تجمع الدكتور ( حيان الاحمد )

[مذهلة2013]

هههههههههههه ياحلوج كوكيز

 

[katrina90]

حبيبتي كوكي عسل انتي والله..

امين يارب وياج ياعمري

 

[مذهلة2013]

الي بالثامن المراجعه كل جم اسبوع؟؟؟؟؟؟؟؟؟؟

وبالتاسع المراجعه عنده كل جم اسبووع؟؟؟؟

 

[كوكيز بالكريمة]

يسعد صباحكم

موووله الحلى انتي والله

كيتو فديتج عسوله .. هذا بعض مما عندكم

صرت احجي نحوي بعد هههه

بالنسبه للمراجعه بالثامن كل 3 اسابيع و بالتاسع اتوقع بيخلينا كل اسبوعين

مع انه قبل بوﻻداتي الدكاتره غير كنت بالثامن كل اسبوعين وبالتاسع كل اسبوع

 

[كوكيز بالكريمة]

سلاااام عليكم ياااا حلوااات

وينكم صخه من غير شر

بسأل عن الطبيات من خذت من عند الدكتور ..؟؟

كلمت سستر هدى سوت لي اسبوع 3 ايام و يومين زين اذ ابي زياده يعني هم اسبوع بعد عادي يسوون ؟؟

اخوي يقول الخاص حدهم اسبوعين ورى بعض بس ؟؟ انا بخاطري ثلاث اسابيع او اربع و راح و اولد إن شاءالله

بنااااات اللي عندها علم تقولي بليز

 

[مذهلة2013]

قصدج هبه ؟

عادي حبيبتي كلمي هبه وقوليلها ابي مرضيه زيادة

انا طالبه ورقه تقرير مجلس طبي كلمت السكرتاريه وناطره الرد

لانه مو مستعيله عليها

بس دقي و ذكريهم احسسن

 

[مذهلة2013]

انا خذيت طبيه 4 ايام

بس كنت عند الدكتور ببدايه حملي نزل علي دم ومانعني من الحركه وعطاني مرضيتين وحده ب 3 ايام وثانيه بيوم

 

[كوكيز بالكريمة]

هبه كله اناديها هدى ههه حتى اهو ضحك علي مره قال تزورين بيانات ممرضتي ههه

اي بلغتها وقالت اوكي لي موعد ابره عندهم إن شاءالله و باخذ الطبيات منها و بسألها و اﻻ باجر اتصل عليها و اقولها تسويلي زياده بس مستحيه شقول يمكن اهو متشدد ما يعطي اﻻ اذ الحاله كلش مع انه شاف تحاليلي و قالي انتي ﻻااازم ابر مستعجله ﻻنه ماكو وقت يبيلي 6 ابر ع اﻻقل على 6 اسابيع يعني بتخلل قبل الوﻻده عشان مفعول اﻻبر يسري بجسمي

 

[مذهلة2013]

كوكيز
ههههههههههههههه تزويررر
بالعكس ماراح يقول شيء انتي الحين الي فيج يكفيج ثقل وفوق هذا تاخذين ابر

بصراحه انا هبه احسها نفسيه :\ مااتقبلها ههههههههههه

 

[Om_Ksha]

بنات أنا سويت سيرج عنه ونويت ان حملت براجع عنده بس استغربت من المواضيع القديمه لاحظت وااايد بنات عندهم 25 مشاركه يمدحونه دعايه هالحجي لمواضيع قديمه هالشي شكك بمصداقيته عندي احس لو دكتور شاطر مايحتاج يدز مساعداته يمدحونه ويرفعوله بكل موضوع فشرايكم !!! أنا مو مستعيله على رزقي بس مشكلتي احب التخطيط ولاداتي كلها حريم ف 3 ولاده احس غير لازم تضبيط اكثر ومستحرمه اروح عند ريال بس من تجارب الكل انه الريال اشطر وأحسن بالخياط ودكتورتي كنت مرتاحتلها بس جنه بدت تخورها فمادري كنت حاطه ببالي اراجع عنده أنتو شرايكم تنصحون فيه او في غيره زين خاصه التضيق بالولاده احس فشله أولد عند ريال بس شسوي كل ما اسوي سيرج عن دكتوره اخترعت من الأخطاء اللي تسويها حتى الريال مو معصوم عن الغلط بس اشطر من المره أحاول اقنع نفسي بهالشي ولريلي نوعا ما متقبل بس ابي اسم دكتور زين اعتمد عليه

 

[مــتــنــحــة]

اهلين ام كشه

انا اعرفج من زمان بس مغيره نكي

المهم

انا اللي اقدر اقولج عنه ان الانسان خلوق ومحترم وشاطر

بالولاده ماجربته كلش

هذي اول مره لي عنده

ولاداتي كلها كانت بالهادي عند رشمي

بس كرهت الهادي ومابي ارجع له

ونفسج قريت شكثر عن دكاتره والكل يسب ويذم فيهم

يعني بين كل 10 بنات تلقين 4 يمدحون و6 يذمون

وخفت ورحت له

بس للحين متردده اولد عنده بكل امانه لاني مستحرمه هالشي بعد

اهو للحين كلش ماكشف علي من تحت ووقت السونار مايطالع ويخزخز عشان جذي للحين مكمله وياه

بس بالولاده لازم اسال شيخ لاني خايفه من هالدكاتره الحريم والشاطره فيهم عادي تخون فيج وقت الولاده وماتجي

الحين يمدحون خياط ماجده اليتامى بس هم خايفه منها ومتردده

ويمدحون روبينا بالسيف وللحين ماشفتها وماادري عنها

وبالنسبه للدعايات كللللل الدكاتره يدزون بنات يمدحونهم ويسوون لهم دعايه

بس انا ارتحت لان البنات اللي يمدحونه اعرفهم بالمنتدى من زمان ومجربينه

 

[Om_Ksha]

مشكوره متنحه عالرد حاسه فيج والله ودج بخياط زين وودج دكتور ومستحرمه نفسي قريت موضوعج أنا اول ولاده لي ولدتني ليلى اشكناني كانت زينه والله بس عيبها استعيلت علي وولدتني قبل موعدي ولاني بجر مادري شنو القصه فرضيت وكليت تبن حشاج مع الطلق الصناعي وتصدقين أنا ليلحين ما أميز الخياط الزين احس كلهم زينين اهي يوم خيطتني بالنفاس حول ٢٠ يوم او اكثر مو قادرة أتحمل العوار ولادتي الثانيه مع نداء بوخضور كانت سهاله من الله رحت لهم وانا حدي واصله وطلق طبيعي كل شي سريع وعقب للولاده كللللللللش ماحسيت بألم الخياط لدرجة خفت انها مو مخيطتني عدل وقلت لها من اول يوم ولاده ماكو الم كلششش قالت لأني شاطرة ومنظفتج عدل واحسها زينه لو مو آخر سالفه قريتها جان مافكرت اغيرها بس الحين ودي اجرب ريال وفوزيه القطان يمدحونها صج ماجده اليتامى مااااادية رحت لها بالنفاس وانا وسواس قبل لا اروح لريلي حتى قلت لها احس فيني افرازات وتوني طالعه من الاربعين عطتني تحميله تجاريه ب ٦٠ دك الوحده او ٨٠ ماذكر وخفت استعملها ورديتهم رحت لنداء عطتني علاج مايكلف ٥ دك واحس صرت احسن

 

[مذهلة2013]

Om_Ksha

حبيتبي الدكتور حيان الاحمد والله للامانه من اشطر الدكاتره بالكويت
شاطر حيل حيل ومهتم بمرضاه عدل والله للامانه
انا اختي والده عنده مره طبيعي ومره قيصري ( القيصري كانت اهي تبي طالبتها منه لانه كانت توينز مع انه مو راضي اهو ) للعلم ياخذ للقيصري اغلى كان يقدر يقولها قيصري من الاول بس اهو ما همه الفلوس وحاول يقنع اختي طبيعي حاولي ليش لا بس اهي كانت رافضه الطبيعي
واعرف وحده والده عنده ،، وانا كنت مطيحه وكنت اراجع عنده قبل مااحمل والحين انا بالثامن لله الحمد واراجع عنده الحمدلله مرتاحه ويااه لابعد حدود وتلفونه مبطل 24 ساعه لو بالليل ويرد على الكل ومايكشت بالولادات وللعلم اختي بالطبيعي اول ياهل لها كان ولادتها الفير وكان يروح ويرجع عليها ... انا من تجربتي وتجربه الي اعرفهم حيان دكتور شاطر حيل وفاهم ومو مادي نفس الحريم لانه بصراحه ( بعض) الحريم همهم الوحيد الماده وفوق هذا تكشت فيج بوقت الولادة.

اذا تبين اي شيء تسالين عنده انا بالخدمه :eh_s(7):

 

[Om_Ksha]

مشكورة ماقصرتي
أنا اذا الله كتب وحملت
مفكرة اراجع عنده وقاعده احوس اقرأ عن دكاترة غيره .. مدحولي فوزية القطان قريت عنها اخترررررعت ليلحين ماكو حرمة مقتنعه فيها فبشوف الله يكتب اللي فيه الخير مشكلتى استحي حييييييل احس فشله اتكشف جدام ريال مو قادرة اتخيل الموقف واقنع نفسي انه عادي دم وولاده وارف :/ فمادري

 

[مذهلة2013]

Om_Ksha

انا بالاول راجعت عند 3 حريم
وحده بالسلام هنديه ووحده بالمواساه مصريه ووحده بمستشفى لندن مصريه :\
والله ولاوحده حبيتها كلش كلش ولا ارتحت لها كلشش
وبيني وبينج الرياييل معروف اشطر من الحريم بواااااايد بصراحه انا اقنعت ريلي انه ابي هالدكتور لانه الولادة مو سهله
وانا ماادري مومتقبله الحريم وقاريه وسامعه عنهم بلاوي شكثر ( بعض الدكاتره الحريم) واغلب الحوامل الحريم امهاتنا يولدون عند ريااييل بس اكييد كل وحده غير عن الثانيه ناس عندها عادي وناس عندها موعادي
ربي يسهل عليج ويكتب لج حمل

 

[كوكيز بالكريمة]

السلام عليكم و رحمه الله

اخباااركم عساااكم بخير

Om Kesha

الله يرزقج بالحمل السليم يااارب .. للامانه اول تجربه لي عنده و مرتاحتله ولله الحمد .. صج خلوق و يعطيج من وقته و على سالفه يدز بنات يسوون له دعايه !! ماااا اتوقع ﻻني لمن قلتله مسويلك قروب بالمنتدى قال ييه كلكن بتئولو هيك هههه شنووو تخيست وقتها هههه

انتي سألي فيها شيخ دين و استخيري .. و صج ترى الحريم خواره و مو قد الحجي و يمكن تولدج و تمشي تخلي السستر تخيطج و انتي نايمه ماتدرين عن شي .. و للامانه محترم و بالسونار عينه بالشاشه حتى لمن يحط الجل ع الجهاز بسرعه و يرجع يطالع ما يخز ﻻ بطن و ﻻ وجه و مايدش عليج بالسونار اﻻ لمن تكون السستر مغطيتج عدل و مطفيه الليت بعد لو دكتور غيره خبط لزق عساس شايف و عارف !!

اذ لزمتي دكتوره شوفي خالده المجيبل برويال حياه بنت خالتي تمدحها حييييل و ربي يختارلج اللي فيه خيره ومصلحه لج

 

[مــتــنــحــة]

انا بالمراجعات مو قادره اجرب غيره

يعطيج حقج وزياده

تطلعين منه فااااهمه ومستوعبهت

هالشي من بعد 3 اطفال اول مره اشوفه مع دكتور

قبل مع رشمي بس تهز بالراس وانا اهز راسي وياها

معاهم معاهم عليهم عليهم

بس خياطها طبعا ماكان عليه كلام صراحه

وفعلا ماجده اليتامى اصلا كل مراجعه توصل 50 هذا حق كشف وسونار بس

واذا نزلتي بتاخذين الادويه شقتنا ب40 و50 ثانيه

بس ذبحتني وحده معاي تمدحها تقول خياطها شيييي

واذا بغيتي تطلعين من الانفاس تعطيج تحميله تعطير وتنظيف من تحت

وان كل اهلها مجربينها ومايفكرون يغيرونها

بس انا متردده لاني عارفه الزحمه والدور عندها وفوق هذا الاسعار

وغير هذا بعض الدكاتره الحريم ماتجيج وقت الولاده وتدزلج مساعداتها !!!

شحادني ؟؟؟

السهاله من الله مو منهم .. اهم شي عندي الخياط صراحه

 

[Om_Ksha]

حبايبي ماقصرتو بالردود الله يرزقكم ولاده سهله ميسره كلكم يارب
أنا ان الله كتبلي حمال بستخير وبراجعه
لاحظت بالقسم ماكو تجمع دكتور غيره !! غريبه في وايد دكاترة بالكويت

خالده المجيبيل عقب سالفتها مووووقادرة ابلعها مع انه واااايد من اهلي يراجعونها ويمدحونها واهي اساسا شاطرة بالتشخيص بس سبحان الله كل واحد واللي يرتاحله

الله يكتب اللي فيه الخير ويوفقكم يارب

 

[مذهلة2013]

بصراحه انا مسويه هالتجمع
لانه لاحظت في بنات كاتبين عنه كذا شيء والي تسال عنه والي تراجع عنده
فـ حبيت احط هالموضوع والحمدلله شكثر بنات ولدهم

نفس كيكة \ جوزائية وغيرهم

 

[رتولة]

اللي تو والده تكتب لنا قصة ولادتها