تجربه كل عضوه في الليزر فقط ( المشاركه في التجربه و ليس الاستفسار )

[aBoOoRa]

انا جربت مكانين

الاول في الرحاب


بصراحه شغلهم مو شي وحرقو ويهي


الثاني ياكو ابولو واااااااايد زين

معهد صحي ممتميز وخدمتهم حلوه وفي ممرضات ودكتور وكل شي ومواعيدهم اوكي ووايد مرتاحه معاهم


واسعارهم تهبل


يعني انا اسوي ويها عندهم بدايه مع فتح الملف 45 بعدها 35 بعدها 33 بعدها 30 وجذي ينزل السعر كل مره 3 دنانير

 

[meyow]

مشكككككككككككككككككككككككككككككككككككككككورين على هالمضوووووووع الهام والعصري جدا ( اهم شي العصري)

يا بنات لاازم نسوي حملة لا للشعر الزائد يعني ما يصير احنا ورياييلنا واحد لازم تصير فينا انوثة والأنوثة ما تكتمل الا عند اكتمال الثقة بالنفس والثقة بالنفس ما تكتمل الا عند اباااااااااااادة الشعر ابااااادة كاملة من الجسم


انا مقررة من زمان اسوي ليزر انشالله ومحتارة بين دار البراء أو كير كلينك بس اللي استنتجته من كلام البنات ان كير كلينك جهازهم ابرد


المهم انا اقول حق كل وحدة خايفة لا تخافين توكلي على الله والناس صارلهم سنين يسوون ليزر لو في شي يخرع كان منعوه باجر عيل نص حريم الديرة بيرفعون قضايا على العيادات

وما راح يصير فيكم شي الا اللي الله كاتبة سواء سويتي ليزر او لا

وشعار حملتي

NOOOOOOOOOOOO MOOOOOOOOOOOOOOre Sha3ar

على قولة مرام خله يروح الله لا يرده

 

[محكمة الفريج]

آنا جربت بمليون مكان
كان دايما ليزر بليزر بليزر
ليما طحت على جهاز الـ ipl وهذا شي روعة
عند وحدة صينية بميدان حولي طبعا مو عيادة
لأن وزارة الصحة مصرحة للصالونات إنهم اييبيون هالجهاز بس ممنوع الليزر لأنه خطر
الجهاز ما يحرق وله مميزات وايد :
1- يشيل الشعر أفضل من الليزر يعني الجلسات أقل
2- الجلسة سريعة بلأن راس الجهاز كبير وياخذ مساحة كبيرة
3- ماااااااكو ألم
4- ماكو حروق
5- يفتح
6- ينعم
ولما تشيلين بيتم فترة أسبوعين يطول بعدين يبدي يطيح بطريقة
هذي تجربتي بعد عذاب الليز
انتقلت الحين إلى راحة الـ ipl
خليت كل أهلي وربعي يروحولها هالدكتورة الصينية ( بصالون مو عيادة )
وبصراحة النتايج جدا مرضية الحمدالله

بميدان حولي .. تعرفين البنزين اللي جبال مطافي السالمية على الدائري الرابع ؟
فيه جدام المطافي يو تيرن .. تاخذينها وتردين يصير البنزين على يمينج
بعدين تدخلين شارع هارون الرشيد
وأول دخلة يمين بشارع هارون الرشيد تاخذينها يعني الشارع اللي ورا البنزين
تمشين جدام تلاقين على يسارج بوحدة من العمارات يافطة وردية مكتوب عليها "بودي آرت"
رقم الدكتورة 97354489 وإسمها "سيا"
وترا هذي دعاية لهم بس الله يشهد مو لأني مستفيده .. آنا حابه تجربون الفرق بين الليزر والـipl
وعليكم بالعافية بالنتايج مقدماً

اها نسيت بجم الجلسات عندهم

بصراحة آنا ما أحسبها بالسعر لأن بالليزر احتجت جلسات وايد علشان أحصل النتيجة اللي حصلتها بجلستين بالـipl
وميزة الجهاز إنه يفتح البشرة وما يحرق ولا يعور
يعني آنا ما أحب أناقش بالأسعار لأني أشوف جسمي يستاهل أدلعه
اللي أعرفه من أسعارها :
الوجه بـ40 دينار
الرجل كاملة بـ160
الشارب بـ10
اليد كاملة مع تحت الإبط بـ120
تحت الإبط بروحه بـ20
البيكيني بـ45
الأسعار عادية نفس الباجي بس شغلهم وحدة وحدة وتعطي المناطق اللي تعالجها حقها
مو نفس العيادات الباجي كلفته بكلفته وإنتي من العوار ما تصدقين متى تخلصين
والله من وناستي عرفت كل أهلي ورفيجاتي عليها
ورفيجاتي يابوا رفيجاتهم وأهلهم
وسلسلة ......

آنا جربت كذا مكان .. بس صارلي فترة مثبته على الدكتورة الصينية لأني وايد شفت فرق
حتى تحسفت إني كنت أقط فلوس على العيادات ومو محصلة غير الحروق والعوار اللي يذبح
آنا بشرتي وايد حساسة من جذي وايد حريصة
الليزر مشكلته الثانية إن الوحده لما تسوي منطقة فيها شعر خفيف نفس الويه بيخشن الشعر وتطول الشعرة بشكل قبيح
يعني آنا أول ما سويت ويهي ليزر كان الشعر خفيف .. بس الليزر كثر الشعر بويهي وااايد
قمت سويته ثلاث مرات بالليزر بس النتيجة كانت وايد سيئة
أما بالـipl سويته للحين مرتين وبين كل مرة ومرة فوق الشهرين وما كان يطلع .. ووايد خف الشعر والشعر الطويل مات
بصراحة لو أحصل ليزر بنص سعر اللي قاعدة أسويه الحين ما أرد

أختي جربت طيبة كلينك وتمدحه :dddds:

منو جربت مركز البدع الي في الرقعي

رفيجتي جربت طيبة وتقول يحطون على power وايد ضعيف حتى إذا قلتيلهم إنج مسويه قبل
هذي مشكلة العيادات
يبيونج تردين وتردين وتردين ........... إلى مالا نهايه
رفيجتي الثانية صارلها سنة تروح بو شهري وللحين الشعر ما راح
مع إن شعرتها يبره يعني مفروض جلستين ثلاث تموت الشعره
آنا أخر مره سوت ليزر كانت بإنترناشيونال كلينيك وقلت حق رفيجتي تروح من باب التعريف
كانت الجلسه عذااااااااااب
الحين آنا وكل رفيجاتي نسوي IPL عند الدكتورة الصينية
والحمد الله وااايد راضين بالنتيجة
حتى اللون فرق معانا
سويت فخذي كذا مره ليزر وكان الشعر كل مره يرد
بس مع هالجهاز شي رووووعه
من أول جلسه الشعر اختفى واللي طلع يديد وناعم
شلته بجلسه ثانية والحين جنها ريل ياهل
هذي تجربتي .. والله أعلم بالنيات

 

[corola]

أختي جربت طيبة كلينك وتمدحه :dddds:

منو جربت مركز البدع الي في الرقعي

 

[om7am0o0od]

السلام عليكم :

أنا امسوية ليزر كل جسمي والنتيجة روعة 6 جلسلت + 6 جيك آب 900 د ك0 يعني تدفعين 900 للكورس حق الجسم كله
عند عيادة المنار كلينك بالسالمية

تحياتي:ggdw:

عيادة المنار مالت حسين دشتي مو؟
انا اللي اعرفه ان الدكتورة اللي عندهم كانت عند بوحمرا ندا او فدا ما اذكر بس كانوا يمدحونها حيييييل
اذا ب 900 حق 6 جلسات ممتاز وايد
ياليت تقوليلنا النتيجة وجم جلسه سويتي وشكثر ياخذ الشعر على مايطلع؟
وتسوين الجسم كله بجلسه وحدة ولا على دفعات؟
واهم شي السعر يشمل الظهر والبطن؟ لان في عيادات يقولون الجسم كله بس بدون الظهر والبطن

 

[D!@MOND]

اسم المركز: (لندن كلينك )

عنوانة :
الفنطاس
المناطق التي ازالتها :

الابطين=20
البطن=20
الظهر=20
الوجه=15
البكيني=20
الايد كامله=40
الرجل كامله=40

كم جلسة لكل منطقة : حسب نوعية الشعر

عيوبة او حسناتة : (مثل طريقة تعاملهم - زحمة او لاء - اهتمامهم ومواعيدهم )

بالنسبه لي اول مره اسوي عندهم كنت مسويه قبل هالمره عند بيوتي تك سويت 6 جلسات بس مافادتني وسويت عند الصالح اللي بخيطان نفس الشي واللي يسون لي فنيات بس بالنسبه للندن كلينك الدكتوره نفسها اللي تسوي وهالشي طمني وان شاء الله استفيد

 

[حبيبه امها]

السلام عليكم
شلونكم بنات ؟
انا حبيت اضيفلكم تجربتي مع الليزر

انا بلشت فيه من 5 سنين ... ادري وايد بس مرات اطول لين ما ارد يعني مثل الايد على دور السنة يالله اروح

اول مكان رحتلة .. عيادة د دلال التركيت ... كانوا زينين بس عيوبهم ماشاء الله الزحمة .. واسعارهم اغلى من الباجي
بعدين رحت لطيبة كلينك .. طبعا اول ما رحتلهم كانوا حيل فاضي الي عادي اي وقت تروحين من غير موعد
وكملت عندهم بس ما شاء الله الحين زحمة حيييييييل .. عيوبهم هالنطرة طبعا والمواعيد بعيدة ...
بس الممرضات الي يسون وايد ممتازين

مرة وحدة سويت عند كير كلينك ... لا باس فيهم بس فضلت اني كمل مع طيبة كلينك بما انه ملفي عندهم ..

اعذروني اني ما قدرت افيدكم بالاسعار لانه تدرون كل ما زدتي الجلسات قل السعر فناسية السعر الاساسي الي بديت فيه
بشكل عام وايد استفدت منه .. بس في بعض المشاكل الي واجهتها مثل :
- لما سويت الابط شوي بعد مدة حسيت بالم. فوقفتة ... فبما اني ما كملت ما اختفى بس قل وايد صار حيل خفيف
- الوجة لانه الشعرة صارت حيل ناعمة فبدت ما تقدر تطلع ... فطلع بدالها حبوب فعالجتهم الحمدالله

بس بنات عندي سؤال .... مرة دكتورة قالتلي انه الشعر ما يختفي نهائيا يعني ما تصيرين ملسة ...بس يسير حيييييييييل خفيف هذا اقصى شي يقدرون يوصلولة ... انتوا شرايكم ؟[/center]​

​

​

 

[Om_Ksha]

بنات انا سويت ليزر ريولى عند طيبة كلينك الحمدالله وايد ارتحت عندهم بس آخر مره السستر بطت جبدى حسيت انها ماسوتلى عدل وبنت خالتى تقولى شنو اهما يعرفون شغلهم جان اقولها حتى انا اعرف هاذى مو اول مره صدقينى ماسوتلى عدل,,

وعدل كلامى ريولى طلع متناثر فيها صوب في وصوب لا ,, بس عموما بنطر يطلع كلة وبروحلهم مره ثانية ,,


بس بنات مالاحظتو انه يصير خشن ومثل متشقق ؟؟

انا ريولى احسهها خشنه ومثل في شعر داخلى شي جذي مع انه قبل ايام الشيره كانت ناااعمه ,,؟

 

[redangle]

صراحه الموضوع وايد حلوه ويفيد البنات انا اليوم كانت اول جلسه الابط عند دكتور محمد المشاري بعد بحث طويل على مو احسن وصراحه كل وحده على حسب شنو نوع البشره و نوعية الشعر وصراحه كنت خايفه بس لا خوف بعد اليوم اهم شيءالراحه

 

[corola]

بنااااات منو جربت مركز البدع الطبي الى في الرقعيوشنو شلتي عنهم ودي اشيل شعر الساق

 

[مناوي]

بنات انا اليوم كانت اول جلسه لي عند البريطاني .. بغيت اسالكم عقب الجلسه حطت لي ميبو لكن بعد 6 او7 ساعات قام يحرني المكان اللي شلته قمت حطيت عليه ميبو وخف شوي .. السؤال هل الشي عادي طبيعي ؟ ولا انا حسس جسمي منه ؟؟ بلييييييييييييييييز ردو علي ):

 

[Zaina1982]

الموضوع حلوو واااااااااايد

 

[بناتي كل حياتي]

مشكورة و يعطيج العافيه على الموضوع الحلو

 

[bedour18]

انا جربت جلسة ليزر وحده بس في مركز معروف عند الرومانية للأباط

مت مت من العوار بغيت ابجي بس النتيجه

مو طبيعية و فتحت المنطقة بعد

 

[الناطعــه]

مشكوره عالموضوع

صراحه انا رحت عيادتين

الاولى واهيا عند هناء العدساني

اسم المركز: (اللي عالجت فية بالليزر ) عيادة هناء العدساني لعلاج الغدد الصماء

عنوانة :بالجابريه

المناطق التي ازالتها :الرجلين+ الابط

اسعارة :180 للرجلين و20 دينار للابط يعني غاليه وايد

كم جلسة لكل منطقة : تقول حسب هرمونات الجسم قالتهلي احتاج 5 جلسات

عيوبة او حسناتة : (صراحه اللي عجبني فيهم ان يدقون غليج قبل موعدج بيوم يذكروونج اما شغلهم للاسف ما عجبني لان اول شئ حطوا على اريوولي ماده مثل البودر لونها اسود وبعدين لبتنس نظاره والسستر لبست نظاره ويابت الجهاز وطبعا اذبحتني شويه وقعدت معاي 3 ساعات على ما خلصت شلون تحملت لا تسئلووني بالاخير صار لون شعر ريلي اشقر وقالتلي شيليه بشيره وراح تشوفين الفرق وان ما راح يطلع الا بعد فتره طويله اي طويله ماصار اسبوعين الا رد طلع وجهزها ما يمنع الشعر نعائي لا بس يخفف من نموه ؟؟؟ ما عجبني وما رحت لها بعد )

اما العياده الثانيه الرووعه


اسم المركز: (اللي عالجت فية بالليزر طيبة كلينك )

عنوانة :صباح السالم - مركز طيبة كلينك - قسم الجلديه ليزر

المناطق التي ازالتها :الوجه وخاصه الزلوف والرجلين

اسعارة :الوجه 50 وكل جلسه ينزل 10 د.ك الرجلين نسيت للاسف لان من زمان مسويه

كم جلسة لكل منطقة : 4 جلسات وما طلع ليه يومج هذا

عيوبة او حسناتة : ( طريقة تعاملهم زينه حلوه -عيبهم الوحيد ان زحمة موووووووووووت - اهتمامهم ومواعيدهم اي يدقون عليج قبل الوعد يذكروونج اذا تبين موعدج او تكنسلينه وتقوولج تعالي الوقت المحدد لج مثل الساعه 3 الظهر ارووح واقعد انطر ليه ال6 ايي دوري
بس الحلو فيهم ان عنايتهم حلوه والشعر ما طلع انا سويته من قبل 3 سنين بس ليلحين روووعه وتعطيج دهن تحطينه بويهج نفس ريحة اللون )

 

[Asrarie]

انا وحده من البنات امدحت لي بودي ارت سنتر وحده صينيه تسوي وجهازهم مو ليزر نسيت اسمه ,, سويت ويهي كله كاامل 40 لا عوار ولا شي ولازحمه دقيت خذيت موعد ورحت على طول نص ساعه انا خالصه وحتى بعدها ويهي ماحرقني ولاحساسيه ولا شي مع ان انا ويهي حسااس ,, مبدئيا اول جلسه ارتحت واذا كملت راح اقولكم النتايج

هذا رقمهم اللي تبي 25663808

 

[خليفة العظماء]

بنات أنا سويت لرجولي كامله عند ياكو أبولو وصراحه خوش عياده وامدحهم ,, بس أنا مابي مقتنعه بلي يعلمونج عالجهاز وانتي تستخدمينه للمنطقه الحساسه اصلا مايدش العقل هذا ليزر بنات تدرووووون يعني شنو ليزر خطر أصلا ممنوع تمسكين الجهاز ألى اذا كان عندج شهاده مضمونه شلون بس بالوصف تعلمج عليه وتخليج تسوين بعد مو لأي مكان للمنطقه الحساسه أحطر مكان في جسم المره أكيد راح يأثر عليج والى تسوين شئ غلط ,, أنا رفيجتي مسويه البكيني عند طيبه وغطو عيونها وعفيه ومحد يدش الغرفه وبكل حذر تستخدم الجهاز ,, مادري موداش عقلي

 

[خليفة العظماء]

بنات انا نشاء الله عرسي بشهر 9 الجاي اذا الله عطانا عمر ’, وسويت أرجولي كامله , ودي أسوي منطقه البكيني بس خايفه أنه موزين ويعور, تكفون بنات فيدوني منو الي مسوي؟

 

[nadoshka]

انا اسوي عند هناء العدساني وليزرها يهبل ومو مثل ما تقول الاخت الناطعة. الريول عندها ب 80 دينار من فوق لتحت مو 180 وتعاملهم واااااااااااااااااااااااايد زين والدكتورة تقول ان الواحدة عادة تحتاج خمس جلسات على الاقل بس بعض الناس ياخذون اكثر وبعضهم اقل.. فانت وحظك. شوفي شلون جسمك مع الليزر ويمكن تطلعين من المحظوظين اللي يخلصون بسرعة

 

[احلام النهار]

بنات متى اقدر استعمل الشيره؟

او اظل دائما استعمل موس وحتى لو انتهيت من الليزر؟