تجربتي مع خسارة الوزن بهذا الصيف

[sweet_fatooma]

شلونكم بنات شخباركم

اها الويك اند ليحين ما تعدلت شوفي الجعمه مع اليمعه خربطت لما قلت بس بس السبت المشكلة اني ما كلييت شي بس يوم صار الليل مت من اليوع وكان طالعين جان اطلب ماكدونلز اهيء اهيء لحين احس بتأنيب الضمير تدرون
ماعلينا نعوضها ان شاء الله بهذا الاسبوع

اليوم بنات يابو حق على الريوق خبزه صاج محشينها جبن فلادلفيا مع طمام وخيار وزيتون حلو طعمها كان
والغذاء يابيلي نولدز خضار شكلها اوكي
والعشاء خبز برشيتيا وحده مقصصينها 3 انصاف ومحشينها ارضي شوكي
والحلو حلو الاريو يمي يم

امس رحت ادور جهاز الغزال الطائر بقو سبورت شنو زحمه ومخلص كل شي فاضي مو مسوي سيل 75 % ومفضينه ومالقيت الجهاز جان اقولهم ابي الكرة الكبيرة ولا نفس الشي مخلصة معندهم شي حسافة اليوم قلت يمكن العب بيلاتيس او زومبا بطن افكر واقولكم باجر ان شاء الله
نشوفكم على خير

 

[sweet_fatooma]

واي امس حاشني عوار ظهر مو طبيعي كله من حركة كنت مسويتها من جم يوم غلط كانت ببلاتيس جان ادهن حرار لألام المفاصل وادفا وانام اليوم اشوي ارحم العوار خف شوي بس شكلي حتا اليوم بدهن
خلونا من كل هذا
شوفوا صار مع لوفات عقب ما حصلوا زفا مني حظرتهم في الظاهر احد مشترك يديد بالفريج ورايحه السيارة حقه اول مع انا منقية اول طلبية تكون عندي الساعة 6:50 ما ياتني السيارة الا 7:10 جان ادق على الشركة وازفهم قتلهم ما لي شغل باجر عندي 6:50 مو كيفكم من قالكم تحطون معودين مع بعض انا مشتركه قبل المهم اليوم الساعة 6:50 والاياي يركض قلت اوكي نفع معاهم
اليوم يابولي خبز صاج مع جبن سلايس وطماط وخيار
والغدا معكرونة وجبنه
والعشا فاهيتا خضار
والحلو حبتين كاكاو
شكله حلو اليوم
امس ما لعبت بلاتيس لأن يابين كبت يديد وصاير عندي المكان حوسة ولوية الله يعيني اليوم على الترتيب

 

[sweet_fatooma]

شلونكم بنات ليش محد يرد بس اشوف مشاهدات شجعوني ردوا
ماعلينا
امس الصراحة مارتبت طلعتلي ستين الف شغلة وكنت حيل تعبانة ما مداني العب رياضة ولا ارتب
ان شاء الله اليوم اسوي شغلي
اليوم اكلهم بانكيك وحده بس جنه شوي يعني لو حاطين على الاقل ثنتين شوي ارحم ما حسيت انها شبعتني
والغدا حاطلين بطاط مع باشميل اوكي المقدار
وكيكة حق العصر عادي شكلها
والعشا يمي يم كاساديا خضار
ما بقا شي على يوم الخميس موعدي الثاني ان شاء الله اكون نزلت شوي لأن احس هذا الاسبوع ما تحرك شي
امس طلبت كرسي الدوار من تيلي سين حق الخواصر والكرش والفخوذ طلبنا انا واخوي يطلع 59 دينار مع هدية اليوم يوصلونه عاد اقولكم شلون شكله بالصج واذا من ه فايدة شكله حلو يحطون داعيته بفنون تقدين عليه بس 10 دقايق باليوم يعني ما يعطل

 

[just-me]

صباح الخير

ياليت ماتزعلين من رايي

انا اقول اختصري التعب ووفري الفلوس واخذيها

من الاخر واستخيري وسوي تدبيس واذا كلامي مومقنع

الله يوفقج ويزيد من ارادتج ويقويها

بس بتعيشين للابد بريجيم ما اعتقد ..موفقة يارب

 

[sweet_fatooma]

هذا مواصفات الجهاز اللي طلبته
هذا شكله وبعض التمارين اللي عليه وشنو يضعف وحق اي سن
http://www.ehealthsupplies.com/ib3-health-circulator-hawaii-hula-chair.aspx

 

[sweet_fatooma]

just me التدبيس جم سنة صارله 20 سنة اكثر تدرين حبيبتي البنج الكامل شنو يأثر على الجسم اذا انا ماني محتاجه بنج ليش احط نفسي موفق مو حلو
حبيتي العمليات هذه محد يدري شنو مضاعفات لحين ما بدت تطلع وانا ضعفت من قبل بارادتي 25 كيلو بس مع الحمال زاد وزني بس الحين ان شاء الله ناوية انزلهم واني ما أحمل على متن لأن كانت هذه غلطتي حملت على وزن عالي بس انا شفت وايد ناس سووا التدبيس وصارت اشكلهم جنهم مرضى ما اتوقع ايي اليوم اللي فيه ايأيس واغامر بعمري هذه وجهة نظر

 

[@فطفوووطه@]

الله ينولج اللي ببالج وان شاء الله توصلين للوزن اللي تبينه

 

[sweet_fatooma]

شلونكم بنات شخباركم
واي امس فاتكم خلصت نص الحوسة اللي عندي واي 4 ساعات من الترتيب المتواصل
حده تعب ما لعبت رياضة قلت كفاية الترتيب
امس بعد يابوا الكرسي اللي كنت طالبته من تلي سين ولا شكله حلو جربته قعد عليه عشر دقايق بس قلت اليوم بطول اكثر ان شاء الله
اليوم يابولي على الريوق بيض مع سبانخ محطوط في فاهيتا حلو نفس الاسبوع اللي فاات
الغدا رافيلوي جبن
والعشاء توست بالبيديان
والحلو مافن موز
الحين احس ان معدتي صغرت قمت اشبع من اكلهم صار عادي
في ناس قاموا يحسون بالفرق يقولولي ضاعفة الحمد الله
الله يستر باجر موعدي تووقعون ضعفت هذا الاسبوع انا خايفة ان ثبت

 

[NeloFaR]

الله يوفقج ان شاء الله و تنزلين بصحة و عافية

قولي لنا عن نتايج الجهاز .. صج ينفع و الا لأ .. و لازم معاه رياضة ؟

موفقة ان شاء الله

 

[sweet_fatooma]

الجهاز انا حسيت في فرق بس ترى له شروط يعني لازم اقل شيء تشربين 2 لتر ماي ياليوم وقبل كل جلسه لازم تشربين 2 قلاص ماي وتحاولين قدر الامكان ان تبتعدين عن المقالي يعني مرة بالاسبوع اوكي اي شي في دهن مركب والافضل انج تمارسين رياضةو لو مشي 20 دقيقة او 30 دقيقة او انج تتحركين وايد باليوم عشان الدهن ينزل ويتحرك بس انا حسينت في فرق بدا شوي جنزي يكبر ويلم الجسم اهو شسوي يوزع الدهون اللي متركزة مكان واحد على الجسم كلها يعني انا عندي دهون مترمكزة بس بالفخذ من جهة الجوانب اهي تحاولي تذوب الدهون الصعبة واللي يبقى توزعه عشان ما يبين ويصير شكل الجسم منحوت ترى الممثلات الاجانب وايد هابين فيه بس يعني اذا بتسوينه سوي معاه رجيم عشان تشوفين الفايدة بسرعة

 

[ميوما]

موفقه
شدي حيلج
بس شنو كان رجيمج قبل ؟

 

[رومانسيه وحنونه]

الله يحقق لج ولى الرشااااااااااقه ,,, قولو أمييييييييييييييين

 

[نور الدنييا]

ياللله تحقق الي في بالج وتضعفين بالعافيه وتصيرين احلى وحده بالمنتدى

 

[-*دلع*-]

ان شاءالله توصلين للوزن اللي تبينه بصحه وعااافيه

 

[sweet_fatooma]

مشكورين حبايبي على التشجيع
اليوم ان شاء الله عندي مراجعة بالعيادة ان شاء الله اكون نزلت امس وناسة في بنات من زمان ما شفتهم بدوام امس شفتهم والكل يسأل شمسوية شمسوية وايد ضعفانه حيل صج ارتفعت معنوياتي مع ان كل اللي نزلت 2 كيلو بس جسم لم مع الجهاز
اليوم لوفات يابولي بيقل مع كريمة حامضة وخيار يمي يمي يمي لذيذة ان احب البيقل
والغدا برياني خضار قلت بجرب العيش مالهم
والحلو تارت التمر واي عجيبة
والعشا ساندويش بديان مع جبن همن حلو لأني احب البيديان
امس رحت شريت كرفس يقولون زين حق العظام وينزل الوزن ويسد النفس قلت خل ناكله
وكملت ترتيب شقتي وما لعبت رياضة اعتبرت هذا رياضة
بس تدرون قاعد احس بنطروناتي بدت توسع شوي من عند الخصر وايد بس الفخوذ شوي وسعت
باجر الويك اند الفري مالي وناسة نقولكم ان شاء الله الاحد شنو صار معاي

 

[SWEET18]

ماشاء الله وااايد حلو 2كيلو في اسبوع
استمري علشان احنا بعد نتشجع

وانشالله تضعفين بصحه وعافيه

 

[sweet_fatooma]

شلونكم بنات يوم الخميس كانت مراجعتي والحمد الله نزلت 2 كيلو قولو مشاء الله وايد استانست مو شوي حسيت في انجاز بس هذا الويك يوم الجمعة كان تقريبا اوكي خربطت بس كله اكل بيت شوي كليت فطاير وسمبوسك مقالي بس كنت شوي مشتاقة بس السبت واي لأ تغديت برا وتعشيت همن من برا غداي نودلز ومفاصوليا خضرا مقلية وعشاي امبيه لأ شسويت بيتزا بابا جونز احس اني نهرت قمت اكلها جني ملهوفة مو شافيه اكل من زمان
بس قررت اليوم لأ ان شاء الله ابدا رياضة عن جد قعدت الصبح 5 دقايق على كرسي المساج قبل ما اروح الدوام وقلت ان شاء الله اذا رديت اقعد بعد 10 دقايق وبعدين العب رياضة العصر زومبا او بلاتيس على حسب
هذا الاسبوع اهو الاسبوع الثالث الحمد الله ان شاء الله نصبر
يابو على الريوق فول مع خبز اسمر وخيار وطماط
الغدا معكرونة ببزاليا خضرا وصلصة بيضا
السناك براوني
والعشاء كاساديا يمي يمي احب هذه الاكلة
ان شاء الله هذا الاسبوع بعد اضعف ان شاء الله على شهر عشر اكون خسرت نص الوزن عشان اصير فرق عليهم

 

[brendyshoo]

رد : تجربتي مع خسارة الوزن بهذا الصيف

موووفقه حبوووبه

 

[sweet_fatooma]

بنات نسيت احط لكم برنامج الاسبوع اللي فات

 

[sweet_fatooma]

شلونكم بنات شخباركم
امس كان اوكي لعبت رياضة بدال ما اكمل ترتيب غرفة بنتي قلت تغير عشان ما امل من الترتيب لعبت زومبا واي هاللعبة هذه شنو تونس وتهد الحيل بس فيها مشكلة انا ما اقدر العبها كل يوم لأن طلع المؤخرة ما شاء الله انا وايد صغير اهي عموما تخصر الجسم انا العبا يوم وترك يوم اهي يوم بلاتيس عشان الشد اليوم يابولي
بيقل يمي يمي مع مربى وعنب وجبن
معكرونة جبن
بسبوسة
وبيتزا جبن اهيء اهيء بس حق الحرة حجمها وايد صغير تحر
احلى شي ان بدا يبين عليه الفرق وايد بنات معاي بدوام يقولون ماشاء الله ضاعفة ومبين عليج
ان شاء الله اوصل حق وزني هدفي