تجربتي مع خسارة الوزن بهذا الصيف

[sweet_fatooma]

عيدكم مبارك شلونكم بنات واي من زمان ما كتبت
خلص رمضان وخلص معاها الايام الحلوة يالله الحمد الله ان شاء الله الله يرزقنا شوفته السنة الجاية ان شاء الله
شمسوين
واي العيد ياني خربطت بس سويت كنترول باليوم الاخير بعد شنسوي مطاعم وجبات سريعة والحلو والكل ياكل بعد شنسوي
اليوم رديت على برنامج الدايت
من اول بس هذه المرة بروحي مو مع لو فات
شوفي شنو اكلي اليوم
الريوق : 1 صمون اسمر مع قفشة فلادفيا نكهة العسل
3 ملاعق توت بري مثلج خليته يفج من ثلجه وصار جنه فرش
1 كوب شاي اخضر
الغدا : خضار سوتيه مع عصير برتقال
السناك 6 حبات بطاطا شبيس ليز بالملح
العشا : 1 صمون اسمر مع هوت دوق توفو مع ملعقة مايونيز قليل الدسم وملعقة كاتشيب وجبنه شيدر شريحة خفيفة
شرايكم
وان شاء الله راح اداوم على الزنجبيل ترى وايد زينة الخلطة احس فرقت معاي والرياضة ونشوف ان شاء الله اضعف قبل العرس وتطلع البدلة طلعة عجيبة

 

[ميوما]

السسلام
فطووم ولكموو
شلونج
وبالعافيه يارب
زين تسوين شدي حيلج
جم صار وزنج اللحين ؟

 

[شيهانة الكويت]

رد : تجربتي مع خسارة الوزن بهذا الصيف

السلام عليكم يعطيج العافية اختي فطومة
وان شاء الله تضعفين وانا بعد وياج ان شاء الله ،بغيت أسألج ليش ما تكثرين السلطات؟والله يوفقج يارب أختج أم حسين

 

[sweet_fatooma]

شلونكم شخباركم مشكروين على السؤال انا الحمد الله زينة بس لحين وزني وقف برمضان مانزل يعني لحيني على 96 الحمد الله ما زاد
تبين تعرفين اني ما اكثر من السلكات انا اقولج ليش السلطات فيها صلصات والصلصات تمتن انا اكل الخضرا نيا يعني متى ما يعت كليت خس خيار طماط اي شي او مطبوخ بالبخار ما احط معاه لا ملح ولا زيت انا ما اكتبهم اهني لأن على حسب يوعي يعني اذا يعت وما لقيت شي اكل خضرا

امس لعب ما شريط كيم امبيه يشد ويخلي جسمج يعوررررر لحد الحين احس اني مكسرة بس عادي لأن بالبداية بس ترى قوي الشريط حده بس يبيله ستبس قلت اذا فضيت ان شاء الله امر اشتريلي واحد
اليوم سلمكم الله ريوقي كان 1 تورتيلا حجمها كبير مقطعتها نصين مع بيض بجبنه الناشوز ومشروم فريش
والغداء معكرونة جبنة مع عصير برتقال
والسناك عصير فواكه مثلجة توت مثلج مع فراولة مثلجة مع مانجا مع حليب
العشاء 2 حبة تاكو مع فاصولياء طماط وجبنه شوية
بتلاحظون ان اكلي وايد فيه من المكسيكي انا احبه المكسيكي عشان جذي
امس قايست البدلة اللي شاريته حق الحفلة وايد فرقت على باللبس وايد صارت احلى بس بعد يبيلها شوي توقعون يمديني الحفلة باقيلها اسبوعين
؟؟؟

 

[sweet_fatooma]

شخباركم بنات شمسوين
امس انتظمت بالاكل وما خربطت الحمد الله ولعبت مع شريط كيم الصراحة احس صج من فايدة هذا الشريط
بس يبليه اشتري ستبس قلت بمر السوق يمكن بعد جم يوم واشوف اسعارهم
اليوم حبايبي ريوقي كان 2 بيقل صغار واي احب البيقل طعمها صج عجيب وحده مع مارجرين وخيار والثانية جبن فلادلفيا مع طماط
الغدا ان شاء برجر خضار مع شوي مايونيز وكاتشب وجبن سلايس وعصير برتقال
السناك في بالجمعية يبعون نفيش للرجيم علبته صغيرة مكتوب على 99 كالوري قلت باشتري واحد تغير
العشاء صمونة باذنجان وطماط او من سب واي على حسب لان احتمال اطلع وما القا شي صحي
شرايكم بالاكل زين ولا وايد

 

[ميوما]

اهلييين فتووما
اي شدي حيلج
والاكل حلو بس ما جربتي يكون لايت كله
يعني مثلاً كاتشب لايت
جبن لايت
مايونيز لايت
جبن سلايس لايت
واذا خذيتي من سب وي خليها تكون سمرا
وشششدي حيلج عساج ع القوه

 

[بنوتة كيوت!!]

رد : تجربتي مع خسارة الوزن بهذا الصيف

ما شا ء الله عليج .. إن شاء الله توصلين للنتيجة اللي تبينها على خير .. بس خبرينا كم صار وزنج؟

امممم .. وعلى الموقع اللي حطيتيه قبل < اللي فيه تمارين .. الفيديوهات ما تشتغل ليش؟ < هل لازم برنامج معين لها ..

< بليييز ردي متحمسة اسوي التمارين اللي ع الموقع .. ^^"

 

[sweet_fatooma]

مشكورين ما تقصرون على السؤال
امس الصراحة كليت بطاط شيبس النفس ما تشتهي بس كنت حاطته بالفرن يعني مشوي ما في دهن كله من بنتي ابي بطاطا اخرتها كلت 2 وانا الباجي
اليوم تريقت توستة مع جبنه وشربت شاي اخضر غداي معكرونة خضار وسناكي نفيش بدون ملح ولا زبدة وعشاي صمونة متنوعة قليلة الدسم من صب واي
هذا الاسبوع ما راح اقدر العب تمارين لأن عندي وايد اشغال برتب اغراضي ان شاء الله بسافر اسبوع الاسبوع الجاي وايد عندي حوسة تدرون اغراض بنتي لوية عشان ما انسالها شي
الله يعيني بسفر اصعب شوي كنترول على الوزن ان شاء الله اصبر على المغريات
ادعولي

 

[sweet_fatooma]

شلونكم بنات
واي امس خرتها خرتها حدي بدعت بالاكل مو تعرفون لما الحلوة الدورة تعلق ما تبي تنزل وتصيرين بالوعة الفريج اي شيء تاكلين هذه الحالة اللي صارت فيني امس الصراحة يوم قمت الصبح انغثيت وحسيت نفسي بطة والمصيبة للحين معلقة واي ملاقة نزلي خليني ارتاح تعبت وجبات وحوسة
ان شاء الله اسوي كنترول اليوم

 

[ميوما]

فتووم
شخبارج
لالالا نصيحه سوي كنترووول لا تخربطين وايد
حتى لو خربطتي جربي تحرقين جاي اخضر اعشااب
ديري بالج

 

[sweet_fatooma]

امس قست وزني وطلعت نازلة كيلو واحد وايد استانست وهذا رفع معنوياتي وخلاني اليوم اقرر ما في خرابيط خلاص
لاتخافون امس طحت على الدارسين ةلالزنجبيل والجاي الاخضر لما حسيت ان معدتي كلش فولت
اليوم تريقت صاج حلوم مع سبانخ يمي يمي وايد لذيذ مع 3 حبات سمبوسك سبانخ
والغدا للحين ماقررت والعشا بعد
ان شاء الله اشوفكم الاسبوع مو الياي اللي وراه لأني ان شاء الله مسافرة وابلغكم شنو يصير معاي بسفر وجم كيلو انقص وشنو يومياتي هناك
ادعو لي ما بقى شي على العرس لازم اطلع نيو لووك

 

[sweet_fatooma]

امس قست وزني وطلعت نازلة كيلو واحد وايد استانست وهذا رفع معنوياتي وخلاني اليوم اقرر ما في خرابيط خلاص
لاتخافون امس طحت على الدارسين ةلالزنجبيل والجاي الاخضر لما حسيت ان معدتي كلش فولت
اليوم تريقت صاج حلوم مع سبانخ يمي يمي وايد لذيذ مع 3 حبات سمبوسك سبانخ
والغدا للحين ماقررت والعشا بعد
ان شاء الله اشوفكم الاسبوع مو الياي اللي وراه لأني ان شاء الله مسافرة وابلغكم شنو يصير معاي بسفر وجم كيلو انقص وشنو يومياتي هناك
ادعو لي ما بقى شي على العرس لازم اطلع نيو لووك

 

[فوشيه عجيبه]

up

up

up

up

 

[sweet_fatooma]

شلونكم بنا توني رادة من السفر والسفر شسوي ينيت خايفة ازيد وعرس بنت خالي اليوم الثاني على طول وطول اليوم اذا كليت قمت اشرب يمكن بالوم 5 قلاصات شاي اخضر مع زنجبيل من الخوف وادهن عمري بالزنجبيل ومشي ومشي
بس الحمد الله ما زدت ولا كيلو انا ما هامني انقص بالسفر لاني على طول من اكل مطاعم على طول انتفخ بس اشوه الحمد الله
اليوم بديت مرة ثانية رجيمي وتكملتي للوزن المثالي واخيرا اللي عندي نطق وقال بين عليج الضعف افف ما بغينا ننطق
بس صج يوم الحفلة فرقت على وايد ناس قولون وايد ضاعفة شنو مسوة حلو جسمج صار
خلوني اتشجع الصراحة
اليوم ريوقي كان توتسة سمرة مع جبن سلايس وطماطم وشويت مايوزنز وشاي ابيض يقولون احسن من الاخضر يشد الجلد ويوخر السلوليت وزنجبيل
الغدا ما قررت للحين
والعشا ان شاء الله خبز سمرة مع بيضة
شريت من السفر من برج زمزم صابونة المغربي الزنجبيل وكريم الزنجبيل للتنحيف من حواي وادي النحل الصابونة حلوة والكريم اليوم ان شاء الله راح ابدا فيه مع شورت الحراري ونشوف على قولته يشد ويمنع الترهل
وخذيت من الصيديلة حبوب اوميقا 3 عشان تساعد بعد خو تدرون ادوية السعودية وايد ارخص من الكويت قلت فرصة
نشوفكم ان شاء الله باجر ونقولقكم شنو صار معاي اليوم

 

[sunshine22]

رد : تجربتي مع خسارة الوزن بهذا الصيف

حبيبتي الله يتمم عليج

بس مارديتي على سؤال اغلب البنات


جم صار وزنج وبخلال جم شهر ؟؟؟؟

 

[sweet_fatooma]

انا الحين وزني 95 كان وزني شهر 7 - 101 يعني بالضبط نزلت 7 كيلو في 3 شهور تقريبا وايد زين لأن دكتورة التغذية بلوفات لما رحت حقها قالتي بخلال 6 شهور او 7 شهور راح توصلين ان شاء الله الوزن اللي تبينه المناسب حق شكلج وحجم عضامج يعني ان شاء الله اذا كتب الله اكون وصلت وزني بشهر 12 ادعو لي بس الله يسهل علي

 

[sweet_fatooma]

شلونكم شخباركم شمسوين امس كان في كنترول الحمد الله الصراحة مع الجاي الابيض صج يشبعاو والاخضر
امس تريقت قتلكم توسته مع جبن ومايونيز وطماط وكان غداي 3 ملاعق معكرونة خضار وشوربة جزر والسناك كليت 3 كاكاوات جالكسي جولري الصغار حيل ولعب تمارين كيم حق البطن لأني مقسم التمارين يعني سبت واثنين واربعاء حق الفخوذ واحد وثلاثاء حق البطن والزنود والجمعة ايروبيك عشان كل يو محق شي ومايصير تركيز على مكان واحد والعشا تعيشت توستة مع جبن فلادلفيا مع 5 اكواب نفيش مع ملح حيل قليل عشان النكهة بس وشربت طبعا قبل النوم شاي اخضر مع بابونج وسوالف اعشاب

اليوم ان شاء بتريق توستة مع جبن فلادلفيا بس قبل ما اتريق باشرب شاي ابيض احسن على الريج عشان يشبع
وي نسيت اقولكم امس بعد دهنت جسمي بالكريم الزنجبيل اللي شريت من حواي السعودية امبيه حده عجيب حار ريحته نفس الفكس ولبست الشورت الحراري ولعبت الرياضة لما غسلت تحسين الجلد حيل ناعم بعدين دهنت بنيفيا باي باي سالولايت هذا المنتج عن جد يسوى الواحد يشتريه

 

[*نور الكويت*]

الله يتمم عليج

 

[sweet_fatooma]

هاي بنات شلونكم شخباركم شسموين
امس ما مداني العب رياضة لاني كان عندي مشوار وما مداني بس الصراحة كنت بدوام حوسة لما قلت بس
امس تغديت برجر خضار بتوست اسمر وارع حبات سمبوسك خضار وعصير والسناك مالي كان 3 حبات تمر
اما العشا فخضار مشوية مع خبزة سمرا بس
اليوم ان شاء الله راح العب رياضة بس قبل كل شي عندي ترتيب بشقة بعد حوسة السفر والجناط لوية
اليوم تريقت توستة سمرة مع جبنة فلادلفيا بالعسل يمي يمي
وشربت 2 شاي ابيض يقولون لازم تشربين 2-4 باليوم عشان يحافظ على البشرة والجسم
طعمه حلو جنه شاي اخضر
نشوفكم ان شاء الله باجر

 

[فـرفـر]

ماشاء الله
انا ابي 6 كيلووووووووووووو
ماعرف اصك حلجي شلون