهي المصيبه بعدين كل شي عادي.........
انا توني منزله ريجيم عبد الله المطوع من المنتدي وانا وولدي بنمشي عليه ...........انا ابي 6 كيلو واهو بعد
بس بغيت اسالك عن جلسات الشد ......تسوي صج والا كلام
وبالتوفيق يا بطلة............